那個ㄋㄚˋ ㄍㄜ (東寶大廈)

Open Now

Now Closed

台灣一值都係我好鍾意既菜式😍北角好似冇咩台菜選擇, 呢間成日都好多人排隊, 幸好今次去食唔洗排🤩可以試一試呢間大熱台菜。舖入面每張台都有左3樽粉, 分別係可以鹽酥、海苔同香辣粉, 可以用黎灑係d肉上, 增加唔同味道。🍱那個滷排骨便當 $68滷排骨超級大塊, 大到遮住左下面既飯同配料🤗台灣既滷排骨通常都係先炸後滷, 滷汁味都出, 肉質唔肥帶點乾身又唔柴👍🏼再加上台面上既3種唔同粉一齊食, 我每一塊都灑上唔同味, 可以試晒3款味道。個人覺得香辣粉最可以特出, 而另外兩款就需要落多d先可以食到味道。🍱香酥脆雞便當 HKD $66便當有3大件脆雞, 肉質厚身同juicy😋呢個就試左加香辣粉, 個人最鍾意呢個味。因為雞肉係炸既, 灑上d粉就好似鹽酥雞咁, 但轉左香辣味。呢兩個便當既配菜同飯都好多, 配菜有豆腐、粉絲同菜, 好似每日都唔同。所有一個人食一個便當真係好飽好滿足🤤套餐有包一杯飲品, 擇左兩杯都係花壇茉莉綠茶(無糖)🍵因為食咁多重口味, 需要一杯清淡既飲品中和返。

今日同friend食dinner想食台灣嘢，佢推介呢一間底色味道又唔差嘅台式餐廳。佢冇得book位要Walk in好彩我哋6:00去到唔使等位就有得坐，不過佢啲枱真係好細將我哋二人枱嗌咗兩個餐再加一個小食都冇位擺香港真係寸金尺土坐得唔係好舒服，搞到你會食完就想即刻走。而食物方面要做一個肉燥雞便當，另一個要咗台式牛肉麵。該肉燥雞球同我想像中有啲出入原來佢只係用鹽酥雞快大大嘅皮包住少少雞肉，感覺上皮質太厚食唔到雞嘅味道。反而個牛肉麵比較出色湯底濃郁，麵條到煙韌彈牙。但我見好多人叫咗個鹽酥炸排骨便當佢個鹽酥雞真係好大塊成塊面咁大有點誇張，如果有機會下次都想試吓。

疫情期間不時都會叫佢嘅外賣，係2tummies非常鍾意嘅高cp值台式餐廳🥰🍽️香酥脆雞雞雞便當 $66香！酥！脆！完全合乎佢嘅菜名🤣喺店舖食比起外賣完喺屋企食更加香脆👍🏻而且分量好多，炸雞鋪滿晒個飯🤤🍽️勝利雙腸滷肉便當 $66台灣腸肉味香濃，但小編更加鍾意係佢嘅滷肉。滷肉肥瘦適中，充滿油香，加埋個汁，餸飯一流🥰🧋黑糖波霸奶茶 +$12同一般手搖店嘅味道相若，加12蚊就有，好抵👍🏻🧋白桃果粒冰茶 +$12茶味比較重，食完香酥雞同滷肉等重口味嘢之後飲返淡，好解膩😌

第一次幫襯，我試咗佢地嘅台灣牛腩麵，份量足夠，夠哂lunch飽肚。牛腩質地軟嫩，又淋又鬆軟，入口即化!!! 之但係化還化，缺點係味道唔夠入味(唔知係嗰日未煮得夠定係平時都係咁)。除此之外，啲麵條都幾有彈性，湯底鮮甜好味。見到隔籬枱有啲人叫咗排骨麵，個樣都好吸引，下次想試一試。總括而言，呢間小店係一個值得一試嘅台灣菜。除咗岩岩提過既食物之外，佢哋嘅菜式同埋服務都OK ga，見第一次幫襯都請店員幫手推薦一下，佢地都係nice ge。

味道：豬軟骨好軟綿綿，食得出燜煮了許久，才夠入味夠腍。技巧：用黑啤調味，體現師夫的功架，將普通菜式變成新派美食。擺盆：將湯和面分開放，可見店主細心之處。主食豬肉即使無湯浸泡也不會變干或硬。創意：黑啤酒加進食材做法吸引我今次試食，一試難忘。骨膠原大滿足✓

外賣Du完QR code，揾完一爛餐，揾吾到想要既牛𦟌，再入店問店員先知無牛𦟌。湯頭超甜，面底似即食拉面，不是我喜歡的那種台灣面，而且未煮得開，一舊舊打結咁，牛坑腩好Un , 吾夠腍。整體吾值呢個價錢，跟餐仲要加錢先有珍珠奶茶。

吃一個遲來的午餐（大約下午2點左右），所以唔洗排隊，店內位置都幾多，而且位置都好闊～第一眼就俾那個超巨型厚切滷排骨便當（$68）吸引，酥脆好食，真係食一塊都飽晒🫢所以係有得揀少飯或走飯，唔會浪費！另外排骨下面仲有流心蛋同配菜！秘製嘉義雞肉便當（$66）嘅醬料幾惹味，配飯一流！個粉絲都好好食👍🏻另外叫咗個梅子黑糖甜薯條，估唔到呢個配搭幾得意，而且幾大份，飽足感好高！呢間性價比好高，味道好、份量大、價錢好合理👍🏻推薦！⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 8/10服務： 8/10環境： 6/10打卡： 5/10CP值： 8/10推介值：9/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯

臺菜越開越多，今日打卡呢間1- 牛腱湯麵，湯頭偏甜，牛腱燉的過於軟爛，不是我喜歡的款反而香炸雞扒整體比較突出，雞扒夠脆.飲品，茶味極重，帶苦澀感 反而沒了飲料的好口感，2- 環境很昏暗，我知道是設計 但比較奇怪，不符合氛圍3- 服務，不錯，都是後生仔，蠻勤快的，也很有禮貌

lunch hour專登去北角食那個 12:30pm去到已經超多人 排左半個鐘終於入得😆那個滷雞球便當🍱 $66今次無叫到面咁大嘅滷排骨 因為知道一定食唔曬 估唔到滷雞球份量一樣咁多 雞球先炸後滷 相對鹽酥雞球無咁熱氣 但都保持到脆脆地 而且滷得好入味😍配菜有粉絲 薯仔絲 野菜花同溏心蛋 配埋個飯真係超級飽 如果女仔黎食建議少飯🤣總結：價錢合理 份量好多 同埋滷雞球真係好好食 檯上仲有海苔粉同鹽酥雞粉比你加入飯到 如果食飯時間去記得早d去避開人龍😆

位於北角 "那個" 台式便當店，充滿台式風味, 多款便當、麵、小吃和飲品選擇😍古早味手工滷肉便當🍱有滷肉、菜、蛋、菜脯、粉絲、飯, 份量很足夠🤗紅燒牛腱湯麵🐮🍜牛腱好腍、湯底香濃 , 十分入味👍黃金流心魚丸🧆一入口，熱辣辣的流心湧出來Yummy😋香酥臺南蝦卷🦐🌯充滿蝦味, 啖啖肉🤤

大角咀分店開店以嚟一直大排長龍 去到北角終於有機會一試每張凳面都擺放咗海苔、鹽酥同香辣味粉 想多想少想溝想重口味都隨你鐘意😏真正嘅味粉Party woho個人排名係 👑海苔👉🏻鹽酥👉🏻香辣👉🏻蜂蜜奶油.🍴香酥魚菲力紅燒黑麥麵 HKD $84魚柳一共有3大塊 有大半隻手掌咁大而且算厚身 視覺效果上都幾澎湃 食曬啲魚柳都飽咗大半係麥記嗰種魚柳嘅厚身版 味道口感同紋理基本上都一樣😂今次揀咗動物餅版嘅海苔粉 幾襯塊魚柳 炸漿夠薄可以貼合魚柳 唔會出現空氣窿窿 炸得酥脆無燶又幾嫩👍🏻啖啖肉 湯底微甜唔死咸 黑麥麵有咬口 不過就唔算太特別 反而配料塊風琴豆卜索曬湯幾好食櫻花蝦辣椒比例較少 如果多啲應該會更惹味魚柳大勝個麵餅🍜推薦度：9/10.🍴 香酥脆雞便當 HKD $73今日便當配咗蒜香炒椰菜、家常炒粉絲同金平蓮藕3嚿脆雞用雞髀肉 厚身juicy 真係脆到咬到去咔一聲揀埋蜂蜜牛油味😂即刻好似食緊韓式炸雞咁不過飯相對較乾身.今次推薦度：8/10

未有得去台灣住唯有食住台灣菜頂下癮先🤓呢間性價比極高！有特色有古早味，主食同飲品都有好多個人化選擇(eg辣椒種類、茶底)，跟返自己口味選擇😚1️⃣ 那個滷排骨便當 $68 ⭐️8/10👦🏻好大塊豬排，大到食唔到d飯🤣豬排肉質鮮嫩，唔嚡唔乾，味道調味適中，d配料例如粉絲撈飯好食，不過嗰日食啲飯有啲太濕，可惜豬扒啲味滲唔入啲飯，不過已經好好！👩🏻 個豬排甜甜地，幾特別，又唔會有好多骨😙2️⃣ 紅燒牛腱湯麵 $80 ⭐️8.5/10湯好飲！係正常牛肉湯再重d牛味，加咗小辣嘅櫻花蝦辣椒畫龍點睛，令碗湯甜左同有微微辛辣效果，麵底簡左手工麵，掛湯入味，唔會煮得太淋，牛腱大塊，脂肪均勻，雞蛋裏挑骨頭就係牛腱牛味可以重啲，整體好好3️⃣ 臺灣腸 (加配+$12) ⭐️5/10正常腸一條，唔係好抵4️⃣ 黃金流心魚蛋 (加配+$10) ⭐️6/10入面係鹹蛋流心，正常5️⃣ 南投炭焙烏龍 (無糖) ⭐️6.5/10👦🏻 正常，茶味濃，加咗波霸，正常👩🏻 好苦同好澀🥵唔鐘意6️⃣ 黑糖波霸奶茶 (加配+$12) ⭐️7.5/10簡左蜜香做茶底，佢係用英國茶，有d花香味同蜜糖味，鍾意佢嘅甜味唔係死甜，而係蜜糖嘅甜，有股舒服嘅後勁，茶味可以濃d

店名: 那個ㄋㄚˋ ㄍㄜ˙地址: 北角英皇道483-497號東寶大廈地下C-D號舖北角站B1出口，行3分鐘環境: 4/5價錢:4.5/5味道: 4.5/5北角係分店，早係大角咀個陣已經有留意呢間日式小店，成日排長龍，上次去因為太長隊，淨係買左杯嘢飲🙈大家想知飲落味道點可以跟翻 #stitchfoodie大角咀 去睇翻詳情🤪星期四晚8點前去到，好多野都已經賣哂，可能之後要weekend黎食lunch先得🥺夜市雙腸便當🍱$58飯下面有各種配菜同涼菜，款式日日唔同，如果有邊款唔想要嘅記得落單個陣講清楚😂食落略為乾，可能係因為飯唔算太多汁本身想試最出名嘅炸豬排飯但賣哂😟夜市雞皮卷$25呢個食落有少少似日本嘅雞皮餃子，同樣食落外脆內軟😚而且佢啱啱新鮮炸好，超熱，大家食個陣要小心🔥皇室太妃奶茶$48大家飲之前記得攪翻勻，飲落甜甜地，有種牛奶糖嘅味，幾特別，出面比較少見~😗🙈#stitchfoodie北角

（台語mode）今夜～我要做台妹🫦不要⋯⋯這個⋯⋯⋯只要⋯⋯那個⋯⋯⋯⋯💕⍥ 嘉義雞肉拌麵 ❙ $70真的 我蠻愛吃拌麵 🤭嫩滑的雞肉帶點脂肪跟雞皮 拌麵調味恰當手工拉麵賣相跟即食麵相約👍🏻但口感比即食麵更勝拌勻青蔥及芝麻 香氣十足😚⍥ 香酥魚菲力湯麵 ❙ $84選擇了海苔味魚菲力四大塊炸魚熱騰騰 要先呼呼才能吃☺️不能太咦辣 所以選擇紅燒牛湯底跟手工蕎麥麵😛湯頭不會太油 炸魚比蕎麥麵還要多🤣感覺挺划算的⍥ 那個滷排骨便當 ❙ $75😳排骨真的超大一塊 先炸後滷 已經不太酥脆但滷汁突出 不是只有死鹹那種還有點甜甜的味道喔🥰太香太好吃拌勻配菜就豐富極了一個人吃 一定飽到不行🤪⍥ 夜市小吃拼盤 ❙ $78貪心的人有福了一次過嚐到夜市小吃😌甜不辣 台灣腸 台式春卷😋黑糖梅子地瓜薯條質素正常 不過這個定價我預期份量會比較多🫣⍥ 仕女伯爵波霸鮮奶茶 ❙ $40珍珠奶茶 伯爵茶底少甜也做到 珍珠Q彈 整體沒有太大驚喜😯

📍那個🥢那個滷排骨便當 💰68滷排骨真系好大一塊，大過塊面🥳🥳完全睇唔到排骨底有咩寶藏🏴‍☠️ 雖然係滷排骨，但係出面都係炸嘅！排骨好香，美中不足係入面太多肥膏，好快就覺得滯😷排骨底下都超足料，有飯，豆腐，粉絲同菜🫣🫣🧋+💰16 升級為黑糖波霸牛乳要讚下杯奶茶，好香奶味，珍珠都係好好咬，身為珍珠愛好者，會比粒🌟佢🥳🥳