那個ㄋㄚˋ ㄍㄜ (利奧坊)

Open Now

Now Closed

同朋友想嚟呢度好耐㗎啦，但一直未有機會，到最近大角咀舊舖新搬到嚟利奧坊，先終於嚟到食返個下午茶啦！1）脆薯起司蛋餅 $38好少可可以見到台灣蛋餅係會有脆薯餅呢個餡。薯仔係來自日本北海道產男爵薯仔整成，因為日本北海道嘅男爵薯仔澱粉質較多，質地鬆軟粉糯 。呢個蛋餅入邊個薯餅係見到係煎脆咗先包落蛋餅度，所以口感特別香口好食 。配埋佢哋自家調製嘅酸甜辣汁，特別醒胃惹味！套餐免費包一杯指定飲品，但我哋就加咗$18轉飲黑糖波霸牛乳。杯牛乳好滑，黑糖珍珠甜度適中，夠QQ，一問之下先知牛奶係採用本地經典品牌，香港製造嘅新鮮牛奶，飲得安心！2）（限定）蔥燒豬頸肉便當 $72啲豬頸肉係食得出有醃過先煎嘅，煎得焦香，脆邊，夠入味。便當見到係跟咗三款。配菜：有醬油粉絲、炒雜菜，和麻婆豆腐。麻婆豆腐好得意呀，係用玉子豆腐整㗎，食嘅時候更加滑溜。醬油粉絲都調校得好好味，唔會太鹹。店員話便當跟嘅配菜會時不時換款，好用心喎。呢個套餐我哋又係另外加咗$18轉飲葡萄柚花壇翠玉，好清新，唔會太酸。店舖裝修乾淨企理，有文青風，店員親切有禮 。有靚靚舒服卡位 。嘢食高質，價錢實惠，堂食仲有得叫甜品，唔怪得版圖不斷擴大啦，聽店

那個ㄋㄚˋ ㄍㄜ不嬲都好出名食台式料理，而家大角咀搬左新鋪更加闊落，今日下晝嚟到試吓佢哋嘅下午茶餐，都真係幾抵食，而且好高質🤩而家係餐廳到仲可以點埋松義仙草聯乘嘅甜品，夠晒方便•松板豬起司蛋餅🍳呢個蛋餅好特別，入面嘅餡係豬頸肉，豬頸肉燒得好香，配埋芝士蛋餅食都幾夾🤤仲有個醬可以點埋一齊食•大滿足總匯套餐 （迷你滷肉飯、蛤蜊麵線、香酥脆雞）🍚🍜🍗呢個套餐真係好豐富，有滷肉飯、麵線同埋脆雞，滷肉用咗半肥瘦嘅肉，滷肉汁浸晒落啲飯飯好入味😆 蛤蜊麵線味道濃郁，麵線好香海鮮味🙂‍↕️香酥脆雞可以自己加入海苔粉、辣椒粉等等，炸得好香脆，而且入面肉質嫩滑🍗•芒果丸子愛玉凍🥭有芒果、白玉、愛玉同埋芒果冰，芒果好甜，白玉同埋愛玉都好煙靭，食落好有層次，最特別嘅地方就係佢哋嘅冰係用芒果汁雪凍而成，食耐啲都唔會覺得淡🥰•No.1 仙草凍🍮呢碗仙草凍有珍珠、芋圓、白玉同埋仙草凍，識落口感會比較豐富，煙靭控必叫😍•冬瓜鮮奶🥛冬瓜茶融入咗喺牛奶入面，佢哋嘅鮮奶選用咗維記鮮奶，飲落好奶味濃郁•黑糖冬瓜茶🥤香甜嘅冬瓜茶，黑糖味濃，啱晒消滯🫃🏼

好耐冇食”那個”，就約左朋友一齊食，好彩咁啱朋友喺我臨落車嘅時候講起，唔係就去左舊鋪果邊，雖然新鋪只係喺搬左過利奧坊，都仲喺大角咀一入門口就提醒我，中秋節又要到la，仲以為得大集團先有賣月餅，估唔到小店都有，一樣都有早鳥優惠$198，仲送多3張$80優惠券添，好似幾吸引咁！⭐️流心蛋肉鬆滷肉飯有流心蛋、肉鬆、滷肉，仲有d菜，望落顏色嘅配搭就已經好靚，滷肉嘅汁味道剛剛好，汁又唔會太多，但係又夠撈勻個飯黎食👍⭐️總匯蛋餅蛋餅包住芝士、粟米、肉鬆，餡料好豐富，咬落有唔同嘅口感，好正！又好味！仲跟埋個汁，食完原味，再點埋個汁又係另一番風味😍⭐️蜂蜜麻糬白玉奶茶飲落有淡淡蜂蜜味，配埋奶茶，唔會太甜，仲有粒粒麻糬喺口入面⭐️黑糖仙草奶茶大大舊嘅仙草😍，入到口好有口感，正呀！食完正餐唔夠喉，硬係差咁d，就問職員有冇甜品，雖然餐廳本身冇賣甜品，不可以喺餐廳order松義仙草嘅甜品過黎食⭐️松義芒果甘露有芒果、寒天、紅柚、愛玉、甘露，比一般嘅楊枝甘露要豐富，口感好豐富，芒果唔酸係重點，好食！🤤⭐️No.2仙草凍有馬蹄Q、芋圓、綠豆、仙草凍，因為未試過馬蹄Q，所以先嗌，冇失望，好有新鮮感，好食，4個唔同質感嘅食材放埋

今日大角咀利奧坊睇完盤，見到樓下有呢間台灣嘢食，朋友推薦就一於試吓～以台灣夜市同埋火車便當食物為主食，menu仲有好多多款特色台灣小食同埋手搖飲品，價錢亦算合理～玖香啤酒豬軟骨便當 超級好味！用咗九款香料同埋啤酒熬製而成嘅豬軟骨，肉質柔嫩juicy，軟骨位充滿骨膠原口感，入口即溶～變到配菜仲有滷水粉絲、醃菜同埋滷水蛋，思鄉了～紅燒牛魔全席湯麵牛肉控必叫！餸有手打和牛爆汁丸、牛腩同埋牛筋，非常出色，特別係和牛丸，咬落去係新羅和牛味，仲有牛汁爆曬出嚟～面底用咗台灣關廟麵，qq彈牙，口感一流～夜市地瓜QQ球男爵薯餅地瓜球係必食，煙靭得黎有好香嘅紫薯味～薯餅係用薯蓉同埋粒粒薯仔混合打成，薯餅面灑上香草調味，惹味～蜂蜜麻糬白玉奶茶獨家創作嘅手搖飲品！甜甜嘅蜂蜜配上煙靭嘅麻糬白玉粒粒，味道口感大滿足～黑糖冬瓜茶正宗古早味冬瓜茶，消暑一流～臨近中秋節，仲有自家製迷你奶黃月餅賣～月餅早鳥優惠$198 加送3張$80優惠卷～買咗一盒支持一下～

好耐都冇嚟食那個，難得閒日放假，專登去食個飯。下午時候遇着周圍的辦公室放飯，所以要排隊。大概排咗10分鐘，就入到去。呢度招牌當然係食佢嘅香酥排骨飯，因為真係好大塊，但都好誇張。而且塊豬扒醃得入味，食落唔會好乾，係真係好好食嘅！呢個價錢呢個份量，算係十分公道。期間因為冷氣吹正個頭好凍，想掉去第二個位，但係職員比較唔願意，最後只係調咗去隔離張枱。跟餐點咗我最愛嘅珍珠奶茶，但係甜度好唔穩定，上次嚟珍珠奶茶，正常糖係冇甜味，要拎返入去加糖。今次點正常糖，但係就超級超級甜🥴🥴希望餐廳可以控制飲品質素。

《好食 大角嘴 台式料理》朋友試過好食 介紹我 ＂那個＂台式鐵路便當🍱這間台灣料理 大角嘴起家之前租約問題結業覺得可惜🤧現在附近重開 環境大升級 闊落 更適服沉木 加上台灣復古設計 好有時代感💫George叫左 那個滷香雞球便當 $68新鮮整 外脆內軟 滷水汁好入味配菜幾多 有粉絲 雜菜 同 玉子豆腐一口炸雞一口滷水汁飯還是＂那個＂口感 😋好滿足🥰另外 跟餐花壇翠玉 加仙草 $5仙草新鮮 熱 比較啫喱🤤幾特別 好飲玖香啤酒豬軟骨丼飯 配 鳳梨冬瓜茶 $54豬軟骨🐽大件 軟熟唔柴杯飲品好香菠蘿味🍍吃過一次就愛上＂那個＂味道✨那個ㄋㄚˋ ㄍㄜ (利奧坊) (大角咀)大角咀利得街11號利奧坊地下G501-G503號舖@nagetwfood #大角嘴美食 #tg31eat大角嘴‘‘‘‘#那個 #大角咀台灣菜 #nagefoodtw #nagedessert #852 #hkig #hkfoodie #foodie #hkblogger #foodporn #likeforlikes #like4likes #hk #hkfood #yummy #yummyfood #手機食先 #相機食先 #t

每次掛住台灣，就會去那個食個便當舖頭新搬咗去利奧坊，感覺開揚左，有個落地大玻璃今次同朋友仔去，咁岩佢又keep 緊fit, 都有d 岩佢食ge餐單，佢就揀左菠菜雞肉餅便當配葡萄柚花壇翠玉 成個便當轉咗紅米飯，感覺健康咗好多，仲配埋三款配菜，玉子豆腐炒粉絲同埋炒菜，雞肉餅，非常多汁，配埋獨特醬汁非常惹味我就揀咗期間限定-蔥燒豬頸肉便當同樣每個便當都可以揀三種配菜，豬頸肉燒得好香口，配埋白桃青種茶，每款茶飲就算全糖都唔算好甜

大角嘴呢間台灣餐廳 那個 嘅野食好唔錯😼下午茶時間都可以食得到好多經典台灣菜嘅早餐選擇 真係讓人驚喜🐷香烤豬排太陽蛋丼飯 呢碗丼飯真係好正！香烤豬排外焦內嫩 淋上特製醬汁 味道醇厚再加上油香香嘅太陽蛋 黃黃流心好正而米飯亦吸收咗豬排嘅味道 啖啖都好香🐷招牌早餐蛋餅滋味盤 呢個係早餐必試！ 招牌總匯蛋餅厚實 內裡包住多款餡料 肉鬆 芝士 🧀 咬落去又香又豐富 仲可以點佢哋自家製嘅蒜蓉汁 🧄跟餐嘅迷你蛤蜊麵線鮮味滿滿 湯底濃郁 更添風味🐷青森蘋果翠玉 呢款飲品真係清新十足！青森蘋果味好甜 無論係熱天定寒冬都可以飲不過揀左全糖 下次可以揀少糖可能會比較岩小編😋🐷白桃包種青茶 白桃香氣撲鼻 茶味亦夠香 把兩者混合得恰到好處口感清爽 對於喜歡茶飲嘅朋友來講 係一個好好選擇 仲可以消暑解渴！.那個📍大角咀利得街11號利奧坊地下G501-3 號舖#吃貨日常#香港#茶餐廳#Cafe#麵包#西餐#中餐#日本菜#韓國菜#泰國菜#堂食#好西#食#香港美食 #hkfoodie #foodiehk #大角咀 #大角咀好去處 #大角咀美食

今次黎到大角咀，同大家介紹一間台南古早味料理 那個ㄋㄚˋ ㄍㄜ˙ 副線品牌，主推台式甜品，健康便當既 一 松義仙草 那個平衡便當🌟芝士雞肉漢堡$58芝士雞肉漢堡有一定厚度，煎得夠香之餘咬落去帶有肉汁，搭配健康紅米飯，非常飽肚🤤👍🏻👍🏻🌟美式雞胸 $20雞胸煎得外香內嫩，搭配紅椒粉同芝士，健康得黎又好味🤤👍🏻👍🏻🌟松義仙草一號凍 $43一碗有齊仙草、珍珠、芋圓、地瓜圓加埋選配白玉丸子，台味十足好滿足🤤👍🏻📍那個ㄋㄚˋ ㄍㄜ˙ (埃華街)大角咀埃華街116-118號地下8A號舖

那個ㄋㄚˋ ㄍㄜ係大角咀搬咗新舖，座位更闊落，坐得更舒服🥰-🥢 滷香無骨豬髀便當主打古早鐵路便當✨豬髀先用滿滿台南風味既滷水醃製，然後拆骨切件，不同香料及藥材配出獨一無二濃郁味道😍便當附有幾款配菜，當天有麻婆豆腐、炒三絲及粉絲，一個便當就可以食到唔同味道又有均衡營養-🥢 黑糖三杯雞鍋好惹味‼️上枱時有小火爐，可以一路保溫keep住熱辣辣慢慢食🙈黑糖味唔係好出淨係食到微甜，反而九層塔味好香，雞件肉質嫩滑而且醃得好入味，d飯用日本米仲可以無限添加，送飯一流🍚-🥢 香檳青提包種青茶加入蘆薈粒，拌勻之後果香濃郁，之後仲有d青茶既回甘，非常清新！-🥢文山包種青茶唔好睇小以為熱茶好普通，飲落先甜後甘好解膩😛

那個ㄋㄚˋ ㄍㄜ係本地原創台式料理名店，亦都係老公放lunch首選！今次到訪大角咀利奧坊新店，搬咗新舖之後座位更闊落，木系裝潢有格調亦坐得更舒服🥰今次除咗招牌古早鐵路便當之外，仲試咗新既小炒菜式，同樣高質！🔸滷香無骨豬髀便當主打古早鐵路便當✨豬髀先用滿滿台南風味既滷水醃製，然後拆骨切件，不同香料及藥材配出獨一無二濃郁味道😍便當附有幾款配菜，當天有麻婆豆腐、炒三絲及粉絲，一個便當就可以食到唔同味道又有均衡營養，熱飯仲可以無料添加！🔸黑糖三杯雞鍋店家新menu🥳上枱時會有小火爐一路保溫，keep住熱辣辣溫度可以慢慢食！雞件肉質嫩滑而且醃得好入味，黑糖微甜帶出其他調味料既鹹香，送飯一流🍚🔸黑糖波霸奶茶黑糖味道唔怕太甜，為濃郁炭焙茶增添一層甜度，加上煙靭珍珠口感好豐富🔸葡萄柚花壇翠玉加入西柚果肉及西柚果醬，拌勻之後果香濃郁但唔會覺得甜膩；加上檸檬、青檸及西柚片，非常清新！

【那個】大角咀台灣美食之旅：一秒回到台南！最近去了大角咀的台灣餐廳「那個」，一試就愛上！餐廳主打台南美食，好多食材都是台灣直送而且環境好舒服，落地玻璃加上寬敞的座位，好放鬆~~今次我哋叫咗：大滿足總匯套餐：蜆肉麵線湯底鮮甜，麵線份量十足；滷肉飯肥瘦適中，滷汁好入味，送飯一流；炸雞外脆內嫩，肉汁豐富，好滿足！招牌總匯蛋餅：蛋餅皮煎得金黃香脆，餡料有肉鬆、蛋同芝士，口感豐富，好有台灣風味！- 三星蔥餅：蔥餅好香，食落有淡淡嘅蔥甜味。 黑糖仙草牛乳（維記牛奶）：黑糖味香濃，仙草滑溜，加上香濃嘅維記牛奶，好飲！ 香檳青提包種青茶：呢杯茶好清新，有淡淡嘅青提香味，同包種青茶好夾，解膩一流。下次仲可以去長沙灣店，真係令人好期待！那個 (大角咀)地址：大角咀利得街11號利奧坊地下G501-5503號舖

今日行過見到呢間店之前話汁左，依家開左新店轉左位，大左又靚咗😍大滿足總匯套餐（麵線，滷肉飯，炸雞）一次滿足晒所有願望，每樣少少可以，咁就試到三樣嘢，炸雞大塊又嫰滑。但麵線一般，麵線有沙殼，食既時候要小心葡萄柚花壇翠玉飲落口清甜，我個人好鍾意西柚酸酸甜甜既味道，呢杯大大杯，好正！香繽青提包種青茶，呢杯略為過甜，建議叫半糖。招牌總匯蛋餅 （有肉鬆 芝士同粟米）有6件，超推呢個！好好食，入面既芝士同粟米食落好有口感❣️加埋肉鬆，好夾。仲有4款調味料比你自選落，想加咩味都可以

今日就同朋友去左那個食飯餐廳係木系嘅設計, 除左傳統台式風味食品, 仲有健康之選, 每款套餐都包括主食同飲品菠菜雞肉餅便當便當份量超大, 雞肉餅煎香左, 口感好紮實, 配撘紅米飯, 高蛋白質之餘, 仲好有豐富纖維葡萄柚花壇翠玉有齊柚子同檸檬, 茶底清香, 酸酸地,飲落好清新葱燒豬頸肉便當豬頸肉經浸泡鹵汁後再煎, 咬落香口惹味,配撘炒三絲, 炒粉絲, 麻婆豆腐, 啖啖肉超滿足, 套餐仲跟柚子醋車喱茄沙拉夜市地瓜QQ球炸得好香口, 口感煙韌，更帶有淡淡的蕃薯香味白桃包種青茶有粒粒白桃肉, 味道清甜, 入口滋味圓滑

.#哈比四圍食 #大角咀 #大角咀美食嘩！想信大部分香港人對{那個}呢個名都唔陌生，呢間餐廳我真係由舊鋪開始捧場到而家佢搬新鋪，仲裝修得好靚靚，感覺係好似台灣懷舊feel嘅風格，餐廳比以前大咗、坐位闊落咗，大家都坐得舒服咗，除咗可以食到那個出名嘅名物，而家仲可以order埋松義仙草嘅甜品，真係可以食捧住個肚咁返屋企吖😆🐮紅燒牛腱湯麵OMG🙊完全keep到嗰陣味，係一上枱你已經聞到湯底嗰浸藥材味同埋好濃郁嘅牛肉味，飲落係有少少輕微嘅辣，紅燒牛腱大約有四至五塊超厚身，滷得好味而且唔會好多筋，面質比較特格係用咗關廟麵，即係扁身麵，食落同湯底更夾🦐台南蝦卷香口、彈牙、好味🤤🍠 夜市地瓜球真係做返平時行夜市見到啲地瓜球嘅size，而且係熱辣辣嘅，絕對唔似係一早炸定好擺喺到，外面脆脆，裏面好煙靭➡️ 那個ㄋㄚˋ ㄍㄜ (利奧坊) (大角咀)大角咀利得街11號利奧坊地下G501-G503號舖