中村藤吉香港店 (Closed)

識我嘅朋友都知我係京都控， 每年都會回鄉幾次，而位於宇治嘅中村藤吉本店係我必去地方，每次我都要去食個soba同抹茶甜品先甘心。今晚同屋企人食完晚飯，有人提議去中村藤吉食甜品， 老實講，佢嚟香港咁耐，我都未幫趁過，原因係唔想排隊，而且怕佢水準唔及京都店，破壞我印象，不過既然有人請，我當然唔會反對啦🤭。好在佢店嘅佈置同京都一樣， 而且所有野原料都係由京都直送，以保持原汁原味。佢嘅焙茶好好飲，好暖胃。我其實最想食佢嘅蕨餅，但可惜沽清，聽講佢經常都從缺架，所以如果專程嚟食就要有心理準備喇。我地六人各自點了幾款唔同嘅抹茶甜品，分別有白肉丸子抹茶奶甜湯（熱），生茶啫哩，同宇治金時餡蜜（抹茶）：中村藤吉京都嘅味道呀... 但係香港食真係貴到加零一囉！我覺得試一次就夠，想食都係留番回鄉探親時先食啦。