緬媽 (Closed)

本身香港就少地方可以食個緬甸菜所以特登嚟試下幾好食冇失望湯底的椰汁好濃小菜都好有緬甸風味豬扒整得幾好手撕雞系湯入面味道好夾而且價錢好實惠下次要試埋佢其他野羅望子汁幾好飲

上年去過緬甸後一直想食番緬甸嘢 不過香港太少試左羅望子雞絲酸辣撈麵 唔會太辣 酸酸地幾開胃麵條幾彈牙 有啲薯仔粒口感幾豐富 香料味唔會太濃可以回頭支持支持 期望試多啲地道菜式/沙律

今日去開長沙灣，發現呢個地方原來有間foodcourt咁嘅嘢就決定同朋友求其搵間舖食晏。本身自己去澳門時好鍾意去三盞燈食緬甸嘢，見到呢間緬媽就決定試下。朋友叫咗招牌咖哩雞，我叫咗魚湯麵，我哋share食。先講咖哩雞，原本諗住呢啲food court咖哩都係麻麻地，點知係有驚喜嘅。佢哋啲咖哩有少少酸味，同港式咖哩唔同，食得出有好多香料好香好惹味。啲雞都好入味，全部都係雞槌呢樣幾特別。個餐跟黃色飯同薄餅，分量都算多，啲咖哩汁送飯好開胃。 我叫嗰個魚湯麵都好食，啲魚湯唔係廣東嗰種奶白色魚湯，係魚肉攪碎曬喺湯入面嘅，好鮮味好甜。我最怕好腥嘅魚湯真係會想嘔,呢個絕對唔腥。佢哋係配日式沾麵，唔係澳門嗰隻湯粉，但我覺得都好夾。總括嚟講幾十蚊食到咁嘅質素係好抵。最後買咗份咖哩雞畀我阿媽,佢都話好味。我諗鍾意咖哩雞同魚湯嘅人都唔會失望。