牛一 (屯門市廣場1期) (Closed)

今日又同老公來開餐!老公勁愛呢度食! 豬，牛，任加無限量供應! 宜家重多了雞肉 '🌱菜'丸類'火煱配料'飲料多選擇!我最愛佢嘅乳酪雪糕! 四種口味任選!多款 雪糕配料任選

今晚八時半到這間屯門分店，排隊登記時那職員問了一句：「是否會員？」並沒有再講有任何分別，我太太那時並不知道我是，所以答不是。後來我們食完九十分鐘付款時，我在我手機的Apps發現，在平日晩上會員是有八五折，當我問那收銀的是否有折扣，她説因我開始沒有説明是會員，已經不能夠改單，要收全費又說門口已經張貼了「只有會員才有八五折」。我後來再門口看了所有的宣傳單張或海報，都沒有字句説明這「八五折優惠」，我叫她親自出來門口給我指出何處，她然後説：「你是會員就會知這優惠啦！」雖然食物都ok，但我會有些被騙的感覺他們的不主動同食客講會員/非會員的分別，是做生意不太老實。

因為係星期日，驚好多人黎食，所以夜晚六點鐘未夠就嚟咗排隊，等左一陣就入到去。要咗168蚊果個set，壽喜燒湯。個壽喜燒湯底味道好濃，但有d過甜，食耐左會覺得好重口味。初頭比既牛肉都係高質嘅，入落口好軟，仲有都好多菜可以揀，收起燒加娃娃菜係絕配。但係後尾再加既肥牛唔知點解同第一次比既唔同，一睇就知係差d、肥d，不過食落都ok既。食到最尾一定要食個雪糕再加無限配料哈哈。假日加十蚊，埋單加埋一around 200蚊，整體滿意，會再黎食！

食過牛一或者經過牛一依間餐廳都知道，每逢晚市時間必定排長龍，我試過等幾十個號碼，等左差不多兩小時先入到。難得睇完戲，撞正午市時間經過牛一，見到吾洗點排隊，當然要入去食返餐。有幾個價錢，根據食不同既牛肉分類，最貴係日本和牛，我選左平少少既澳洲和牛。每位二百幾，限時90分鐘。入到去環境尚算乾淨，入到去都差不多坐滿人，最特別係見到拖住行李既內地人都黎依度，證明依間餐廳都吸引到一些慕名而來既顧客。我選左壽喜燒火鍋湯底，附送每人一隻日本雞蛋。店員一黎就上左四盤切得又薄，色澤鮮艷同埋脂肪分佈均勻，一睇就知係靚野。每片只需煮幾秒鐘就可以上碟，不過煮熟時間要睇返厚度。因為上第二轉時，發現最上面那盤更薄切，所需既時間更短。基本上睇牛肉變色程度就可以判斷。我同家人共食左12盤和牛，1盤豬肉，真係好飽同埋好抵食。飲品方面有好多選擇，雪櫃入面既紙包飲品同啤酒，柑桔綠茶，汽水機既芬達，雪碧或者可樂，任君選擇。最後，提提大家，牛肉配柚子醋特別好味，臨走前記得食杯乳酪雪糕先走啊…]

屯門牛一門口永遠都係人山人海，所以每次想食都會用app拎定飛，不過因為個個都會咁做，所以基本上都好難預時間。老實講，佢嘅價錢唔算太貴，食物質素好，所以多人都合理嘅！我收工收得早，每次就會喺晚市6:00嘅時候去食，咁樣就唔會排咁耐隊，大家如果收得早，都可以試下早d去食，或者未出門口就拎定飛，如果唔係，排到特價時段都入唔到呀

係openrice 依到見到有100$ coupon, 咁我地就趁宵夜時間去食啦無book位 6個人都有大卡位坐~ 幾好野食種類都幾多下~ 其中拉麵好好食~ 非常彈牙另外啲菜都幾新鮮!!野飲方面都有好多選擇, 啤酒呀汽水呀都會有牛一最特別既就係有yogurt食~ 仲有得自己落配料添!!有coupon 真係好抵食!!!

“友人”經常話和牛比普通肥牛好食好多，今日終於搵到機會去試下食日式和牛火鍋。我地揀左90分鐘任食特級日本和牛小排+豚肉(另可免費點選澳洲和牛同極上美國牛肉)，成人$248/位。一坐底，侍應就先拎左5碟特級日本和牛同1碟豚肉俾我地。未熟既特級日本和牛，脂肪分佈平均，望落已經流哂口水。至於湯底就揀左季節限定既韓式牛尾湯。薄切既特級日本和牛，一放落湯滾3秒就熟，簡直係完美。一放入口就有淡淡既牛肉味滲出泥，和牛好腍又嫩滑，口感真係好正，入口即溶，同普通肥牛有好大分別，好少有機會食到咁靚既牛。滾一滾就即刻食係最好食，試過滾得太耐會鞋口。另外當然叫埋免費點選既澳洲和牛小排啦。熟左既澳洲和牛小排同特級日本和牛賣相差不多，係澳洲和牛小排牛味較重；特級日本和牛口感韌d 。特級日本和牛上：澳洲；下：日本左：日本； 中：澳洲；右：豚最後食左8碟特級日本和牛、2碟澳洲和牛小排同1碟豚肉。牛尾湯底真係無味，純粹係用個湯底來整熟d牛。湯底未滾之前食左少少咖哩飯，唔錯。火鍋配料無乜特別，正常質素；蔬菜幾新鮮，幾有光澤。只係想講鯪魚肉魚蛋唔好食。約5點半就食完既時候見到有新配料：蟹籽丸、芝士丸、龍蝦丸同芝士腸。個人覺

價錢便宜，即使晚市都只係$178+1/位，而肉質亦已經好好，肉同飲品亦都係無限添加，係性價比一流既sabusabu。中意食壽喜燒既朋友一定要試壽喜燒湯底，免費有生蛋一人一份點牛肉又係十分出色火鍋配料無限添加，比其他火鍋餐廳特別既係有黑蒜醬油，用黎點牛肉十分入味，再配合埋辣蘿蔔容真係無得頂！ 飲品種類亦都十分多選擇，大小都啱飲到甜品，每期既甜品都唔同，多數係水果味同原味乳酪雪糕，我最深印象係蜜桃味既雪糕好好味！

屯門市廣場嘅牛一有90分鐘火鍋放題， 平時佢可以遙距攞飛嘅，不過宵夜時段即九點半後就只係可以喺門口排隊，今日我哋九點鐘鬆啲嚟到，排隊等左半個鐘就有得入座喇！呢度經常都會有限定嘅火鍋湯底，最近就有韓式牛尾鍋，因為聽到韓式呢個字就即刻擔心會係好辣嘅，所以即刻問店員，好彩係一啲都唔辣嘅🤣🤣不過呢個湯底就冇咩特別喇！我哋揀咗價值$178嘅牛肉同豚肉，而呢度嘅火鍋配料都有好多選擇，例如龍蝦丸，牛丸，豆卜，芝士腸，腸仔，冬菇，木耳，年糕等等，仲有非常健康嘅羽衣甘藍。另外呢度有自助飲品，汽水茶類不在話下，仲有檸檬茶，菊花茶，椰子汁，酒類，都算多選擇！呢度仲有自助嘅乳酪雪糕，成日都有唔同嘅口味，今次就有原味乳酪，芒果乳酪，士多啤梨味雪糕，可惜因為太晏，芒果乳酪已經清左機喇！特別一提士多啤梨味雪糕真係好伏，好難食🤨🤨同埋乳酪配料去到最尾嘅時候已經得返好少。

假日11:30到達，好多人呢段時間到達，都一心想食60分鐘套餐，點知... 貼出告示，改左規則：星期六、日及公眾假期60分鐘套餐，由原先11:30-16:45 改為 15:00-16:45 ！個個企係門口商量完後，人都到左，照食啦！食多30分鐘，價錢貴一倍，佢呢招公關策略都幾絕！講返食物：質素係唔錯嘅，雪櫃內嘅飲品大部分我都唔識，選擇比以前少左好多！當日的雪糕及乳酪雪糕🍦溶得好快！依家冇飲管供應，響應環保為名，慳錢為實，牛一又賺多咗喇！可以貼出告示通知，公告天下不供應飲管，因為在場好多人不停搵飲管！

已經同friend 食過many times la!呢次係第一次想打番個食評哈哈。佢一到晚上就超多人排隊，試下等左成兩個鐘先入到。不過佢d牛同豬都好好食。雪糕又多種類。所以先encore左咁多次。Good taste!

屯門嘅牛一日式火鍋長期都要等位，或者係因為屯門只得呢一間日式火鍋店，所以呢一日我地特地早啲到，大概6點黎到就唔洗等位，今次我地選擇左$158套餐，有美國牛肉及豚肉嘅放題，限時90分鐘，牛肉肉質真係唔錯，雖然唔係最貴嘅套餐，但牛肉一啲都唔肥，豚肉就正正常常，無咩特別驚喜，配料方面亦有好多選擇，仲有咖哩飯同白汁飯，咖哩同白汁做得唔錯架，一啲都唔hea最後仲有15分鐘，侍應就提醒我地埋單同埋食雪糕，呢到嘅雪糕係乳酪雪糕黎，可以自己拉想要嘅份量，亦可以加自己喜歡嘅配料，原味乳酪雪糕正啊讚

牛一出名多野揀 豬牛又任加唔嬲 所以我成日同朋友尼 佢既curry rice好惹味 仲有好多唔同配料可以mix and match 最欣賞佢夠多野飲仲有yogurt食 不過dinner比較多人

今日同同事食晚飯，同事想烚下烚下，6點幾牛一唔洗等位，就決定食牛一。我地叫了$158(加一)美國牛肉+豚肉，湯底叫了季節限定的韓式牛尾湯。豚肉和牛肉都可以任叫任食，薄薄一片，可以食多幾片。韓式牛尾湯湯底比較清淡，自助吧的配料尚算豐富，比較多菜類及丸類，菜新鮮，丸類我最喜歡就是那粒黑色的丸，應該是豬肉丸，彈牙有肉汁，好味。最後當然要食乳酪雪糕，我每次最少都會吃三杯，夠凍而且乳酪味夠濃，當日還有桃味的乳酪雪糕，味道不錯，但始終最愛吃原味。

因為做野夜收工，就打算去平時排隊排到死嘅牛一打邊爐。果然，平日夜晚9.30可以直接walk-in。因為即興，冇留意openrice原來做緊優惠，有優惠卷拎(食完先知)，洩咗！我地喺reception 拎位時都已經有問職員呢段時間會唔會有咩優惠，職員話冇，所以就冇理到，簡完湯底同套餐就入咗去。嗌咗15x果個餐，2個人，最後2人埋300幾蚊，任食，其實真係抵。特別推介個炸魚皮，以為放左成日，抱著試下心態，點知仲好脆，浸一浸落d湯底到，正！ 平時經過食飯時候都多人到死，今次夜d嚟，仲差3分1枱就坐滿，唔會多人到又嘈又逼，夜啲嚟食下野都幾舒服。