Video
5-min walk from Exit D4, Causeway Bay MTR Station
continue reading
Telephone
28825056
Opening Hours
Today
12:00 - 15:00
18:00 - 22:30
Mon - Sun
12:00 - 15:00
18:00 - 22:30
Above information is for reference only. Please check details with the restaurant.
-
Online Booking Service Coming Soon
8月23日，我與朋友前往銅鑼灣世貿中心13樓的名家韓國餐廳享用午餐。這家餐廳的位置稍微有些隱蔽，需要先到1樓再轉乘電梯，但抵達後便會感受到寬敞舒適的環境，非常適合與朋友一同聊天放鬆。我們三人到場，餐廳提供了六小碟前菜，並且可以任意續添。這次我點了牛肋骨湯午餐套餐，價格為$128，外加10%的服務費。湯的味道清甜，牛肋骨煮得非常軟嫩，入口即化，讓人感到相當滿足。雖然價格略高，但食物質素和用餐環境還是令人滿意的。不過，餐廳的服務方面還有改進空間。部分職員可能因為太忙，態度顯得一般，但這並不影響整體用餐體驗。如果你正在銅鑼灣尋找一個舒適且不算太昂貴的用餐場所，我會推薦名家韓國餐廳。這裡的韓式料理和寬敞環境確實值得一試。
continue reading
隨便走入一間韓國餐廳估唔到都咁好食！最驚喜係呢一個海鮮煎餅，非常脆口，睇落好紅，但完全唔辣，夠晒熱咁樣上，非常好食！大推！石頭鍋飯普通，重口味嘅朋友記得要落多啲醬非常足料嘅炒粉絲！未見過咁大隻青口去炒粉絲！每一啖都覺得好足料好好食呢個豆腐鍋都好有驚喜，味道非常夠，襯埋個白飯一流餐廳環境都唔錯，坐得幾舒服之餘，服務態度非常之好，一招手都即刻行埋嚟，唔似得其他餐廳叫極都扮睇唔到服務員仲好，主動會加茶，講吓原來每樣嘢我哋可以講小辣定係正常，無論你係食得辣唔食得辣嘅朋友，都可以揀呢一間餐廳試吓
continue reading
名家食咗好多次，由細食到大，我心目中香港韓式餐廳嘅標準指標。個人喜歡佢樓面較寬敞乾淨及唔嘈，食完BBQ唔會成身油煙味。雖然香港有好多韓式餐廳，而每當我想食韓式牛肉他他時，我必會去食物質素長期維持的老字號，本小姐唔想拉肚子，所以來到名家必點牛肉他他。正宗嘅韓式牛肉他他是伴韓國梨的，又甜又多汁的韓國梨當做季節是九月至11月，所以特別適合秋天吃！今次除咗牛肉他他，另點了套餐，有和牛，牛肋骨，人蔘雞湯等等，服務態度好 ，幫手燒肉，地點來說，性價比超強。
continue reading
想講呢間個景真係靚到癲！無諗過以最低食物消費$1xx嘅價格係可以睇到對正灣仔會議展覽中心個景😱當然我哋無booking，walkin就只可以做到偏海景，但都真係相當靚配菜已經好好味，有六款，可以免費refill一次！叫咗個牛肋骨韓燒，無醃嘅，口感好好。我哋仲叫咗三色餅，三隻味都唔錯！個韓式湯都好正
continue reading
有一段長時間冇食傳統韓國菜，今日心癢癢同屋企人去銅鑼灣shopping 就諗起呢間曾經經常幫襯嘅韓國餐廳。去到發現有好多小朋友同家庭客，原來今日有維港無人機表演。 座落世貿呢間韓國餐廳，出名裝修靚，景靚，入邊欣賞維港景一邊食高質韓國燒烤，確實真係一個享受。一走入餐廳，侍應好熱情咁招呼我哋坐低咗喺窗邊位置，斟好熱茶就送上前菜。前菜有六小碟，泡菜係咁多個小碟之中最好食，辣度適中，亦唔會好酸。我哋點咗兩個牛肋骨，一條又醃另一條醃。牛肉高質，燒熟仍然係好腍，有醃過嘅比較好食，所以我哋再encore。人蔘雞湯好好味，雞肉嫩滑，裏面嘅糯米有淡淡的人蔘味，雖然好飽，但係我哋都成個清晒。喺韓國餐廳裏面，比較少見到鱔魚，所以我哋又叫嚟試吓，估唔到又幾好食。鯖魚係我每次必點嘅食物之一，果然係冇令我失望，外脆，魚肉juicy。值得一讚嘅係，侍應見到我有兩個小朋友，好細心咁問我需唔需要幫我將啲食物剪開，呢個舉動都幾窩心。海鮮煎餅有好多海鮮，但如果可以再脆啲會更完美。總括嚟講，名家都係我喺香港食過最好嘅韓國餐廳之一。 以景觀，食物質素同埋服務，性價比還是算高的。
continue reading