Video
1-min walk from Exit , Heng Fa Chuen MTR Station
continue reading
Additional Information
只有外賣
Opening Hours
Today
12:00 - 21:00
Mon - Sun
12:00 - 21:00
Above information is for reference only. Please check details with the restaurant.
芋泥肉鬆吐司： （凍芋泥，可惜）芋泥吐司係佢嘅推介招牌菜式，原本芋泥棉密，配上吐司好好食，可惜員工水準不穩，後期次次食d 芋泥都好似喺雪櫃直接拎出嚟放落吐司上邊，變咗冰凍嘅芋泥吐司，變相好難食！雞扒蛋吐司： 雞扒新鮮炸起，啖啖肉，穩陣，係好食嘅泡菜起司雞球手抓餅：雞球新鮮炸起，同雞扒差唔多味，好飽肚嘅一個選擇，比起吐司更惹味煙肉鮮菌卡邦尼意粉：價錢公道，主打學生生意，好港式嘅快餐意粉，汁好稀身，但份量夠多開業初期係得，後黎愈做愈求其，失望
continue reading
杏花邨南國小巷南國小巷主打吐司同手抓餅，三四十蚊一份，價格合理。 有時仲同隔離嘅天仁茗茶 一齊搞啲套餐優惠，買埋天仁茗茶嘅飲品會有折扣優惠。今日試咗芋泥肉鬆吐司， 麵包夠曬厚身，烘過嚟， 食落香脆有咬口。 可惜芋泥係凍嘅， 外面嘅包身係暖嘅，但啲餡係凍嘅， 食落硬係覺得差減啲嘢咁， 怪怪的。 麵包入面仲夾咗啲肉鬆，令到整體嘅口感味道層次更為豐富， 除咗芋泥嘅芋香味之外，仲帶有少少肉鬆嘅鹹味。 一個人食曬成份會有少少滯， 唔太建議當正餐食。
continue reading
等左好耐終於見到杏花邨嘅天仁茗茶開張，開左先發現原來喺隔離一併賣埋輕食，主打台式吐司同埋手抓餅，另外都有啲台式小食。而平時嚟嚟去去商場都係同一堆食肆，難得有新鋪開張，當然要試下。今次試左個肉蛋起司台式吐司($42)，吐司即叫即整，等左一陣攞到手覺得佢嘅包裝都幾別緻，外邊用紙袋裝住，而裡面亦有個盒裝吐司，睇落覺得都幾高質感。吐司已經預切為兩半，可以喺三款醬裡面揀，包括蜂蜜芥末醬、日式沙律醬同埋焙煎胡麻醬。我今次揀芥末醬，食落有啲甜甜地咁，同個吐司好match。吐司裡面夾左生菜、芝士、豬扒同埋半熟嘅蛋，食落口感豐富，重點係豬扒都幾嫩，唔會過實。麵包有經過烘底，食落脆脆地令我覺得成個配搭都好唔錯，亦夠飽肚。另外仲叫左個小食-甜不辣($25)，分量比想像中多，平時食開嗰啲係一片片，而佢依度嘅係一條條，覺得食落更加有口感。而且值得一讚嘅係佢口感超煙韌有咬口，魚漿味重好好食，下次會再點依個小食！
continue reading
💸人均消費: $35-75🌿評分: 4/5🈚️加一服務費屋企樓下天仁茗茶等咗9個月終於開咗😻但同其他分店唔同嘅係😗佢今次係同南國小巷share一個舖位😋㊙️佢哋喺呢兩個月仲有新開張優惠🔥即日起至到31/8/2022🗓喺南國小巷買咗台式吐司或者手抓餅系列🍞當日憑單據喺天仁茗茶買嘢飲可以減$5👻➪ 煙鴨胸台式吐司 ($35)佢有三款醬揀~今次揀咗蜜糖芥末醬✨醬汁味道幾岀👍🏻但係唔會蓋過咗煙胸嘅味道🦆鴨胸份量都唔少🌿有4塊👻麵包幾重牛油香味🧈亦都烘得脆脆地🔥係一個唔錯嘅輕食選擇🍞✰ 鹽酥雞球 ($28) 雖然味道唔錯👍🏻啲雞肉都冇炸到好柴🐔但炸粉炸得太硬🤣不過擺耐咗都冇油溢味👻📎只限外賣🥡
continue reading