我杯茶 (永興樓)

Open Now

Now Closed

MM爸好鍾意飲港式奶茶今日嚟到灣仔「我杯茶」食早餐睇個店名「我杯茶」就知老闆係個奶茶控，呢間店以「港式奶茶鴛鴦專門店」為賣點老闆宣傳單張仲寫住「以弘揚香港美食文化，傳承港人創業情懷為己任」呢度有鮮茄湯通粉系列、石斛仙草麵系列、招牌飯系列、菠蘿包系列、脆豬系統以及傳統三文治系列等等，任君選擇。今次我哋點咗雙黃鴛鴦菠蘿包及雞蛋三文治（$30）。雙黃即雞蛋和鹹蛋mix，雞蛋非常厚實，鹹蛋味道邪惡但好味，加上鬆脆嘅菠蘿包令人好滿足。蔥花雞蛋三文治嘅蛋量十足（$25），收得$25一份蛋治當然落足料，蔥味好香我平日少飲奶茶，今日都試飲一杯。奶茶茶味濃郁，甜而不膩、濃而不澀、飲落好滑溜，唔怪之得攞咗《飲食男女》Must Go Awards 2019」最強飲品店金獎。我杯茶 (永興樓) (灣仔)灣仔春園街6號永興樓地下

同事係奶茶控， 話帶我哋去食一間奶茶好正嘅餐廳，於是約左黎呢度食lunch。 餐廳嘅座位好少，所以侍應動作好快， 會提你快啲諗好落單。 我就叫左黯然銷魂飯配凍經典奶茶，以及黑松露炒滑蛋多士配沙律菜。黯然銷魂飯， 其實就係半熟蛋叉燒飯， 諗住間餐廳只係奶茶出名，無諗過個叉燒飯都唔錯， 叉燒嘅邊邊燒到有小小焦脆，肉質都算嫩唔會太柴，容易咬口，配上半熟既煎蛋，蛋汁配上叉燒汁，既好食又下飯，加上本身份量就唔算多，好快成碗飯食曬。黑松露炒滑蛋多士， 呢個係驚喜，佢係即叫即整， 而且因為佢係 open kitchen，你係會見到師父係你面前整完叫你拎。 炒蛋真係好嫩滑好嫩滑， 配上黑松露嘅香味， 黑松露嘅份量可見地比想像中多。 由於係即刻整起，炒蛋熱辣辣又滑捋捋， 簡直一流。凍經典奶茶， 我其實唔係特別好識飲奶茶， 但呢一杯我真係覺得幾好飲， 茶味好香， 啲奶亦都好幼滑， 味道甘甘地但又唔澀， 會想encore。PS 由於間餐廳座位好少 ，只有兩張枱可以book， 但book唔book到都要睇老細心情同通唔通融，我地今次四個人就好好彩成功book 到

經過想輕食飲杯嘢，三文治麵包同咸牛肉係普通來貨，無咩特別，但加咗炸過嘅蝦條碎加啲脆脆口感，都算有心思。餐廳名表明飲茶，當然奶茶先係主角，第一次就跟返原廠設定叫，奶茶係香濃，茶味夠，奶味都好香，偏甜但都唔會蓋過奶茶味，路過飲杯歇一歇都唔錯

真係好少寫食評，真係嬲到震先會寫，野食係無問題的，但係D staff服務質素奇低，不斷寫錯order，不斷話自己冇聽錯，改左幾次，最終都係錯，究竟係幾唔上心先做到咁？仲要賴落客人度

今日食咗個叉燒蛋飯，沙嗲牛蛋三文治及奶茶。叉燒一般， 大家X嘅仲好食過佢。沙嗲牛蛋三文治幾好食，雖然牛肉有啲此度梳打粉醃過。奶茶幾好飲! 外賣玻璃仲可以回收攞返兩蚊. 食咗$108.都會有興趣返去試吓其他嘢

早排去食完新景園經過呢間餐廳，本身舖頭有三文治同飯賣，下午茶好似試過都正常。呢次同事特登買左幾枝樽仔奶茶俾老婆飲🤣，搞到我都忍唔住買返枝試下😎。門口有師傅即沖，玻璃樽奶茶有冰震住，附有膠袋裝唔怕手拎住變到暖晒。🔅我杯茶樽仔奶茶 ($30)奶茶用玻璃樽裝零舍有風味，樽身偏幼長，都幾大樽(300ml)。茶味好香濃，真係濃而不澀，飲完個口仲會有陣茶香味帶少少甘。奶就好滑，偏甜但唔算甜到漏，平時走甜人士應該要叫少甜/走甜先可以。茶味比奶茶重啲，但嗰種香濃又幼滑既口感，真係「我杯茶」👍🏻。💬平時$30買杯肥仔水唔會覺得貴，但買港式奶茶開頭覺得少貴，加上我唔係個奶茶控，不過飲完發現真係唔錯！之後上openrice睇返先知原來係港式奶茶國際賽冠軍既羅德師傅坐鎮，水準係唔同啲，特別奶茶/凍檸茶呢啲港式茶記精髓其實唔易沖得好。飲得多台式珍珠奶茶，不妨反璞歸真飲返杯地道港式奶茶😌。

點了一個鮮茄黑毛豬扒飯，相片非常吸引，沒有下午茶時段，諗住收得正價，唔會差得去邊，點知去取時已知踩雷，見到個盒入面d汁好似水咁，件豬扒係白烚，應該唔識煮野既都唔會煮成咁樣，一定沒有下次

今天要吃一個quick lunch, 來了我杯茶，要了熱奶茶，和葱花炒蛋菠蘿包。葱花多，炒蛋都算滑，菠蘿包先烘熱再放炒蛋，性價比算唔錯，奶茶，茶底香，是灣仔快食之選，唯坐位窄，環境一般。

以前住在灣仔也幫襯了不少，今天和朋友在香港島行山由於在灣仔起步也選擇在這裏早餐，因為早上七點除了茶餐廳之外選擇並不多。但港式A餐我已吃夠了！黑松露蛋治烘底是我不二之選。色香味俱全。朋友點了蕃茄湯通粉，非常好吃。當然不能一題奶茶，是這裏鎮店之寶。落了碎冰奶茶冰凍。非常滑口。食得出是有心做的小店值得幫襯。

係灣仔做完野，順便食過快閃餐，路過見到餐牌想食去骨薑油雞飯，點知話賣哂，店員話叉燒，豬扒，牛肉就有，咁我就叫咗黯然銷魂飯，肯定唔會出事啦! 點知原來每次快閃求其都係奶野😠拎得時睇賣相隻蛋都唔差，但見到一塊塊鮮橙红色叉燒就知出事，我好怕呢d染色叉燒，得一片中間有少少肉，其實全部都係肥膏，又唔係出面肥叉燒果啲肥肉，係好似食緊膠咁😑🙄超級難食，仲衰過連鎖快餐，人地賣果d都係叉燒，呢度究竟入咗乜野貨嘅叉燒，好心啦，咁難食，做老板自己唔知難食架咩？一定唔會再來食囉😶

🤑 熱經典奶茶 $25———————————————🌟 熱經典奶茶 $25 🌟喺銅鑼灣，突然好想飲正宗好茶，專登上網睇網民推介。今次叫左無糖，無糖奶茶好高質，茶膽好重但唔會好澀，超級香濃。店舖姐姐喺我面前沖奶茶，技術相當成熟，非常有禮貌，服務態度好好😊 路過灣仔不妨試下，支持本地小店🤩———————————————評分🔖 (5⭐️為滿分)味道：⭐️⭐️⭐️⭐️環境：⭐️⭐️⭐️服務：⭐️⭐️⭐️⭐️衛生：⭐️⭐️⭐️抵食：⭐️⭐️⭐️⭐️回購？會✅———————————————📍我杯茶📍灣仔春園街6號永興樓地下 👣 港鐵灣仔站 B2 出口, 步行約2分鐘

今日去新景園外賣咖喱豬扒飯, 係等緊外賣嘅時候發現咗呢間我杯茶餐廳店面比較細, 座位唔係好多, 最啱買多份外賣返屋企慢慢嘆<暗然銷魂叉燒皇蛋脆脆豬>因為已經買咗飯盒, 唯有買多個小食暗然銷魂叉燒皇蛋脆脆豬個樣好似幾唔錯雖然豬仔包外賣返屋企已經軟晒, 但甜甜嘅叉燒, 配搭煎蛋窿邊真係冇得輸略嫌叉燒有啲過瘦, 但味道係唔錯嘅

👫這幾天假期天天逛街，港九新界都遊遍了。🏆🏆灣仔春園街多出名餐廳，還有老字號金鳳坐鎮，新型立食餐廳我杯茶還敢在此插旗，非常大膽。☕見他們拿過奶茶大獎，立刻試試，果然水滾茶靚，奶和茶的比例也合適，喝進肚子裡還暖呼呼的。🍛🐷叉燒煎蛋飯再加蔥花令人胃口大開，微微的燶邊是精華。他們還有喳咋，再澆上花奶，足料又滋潤。😋小時候肚餓時的Comfort food都在這兒嚐到了。▪️▫️▪️▫️▪️▫️▪️▫️▪️▫️▪️▫️▪️▫️▪️▫️📍我杯茶灣仔春園街6號永興樓地下🥰有型立食餐廳🤗奶茶水滾茶靚😆叉飯有燶邊@omycupoftea黯然銷魂飯💲4️⃣8️⃣鹹牛肉蛋治💲2️⃣5️⃣奶茶（跟餐）💲1️⃣2️⃣

身為奶茶愛好者嘅我，試過好多本地奶茶品牌，而我杯茶一直係我bucket list 入面喇。“我杯茶”剛開業時,仲搵咗元祖級奶茶王羅德坐鎮，真係勁啊。今日咁岩經過，當然要買返枝樽仔絲襪奶茶返屋企試下。奶茶真係好高質，好濃又唔太甜，茶膽好重但又唔會好澀，飲完之後仲會有aftertaste, 有陣茶香停留喺口中，回甘的味道。但整體而言係好既。如果係現場食既話，仲可以打造出你杯茶呢，只要落單前提出要求就可以了。

此店亂七八糟地方淺窄， 不要求有服務，但想不期到會在這里遇到差劣的態度，未上完訓練班，唔好自己亂落單得罪人。聽講這里奶茶好高質。唔 . . . . . .嚟過呢度咪知個「伏」字剛寫囉，今次真係受教了。