牛一 (利港商場) (Moved) New Location

「好抵食嘅2.5個鐘火鍋」啱啱係香港仔踢完波真係好鬼肚餓，成班食肉獸最適合打邊爐。本身都諗住要快快脆脆攪掂個半鐘食完就走，點知一嚟到個侍應話啱啱有promo 可以免費升級食2.5小時。哇! 我地即刻好似中左獎咁開心。平時90分鐘真係要一坐低就即點肉同出去拎野食，今晚終於可以慢慢咁嘆下。叫咗個壽喜燒湯底唔錯，加埋日本雞蛋好正。除左肉, 都仲有好多新鮮蔬菜, 菇類, 丸類咁, 有d 都唔錯架~!! 仲有froyo 同雪糕, 雖然唔好甜野,但見佢咁整齊乾淨, 即管試下, froyo 又好味wor, 仲有好多toppings 配。另外，佢仲有任飲啤酒，正！唔飲啤酒ge fd 都可以任斟汽水。順帶一提, 個汽水機真係十分先進, 我真係從來未見過d咁hi-tech ge 汽水機, 感覺好衛生。有咁多嘢任飲任食，又可以成班慢慢嘆成2.5小時，我諗呢到好可能會成為我地成班波友ge 飯堂啦~!我哋叫左澳洲和牛，貪佢可以叫埋極上美國牛，兩款肉都好正！我地真係食左好多，食過幾間放題覺得牛一d 肉真係好唔錯!!!!

過去一個月內曾到訪牛一 兩次以呢個正常嘅價錢，中規中矩嘅質素，同奇差嘅態度，可以選擇去其他地方食第一次！同男朋友放工後黎食當晚是門口女店員幫我地落單唯湯底唔知點解出錯了 我落嘅是昆布湯，黎到的竟是蕃茄湯但怕麻煩，所以就由得佢了第二次！跟家人一起來再試多次結果！！！門口年輕稍胖的ASST. MANAGER態度奇差！當晚環境好嘈吵，因為佢話聽唔到我想落咩湯底，所以我便大聲小小地每隻字講清楚，怕到時又比錯湯底我。點知！！！佢竟然好大聲好似發脾氣般重覆我所講嘅湯底。唔該，聽唔到野嗰個係你而唔係我，你咁大聲做乜。其後佢帶位，無睇到login唔到點單嗰部機就走左，所以就叫左MANAGER黎整。點知！！！佢竟然戴住手套撳部機，仲要滴左滴水落我腳上面。雖然佢係有講對唔住，但衛生意識會唔會低左小小值得一讚嘅係，在場有位男trainee，雖然佢做野可能慢小小，但態度實在係好太多！可能係唔夠人手，在場嘅人都冇咩笑容但我諗冇人想比錢去食餐受氣嘅飯唔係要你笑到四萬咁口，但態度可唔可以好小小🤷🏻‍♀️

小妹都有好一陣子沒有光顧這些半自助的日式火鍋，事關牛肉的質素很一般，數年前光顧過牛陣，質素實在不敢恭維，今次友人盛意拳拳地介紹這家牛一，即管去試試吧！ 店內光線充足，油煙味不算太濃，以平日午市來說，生意很不俗。 這裡是每位$78配以一客牛肉及自助火鍋料。牛肉的色澤光鮮亮麗，肉質嫩滑重牛味，有驚喜喎！ 算了蕃茄鍋湯底，鮮甜的蕃茄最適合做火鍋湯底了！自助吧還有不同的丸類，每款亦很高質，小妹最愛芝士丸。還有不得不提的就是和牛咖喱飯，不辣的日式咖喱，咖喱味香濃，加上鮮味牛肉，可以吃上兩碗呀！ 火鍋的麵食，Presentation 可媲美大酒店呀！ 還有其他火鍋配料，實在有誠意！ 還有Dairy Queen的乳略味雪糕及阿華田雪糕，絶不會比Yo Mama輸蝕。 還有不同的toppings選擇，好正呀！小妹最愛肧芽～雖然唧到有樣衰，不過真的很好味呢！這裡可以再來呀！

其實呢間鋪頭相信其他分店巳開業一段日子，但我竟然係呢半年先試過這間既自助火窩，收咁既價錢，有咁既水準，係香港都真係算係咁，我都幫親過好幾間分店，大致上都大同小異，個乳略雪糕係 signature，相信大家都唔會反對啦！值得一提係佢部新式既汽水機，都比到D提意我既，大家不防試試！

一百五十多元可以食到這些質料放題,絕對非常不錯和滿足,而且還有期間限定的紫薯雪糕,雖然都係原味好味些期間限定的湯底椰子雞鍋完全可以不試也罷環境尚算可以,唯獨店員真心令人氣結,大部份西口西面,叫加追牛肉,一句:"自己落單"完全令我們都變了黑人問號,原來要用枱底收藏了的平板下單,而且仲要在登入畫面中! 有一次我仲要俾架裝骯髒碗的車撞到,個阿姐一句道歉都無都算了,仲要好似怪你令到佢撞到你咁，幸好條褲只是骯髒了少少,而且不是名牌,不然實開佢波如果你只是想在那裏食一些中上少少的火鍋放題是可以,但如果你不想受氣就可免則免了佢地咁既service真的不應收加10%服務費除了入執枱的印妹係有笑容之外,其他簡直係西荒極落人來的

牛一喺香港仔插旗已經多個月， 琴晚係我第一次試一間火鍋店。 我一行七人試一試呢個任飲任食。環境： 環境寬敞而且人好多，咁樣食火鍋呢就最好，因為人多啲食物可以不停更新就唔會長放喺度就唔新鮮啦。食物： 有好多丸類可以選擇，而且又有好多唔同款可以揀。腸仔估唔到會用廚師腸，質素好好。有好多唔同款式嘅菜，鍾意健康嘅你就可以大吃特吃。部飲水機非常先進，我都要花少少時間先識得點樣撳啲汽水出嚟，一部機有唔同款式嘅汽水揀。和牛炒飯，鍾意食火鍋又鍾意食飯嘅朋友可以一試。豉油都有成五款真係咩口味都有齊。牛肉和豚肉： 牛肉同豬肉切得夠薄，打邊爐淥一淥就即刻熟，而且品質高，比起其他任飲任食嘅例如X涮鍋更加好食。甜品： 有雲呢拿同紫薯雪糕任你整任你食，而且可以加唔同嘅配料，例如爆珠和棉花糖。服務： 服務幾好， 換碟都好快，而且啲侍應好有禮貌。綜合意見： 環境寬敞，食物品質高，服務都令人舒服，值得去試。

難得入去香港仔探朋友，天氣涼涼地本身諗住食稻香。點知上到去見到新開的牛一，而且唔需要等8點半已經任食，當然係選擇牛一啦。今次我地選擇左極上美國牛肉加豚肉，豚肉質地一般，但美國牛比起一般肥牛更有肉味，而且唔會鞋口，2個人最後食左6大碟，已經覺得值回票價。除左肉類外仲有個擺得好精緻的自助bar,有好多唔同種類的食品，最特別係出奇地多疏菜，而且屬於一般少見的。而食完野食，仲有自助雪糕機，有兩款唔同口味，特別推介好立克味雪糕，因為出面好難好到，仲有十幾種唔同配料可加，鐘意食雪糕的一定要試啊。

好少去香港仔食野，一食又食到間幾好食既任食Shabu Shabu👌🏻鴛鴦鍋叫左三文魚豆乳湯同鮮茄濃蝦湯，豆乳幾特別滑口，蝦湯就無乜蝦味。特別優惠！做會員即時送你貝類刺身，帶子都幾新鮮，貝刺身就一般啦。不過食shabu shabu重點係啲火鍋料嘛，呢間真係有好多選擇，仲有好多岀邊好少有既餸可以食。單係丸都多過十款，而且唔係平常普通既墨丸貢丸，芝士丸海膽丸就一定有既，仲有醬爆肉丸，麻辣丸，同埋呢款我地至愛既麻糬魚蛋！連醬油都有幾款俾你揀。菜都有好多選擇，玉子豆腐一碗碗方便攞，仲有羽衣甘藍同茼蒿呢啲特別菜。肉方面叫左極上美國牛肉，牛肉味濃郁，唔會太肥太瘦，質素不俗！豚肉就第一碟幾好食有肉味，但再上果幾碟豬就太薄啦，任身之下叫多幾碟牛最扺。到最後既任食雪糕！有別於普通雲呢拿雪糕，呢到有柯華田雪糕同乳酪雪糕！（有時會轉做好立克），可以自己加配料添！

今日天氣好凍，一定要食打邊爐暖下身。喺利港商場開左一間火鍋放題：所以就去試吓啦餐牌餐牌有六個set 選擇,今次澳洲和牛小排&豚肉。餐物和牛炒飯炒飯就外層金黃色，蛋粒都有好多，食落去每一啖都有牛肉嘅香味。唔太油，飯都幾爽：食完唔覺太飽。咖喱牛肉飯咖喱牛肉飯用咗日式咖喱煮嘅，食落去有甜嘅辣味。裏面有蘿蔔同埋牛肉。肥牛肥牛紋理清晰，一底有七塊：食落去啖啖牛肉味。食幾多都唔覺肥，肥牛放入火鍋幾秒；即刻食，牛肉好滑。豚肉豚肉外面色澤鮮豔。每一片豚肉都好薄。一盒有8塊豚肉。邊爐湯底:今次我就叫左蕃茄豚骨湯。湯底為鮮橙色。丸類肉丸類有芝士腸、餃子、年糕魚蛋。麻辣丸麻辣丸食落去八角嘅麻，有花椒嘅辣。外層好彈牙。流心粟米魚蛋咬一啖就有粟米汁，再咬多一啖就有粟米粒：越食就多粟米。好想食完一粒再食一粒。甜品甜品有兩款雪糕味道：一款阿華田雪糕,另外一款係雲呢嗱雪糕。雪糕質感好軟，但夠凍。我放左玄米粒，一軟一硬嘅口感：好奇妙嘅感覺。餐具餐具有餐具架，放咗好多筷子：如果有人想用公筷，就唔需要問侍應攞筷子；感覺非常方便。架上仲有牙籤。環境樓底高，燈光又夠光猛。餐廳內仲放咗部電視，夜晚如果想睇電視劇：唔使擔心Miss

在香港仔居住的我, 從此會多一個食飯聚腳的新蒲點了, 事緣香港仔新開了一間叫”牛一”的打邊爐的食肆,全部D嘢任食, 而且D食材質素相當唔錯, 啱晒我呢個超鐘意食火鍋的人, 我昨晚同朋友去食了一餐, 非常的滿足, 非常之滿意!一入餔頭, 見到裡面人頭涌涌, 星期三哦, 不是週末哦,都咁多人? 咁多人捧場, 想必有他的吸引之處, 我們安排在一個卡位, 非常闊落, 選好湯底後我們便各自出去調制調味醬料, 在餐廳的一個U型角落, 摆滿了很多唔同的火鍋食材, 有各類丸仔, 腸仔, 獅子狗, 日式餃子,蔬菜都有很多種, 有經貴的羽衣甘藍, 有油麥菜, 有茼蒿, 黃伢白, 有萵苣, 紫薯, 粟米, 仲有公仔面, 粉絲, 烏冬等等….., 睇落非常干淨企利, 而且非常新鮮, 最令人惊喜的是有自助雪糕機, 仲有很多自製雪糕的配料, 有啫喱, 有朱古力碎, 有日式紅豆, 仲有粟米可可片…..很多很多, 等你可以隨心所欲的配制獨特口味的雪糕.來呢間食的另外一個主要原因是牛肉, 豬肉任食, 打邊爐點可以沒有牛及豬? 我們選的是每人178元任食的極上美國牛肉及豚肉 , 上來的牛肉質素認真唔錯, 切成薄片的牛肉是

香港仔新開一間火鍋放題 ─ 牛一， 同朋友食晚餐，決定對自己好，選了極上日本牛肉•豚肉火鍋放題，每位$368。先選湯底，有8款可供選擇，簡簡單單選了干貝清湯。之後，就來了牛肉同豚肉各兩盤。牛肉質量非常高，極之新鮮，薄切，脂肪分怖均勻，是必吃之選。 豚肉也不錯但還是喜歡吃多一點，便多點幾盤牛肉，而且是無限添加，食完可以再落單，不停食，直回票價了!!自助區選擇又多又新鮮，如炸魚皮、餃子、粟米、丸子類、菜類等，吃那麼多肉都要吃點蔬菜來平衡一下，其中麻辣爆心丸子必吃的!除了火鍋配料，喜歡吃飯，咖哩飯都不錯。甜品配料都有十幾款，可額外加，小朋友都會喜歡有不同種類的配菜。雖然是新開將的火鍋店，但服務員都很勤快，經常收盤子，和及時添加自助區食物，清理自助區的桌面，非常整齊又乾淨，讓食客食得安心又滿足。

今晚個朋友搵我入香港仔幫手，之後佢慰勞我就帶我去左香港仔中心對面既利港中心度打邊爐。原來係黎呢間新開冇耐既牛一，係香港仔黎講，呢度應該叫方便，因為話晒都係中心點，而且附近又有好多小巴站。呢間分店話晒都係新開既，所以裝修新淨企理，地方寬敞，環境舒服，坐位又唔迫夾，係要小心地滑姐。Menu呢度主打Shabu Shabu同Sukiyaki放題，限時90分鐘，肉類就分日本豚肉、美國牛肉、極上美國牛肉、澳洲和牛同日本和牛等等，收費就根據所揀既肉類黎計，價錢就由$138起。order完湯底同咩肉之後，就可以去劃分得清晰既食物區，飲品區同雪糕區攞野，全部食物都放得井井有條，仲好多選擇tim。咁多選擇，如果有選擇困難症既都幾難搞我地最後揀左極上美國牛肉同豚肉，賣相唔錯，色澤又粉嫩，油脂都算平均，配埋壽喜燒湯底，味道唔錯。最值得推介既係佢新推出既阿華田雪糕，將我最鍾意既茶餐廳飲品變成港式風味雪糕

阿囡考完試，係時候相約媽咪們鬆一鬆了，香港仔間間餐廳都食過哂，都唔知食咩好。。。。係呢個毛文，發現了新開無耐既牛一牛肉係我既至愛，一於上去啦！環境及坐位寬㑽，佈置舒適，可能係新開既關係，地方相當整潔，閒話少講，睇下有咩好食先由於閉關太耐既關係，二話不說就點了個最豪華既＂極上日本和牛。豚肉＂放題，再黎選擇湯底，款式也相當之多，店員話食極上既牛肉可以選擇比較清既湯肉會食到牛肉既原汁原味，於是點了干貝淸湯。等待期間就到出面攞野飲加睇下有咩野好食原來依家咁先進汽水可以自己斟自己溝，又幾好玩喎各式食物鍾意食咩就攞咩主角出場，牛肉顏色鮮紅，脂肪分佈平均，賣相當相吸引，豚肉也不懶呢。極上果然係極上，入口相當腍，肉味濃郁。另外,仲有一樣我覺得好抵讚既,就係蔬菜瓜果既選擇十分之多,而且又新鮮又干淨,連"雨衣甘蘭"都有,問你服未?!食足90分鐘,真係飽到上心口,大滿足!由於我地坐門口位置,不斷見人潮在門口等位,閒日黎講相當小見

最近越開越多日式火鍋店，都是標榜以靚牛作招徠，同朋友試咗幾間，但質素參差。今日朋友邀請我去佢屋企玩，得知佢屋企附近開咗間牛一，晚飯時間就一齊去試吓。可能係新開關係，未夠7:00已經勁多人等位，場面非常虛撼。未入去之前已經即刻成為左會員，因為知道做咗會員着數非常多，成為會員後立即送咗一份貝類刺身！😋差唔多有位時，店員就會叫你喺入坐前揀埋湯底同所選套餐，方便可以盡快送上鍋底，節省時間！入咗後，便拎起碟子到自助美食區拿取食物，食物選擇一應俱全，有丸類、蔬菜類、粉麵類、醬油都是自己調配的，還有自助汽水機和大雪櫃挑選自己喜愛的飲品。美食區內裝修非常精美，而且食材新鮮，擺放貞子，乾淨衛生，選擇種類亦非常多，我和朋友都非常滿意。限時90分鐘，可以任點澳洲和牛小排（$278）、豚肉和肥牛，這是用平板電腦點菜的，非常先進。湯式選三文魚豆乳湯，味道唔算好濃郁，又唔算好清甜，但當放咗唔同食材落去煮左一陣之後，湯底開始變得鮮甜，都係覺得唔夠未嘅話，出邊仲有好多醬料俾你任搭任配，重口味嘅你一定啱晒啦！吃完火鍋後，還可到美食區拿雪糕吃！今期玩推出左好立克同阿華田雪糕，仲有自家製乳酪，唧好雪糕後仲有超過10幾款嘅t

香港仔最近新開左一間火鍋放題 — 牛一今晚同朋友嚟到食晚餐，我地點左個極上美國牛肉•豚肉火鍋放題，每位$178首先揀湯底，我哋加$18揀咗混合湯底，可以一款重口味同一款淡口味，分別係壽喜燒湯底同三文魚豆乳湯底，咁就可以一次過試晒兩款口味。店員送上兩款刺身，食落非常鮮甜，不過刺身係無得添的喔！之後來左兩盤牛肉同一盤豚肉。每盤肉嘅份量唔多，但因為可以無限添加，所以每次幾片肉咁上更好，感覺更新鮮！極上美國牛肉質素唔差，牛肉味香濃，脂肪分布均勻，另外牛肉果然配壽喜燒湯底是最正的！那個濃香的味道久而不散，湯底配兩隻生雞蛋，讓客人可以再煮牛肉的時候加上，這就是正宗壽喜燒的感覺！我建議選極上或以上的牛肉，可以無限添加的喔！雖然極上牛肉的味道也都是不錯，咁和牛一定是入口即溶的吧！有點後悔沒有選擇和牛。自助區嘅款式多而且特別，蔬菜竟然會有羽衣甘藍！感覺超高級，打邊爐都有營養價值珍貴嘅羽衣甘藍，而且非常新鮮！丸類方面選擇種類多，有餡無餡款式都有齊，海膽丸、蟹籽丸、芝心丸、牛筋丸、各款腸類等。當中我最推薦嘅係麻薯魚蛋！軟糯嘅麻糬帶點香甜，外面嘅魚蛋魚味十足，口感又彈牙！另外牛筋丸也不錯，彈牙多汁，味道夠濃！