南方 (Closed)

是日經過荃灣買東西，看到大霸街有一個車仔面，見天氣有d熱☀️，因此去試一下。南方車仔麵 ，係荃灣廣場對面，地點都很方便，裝修也很吸引，有點台灣感覺喔。😌我選擇了撈面，加豬腸，豬頸肉，蟹柳。3樣野也是我愛食的東西，前兩個非常好吃，豬腸清潔且味道不錯，豬頸肉用炭燒來煮，肉味更吸引。可是蟹柳就不付預期～整體來看，酸甜醬配合撈面，與夏天就不謀而合，很美味。🐎選擇湯面及加6個餸 ，包括牛肚，魷魚，冬菇，芝心，牛。這一碗以湯面配合，牛骨味道濃郁，香香的牛肚飽足。今日天氣熱，但我也依舊飲薑茶，但薑味可以再濃一點更好～另外，我地去俾錢時見到有西瓜汁做FREE DRINK加，🐎飲了西瓜汁，果然很抵，加野飲同小食也只是平均60一個人。糧尾的不錯選擇，南方車仔～😆😆

假日係康文做完運動，都會係附近搵野食咁岩見到又有車仔麵新開張，入左去試下雖然新開，但都好旺場餐牌有彩色有黑白，可能太趕未印好?同唔少拉麵店一樣，都有勾俾你掛袋，非常方便我就要左三餸麵，平平地，揀好野就出去俾錢等叫number值得一提係新開張，呢排會送唔同既飲品，街坊有福了唔洗等好耐，5分鐘左右已經有得拎野食。睇落都覺得抵食夾大件!牛肚香軟，但不失咬口，係唔太夠入味牛腩味道香濃，啖啖肉，唔會太肥多筋仲搭左一舊牛筋，夠哂彈牙醬香雞味道好特別，食落係五香肉丁既味，但變左雞肉，都幾夾的麵揀左幼麵，但略嫌腍左少少，但湯底唔錯，咸淡適中。

係荃灣呢個美食天堂，又有新餐廳開啦，今次係間車仔麵店新張期內仲有飲品送添，學生仲可以以優惠價$33蚊食到3餸車仔麵添車仔麵既餸選擇都幾多呢度點餐流程比較特別，形式會以自助為主，首先要去收銀處點餐同俾錢，之後就等叫no同去櫃枱取餐，成個過程係比平時快左車仔麵店既裝修比一般既車仔麵店時尚呢個麵餐就揀左牛腩、芝士腸、芝士魚皮餃、魚蛋、河粉同清湯d餸就味道正常，但魚皮餃就芝士味可以再多d就好呢個就有腐皮、豬紅、咖喱魷魚、酸齋、油麵同麻辣中辣，中辣就已經辣味十足，夠哂惹味值得一讚係呢度有咖哩魷魚，唔係度度都有架餐廳仲好好咁張酸齋另上，咁就唔會將麻辣味蓋過酸齋既味道菜既份量好多全部都好翠綠

公司附近開了新的車仔麵店，便來同同事試試。早放lunch的我們第一時間沖去霸位啦，興幸時間尚早未多人。霸到一個卡座，坐位蠻濶落。睇睇餐牌，三餸麵$38，加飲品$8，特飲$10，價錢都幾大眾化啦。呢度個車仔麵唔係寫紙仔，要出去櫃位落單，之後收到個帳單號碼等叫號。店內裝修都幾靚，夠簡潔。貼心地有勾勾，午餐袋唔使欖住啦。同事碗麵要左雞翼，腩肉，豬紅，豬頸肉，河粉清湯底（$46），好一位食肉獸餸炆個入味又夠淋，幾好味吖。河粉比較散，但都比得幾多夠飽肚。餐牌寫個湯底係秘制牛骨高湯，同事話湯底清清地都幾好味。自己個碗要左咖哩魚蛋，豬腸，芝士魚皮餃，上海麵加辣汁（$38），魚蛋大大粒幾爽口，豬腸夠肥有咬口，魚皮餃入面加左芝士，第一次食咋，又幾特別喎。上海麵都係好碎，勝在份量多。湯底加了辣汁，要小辣都辣勁十足，好過引。鮮奶茉香珍珠奶茶（+$10）普通飲品都加8蚊，咁好似加特飲抵啲喎茶底好有茉莉香，珍珠彈牙，不過甜，意外地好飲紅豆奶茶（+$10）同事杯紅豆奶茶幾靚仔，奶茶味略淡，但勁多紅豆，紅豆煮得很淋，同事話食哂成杯豆好飽喎食完上開飯睇下，嘩，一面倒喊面，其實味道都唔差吖，價錢又唔算貴，至於服務嘅野，

完全唔知食緊咩車仔麵唔應該係咁湯底淡而無味餸又唔入味無下次 唔好味直頭難食🤢雖然價錢確實係抵 又有野飲送但而家大部份人追求嘅係食物質素如果好食 大家唔介意比錢去食但唔好食 10蚊都覺得貴我覺得呢間舖頭要再重新去研究下點令食物好食啲..服務方面個人覺得好好嘅識員都有禮貌..

今日收工同朋友去荃灣廣場行街，見商場既食肆平時都食到好似成日食到，我地今次就揀係呢條食街，大霸街見呢間餐廳新開，裝修幾文青，又想食下車仔麵，決定入去試下入到去有位服務員笑容好友善咁招呼我地。佢無手寫既點餐紙，我們揀好就向店員點餐。我叫左四個餸：豬腸，韭菜餃，冬菇，豬頸肉，配米粉。湯底揀咖喱汁個湯底有少少既牛味，聽店員講個湯底係用牛骨熬製，食落感覺咖哩味比較重，唔係好辣。想食咖哩而又唔係好食得辣既可以食豬腸都好味，冇怪味，幾厚肉地韭菜餃，皮唔會好厚，夾上嚟個皮無爆，涵都足，幾好另外，我們叫左碟腐乳生菜，菜都新鮮，爽口。飲品方面，店主推介蜂蜜綠茶，我揀左熱既。見店員真係一羹一羹蜜糖放落去，唔係用現成，飲落唔係好甜，幾舒服整體來說，都ok既。價錢都大眾化

位於大霸街的車仔麵，係荃灣廣場隔離街，價錢好平民，叫左四餸車仔麵。碗麵黎到比漏樣餸，明明都見職員抄底哂冬菇無味少少腥，鳳爪唔淋無乜味，咖哩魷魚係ok ge!個酸齋係另上又係無乜色水同味道。叫左碟生菜係配腐乳價錢都幾貴下$25。湯底都無乜特別，甘既車仔麵店都好難再食多次寧願自己返屋企食個公仔麵

一直認為車仔麵好難整得難食，估唔到今日終於畀我遇到。同男朋友本身打算去食越南野，點知去到無開，唯有轉場啦，結果誤打誤撞就入左黎食車仔麵喇！鋪頭環境唔錯，睇得出裝修都幾用心。但係中伏既開始先由點餐開始，諗好食咩之後，男朋友去左櫃枱點餐，點知點餐都用左10分鐘(利申當時無其他人點餐)！ 以為只係因為新開，員工唔熟點用個點餐 system, 所以都算。食物是等叫number出去攞既，基本上全自助，唔會有人serve你。食物黎到，望個樣都知中伏，一般車仔麵加腩汁湯底都比較深色， 佢係好淡色架，食落食得出滾水既味道。蠔油冬菇無味道可言，醬炆牛肚唔夠冧，唔夠味，豬軟骨一樣無味，仲要係好硬好鞋, 同呀媽煲湯瘦肉無咩大分別。 三餸麵多謝$38，真係一d都唔值。今日總算試到難食車仔麵，真係唔會有下次。

同朋友路過，見到裝潢幾靚就入去試下新野。入面係食車仔麵，38蚊三餸包野飲，價錢合理。落單個時，我叫三個餸當中兩個餸都冇，咁以為好賣得，應該好食，質量唔差，然後叫左蘿蔔、魷魚、瑞士雞翼，落單時服務態度差，超級不耐煩，唔緊要，野食好食就可以。首先黎左杯蜂蜜綠茶，係真係野生蜂蜜味但有啲假，又似化學野，然後個車仔麵真係垃圾中嘅垃圾，瑞士雞翼好咸，似未溝稀過支瑞士汁，直接煮；蘿蔔，未煮淋，唔入味，未煮淋已經大扣分；魷魚雖一正常，因為直接買現成，個湯底好似乜汁都有，不倫不類，麵條都唔彈牙，成碗野真係乜都唔掂，難食到我平時難食都會肯食完，但依碗做唔到實在太過分。

其實如果這店能活在荃灣三個月，應該可以列入荃灣十大奇葩食店之一。我相信這店應該未有資格似九如坊的牛腩和佐敦的鮮奶炒蛋奄列一樣去鬧客。但這店正正如此，食物的質素可算是意料之中的惡劣，麵應該是沒有用任何液體去煮熟，無論是幼麵，粗麵都算不上是正常。我感覺自己似近來那些電視節目的嘉賓在試食地獄食物，魚蛋似一舊魚類做出來的東西，十分淡味。當然戲肉就是其地獄服務態度，我懷疑店員以前是懲教署出來，對待客人態度與囚犯無疑，安排也混亂。荃灣大壩街太多美食，我實在不明白他們開店目的何在。

今晚可說是奇遇記。收銀個姐姐，用左幾乎10分鐘處理3碗車仔麵既單。而每一碗車仔麵是獨立一張單和號碼。我們還在購票途中(阿收銀姐姐入緊第三碗麵既單時)，不停聽到送餐阿姐叫號無人應，直至我地由收銀阿姐姐攞到個3張單，先知剛才送餐阿姐叫我地第一張單既號碼。我們即通知阿姐，點知俾阿姐炳我地唔應佢。小姐，我沒有預知能力，我都未攞到單，點知我張單幾號呀!其實入單途中，巳有一位類似負責人既阿姐不斷鬧人，鬧客。佢漏左我地兩杯飲品，我地已經食晒野先追，又鬧我地!講到食物，湯底淡而無味，魚蛋林，豬红散，豬皮有沙，蘿白硬。

我平時晤會打post, 上次叫豬紅未煮熱就比人食，我都算啦，但今次接受晤到，真係要post 不滿😡😡😡我家人買左個外賣，我叫了通菜，雞翼，酸齋湯油面，點知打開，得3條通菜，全部都係韮菜，如果你無通菜，可以同客人講，而晤係比其他菜去代替😡😡😡😤😤😤因爲不是每個人都食韮菜😤😤😤

因為呢間野 我竟然寫第一篇食評 本應新開應該比多d包容 但我接受唔到d staff好無禮貌 感覺好唔想做咁 行去收銀諗住叫野食 佢隊左張餐牌同筆比我 話：「自己寫丫」 咁我坐低圈住我食乜啦 之後圈完咪同d staff講：唔該！ 之後呀姐話:「自己出去買」 我心諗 咁圈黎做乜 我頭先都可以直接買啦。 好咁排隊買 前面有 4， 5個人 可能佢唔熟部機 所以督左好耐 督完又要走去水吧到改 前面個客同左佢講外賣兩次 都聽唔到 最後又話人地：下？你外賣架？😑督左幾分鐘 到我買 我明明圈得好清楚 佢都可以唔識睇咁 問我：大辣呀？ 我圈左個「小」字黎架咼之後等拎野食 個盤得杯野飲 都未齊 又叫no.😑 野食好差⋯一望就知道⋯ 佢聲稱係牛骨高湯 勁淡 個味似水加左小小鹽咁 我叫左個佢係推介既秘制豬頸肉 好薄 真係薯片咁薄 切得到咁薄嗰下好野 豬紅雖然未至於一夾就散 但都好碎好難食 叫左小辣 一d辣都無 我出去問下可唔可以加番小小辣汁 因為真係無味 之後個呀姐指住就企係佢隔離既廚師講：你同佢講丫 我心諗你地有咩私人恩怨唔關我事😑😑😑之後食緊既過程 不停聽到佢叫no. 523 523 邊個523呀？ 好耐

今次經過荃灣，見到有間新開嘅車仔麵店，個裝修好文清好靚，就梗係要試吓啦餐牌入面都係好普通好簡單嘅車仔麵餸，我哋各自揀咗廚師推介嘅幾樣菜，個裝修令到我對依間車仔麵店期望加大不過略嫌冷氣唔夠，好熱，因為仲未到夏天，小店要搞搞佢坐喺度食嘢嘅客人個個都話好熱對於我來講，車仔麵店蘿蔔係一定要炆到好林，點知，完全唔林， 牛腩都唔錯嘅，個餃子得兩粒，湯底完全唔入味， 對佢好失望😞我諗小店要諗諗點樣將啲蘿蔔炆林啲，因為佢唔算平另外我加左錢飲紅豆奶茶，同樣令人失望， 首先紅豆完全5林，個茶底冇茶味，正常紅豆會煮到好似紅豆沙咁，我唔知係咪佢啱啱開張冇幾耐，所以唔夠時間啦，不過真係要搞搞佢，如果唔係會好快關門另外，💁🏻‍♂️叫咗另外嘅廚師推介，魚蛋又係唔入味，豬頸肉朱紅都勁普通如果齋講裝修嘅話我會比得好高分，不過始終小店來講食物質素一定要好，呢個價錢都唔平呀，我諗小店真係要努力諗諗計點整得好食啲，同個冷氣要大啲，因為仲未到夏天