中村藤吉香港店 (Closed)

今天去尖沙咀行街，忽然下大雨，真是好大雨，去了商場避雨，途中見到一間抹茶甜品店，好吸引。就吸引左我入左去。門口有抹茶蛋糕🍰可以買回家食好有日式家的感覺入到店內在日式的擺設。店員會先比一壺茶比你飮，裏面的店員好有禮貎。真係好精美呀我㸃左個餐，叫抹茶丸子套餐.有丸子🍡食法係先㸃汁，之後再點粉。比我想像的，不是太甜剛剛好這樣影有D似魚蛋哈哈😄雖然似但是味道完全不一樣，的感覺是軟綿綿，有些口感煙韌。個套餐也有茶，味道有D米的味，不過建議大家飲的時候入茶壺加水馬上，沖在杯到。因為我放左一陣覺得有㸃苦水放一會兒就要飲雪糕我最喜歡，佢咖啡色係奶茶味🍵綠色是綠茶味。好好食，味道剛剛好。食到底有驚喜，有爆米花。環境我是十分満意的，坐得很舒適

年多後再嚟「中村藤吉」，即使依然要等位，但人流已不復當年舊店或剛搬進美麗華商場時嘅情景，所以就嘗試拎飛，稍等廿多分鐘就有位啦！鍾意中村藤吉店優閒寫意嘅感覺，開揚嘅景觀配舒適嘅座位，喺香港甜品店的確難得一見。儘管要收取茶費，但入口香濃，一沖再沖都能保持香濃嘅焙茶，值回票價。三個人各自迎合喜好，選擇如下：《Uji Kin ice 宇治金時冰［抹茶 & 焙茶］》～ 中村藤吉嘅刨冰好味指數一定係數一數二，刨冰入口細膩，配上抹茶 & 焙茶雪糕與糖醬、紅豆和丸子，一食一次過滿足晒味蕾感受。《(抹茶+焙茶)軟雪糕（付迷你生茶啫喱）》～ 這是今次我的選擇，無論抹茶或焙茶雪糕，都有種獨特香濃茶味，並不一味靠濃那樣，兩者平衡得超好。紅豆配上雪糕與夾餅，另一種滋味；茶香味濃的生茶啫喱+丸子，這個set簡直滿足晒抹茶焙茶甜品控。《丸十焙茶配雪糕》～ 朋友俾我嘅評價只有四字：「幾好味喎」論價錢，「中村藤吉」的確唔屬大眾化系列，但久不久仍會到「中村藤吉」一嚐，滿足自己甜品味覺上與優閑感覺上的一大享受！

自己食綠茶甜品就食得多啦，今次帶埋家中兩老去試一試，當然都比佢哋鬧到一面屁啦，原因嘅都係價錢太貴。咁但係做生意就係咁，中村藤吉嘅裝修好靚，尖沙咀嘅風景係對住九龍公園出面嘅樹，感覺好日本，但係價錢都好日本，叫咗三個甜品再加多一個雪糕，都係一啲好龍濃綠茶味嘅成份，綠茶丸子味道比較清淡，唔係好食到綠茶味，我覺得如果分兩大杯啲咁就會抵食啲啦。

依個星期日嘅下午食咗一個日式嘅下午茶，分別叫咗一個冷抹茶蕎麥麵同冷素麵。抹茶蕎麥麵：麵質煙韌，但抹茶味不夠素麵：麵質爽滑，幼細兩款冷麵清涼，都好適合夏天或冇乜胃口嘅時候品嚐。可以改善嘅係伴麵既醬油，略嫌鹹咗少少。

由於本人係抹茶既大粉絲，今次黎到好耐無去既中村藤吉，首先食下佢既正餐，涼涼的蕎麥麵，講真雖然佢係綠茶既，但食唔係好到抹茶味，但係本身我都已經好愛吃涼涼的蕎麥麵，wasabi同蔥花任加，好有日本風情☺️食落去好爽～另外，講到抹茶🍵，又點少得甜品！點左最signature既丸十芭菲！芭菲大杯得黎又有layer，岩晒貪心又細食既我😚本身意為面頭係cream，但原來係抹茶戚風❤️下面有脆米，紅豆蓉，抹茶醬，同埋小編至愛既抹茶凍同白玉，一次過滿足晒唔同口感，開心仔～

假日同最鍾意抹茶嘅朋友出街,佢話點都一定要試呢度嘅抹茶,佢想朝聖好耐,但始終都冇時間,既然係咁我就決定陪佢一試!今次我地嚟到嘅時候又唔算好多人,所以等咗一陣間我哋就已經有位,打開menu全部都係抹茶,我哋揀咗兩個嘅冷抹茶蕎麥麵定食同埋宇治金時餡蜜等咗一陣間我哋嘅定食就嚟到,冷麵一d都唔乾身仲好濕潤,份量適中,食落去好彈口,可惜抹茶味唔算太濃,點冷麵汁一齊食好好味,定食除左冷麵仲有白飯,白飯有dd味道,同埋d漬物一齊食都幾唔錯,仲有一個小小嘅甜品,有綠茶果凍,紅豆同白玉加埋一齊食都好正我哋另外叫左個甜品宇治金時餡蜜,賣相很不錯,1個抹茶雪糕球配好多新鮮水果,有橙,菠蘿,紅莓,紅豆蓉 ,白玉,同埋抹茶果凍,連威化餅一齊食真係回味無窮!我唔係一個抹茶控都喜歡上呢度既抹茶 ,下次經過呢度一定再encore!!

星期六又係時候去搵好野食，今次就試正中的日本抺茶冷麵同甜品。下午1點半去到，2點鐘有位，都唔算等好耐。4個女生，叫左兩個麵，一個飯和兩個甜品。夏日炎炎，先黎兩個冷麵，抺茶烏冬（$78）同抺茶蕎麥麵（$78）。蕎麥麵唔太特別，茶味唔算太特出，但個烏冬有驚喜，食落去QQ的，加埋d蔥一齊食，清新爽口，成個人refresh 曬😌。另外叫左個魚的茶漬飯定食，唔記得叫咩魚😂，但d魚肉好甜，燒得好好味。呢度可以揀茶，試左個玉露莖的茶。茶味有青草味，回甘，都唔錯，真係好想一次過試曬佢6種茶🙃。 珍珠米加入魚乾仔同茶 一齊食，好夾好開胃。定食仲包一碗抺茶啫喱仔，㚒埋丸子同紅豆，一個人都可以試埋個甜品👍🏻。甜品就叫左宇治金時冰（抺茶&黑糖蜜）（$98）和宇治金時餡蜜（抺茶）（$98）。冰係一粒粒的碎冰，唔似綿綿冰，加入糖漿一齊食，透心涼。抺茶比較清甜，而黑糖蜜就香甜。餡蜜個餅乾夾抺茶雪糕同水果一齊食，正😋。碗裏面仲有紅豆丸子啫喱，一次個滿足幾個願望😍😍。每位收$10茶位，但無加一，我覺得都算合理。我地4個人有兩壺茶，無限添加，埋單$560。

朋友最鍾意抹茶，每次一話食甜品就食抹茶。過左幾年，中村終於唔駛排隊，可以試下了。每人必須叫一樣食物，一坐低會比一壺好香嘅綠茶，但飲完就無人再refill了，每個茶芥10元叫左2個甜品，朋友表示抹茶巴菲好正，一定要試，但我就較喜歡我叫的焙茶啫喱抹茶巴菲有很多層，賣相也漂亮，但進食時比較困難，好多時只吃面最重的奶油味，綠茶味偏向唔突出。焙茶啫喱茶味香濃，雪糕也很香茶味，幾好食但始終價錢不算平，而通常甜品都係食飽後才食，所以未必會再試了

今次來到這兒試它的香港限定抹茶丸子套餐。因為時間尚早，大概下午六時多就到達，因此無需排隊就能入座。套餐中的丸子十分chewy,有整齊排列的8顆，但體積是十分迷你，略嫌份量太少，不夠喇。一讚是套餐還包括了其它的抹荼粉，抹茶蜜，軼雪糕及玄米茶，令人一次可品嚐多種產品，大滿足侍應生好像不怎麼在狀態，跟她們說話不單沒笑容更沒任何表情或反應，ummm...

今日生日又係放假，所以男朋友就同我出去搵好嘢食因為我都幾鍾意食抹茶嘢，於是就嚟咗中村呢度食，其實之前已經成日食開喺地舖嗰間雪糕店，但搬舖之後就一直無再食過了，今日終於有機會一嚐雪糕以外嘅食物去到好好彩就即刻有位，我同男朋友就揀咗坐bar枱，貪有境望吓舒服啲，堂食限時90分鐘，不過對我哋嚟講都夠晒。呢杯飲品係男朋友點嘅，佢話好好飲，每飲一啖就講一次好好飲😂 不過我試咗飲覺得唔太甜而且有淡淡嘅抹茶香味，對於唔鍾意飲甜嘢嘅我嚟講的確係唔錯😜至於食物方面我哋就嗌咗抹茶蕎麥冷麵跟set同淨抹茶冷烏冬跟set會有碗茶漬飯同一細碗嘅抹茶甜品，因為我係食一半蕎麥麵再食烏冬又再食返蕎麥麵，所以覺得蕎麥麵嘅抹茶味出啲，烏冬雖然茶味唔出但相對就比較煙韌同滑身，至於茶漬飯我就沾冷麵汁嚟食，因為我覺得好食啲同開胃啲最後就食多個甜品作完滿嘅總結🤣 雖然我唔鍾意飲甜嘢但我好鍾意食抹茶雪糕。呢款係宇治金時餡蜜抹茶味，除咗我同男朋友唔鍾意食嘅紅桑子之外，成個甜品都好完美，抹茶雪糕配搭紅豆白玉真係好好味，紅豆仲要粒粒飽滿而且唔係假甜，𠵱加都好想再encore非常滿意嘅一餐

住尖沙咀嘅好友帶我去，佢話佢從來未成功食到蕨餅，因為閒日5點左右就賣曬，禮拜六日更加早，仲要排隊排成個鐘。我地就趁閒日休息唔使返工去試下。既然佢主打抹茶，就試抹茶味嘅蕨餅。蕨餅唔單止早賣曬，仲要無set，認真巴閉。雖然八九十蚊，但真心好食，我本身都好鍾意食蕨餅，呢間係正，煙韌啱啱好，完全唔黐牙，攤凍後面頭啲粉都無結一舊舊。我覺得好食過去京都嗰陣食嗰啲(可能我嗰陣又唔識揀舖頭嚟食)另外朋友話抹茶烏冬正，就叫埋個烏冬set，都係好好食，香甜無苦澀味，配埋漬物，味素飯同雪糕。雪糕非常好吃，但係食咗一半發現原來有同底下啲脆脆一齊食，最後變咗齋食脆脆。。。

原本係本住想食蕨餅嘅心去到中村騰吉，不過見未食lunch，就因為想同朋友食少少鹹野之後先再食甜品而叫左烏東定食，點知有驚喜！烏冬湯底比普通味噌湯清淡，但係味道突出，將飲剩嘅湯加入飯中一齊食都非常美味。綠茶烏冬好幼，有d似拉麵，麵質爽口彈牙。最特別係腐皮，入口竟然有一股甜味湧入口腔，令原本適應鹹食嘅味蕾有一番衝擊，非常獨特。而本身期待已久的綠茶蕨餅，由於佢地每日都係限量發售，所以之前都摸過幾次門釘，今日終於食到啦。不過唔知係咪因爲期望太大，又無想像中咁好味。蕨餅一碟有六塊，口感煙好似mochi咁煙韌，但係咬開黎睇入面又好似啫喱咁晶瑩剔透。外層嘅既苦又甘嘅綠茶粉加埋綠茶同黑糖醬，成個配搭唔太甜，唔錯嘅。不過就無好食到要去排隊嘅沖動。

自從轉左地點，再來品嘗，仍然裝潢帶日本風格，木系的裝飾及椅桌都令人舒適悠閒，樓底高仲好有空間感。餐廳冇加一，但就收茶錢，每位$10，其實幾抵幾好，加上服務好好。茶味有玄米香味，清香茶甘，而且茶水夠暖熱，幾貼心。【宇治金時餡蜜（抹茶）】$98之前已經黎過，但未食齊咁多款，今次就食呢款硬身雪糕球配豐富材料，有菠蘿、橙、紅桑莓、紅豆蓉、生茶啫哩（抹茶）、白玉....配埋威化夾餅。生茶啫哩超滑超嫩彈，有淡淡抹茶香，白玉十分煙韌好咬，紅桑莓酸味正好中和甜品的甜度，再繼續食多點都無問題。重點雪糕味道濃郁，雖無軟雪糕咁滑，但味道更重更正。【抹茶+焙茶軟雪糕，附上抹茶生茶啫哩】 $88軟雪糕超滑溜，質感厚身不易溶，所以口感好好。抹茶味清香濃郁，焙茶帶獨特香味，茶味甘香。兩者都同樣美味，可以一次食到太幸福。用威化脆餅夾來食，更多種脆口感。附上的生茶啫哩好嫩彈滑溜，入口快到喉嚨，認真食到茶甘生味，配甜而不膩紅豆蓉及煙韌白玉丸子，又是一道完美甜品。

$88一直都覺得中村藤吉嘅抹茶係出色過焙茶嘅所以嚟到都係揀返抹茶味嘅野🤣呢個拼盤嗰兩舊抹茶雪糕都幾奶同幾甜下但係抹茶味係幾香嘅🤘🏻白玉都好煙韌加埋紅豆蓉正正子🤤反而生茶啫喱比較普通其實無乜茶味👅

識我嘅朋友都知我係京都控， 每年都會回鄉幾次，而位於宇治嘅中村藤吉本店係我必去地方，每次我都要去食個soba同抹茶甜品先甘心。今晚同屋企人食完晚飯，有人提議去中村藤吉食甜品， 老實講，佢嚟香港咁耐，我都未幫趁過，原因係唔想排隊，而且怕佢水準唔及京都店，破壞我印象，不過既然有人請，我當然唔會反對啦🤭。好在佢店嘅佈置同京都一樣， 而且所有野原料都係由京都直送，以保持原汁原味。佢嘅焙茶好好飲，好暖胃。我其實最想食佢嘅蕨餅，但可惜沽清，聽講佢經常都從缺架，所以如果專程嚟食就要有心理準備喇。我地六人各自點了幾款唔同嘅抹茶甜品，分別有白肉丸子抹茶奶甜湯（熱），生茶啫哩，同宇治金時餡蜜（抹茶）：中村藤吉京都嘅味道呀... 但係香港食真係貴到加零一囉！我覺得試一次就夠，想食都係留番回鄉探親時先食啦。