那個ㄋㄚˋ ㄍㄜ (東寶大廈)

Open Now

Now Closed

哈囉！今日我要同大家分享一個絕對令人垂涎三尺嘅美食。呢個真係一個令人回味無窮嘅經典菜式，每次食都令我感受到一種幸福感，唔忍心唔同大家分享啊！炸豬扒麵用到彈牙嘅油麵，麵條煮熟之後，咬落去有種嚼勁，非常適合喺湯底入面吸收口感。而湯底就係重點啦，一般炸豬扒麵嘅湯底都會濃郁香濃，用到大量豬骨熬煮而成，令人食指大動。炸豬扒超級大份，表面酥脆，入口後嘅肉質鮮嫩多汁，配合湯底一齊食，味道更加豐富。價錢：$ 100分數：8/10地址：北角英皇道483-497號東寶大廈地下C-D號舖

那個台灣小食店💕呢間分店由開張到而家都係長期排隊店，店內都算多位，但午市同晚市都例牌要等位，座位唔太迫，都坐得舒服今次早左少少未夠12點黎食午餐唔駛等，坐左近門位望下外面，到十二點零就開始等位，人齊先可以入那個滷排骨便當 $68呢個便當都算大大份，有配菜有粉絲，排骨好大塊，外面炸得脆脆，裏面又仲保留到juicy唔乾唔柴，味道都唔錯，幾好食另外，好似加左$16要左杯黑糖波霸牛乳，珍珠都有嚼勁有黑糖味，都唔錯

那個既食物質素真係唔簡單，每次lunch路過都見到長長人龍，今日咁啱有啲雨少左人排隊就趁機會試下。我自己就點左呢個《那個滷排骨便當》，上枱果陣真係嘩一聲，真係好大塊，而且炸得好香，佢配埋個滷汁，令到整體唔會太乾又唔會太過熱氣。而且排骨吸收左滷汁，超級入味。飲埋杯南投烘焙烏龍，味道十分香濃，真係好解渴解膩，令到口腔非常清新。坐我對面既朋友就叫左個《雙腸滷肉便當》，果2條腸都非常大條同粗，入口相當解甜多汁，外職脆皮。而滷肉亦相當入味多汁，十分好送飯。

那個喺港島終於有分店，今晚同男朋友喺港島行街特登過咗去食，食完非常滿足😋小速龍雞腿便當$73雞脾好大隻，好香滷水味，肉偏粉紅，因為係慢煮嘅，所以非常嫩滑，餐廳好細心，俾左隻膠手套我食個雞脾。香酥排骨便當$75香酥排骨好大塊，醃得好入味，配菜好足料，有粉絲、半隻蛋、玉子榨菜、椰菜、黑椒粟米等配菜。蜂蜜麻糬白玉奶茶$36推介，奶茶加左蜂蜜好好味，奶茶入面仲有好多麻糬，飲完真係好滿足。那杯特調鮮果茶盛$48-$10杯果茶味道清新，而且仲唔會太甜，啲水果仲要係食得嘅，非常新鮮，解膩一流📍那個ㄋㄚˋ ㄍㄜ˙ (東寶大廈)北角英皇道483-497號東寶大廈地下C-D號舖

✨ 那個ㄋㄚˋ ㄍㄜ˙ ( ू•‧̫•ू⑅)⁡這間小店在大角咀頗有名氣每次去到都大排長龍難得到訪北角時發現新分店沒有人龍一於嘗嘗分店的食物水準⁡🎀 <那個滷香雞球便當>𝚁𝚊𝚝𝚒𝚗𝚐: 𝟾.𝟻/𝟷𝟶⁡雞球外皮酥脆肉質鮮嫩滷汁鹹鹹甜甜把雞球滷得入味搭配飯的一旁有炒蛋，粉絲，椰菜等便當很豐富蔬菜和肉類比例均衡⁡🎀 <香酥脆雞雞雞便當>𝚁𝚊𝚝𝚒𝚗𝚐: 𝟾.𝟻/𝟷𝟶⁡鹽酥雞與滷香雞球一樣炸得出色外皮卜卜脆脆內裡juicy調味粉微辣很香口雞件有四大件份量很多配菜和滷香雞球無異一人吃完真的很飽⁡🎀 <金鳳梨茶王>𝚁𝚊𝚝𝚒𝚗𝚐: 𝟽.𝟻/𝟷𝟶⁡鳳梨甜甜酸酸很解渴水果味味道不太假裡面有粒粒蒟蒻幾驚喜⁡整體評分：😋 味道: 8.5/10💰價錢: 人均約$90*☼*―――*☼*―――*☼*―――*☼*―――*☼* ⁡⁡ ⁡⁡

感想是 飽到飛天😂今日食下台式野試左個椒鹽排骨便當同豬軟骨便當先上左個豬軟骨便當先肉汁好正，豬軟骨都好正配菜有啲蘿蔔粉絲椰菜之類再等咗一陣個排骨便當就到了到咗嘅時候，真係O咗嘴個排骨大塊到不得了囧當然味道都係好香酥脆😛好肚餓，建議直接點呢個招牌排骨飯一定飽XDDDD

份量驚人台式便當，大過塊面嘅滷排骨，超級香脆juicy嘅炸雞😱🔻那個滷排骨便當 💰68 ➡️7/10份便當超級大份，塊豬扒有成塊面咁大。以先炸後滷嘅方式烹飪，仲剩返小小脆而唔會太熱氣，不過豬扒有啲偏肥。個口味又冇傳聞中咁驚艷，同其他餐廳嘅差唔太多，應該係因為大份抵食大家先咁推薦🤔🔻香酥脆雞雞雞便當 💰66 ➡️7.5/10可以選擇唔同口味嘅炸雞，有鹽酥、海苔、香辣。因為檯面會有其他調味粉，其實可以試均曬啲口味。脆雞份量好足，有4大塊，食落去酥脆得黎又超級juicy，好滿足😋便當有好多樣配菜，有溏心蛋、豆腐、粉絲同雜菜，食落去一啲都唔單調☺️套餐包括飲品，免費飲品有南投炭培烏龍，花壇茉莉綠茶，可以價錢升級做其他飲品。個口味同其他台式奶茶店差唔多，唔差唔差☺️如果lunch time黎食嘅話會排曬長龍，一定要早啲黎食❗️👅味道：7.5/10💡抵食：7.5/10📌環境：7/10

店長服務態度非常惡劣排隊時聽到店長叫前面人等得太耐可以幫襯隔離兩間食店， 因為隔離兩間食店無人等位， 可以直入，咁嘅店長都真係第一次見。店長仲成日問排緊隊嘅人齊人未？齊人先可入座。但眼見我前面9位未齊人只得3個人就可以暢通無阻咁直入😅只係見到咁嘅服務態度其實都已經唔想幫襯，但同朋友一場黎到， 同埋見到店長咁寸嘴我地就一於試下係未咁有‘吉士’🤣點知黎到紅燒牛魔全席湯麵，湯底並唔係我想像中濃烈，我個人更不喜歡藥材味湯底，而滷排骨便當排骨滷到仲帶有點苦味🤮 只有份量夠大大份取勝

今次我去左北角見呢間台式餐廳幾多人排隊，見有時間就想試下，通常係好野d人先肯辛苦排都要食😏 我大約等左15分鐘就有位，都唔算太差👍🏻佢地係用QR code落單既，方唔方便就因人而異，我自己覺得可以慢慢睇，又ok，最多有問題先再搵店員既姐😌我地叫左一個香酥脆脆雞便當（$66），佢叫便當實際就係一碗飯，d雞炸得好正，夠熱之餘d調味粉帶有d辣味，就算比較乾都易餸到飯食，而且碗飯有d配菜，唔會太齋👍🏻另一個我叫左限定既小速龍雞腿便當（$66），呢隻雞肶好大隻，佢係一隻滷水肶黎既，好入味之餘雞肉都係滑既，同樣佢都係有相同既配菜係碗飯度🫶🏻而食台式餐廳梗係叫埋特飲，每杯加（$12），我地揀左芭樂冰茶同埋白桃冰茶，兩杯都揀左小甜，揀完小甜之後甜度岩我飲，而佢地既果味都有🥤呢間餐廳真係唔錯，好有台灣風味，無論野食到野飲都整得唔錯，鐘意台式野食既，都值得排隊等下位既😁

今日11:50 lunch time去左食台灣野～ 那個 🥳平日一到12:15後出面勁長人龍，所以今日提早出去食lunch ～一人午餐，一個人原來都可以盡興😝😝午市套餐包飲品1杯👍🏻係好食既平價午餐🤤主食：香酥脆雞湯麵🍜$66落餐係以QR code形式落單，湯底係香酥魚菲力湯，雞排有塊面咁大塊，同埋成吋厚，雞皮炸得香脆，雞肉鮮嫩，而且炸雞件仲有幾款味道可以選擇，我就揀左紫菜味，炸雞上面灑滿紫菜粉，咬落炸雞有陣陣紫菜味，真係好夾🤤飲品：南投炭培烏龍茶飲品揀左烏龍茶，因為本身都中意飲茶類，同埋貪佢吾洗加錢，食完煎炸野飲反杯烏龍茶，即時冇哂油膩感😋

每次午膳時間經過這餐廳都有長長的人龍，包括等入座、等外賣的，所以次次都只巿望門輕嘆😅今次難得上午有些活動要處理，所以12點左右便可以午膳了想不到即使我12:10到達，裏面的入座率已經超過八成，我也是把握到最後的幾個座位而已😮餐廳是提供台式便當為主，於是在menu 內選了最經典 那個滷排骨便當；午市套餐，原本配有台式飲品一杯，以茶為主，不過可以加錢轉其他飲品，所以選了黑糖珍珠奶茶這裏的以份量夠大份出名，上菜一刻，真的有點被嚇到整塊滷排骨基本鋪滿整個碗，滷排骨是炸至金黃後，才沾上滷汁吧（我猜），所以表面還是酥酥脆脆，不算太厚，肉質鬆化不乾身，味道鹹淡適中，在哪發大大的豬排下面，會有很多蔬菜，椰菜，秀珍菇，粟米等，營養也算是挺均衡的另外，溏心蛋值得一讚，一來醃得入味，而半溶的蛋黃，用來拌飯更一流至於黑糖珍珠奶茶，能品嚐到茶的味道，而不是只有死甜，所以即使吃完大大碗的便當，也不會覺得很膩另外，他的台式飲品中，茶的品種都可以選擇，希望有機會每款都試吓

我覺得作為一間小店，親切嘅招呼其實好重要，但這間店就是欠奉。明白有齊人入座嘅規矩，但大熱天時，明明店舖只坐了一半客人，門外只有我和小朋友，出面又多人抽煙，為什麼不可以有些彈性？其實我可以入座即刻點菜，那麼小朋友就可以先吃，爸爸遲來可以吃得很快。因為有最低消費，最少一個主菜或一個$64大刨冰，或者一杯$52 嘅早餐茶，我們一大兩小，根本不可能叫三個主菜，或者我們不是他們的市場定位，對店主來說根本不重要，對我們嚟講，最低消費$60沒問題，但如果可以叫幾個小食，可能較適合。因為我們晚上不能喝茶會睡不着最後唯有叫一個飯一個面，一個刨冰。首先，炸雞麵雖然炸得夠脆，但非常咸，因為小朋友很肚餓，所以食到咁上下先影相。刨冰算合格，（如果多啲奶會更好）但賣相欠奉，以呢個價錢，坊間有更好嘅選擇。跟住個蝦卷飯，其實冇咩特別，兩樣嘢都有少許辣（落單嘅時候已經用Apps寫咗走辣，但係都冇用）環境裝修好似不錯，但廁所非常污糟，結論係非常不適合帶小朋友來。（食飯時有大烏蠅飛來飛去，非常困擾）請來嘅員工是OK，但收銀嗰個（唔知係咪老細，就態度麻麻哋），老實講，如果要排隊，我就真心覺得唔值，一定唔會有下次。

之前都係電話落單買餐會送綠茶，OpenRice價錢加咗然後八五折，其實都係平幾蚊，但係冇嘢飲送，下次都係電話落單算台灣嘢食北角來講呢間係最好嗰間！味道同份量都好好

同另一半一齊諗Lunch食咩好～講起想食台灣嘢佢就提起北角其中一間幾出名嘅台式餐廳，哪個～ 就去咗食 Lunch 都唔少選擇，有便當有麵食 套餐都有包飲品一杯（茶類） ，部分飲品就以優惠價升級飲 仲可以用優惠價加配小食🤪 不過值得一提嘅係佢份量真係好大嘅。佢哋仲有設期間限定嘅便當就要問下店員係咩啦～ 落餐可以用QR Code 自助落單我哋叫咗香酥魚菲力便當同 那個滷排骨便當份量十足 ，餸嘅部分真係好足料。我哋兩個各自交換左餸嚟食，個魚塊Size好大而且真係做到香酥嘅果種感覺魚塊唔會太乾而面灑咗海苔粉，配菜有粉絲同少許豆干好好送飯。不過魚塊發現有2-3條幼骨仔。而滷排骨都好入味肉質唔會硬而份量一樣係好大塊，佢哋嘅餐就算男仔食都好足夠夠飽。而比較細食嘅女仔建議可以1個餐兩份分再加小食類😋😋 環境幾舒服，不過lunch真係幾多人。需要排一陣隊嘅。但我覺得依個味道同份量係值得嘅，會想下次再嚟試埋其他嘢食🥰

app嗌咗個豬頸肉便當，送餐時間有啲耐，可能係lunch time啦。超級大份，明明嗌咗少飯好似冇幫我少到咁；同事嗌咗多飯都好似冇多到。成個set講真得幾塊豬頸肉係好食，首先豬頸肉係厚切、爽口，但係其他飯啊配菜啊嗰啲就麻麻哋。我覺得個飯太乾，豬頸肉冇咩汁嚟送飯，有啲難以下咽嘅感覺。配菜粉絲同埋炒菜，都係太乾。不過考慮到呢個價錢呢個份量其實可以兩份share嘅話，即係每人$40我都覺得抵食嘅。