牛一 (屯門市廣場1期) (Closed)

湯底選擇很多，辛辣的，養生的，甜的酸的都有， 合乎我地喜歡試新野精神。 牛肉和豬肉不可不斷叫侍應添加， 牛肉有肉香， 煮耐咗都唔韌， 好食。 其他蔬菜和丸子出去自取。 雪糕自取，好滑好香牛奶味，好食。 

好耐冇食牛一放題，難得放假又見吾洗點等位就入去食返餐。☺️午市沒有鹿兒島和牛任食，有點可惜，限時90分鐘，最後選擇澳洲和牛過下口癮。 壽喜燒湯底附送蛋，正。😍用QR Code掃描下單，主要得肉類和收費食品，其他配料醬汁，飲品甜品都係自助式。🤗🥩澳洲和牛薄片大大塊，落熱湯過三秒夾起，食得。賣相不太好看但幾好味。 一盤放太多片，雖然吾洗叫多幾次都係好事，最後點左兩次就飽啦！ 吾通係小編細食左？🤣配料有菜🥬，菇🍄，粟米🌽，瓜🥒，腸，粉麵🍜，飯🍛，丸🍥等等，一定夠你夾。😋醬汁選了柚子醋，清爽。💞飲品櫃有各款紙包飲品和罐裝飲品，都係任取。🥂甜品係乳酪，自行添加，各款配料如椰果，朱古力，細粒棉花糖，椰絲等等，可以再加配士多啤梨醬。😋食左一小時左右就食飽，大家可以趁而家少人來食餐飽。😊

唔係第一次食牛一但係今次食完喺餐廳已經即時肚痛即刻去廁所肚痾🤮🤮🤮同行朋友都食到肚痛🤢🤢真係貼錢買難受😭😭嗰日係假日去到餐廳門口覺得冇乜人排隊已經覺得有啲奇怪平時係極爆極多人排隊今次竟然等兩張枱就到我哋唔知係咪因為質素下降所以顧客人數都少咗另外以前我記得係有芝心丸 而家都冇咗叫左豬骨湯底90分鐘食$138 一位 牛雞豬套餐豬肉係比較好食之外牛肉真係完全唔得仲要食到肚痛真係真係要blacklisted

尋日行完街想打下邊爐，屯門市中心抵食之選就一定係牛一啦，初初拎位都見好似無咩人等咁樣，點知行到過去已經多左好多人，無辦法啦咁唯有行住街等位啦大約等左半個鐘就有得食啦，其實都算好快揀左晚市食90分鐘 因為都係快食，揀美國安格斯牛 盛惠$198加一入面汽水任飲，蔬菜丸都係出面自己拎，所有野都有蓋既都算衛生肉都叫見得下人，平食就無咩要求但求飽肚，所以黎咩都係隊哂落去個爐度就算啦其實食一個鐘都飽哂嫁啦 最後食埋個雪糕就走人

牛一好耐冇食. 偶然行過試下，一試中伏…平時冇出pose ， 今次覺得要分享下…中伏係指佢d和牛 (A4) 🤦‍♂️， 食完兩碟，係會唔想再叫… 第一次我對A4和牛會咁有自制.再叫佢其他幾款和牛， 都係肉色偏暗淡， 比正常同級和牛多肥皂 ， 食落都叫入到口， 但冇肉味，冇肉味又多皂我點解要食和牛🤔 其實我食過牛陣既和牛， 都比佢好， 價錢仲平3分之一同場見其他食客，都係叫最平既一兩款餐， 似乎其他食客都好精明， 只怪我唔做research 就黎食.雖然未必有下次 ，有下一次都只會叫最平個款 ，免失望，掃興. 其實間野都算多人排隊入坐，可能其平肉餐都係唔錯既. 所以平平地食ok, 和牛餐就免la.

平時夜晚次次都大排長龍，所以我就選擇左中午黎食，都係六七十蚊勁抵食，可以食60分鐘，我地叫左蕃茄湯好鮮甜，出面自助式拎佩菜，好多選擇一定有野岩食的，仲有雪糕機最正既係乳酪蛋糕黎的，好好味

好少入屯門，專登搵左間平平地嘅自助火鍋好彩冇令我地失望揀左午餐90分鐘＄128嘅set揀左鴛鴦鍋，一個係壽喜燒，一個係季節限定嘅藥膳鍋藥膳鍋好多藥材係入面，但味道實在太似飲緊大補湯，可一不可再壽喜燒係正常一定唔會伏嘅湯底，會愈煲愈濃，雖然好口渴但係好甜好適合打邊爐單係醬料已經有好多選擇，面類都有好多款式，仲有汽水區，Frozen Yoghurt可以揀好多配料除左打邊爐嘅火鍋料，仲有啲熟食，我好推薦佢嘅咖哩非常有日本咖哩風味，可以配碎粒和牛炒飯除左自助拎火鍋料，都有得再加點肉類，海鮮等等我地就再加點豬肉同牛肉，仲有生蠔同蝦滑跟set嘅豬肉食落有陣騷味，但自己落order個陣相對新鮮好食而生蠔都幾鮮甜蝦滑就完全唔推薦，好似食緊粉漿咁，完全食唔到爽口彈牙嘅感覺呢間店都幾多一個人黎食午餐邊爐，係幾抵食，同埋種類都多。

🌽食物、飲品擺位一目了然，菜蔬款式應有盡有🍄我哋選擇咗昆布清湯底，個人喜歡店裏面的豆腐卜，羽衣甘藍、蓮藕、黑椒牛丸，流沙包🌻而豚肉及牛肉質素唔錯，不太肥，有肉味。結帳每人大約$100，合理

FoodTaste:  depends on your cooking skill, I guess. Quantity: Unlimited Attractiveness: AveragePrice: no comment ServicesTable service: Moderate table service: Including "raw material" delivery, water refill, and payment. Other than these it's basically a "help yourself" restaurant.Employee attitude: can't complain Lighting, atmosphere, and environment: acceptable Comment: Suitable for gathering because it gives you around 105 min to eat which may not be possible in ordinary restaurants. 

牛一牛涮鍋牛氣都食過唔少次，牛一最有記憶點就係有任食乳酪，唔知邊個天才諗出黎搶客😀今次食牛一印象最深刻係有好多平時打邊爐唔會見到既蔬菜，竟然有紫薯！仲要烚完好甜好好食，唔係飽左真係想食多幾件😂

服務時一直黑面並且說話很沒禮貌，是位阿姨來的，好像欠了她一個憶一樣，全程吃飯一直站在旁邊看著我們，十分空閑，十分針對，也不知道哪裡得罪了這位女士，花錢買人臉色。

屯門有幾間類似既日式放題邊爐，但係我最中意都係牛一，價錢比較便宜之餘，配料比其他食店多，尤其係菜牛一每隔一段時間就會轉季節限定既湯底，今次係越式牛肉湯，無咩特別，非常淡，清到好似無咩味😛 好彩本身用會員積分換咗鴛鴦湯底，麻辣真係好正😍😍第一round，先黎3牛1豬，正正常常既肉之後叫咗幾round肉，次次黎都吾同樣，呢碟就好碎濕濕，細細塊宜家吾駛再舉手落單，掃單上面既qr code就可以加肉，好過以前叫完會漏單因疫情關係，出去要帶口罩，所有食物都有用蓋琴住

同仔仔午餐，大家都鍾意食牛就你個午餐放題啦，揀咗128套餐會員仲有九折添食物質素來講都算唔錯午餐90分鐘啱啱好啦唔會太迫嘅小朋友當然鍾意食雪糕乳酪啦，食咗兩三杯哈哈

有日經過屯門見到這間餐廳, 知道他是屯門區一間非常受歡迎的任食火鍋, 光等位就由7時等到9時, 等了兩個多小時。入座後限時90分鐘離座, 食物質素如其他一般任食火鍋, 沒有驚喜亦沒有太驚嚇, 自助區有豆苗及羽衣甘藍的確值得一讚。而牛肉質素方面, 我亦明白這個價錢也不能有什麼期望或要求, 而他亦只是比平均分低了些許, 感覺其他同價位任食火鍋的牛肉質素會比他更好, 但整體上其他食物質素 (除牛肉) 亦對得住其價格。只不過餐具的衛生情況確實有待改善附上一張只抺過筷子就變黑的紙巾

今晚預祝朋友牛一，特別迎合朋友要求專登入屯門吃牛一，我們3人行，點了安格斯肥牛果個$178(會員價)，限時90分鐘，座位算寬鬆，我們揀了蕃茄豬骨湯底，個湯底始終覺得吾夠濃，再自加 了很多蕃茄好正😁。個安格斯肥牛真的好有牛味👍，又加了蟲草花好好味，除了牛肉之外，D豬肉同雞肉都好好味，豬肉完全冇臭豬味，另外調味料有個黑蒜味醬油好得，再加辣椒配合相當天衣無縫，帶出牛肉更加鮮味;至於原味乳酪加上紅豆，朱古力碎，玄米碎及朱古力醬好正，總括整個火鍋各方面都good take 👍✌