明洞Express (Closed)

Lunch時間，公司又近韓國街，今日就去食韓國野！唔知點解，去到韓國餐廳就一定想食飯卷，呢個紫菜卷飯($42)都無叫我失望。材料有牛肉、魚蛋、青瓜、醃蘿蔔、紅蘿蔔、雞蛋等，都幾豐富。飯煮得夠腍，材料爽脆，兩者好夾好配合，好食。燜牛肋骨肉飯 ($98)，呢個更加推介。牛肋肉肥瘦適中，而且燜得好腍好入味，個汁係精華，唔怕變肥仔肥妹既，可以直接拎黎撈飯；食到底仲有腍甜既紅蘿蔔，正！辣牛肉粉絲湯 ($68) 好有韓式風味，夠辣夠刺激，粉絲索晒湯汁好入味，牛肉軟腍，送飯一流。辣泡菜煎餅 ($65) 雖然其貌不揚，但味道就相當唔錯。外層煎到脆卜卜，咬落索索聲，酸味多於辣味，唔食得辣既朋友一樣可以試，very good!

哩排鐘意黎哩邊搵野食! 都好耐冇食韓國野...揀左明洞Express...我點左人參雞湯補補佢..哈哈..佢既湯都會跟個飯! 仲好大碗呀!上枱時仲滾緊..堅係半隻雞勁多肉好好味呀!雞肉嫩滑啖啖肉...個湯好甜~可能我地少湯水一飲湯就覺得好舒服...好清甜!撈飯好正! 我隊左好多飯=.=另外仲有芝士辣炒拉麵年糕係好好好邪惡..拉麵年糕既甜辣味適中 我覺得剛好好微甜帶辣好開胃加埋佢用芝士黎做！覆蓋住拉麵同年糕...年糕煙韌 有咬口...而拉麵不會過淋！贊呀!🏻

同朋友仔黎食lunch! 我鍾意佢坐幾耐都唔會夾硬收你d盆再迫人走，可以慢慢食，慢慢傾！所以我地2個人叫左3樣野Hahahaha,好大食！佢真係有埋韓文比人睇，因為老闆就係韓國人！收錢都係佢，佢唔識中文我地叫左純豆腐湯，芝士辣粉拉麵年糕and 特級LA牛肋骨飯！牛肋骨真係好淋，肉質好好，味道都好野味！yummy!之後再有湯同甜味薯仔配飯！好大碟食唔曬！豆腐湯，上到黎時超勁熱！石窩真係好正，就係鍾意d野夠曬熱咁上菜！豆腐湯好好味！超夠味！食下食下....竟然食曬成碗湯同撈曬成碗飯個芝士年糕...d芝士都幾多，完全唔辣，a bit sweet ...

同老公仔係尖沙咀是但食晚飯！就搵左lee 到黎食，貪佢唔太貴！先叫野食，先比錢方式。老闆冇乜禮貌！一人叫一樣食，豆腐湯同芝士spicy年糕拉麵！豆腐湯，好彩有飯跟！因為冇可能就咁飲，就咁飲會好咸但如果加埋飯就岩岩好！加飯食，我食曬Lee 個芝士年糕面！真係唔寫都對唔住自己！真心suggest 大家唔好試！完全冇spicy 味！超勁爆甜？請問我係食緊甜品嗎？還是廚師落多左10次糖呢？

環境:環境尚可，地點亦方便。食物：叫咗2個主食1.牛肉石頭飯-賣相同一般石頭飯不同。上面有很多生菜。味道其實0k。都係個句，food court 價錢。food court 味道。同food Republic有得比，隨套餐附上泡菜同湯2辣炒辛辣麵年糕-味道尚可，年糕軟韌，唯芡汁多了一點。配上辛辣麵，好味服務：自助形式，但姐姐都有幫我哋搵位👍回頭率：😁😁😁 （5為最高）

呢幾年韓劇大熱, 連韓國餐廳都吹起熱潮來~於是去左韓食快餐店,今次ORDER了韓燒牛肉飯張MENU上面無寫係SET  , 而且價錢甘平仲以為得韓燒牛肉加飯就甘,原來每個飯/粉絲都包埋泡菜、薯仔沙律同埋大白菜湯, 先說說大白菜湯,非常之重既胡椒味, 飲左幾啖覺得有點喉嚨痕,都係唔飲了….而薯仔沙律ge薯仔仲係好生好硬,所以都係一般般, 反而泡菜有少少甜甜辣辣, 撈飯不錯。至於燒牛肉就不過不失,牛肉煮得好淋身,  好夠味,  如果更加多D汁就更好了。平平地都算唔錯既

係尖沙咀做完TREATMENT, 附近就係金馬倫道一帶, 韓國菜館開到成行成市, 好似去左韓國咁, 想快食一個韓餐, 腦海裏就出現左呢間韓食快餐店食物選擇種類唔選太多, 又餐食亦有得比你韓燒, 自助點餐後, 收銀員會比你呢個"紅色提示器"你, 當你既餐預備好後就會響聲, 通知你可出去攞餐友人點了燜牛肋骨肉飯 ($98)套餐包餐湯及泡菜兩款, 牛肋骨肉份量都算幾多, 配料有蘿蔔, 醬汁偏甜及見面層有層油係到, 一定要配白飯先可以, 就咁空口食就覺偏膩我點左喜愛既炸醬面($68) - 面條配上青瓜絲, 口感幾好, 炸醬配料有洋蔥及豬肉, 唯面層亦係有層油, 我要倒開層油先撈落碗面一齊食, 味道一般, 令人失望!最後試埋個紫菜飯卷 ($42) - 味道亦係一般, 飯粒偏乾, 餡料無咩味道, 敗北!早知過去隔離街買外賣飯卷仲好味道, 價錢仲平過呢度!之前都幫襯過呢間, 唔知點解水準差左咁多, 莫非開多左分店有關?! 唉..............................

明洞EXPRESS這個燒牛肋骨味美，除了牛肉新鮮，所採用的燒汁也功不可沒，醬汁徹底滲透牛肉, 令肉好JUICY 韓醬味道帶甜, 吃起來不太膩, 餸汁塗飯一流, 牛肋條肉淋, 肉質感覺似牛腩但卻比牛腩嫩, 絕對值得一讚!

係尖咀想食韓國野, 9成都會諗起韓國街...我就無特別食過邊間覺得好食, 所以係無preference之下揀左呢間叫express既, 睇落去都好多年青人wor...我地叫左Mixed Buckwheat Noodles, B-Beef Bibimbap, Gimbap...Mixed Buckwheat Noodles: 好咸好傑, 落左湯之後好少少, 但係都係太濃味, 再落湯就變左湯麵啦...青瓜可以多d...得一隻味係到口都wear...B-Beef Bibimbap: 得生菜既石鍋飯, 俾d心機好無呀? 石鍋飯中間隻蛋黃無左唔緊要, 連基本既菠菜同蘿蔔, 大豆芽都無, 牛肉你可以係用肥牛整...唉, 真係見到都知你hea我啦...pepper lunch都係肥牛, 人地鐵板就熱到有聲, 又有香味 ...OMG, 我知點形容啦..."琴日打邊爐食剩肥牛同生菜, 不如煮個白飯食埋佢啦!"...評語係無菜, 肥牛乾, 唔夠熱, 無飯焦...Gimbap: 左下個件無蘿蔔, 無牛肉, 紫菜唔夠麻油, 飯太多, 餸太少, 件件size都唔同...hungry korean比佢好食得好多好

星期六同BB係尖咀行左一陣街之後, 不經不覺就8點, 剛剛到覓食時間啦好奈都未去過明洞, 去到門口, 竟然吾使排隊喎, 以前係晚飯時間係要門口等位, 而家唔使BB本來想選泡菜食品, 但我麻麻, 結果我就點左牛肉湯, 而BB就點了牛肋骨鐵板牛肉湯夠晒熱, 好鮮甜, 奶白色既湯, 應該用唔少牛骨淆成, 而湯裏面既牛肉, 經過湯浸熱之下, 都唔會太靭, 湯裏面尋寶下, 仲發現有幼身既面條, 這個配搭不錯BB選既牛肋骨, 的確無選錯, 肉質妝幼嫩又不失咬口, 好JUICY, 其實我比較鍾意食這個多過和牛 (可能犯賤), 醬汁夠甜, 送飯一流, 唯獨不滿意係檸檬茶係無檸檬, 說穿了其實係陽光檸檬茶, 但收13蚊一杯

是晚係生日飯突然好想食韓國野經過見到依間野就入左去有得食燒肉同鍋我地揀左炸醬麵，甜甜地，但食得多覺得好重味精，要狂飲水，但好大份雞肉石頭飯，足料，食到雞肉，但無咩特別，同埋偏咸紫菜飯MENU係無既，落單果時問佢佢先話有，味道都好一般，不要太高既期望但原來係牛肉，唔食得牛會要整走。。下次未必會再去，因為真係好一般下

餐牌上有兩款牛肋骨餐: 特級牛肋骨和燜牛肋骨, 都是$98. 研究了一陣, 最後選了"燜牛肋骨", 大蘿蔔兩件, 牛肋骨的份量也算夠多, 件件燜得夠淋, 入口一咬, 自然脫骨, 味道如一般韓式, 甜重鹹輕, 送飯仍是一流. 朋友的豆腐湯 ($50), 辣度適中, 豆腐軟滑, 但香味不足, 試過黃埔新村的一間韓店, 用蝦膏煮湯, 味道超正, 這間僅屬合格水準, 而且蜆仔太少. 此韓店的食物不貴, 絕對是合理以內, 但啤酒價錢, 與其他韓餐廳一樣, 收$30/細枝, 都無問題, 但唔夠凍, 死罪!!!!

.............韓國泡菜薄餅 👍👍👍👍 (5分滿分).............今日黎開sem飯😌點解選擇依到？👉#價錢合理 的#韓國菜 ✌😗 每人$100留下就可以拍patpat走人 👉#自助形式 要自己行去order自己拎其實我覺得韓國人服務態度認真麻麻 自助可能更好 👉來過6次 每次食物都不錯😈所以今次又黎✌👉每次黎 都一人一個飯再叫小食 但今次同行男仔話吾叫咁多先😂竟然男仔扮細食😈😈我地叫得5個飯 所以吾夠飽 去#redchicken#紅雞 再食#啤酒#炸雞😂👉👉#泡菜#薄餅 ：咁多次黎都好好食😇好勁泡菜味！血紅色的顏色可能會嚇怕你 但吾太辣嫁 可以放心食💋👉若果真的怕辣 可以叫#海鮮薄餅 會係正常的黃色😄但都好食嫁！.............韓國炸醬面 👍👍👍👍 (5分滿分).............👉👉韓國菜當中 最愛的 便是#炸醬面 💋👉👉無限無限好食 是促使我黎既最大原因😁😂😂👉人生第一個炸醬面係依到相遇 #黑蚊蚊 的外表 吾知點解極度吸引我😂😂👉👉甜甜的炸醬 配上 彈彈的面條 勁吸引我👉👉硬係覺得 韓國既公仔面 比香港好食得多😂😂👉👉今次的面比上次好 上次d林

係韓國街幾乎成條街都係食韓國菜，但係明洞Express Myung Dong Express都算一間幾特別既韓國菜。一行入到去有好多位，如果坐卡位兩個人就要同人搭枱。搵到位坐就睇meun，決定好食咩就自己出去俾錢點餐，再等叫號再自己攞餐。我地叫左2樣野食，泡菜拉麵炒年糕 + 辣泡菜豬肉飯。D餐具都係韓國用既鐵腕鐵杯，感覺好正宗。一個飯會有送前菜，前菜當然會有泡菜。我就好中意食泡菜既，所以第一時間先試個泡菜，又幾好味。吾會好辣，配合番香港人口味。泡菜拉麵炒年糕年糕唔會好辣，口感好煙韌，D汁滲晒入年糕入面，超好味！拉麵都唔好話好林。雖然服務無咩，但好在食物味道不錯，而且環境都唔係話好差。總體都唔錯既，值得一試。

尖沙咀嘅金巴利街同道全係韓食，黎到呢個小首爾千揀萬揀，選左間平價明洞Express，先黎個環境就覺得中了小伏，一入去有陣味，快餐店點餐方式，買左餐就俾個震動器你等震⋯提餐，蕎麥冷麵有個凍湯倒落去一齊食，只係加辣醬嘅麵，毫無驚喜，唯一可讚嘅係麵稍有咬口，有一小碟泡菜同薯仔前菜，泡菜都可以係難食嘅超失望。