我杯茶 (永興樓)

Open Now

Now Closed

每次經過都一定要飲一杯奶茶，凍熱都好飲，好滑茶味濃，色水靚！師傅夠晒霸氣，睇得出對佢自己嘅出品好有自信。除咗奶茶，我有時會搭啲小食，估唔到咖喱魚蛋都唔錯。 朋友食茄通話好好食。******************************遊客比例好似一半一半，以佢奶茶咁出色，其實食客比想像中少，可能佢舖頭裏面真係坐得唔係咁好，比較迫。******************************

去灣仔做野想食個靚早餐，經過我杯茶見好多報導就入黎試下🫶✅️鮮蕃茄牛肉通粉 $35通粉細細粒好易入口，牛肉都唔少，有處理過好腍。蕃茄都幾足，湯底係港式蘿宋湯湯底，有茜芹紅蘿蔔洋蔥。早餐黎講非常合格👍✅️凍奶茶跟茶+$15呢度主打奶茶同鴛鴦。就試下佢杯凍奶茶，點咗少甜少冰，茶底唔濃，奶比較多有少少蓋過茶味，有少甜到，有港式風味，不錯喔～#一週一片 #逢星期五出片#youtuberslife #foodieyoutuber #hkfoodie #hkfood #foodie #treasureeverycomment #travelyoutube #thanksforsupport #travelyourway #yesahwilltv #travelvlogger #travelvlog #係阿係阿Will_TV

🧡 我杯茶📍灣仔春園街6號永興樓地下------------------------------1️⃣ 去骨蔥茸油雞飯推薦指數：👍🏻👍🏻雞嫩滑 不錯😍 飯量多 惟分量較少 蔥茸油不夠鹹香 2️⃣ 黯然銷魂飯推薦指數：👍🏻👍🏻👍🏻叉燒肥瘦適中 鹹鹹甜甜 美味 🥰太陽蛋煎得剛剛好 好流心 飯量多 惟分量較少😆3️⃣ 經典奶茶推薦指數：👍🏻👍🏻👍🏻👍🏻香滑純厚 茶及奶的比例適中 不錯------------------------------奶茶不錯 果然是得獎奶茶🤩 惟食物溫度不足 只是微暖 需改善😅總評味道：⭐️⭐️環境：⭐️⭐️⭐️服務：⭐️⭐️⭐️

由Day one 開始飲佢杯茶，到今天除了一杯靚茶外，食物也更多元化，基本上和一間茶餐廳沒大分別。但坐位迫夾是缺點，疫情後第二次堂食，上次和女朋友喝了杯奶茶，成個人順曬，今日想吃個輕盈午餐。客人先到收銀處買飛後等叫飛，一般都系等幾分鐘。今次更快，因為剛過了午飯時間。叉燒波蘿包 $34賣相扣分，壓到變曬形，但即翻烘過的包餅差極有個譜，包體脆口，叉燒有汁甜甜地好juicy , 美味！熱奶茶$22一如既往，水滾茶靚，茶味足和花奶比例是完美，啱自己口味就是皇道！希望永遠都喝到這樣高質的靚奶茶。

Serve我個名男店員喺好濕嘅地下執返啲卡紙冇洗過手就浸奶茶，同埋佢竟然用隻手執個蛋牛治（叫佢烘底又無烘），跟住先擺落個外賣盒度俾我….. 非常核突。我仲要目睹整個過程。

行完山攰攰哋，想嘆番杯奶茶，上網見到人哋推介呢間，於是叫咗一杯熱奶茶同埋一份鴛鴦蛋三文治。茶味濃得黎唔會苦澀，同淡奶嘅比例岩岩好，對得住$22既價錢鴛鴦蛋三文治，即是雞蛋同鹹蛋，兩者好夾，炒蛋夠滑，又有鹹蛋嘅香，個包亦用左一半麥包，一半白麵包，口感更特別。

比佢個招牌吸引左，個奶茶又好似得獎無數咁就試下。佢招牌寫甜而不膩、滑而不潺、濃而不澀、香而不俗，老實講係比一般奶茶出色，講濃都未夠濃，細心飲都仲有少少澀，如果要單叫$22一杯就真係唔太值，跟餐加錢都仲可以。食物我叫左鮮牛旦三文治，鮮牛係ok ge,厚薄適中，同炒旦味道好夾，食厭食咸牛既換下味道都可以

人人都話自己係奶茶王，但係又係唔係人人都受得起呢？一間餐廳的優劣，又是否單靠一杯奶茶就可以力挽狂瀾呢？食物質素一間餐廳最重要當然係食物，食物質素差，不如執咗佢算啦，我杯茶的食物質素只稱得上一般，一碗鮮蕃茄牛肉通粉，碗內得三數片薄身牛肉，莫非是傳說中的燈影牛肉？！而蕃茄湯亦係淡口，蕃茄味好淡，水準得中下級數，到招牌奶茶，入口係醇滑，唔澀口，是可取的。服務質素餐廳以快餐式營運，客人先在櫃檯落單付款，再到隔離自行取餐，但混亂嘅情況出現了，食物與飲品不能同步出餐，客人可能先取得食物，但久久未取得飲品，外賣與堂食的客人在收銀處迫得水洩不通，極度混亂，營運模式差劣，這一點又怎能靠一杯奶茶翻生呢？性價比一碗粉麵平均要30元至48元，加熱飲要12元，凍飲要15元，一碗粉麵加杯飲品，平均一個早餐要差不多50元，以灣仔的物價看似合理，但我杯茶卻在食物的份量縮減，一碗簡單的鮮茄牛肉通粉，牛肉量少，通粉量又少，一個成年男人，絕對唔夠食，但客人又會否再比多三十幾蚊再叫多份三文治嚟飽肚呢？一個平凡的打工仔，食一個早餐，叫一碗通粉，一份三文治，加杯奶茶，要差不多一百元，絕對吸引不到辦公室社群嘅垂青，或許餐廳是以遊客

今日途經灣仔， 見到這間舖頭名字，便好奇走去望下，發覺這間店係專賣奶茶，便入去叫杯茶走試試，細杯$22加大加$5。 入口茶味濃，不會太甜甜度剛好， 可能加了煉奶和花奶嘅關係入口不會很苦澀， 細杯嘅份量剛剛好，飲完不會好飽。

平時久不久都會買佢嘅樽裝奶茶，係好飲嘅，茶底夠濃，都算順滑，飲落好香，食嘢就真係第一次平時喺門口買奶茶，以為剩係得右手邊張bar枱，原來行到入去中間仲有幾張枱，枱櫈大就大張，但空間太細，完全移動唔到，所以坐起上嚟係有啲唔舒服今次一行三人，早餐時間各自點咗叉燒茄湯通粉、牛肉茄湯通粉同炒蛋菠蘿包，飲品當然係三杯奶茶，兩凍一熱茄湯唔會太重茄膏，但個湯唔係咁夠熱，牛肉就普普通通，話晒出街食牛係一分錢一分貨，叉燒都正正常常，炒蛋菠蘿包都唔會話唔夾，但蛋唔係炒得特別滑，而奶茶的確係好飲，加咗冰都冇太大影響味道，不過食菠蘿包要原價飲奶茶，感覺有少少貴

午餐叫咗個鮮茄黑毛豬豬排飯$60，打開個外賣盒蓋真係嚇死。好地地一個蕃茄汁變咗湯咁，食落去完全係罐頭蕃茄湯加水，啲豬排有腥味。講真，一個主打港式食物嘅餐廳竟然可以做到呢種質素，真係好可悲。

星期日早上，附近噶茶餐廳都無位，又趕時間，唯有來「我杯茶」第一次來就……價錢略貴，$35只有一個通粉，無論凍飲熱飲都要另外加錢。不過通粉味道還可以，牛肉份量偏少。加左$12要左一杯熱檸水，拿到手發現，水面竟漂浮著茶葉，而且成杯水噶顏色是淺淺的茶色，味道仲要勁酸。怪自己咯，人地拿手噶系奶茶，我點解要熱檸水😂

我杯茶除了有醇滑香濃的港式奶茶，配茶的港式茶記美食亦做得出色，配茶的美食亦做得出色。其滑蛋沙嗲牛肉三文治，即叫即做，炒蛋又滑又厚，夾雜了辛香濃郁的沙嗲牛肉，非常惹味。絕對少不了菠蘿油，牛油又厚又足，份外滿足。仲有黯然銷魂包，厚切叉燒配上荷包蛋，同樣值得一試。主角奶茶醇滑香濃。

話說每次放工都經過我杯茶 次次都比抽氣扇抽出黎嘅茶味吸引 佢個茶底真係唔錯食過一次銷魂飯之後 個蔥油雞飯真係無可取代蔥油雞飯個外賣盒分左2層 蔥油同雞分開 唔怕d飯浸住曬d蔥油 但其實每次我都會用d蔥油撈曬d飯食佢d蔥油唔同平時個隻死鹹 因為好多都勁鹹 呢款我覺得就light d 雞 食咁多次都無失望 次次都去骨同滑奶茶茶底好 加埋 黑白奶 點會有得輸呀沙律之前個醋酸汁會有個盒裝住 今次就淋埋d汁落沙律 好在我公司好近 如果公司遠小小可能就要諗諗嗌唔嗌喇 因為驚行到番公司d沙律會太酸每次拎外賣杯奶茶先即沖 唔會整定 可能因為有奶茶師傅坐陣有關等外賣個陣都留意到出餐嘅流程 覺得餐廳都幾乾淨同真係用心經營

買左份沙爹牛肉炒蛋三文治做早餐。三文治係市面上見到嘅方包size,冇話特別大份或者厚身，唔連飲品35蚊，貴左少少。炒蛋生熟度控制得幾好，滑得黎又唔會有過多嘅蛋汁滲左入麵包。牛肉唔會話好韌。不過沙嗲味搶過哂炒蛋同白麵包嘅味，鹹左啲。