東京@mytokyo (Closed)

估唔到個食評未寫，佢已經摺咗，點都好，食過都寫寫佢啦！老婆同同事哩過食晏，話唔錯，趁星期六小弟做晏咗，就過哩同老婆食下午茶，下午茶時段2:30-5:45pm，環境較為幽暗，但三幾個哩食嘢傾偈都幾好嘅！食物選擇都幾多款，佢哋有個本月下午茶推介，啱啱係有兩款揀：豚肉生薑燒飯、豬軟骨拉麵（無其他嘢包，只得個飯同麵），我哋費事諗就揀咗依個推介，再加多少少錢要杯凍Mocha。飯市可能幾旺吓，因為2:30pm哩到，好多枱都食完未有人執，而且，明顯人手不足，甚至我哋企咗好幾分鐘先有人招呼入坐。不過，坐低都好似無乜人理咁，因為環境又比較黑，要揚手幾次先搵到個侍應哩落單，一落完單佢又急急腳咁行開咗，應該仲係收拾緊枱面嘢，衰就衰在無乜表情，又無反應，好似行屍走肉咁。下午茶市其實無乜人，所以都唔知點解我哋D嘢要等咁耐！豚肉生薑燒飯，唔得，我只係覺得係一碗洋蔥加埋薑片炒肥豬肉嘅珍珠飯，D豚肉超肥，肥過D整梅菜扣肉嘅豬肉，食完一口油！反而，個豬軟骨拉麵似模似樣，至少奶白湯底有豬骨味，豬軟骨就稍微韌咗少少，拉麵都OK，有彈性！最滿意竟然係杯凍Mocha，夠大杯，夠冰凍，仲夠啡味同朱古力味，哈哈！

之前裝修左十幾日，今日諗住去試下啦~上去先知原來換左老細，因為佢唔俾我地用之前儲分果張卡，仲要係無任何通告講呢件事...之前間野有個promotion係食一個lunch會儲一個印仔，儲夠十個可以送一個餐，31/12/2009到期，點知今日用唔到，佢話只可以去番銅鑼灣果間用，ok，算數...同兩個同事去，每人叫左一款唔同o既餐，叫完之後聽到過兩張檯有幾個人話等左九個字仲未到，隔離檯都三、四個字，心知不妙...哈，點知又咁「好彩」，我同其中一個同事個餐等左一陣就有，隔離檯有少少不滿，咁我地照食啦....首先講我個吉烈豬扒拉麵，吉烈豬扒好乾又無味，拉麵唔似拉麵，似皂水麵，湯又係無味...到我同事果個天婦羅烏冬，天婦羅外面層粉唔熟超硬，又炸到都唔似天婦羅o既樣，同埋D湯都係好怪...最後仲有一個咖哩豬扒飯，係無到o既，等左大半個鐘唔等喇，加埋全場人催左果幾個waiter九十幾次都未有，都無謂晒時間等啦...服務方面，「新開張」亂晒坑得太離譜，有幾個waiter呆下呆下咁，有時想催野食舉高隻手，有幾個都好似選擇性睇野咁，直行直過...我地都廢事等佢黎幫我地埋單同取消其中一個餐，我地直接走去收錢果

唔知點解一大班人想食日本野既時間就諗起東京..講真,,野唔太好食的..~! 不過佢多大枱..而且出面有露天AREA,可食煙...~~~加上有CRAZY HOUR ,, ~~~ 唔驚太貴~我地呢晚咩都ORDER哂甘濟..刺身盛盆都黎2轉...!!!夠新鮮~~~~~~~~~~D ITEM都算多~~!!海蝦天婦羅 係我地至愛~~~~!!蝦夠熱夠大隻....~~~~甜蝦都好新鮮~~

星期日晚十點本來想去一壽司食特價時段但已見到門口有一條人龍所以就睇睇其他食店見到東京又係做緊半價又話唔洗等位咪上去一試上到去不算是太多客坐沙化位對比係一壽司迫夾既位呢度緊係舒服同靜d燈光比較暗都幾有情調壽司,卷物,刺生,飲品半價因為諗唔到食咩所以主要叫卷物,刺生落左單都好快上味道不錯刺生都好新鮮其後叫左個酒提子味的,飲落口似藥水飲左少少就半放棄最尾點了海蝦天婦羅 即叫即整黎到仲熱好味

開學前跟同學仔小聚一下,談談開學之大計~~~特登等到十點搵食野,因為有半價壽司一直都唔明點解呢間野要收nuts費用,每個人要俾五元正,好古怪,為何一定要迫顧客畀nuts錢?anyway今日都order左好多食物,主打係壽司and刺身(因為半價)彩虹卷:好似係抄人地d壽司款式,但係我一直都好鍾意食,因為可以一次過食3隻魚(三文魚,吞拿魚和疑似鯛魚)黑蜘蛛卷: 即係軟殼蟹卷,但係好厚炸粉,反而令d卷物一d都唔好味~~玉子刺身: 好一個"凍蛋"完全唔好食油甘魚刺身:可能都幾多人order,我覺得都幾新鮮~~~~~~仲求其order左幾個酒精飲品,唔係好記得叫咩名唔係好好飲,得個甜字,,,,,,,,,如果唔收nuts錢令我對呢間野既印象差晒,anyway,五蚊雞,一係就收多D,一係就咪鬼收啦

d飯腳又約左我去食飯, 本應大家諗住食少d, 為減肥, 講講下黎左呢度食, 主要都唔係食壽司, 叫左滑蛋豬扒飯 5串雜錦串燒(有海蝦, 鰻魚, 牛舌, 雞軟骨,雞翼) 軟穀蟹手卷3個 冷麵沙律 巨峰蘆薈提子酒 金菇牛肉卷全部都ok, 係個軟穀蟹手卷有待改善, 紫菜唔夠新鮮, 咬落口唔係脆, d軟穀蟹唔係太似, 炸粉厚左d呢間餐廳好o岩食煙既朋友, 因為佢有個露台仔, 可以揀坐出面, 又有少少景望下

好耐無食過日本野,所以又去呢度試下.環境&氣氛都依然一樣.黑黑沉沉.但D待應就人面全非...好陌生.可能海嘯既關係,都縮短左營業時間.Drink早熟青蘋果+蘆薈梳打)味道幾好,甜甜地帶少少酸.芒果冰砂:味道較酸有少少甜...似飲緊思樂冰.Eat卷物雙拼辣汁三文魚卷&炸蝦天婦羅卷前者:味道ok,其實一D都唔辣.後者:至愛.即叫即做,隻蝦仲暖呀!彩虹卷&阿拉斯加卷前者:見個名幾特別,所以咪試下囉!彩虹既意思係:三文魚+吞拿魚+xx一口芝士:的的骰骰幾特別,真係一口一件,但份量就少D,得幾粒,而且味道就一般,覺得有D好溜.火炙玉子:味道同上次一樣,好好味,但今次竟然變左縮細版.軟殼蟹壽司:都係即叫即做,但今次切得唔平均,邊大邊細,唔熱仲凍凍地添蟹子沙律:都係差唔多,反而係D青瓜絲多左

第一次係同朋友去食晚飯都覺得唔錯可能果日叫d野食都ok環境就黑左d (其實唔係好睇到野)平時都會同同事去食午餐或下午茶就返工時間之後去食已經麻麻 (雖然唔係貴)食過 海膽海鮮炒飯 (d飯勁乾)食過 魚生飯 (d魚生唔新鮮, 魚生款又少)食過 牛油果xx卷 (d牛油果好似唔係好靚, 見到都唔敢食)食過 壽司 (飯比較散)食過 咖喱吉列豬扒飯 (味道甜左d)好食果d唔係好記得 (但好食d既會係晚巿 - 大menu 先會見到)其實都有好幾樣(d名唔係好記得)炸雞軟骨, 柚子xx沙律, xx牛肉卷...個沙律同雞軟骨幾好食服務態度麻麻 有d好ok 好nice 反應快有d好唔ok 叫極都冇反應 好似睇你唔到咁其實我想講既係果度有個阿水應該係大粒佬 (即係男人)d態度勁差 好似欠左佢咁成日黑口黑面 做客仲慘過打佢打工態度麻麻 所以本人覺得唔抵食因為正如其他人話齋 我又唔係去茶餐廳大佬~ 佢加一架喎！

尋晚9點幾同朋友做完gym 打算去亞士厘道搵食, 見到板長門口排晒對, 又見到一壽司門口有幾人聚集(不過入面有位的, 可能係等黑夜壽司掛!) 近排金融海嘨, 多間壽司店都割價, 我地行到東京樓下都結果被佢既 9:30pm 後半價魚生, 壽司, 卷物 所吸引住了. 由於我同友人都未試過呢間野, 翻閱了餐牌就打算一試.上到去只覺得間餐廳燈光昏暗, 似樓上 pub 多d! 該處亦設有吸煙區 (露台)於兩面, 又沒有關上門, 坐落都聞到陣陣煙味~~ 格局唔多掂, 一坐低侍應竟然奉茶時多咗兜花生雜豆(卡拉ok果d)!!!! 不過概然坐低了就叫野食啦!半價食品:壽司(一客兩件): 帶子 (鮮甜, 新鮮), 油甘魚 (新鮮), 藍鰭吞拿 (中規中矩), 海謄 (有苦澀味似海刺), 軟殼蟹 (脆槳較厚, 無蟹味), 蟹棒蟹膏黑蜘蛛卷, 睇相都唔知係咩, 黎到一客有 8 件原來都係卷住軟殼蟹, 食落係無肉既得d 殼有d 似食緊炸三文魚皮 ~_~正價食品: 麵豉蜆湯 ($3x) 兩位用, d蜆都幾多個湯底都 ok.埋單每人$90… 你地話抵唔抵?

其實呢門都食過幾次~味道都OK架但就未試過9:30PM後先去.(因為9:30後半價架)當然唔係全部都係啦~淨係壽司,卷物,刺身同飲品先有三文魚刺身---有骨架帶子---好鮮甜海膽---好味清酒煮蜆--好正牛肉烏冬-OK(佢哋啲烏冬好彈牙)二個人食都食咗$250~有啲半價咗所以我唔覺得半價抵食如我下次去唔駛特登等到9:30PM)

4Jan09 今日係我生日!當然要去慶祝下啦.雖然都要返工,但都唔影響心情.放工,去亞士厘道搵野食.見到寫住壽司.飲品半價咪試囉.上到去,見到個場好冷清,有D怕怕.燈光較得比較暗,都幾有情調.但好似黑少少.食物&飲品:都有幾多選擇ok啦!個menu全部食物都有相片供應,幾方便客人選擇(唔識字都唔怕)但都唔係全部半價,但個waiter都好細心,會講比你知邊樣係冇半價.Nuts原來係人頭計.海膽剌身:好似的骰少少.蟹子沙律:都ok.但青瓜絲仲多.火炙玉子:幾好味,特別之作卷物:阿拉斯加卷/蝦天婦羅卷:個買相都唔差.軟殼蟹壽司:未必其他地方有得食再加幾款壽司.

剛去完旅行，太座話想去東京食嘢，好，就去呢度開餐啦！上到去先六點鐘度，得兩三檯有人客，光線仍是一貫的黑暗，無論日同夜都係咁黑，懶有情調咁，係呢度最令人討厭的地方，扣分！不過我覺得佢d嘢食又唔係咁難食喎，起碼諗起佢d牛舌耐不耐都會番兜吓啦！次次上去必選的串燒牛舌，正！醃得夠入味，口感好好！串燒鰻魚都唔錯，外脆內軟，好味！串燒雞中翼，普通咗d，冇乜特別。蝦天婦羅，ok！（不要同價錢貴佢3倍的名店比較）卷物味道都過得去。鰻魚飯d汁太甜，需要改善。總括來講，黎幫襯好多時都係因為諗起佢d牛舌，至於其他食品，唔算好好，又未至於好差啦！

好好味兩個人去食其實都食左好多次ka la佢最開心既係有煙位(不過我0地唔食煙ka)同埋好浪漫加上有soft坐好舒服最重要係當你晚上周圍無得食的時候尋日大約11:15去金水！一肚火無神神話做埋依兩個排緊隊的客就唔做咁樣唔做人生意都得既仲有人未入去點解唔做得太荒謬所以醒目地去東京mytokyo貪佢壽司、卷物、刺身、飲品10:00後半價首先講無半價先(未計加一):nuts：每人$5接受到law咖喱吞拿魚酥餅：$27—超好味海膽豆腐：$36豆腐好滑，海膽好好食跟住就係有半價的食物，但記住佢係會原價加一既，我的折數係除二：飲品：焦糖冰奶茶:原價$32，折左約$16，好好味，有0的cocktail溝左，所以夜晚飲都無問題夕陽：係芒果、椰子、檳酒，都好味既，但無焦糖冰奶茶咁好飲壽司：火炙魷魚鬚壽司:原價$23，折左約$11.5，好味好鮮，所以叫左2碟牡丹蝦壽司:原價$25，折左約$12.5，好好食，無沙又多膏又鮮甜，必叫之選花之戀:原價$36，折左約$36，好味道魷魚壽司:原價$19，折左約$9.5，好普通，無話特別好食三文魚籽壽司:原價$29，折左約$14.5，好大粒，好好食帶子壽司:原價$29

我覺得呢間店好慳電─ 好暗好暗，仲有，佢收nuts $$$！未睇埋落去已經扣了不少印象分。去吃少少野，我地幾個人首先o黎左香芒蟹籽沙律，不過...... d蟹籽好似唔係太新鮮。跟住叫左帶子壽司、海膽壽司、火龍卷、雞軟骨，都OK，唔錯。彩虹卷同牛油果鰻魚卷賣相都幾靚，食落都可以la，只係鰻魚乾爭爭，反而牛舌板燒幾好，唔會整到好硬好乾。最後點了幾杯野，傾下計，我試左Summer Passion，係穩穩陣陣之選，不過不失罷。環境普通，服務......

同事們說這兒抵食，可是我覺得一般。因為壽司很鬆散，　一夾起就散開。而已壽司飯的味道很酸，覆蓋了其他材料的味道。拉麵味道都可以。