楠天Kitchen

Open Now

Now Closed

科學園抵食2人套餐$188：套餐包括明爐燒味例牌、自選粵菜或四川風味菜、油菜、白飯同老火湯～～好豐富。明爐燒味嘅揀咗叉燒同燒腩仔。叉燒好入味，肉質嫩滑，每一口都好多汁～～燒腩仔肥瘦適中，燒得香脆，口感好豐富～～自選粵菜我哋揀咗脆皮咕嚕肉～～佢嘅外皮幾脆，甜酸嘅醬汁好開胃～～套餐入面仲有一份油菜，營養又健康。仲有白飯同老火湯都好豐富～～整個2人餐真係物超所值，份量豐盛，經濟之選！下次再試下其他野食先～～

平時踩單車經過科學園🚴🏽‍♀️🚴🏽‍♀️通常都淨係會留意到望住吐露港嗰幾間餐廳不過嗰一欄餐廳都係食西餐為主🥪🍕🍟原來行返入少少一期嗰邊都好多嘢食仲有激烈嘅冷氣降一降溫💦踩到中途入去食個lunch補充體力重新出發呢間楠天餐廳望落去個樣就似係普通茶餐廳會覺得山長水遠入嚟食茶餐廳無嘢呀？😒望真啲佢個餐牌係好多元化燒味/炒粉炒麵/台式便當/日式便當/燉湯/常餐/蒸魚(好少見😢）/仲有happy hour (3點開始)🍷🍸🍹🍻🧉搞到我諗咗好耐食乜最後揀咗姬松茸燉雞湯配白飯我娘親就揀咗蒲燒滑蛋鰻魚飯好似我仲養生過我阿媽🤣🤣雖然已經踩咗成30k熱屎辣辣但原來再隊個燉湯係無得頂潤喉潤肺補充返全日失去嘅水份而且個燉湯好足料有原隻雞脾又滑又甩肉姬松茸/猴頭菇/蟲草花夠滋補提升抵抗力一流👏🏽👏🏽👏🏽個湯一啲都唔油亦好鮮美😋啖啖飲落都知真材實料無味精同多餘調味至於個鰻魚飯都好好食❤️飯餸比例均稱鰻魚燒得惹味炒蛋🍳亦炒得香滑老母倍感安慰👩🏻而飲品方面除咗基本嘅茶啡之外仲有不下十幾款特飲實在花多眼亂我揀咗富有夏天氣息嘅菠蘿椰林風情🍹仿如置身馬來亞騎着駿馬喺沙灘奔跑嘅心情🏖️諗住去科學館呢啲遊樂區消費會好貴我地呢餐轉飲埋特

喺科學園附近返工有一間中式餐廳性價比極高價錢平之餘又好食—————————同同事一人叫咗一個飯盒大家又交換啲試吓楊州炒飯落咗大量嘅叉燒同雞蛋炒飯炒到粒粒乾身好味西炒飯用咗蕃茄醬甜甜地更美味星洲炒飯平時食星洲炒米就食得多炒飯都好少試加埋咖喱嘅炒飯特別好食黑松露白汁海鮮飯試咗三個炒飯呢個燴飯都幾唔錯白汁加埋黑松露嘅味好香——————————-四個飯加埋$200都唔使絕對係打工仔嘅窮人恩物好食又抵食呀！

上網見到附近有個市集想行下, 行完攰攰地想搵間餐廳坐低, 見到呢間都好多學生+老師入黎呢間, 於是我都急不及待試下蒸大白鱔+節瓜眉豆湯:大白鱔由於係要清蒸, 於是需時大概15分鐘, 一上菜份量超級多, 大概有半條鱔, 師傅亦都用左粉絲墊底, 完全吸收晒白鱔既精華!白鱔食落去好新鮮, 唔會食到任何腥味! 上面仲配上少量辣椒+蔥花, 更加開胃而湯水飲落去好清甜, 完全無落任何味精, 絕對係老火湯黎, 飲落去尤其解渴!甜品叫左: 黑糖冬瓜牛奶桃膠, 飲落去唔會好甜, 而且牛奶香味濃郁! 而桃膠亦都好滋補~叉燒230配油雞 (轉瀨粉): 半肥瘦叉燒, 食落去唔會覺得好油膩! 入口即化~ 而油雞亦都唔會覺得好多脂肪, 應該係走地雞黎另外仲配左個雜果薯仔沙津, 食落去幾開胃, 唔會覺得好飽好滯, 作為小食都係不二之選~

楠天Kitchen Nam Sky Kitchen 📍沙田白石角香港科學園1期科技大道西1號核心大樓2座地下S002號舖朋友住白石角，屋企附近嘅餐廳寥寥可數，所以如果唔想煮飯食，一係喺沙田同大學呢啲地鐵站買嘢食，一喺就行去比較多食肆嘅科學園食。我哋一早約好星期五去科學園食飯，點知朋友唔舒服唔方便堂食，但喺屋企食又驚有菌，於是我哋就隨便搵咗間餐廳買外賣返去會所食。我哋去到呢間叫楠天kitchen嘅餐廳時大概係7點，除咗一般嘅小菜同燒味餐牌外，原來每晚餐廳都會有約十款晚市推介套餐，仲有唔同嘅湯品同甜品可供加配，價錢喺科學園嚟講都幾經濟，難怪未到晚市peak hour啲套餐都陸續售罄！睇返網上評價先知原來有好多喺科學園嘅打工仔都會喺度買外賣，原因係呢度嘅價錢比較平選擇多，下次入嚟呢頭唔知食咩時，又多一個選擇啦！ 💰$65茄子排骨 🍆🐖晚市推介餐牌上有飯、有麵、有小菜，其中一款係自選蔬菜配排骨，可以揀茄子/豆腐/涼瓜，我就梗係揀我最鍾意食嘅茄子啦。呢個餐係有包飯嘅，外賣佢會將餸同飯分開放，咁樣啲餸汁就唔會完全淋晒落啲飯上面，唔會怕食得太多汁太肥膩。我揀嘅呢個茄子排骨個汁好似一般餐廳食到果醋豬軟

唔講大家都可能唔知，原來科學園都幾多小菜食嘅，呢晚我就過咗嚟科學園，揀咗呢間楠天Kitchen😚餐廳嘅格局比較簡單，係採取自助形式，仲有個QR code可以俾你睇手機睇餐牌👍🏻買咗飛之後過一陣就可以去櫃檯拎～夜晚就主打小菜同燒味😋我哋叫咗個二人餐 ($188)，包咗一碟燒味例牌、一款小菜、一碟油菜、兩碗白飯、一杯飲品同一碗湯～燒味就叫咗秘製叉燒230拼脆皮燒腩仔，我覺得兩款都係水準之上，首先叉燒半肥瘦，蜜汁嘅調味亦都相當出色，甜鹹均衡👍🏻燒腩仔個皮超級脆，亦冇任何豬騷味😆小菜就揀咗鮮菠蘿黑毛豬咕嚕肉，好欣賞佢真係用鮮菠蘿，份量都唔少，黑毛豬肉質軟稔，絕對係一個好食嘅咕嚕肉😋再加埋碟菜心同埋飯，仲有湯同嘢飲，其實成個餐都已經好豐富，不過我哋都仲加餸🤭叫咗個風沙炸子雞半隻 ($98)，份量好大，雞皮脆卜卜，肉質亦唔會嚡，加埋炸蒜，好惹味，性價比又高😋估唔到喺科學園都食到間高質小菜，住附近嘅都可以嚟試吓😗

今日要OT所以同同事嚟咗楠天試吓佢哋嘅晚飯小菜， 楠天裝修完搬咗大舖空間大咗，坐得比以前舒服。我哋今日就叫咗一個二人餐又高質又抵食，佢包咗一碟燒味一個川菜或者粵菜，仲有油菜用兩杯飲品。燶邊叉燒配燒肉見到佢燒味係11點或5點出爐，今次試左叉燒併燒肉，佢嘅叉燒係窿邊叉燒比得上好多高質嘅中菜廳或者酒店，非常淋身，科學園可以食到一啲咁高質嘅燒味10分驚喜，另外燒肉竟然唔係凍，好明顯係啱啱出爐，燒肉皮非常脆，肉都非常鬆化，好明顯係啱啱出爐無耐，唔似一般燒味舖燒味係交黎嘅方式。川味水煮牛肉水煮牛都10分有水準牛肉份量比想像中多好多。另外配菜仲有芽菜娃娃菜，唔算好辣但食得出落咗好多唔同嘅四川香料好香，坊間好多水珠牛肉都好油，食完之後好仔，個人非常推薦。大家去踩單車經過科學園一定要嚟試吓，包你有驚喜。

今天户外活動由沙田🚴‍♂️🚴‍♂️🚴‍♂️到科學園，中午就在附近"楠天Kitchen"吃個午餐順便消吓暑😮‍💨😮‍💨嗌一個皇牌燒味，一次滿足個人的愛好🥰🥰❣️五寶飯~💥叉燒肥瘦適中，肉質軟腍帶油香味。💥燒鵝表面酥脆，肉質鮮嫩，十分juicy，味道醇厚💥燒腩仔皮層酥脆，豬肉肥瘦相間，口感豐富，肉質滑嫩多汁，香氣四溢💥紅腸久遺兒時的美食，倍添美味💥咸蛋口感濃郁，咸味適中，有著獨特風味❣️蒲燒滑蛋鰻魚飯~鰻魚面層金金黃黃色配上紫菜和燒汁，肉質鮮嫩多汁，加上濃郁滑溜蛋香液。最鰻魚+滑溜蛋+紫菜配上特製蒲燒醬汁，再淋在軟糯白飯上，讓整道菜式更加豐富多樣。🫶🫶Happy Hour時段15:00 pm~18：30 pm和三五知己聚一聚吹吹水是個好地方

科學園咁多野食，太忙，唔想稔，又唔想中伏，叫外賣就唔洗稔。可以直接叫依間楠天，新新地，野食大路，唔洗睇menu 叫，都可以叫到同煮到比你。一定唔會難食，有水準，份量夠。啱哂OT 唔想煩嘅你。下午茶時間仲抵，如果你就到時間堂食都ok,算方便日日都有唔同menu, 如果唔想煩就直接講你想要d 咩，佢應該都煮到西炒飯大份，足料，勁多餸。下午茶都係$5x 仲有野飲楊洲炒飯，都係好足料，好夠鑊氣下午茶價錢星洲炒米，又仲勁大份同足料，唔會太辣。正常人handle 到餐廳都幾出名嘅叉燒。230 叉燒飯，貴小小，不過咁多肉。叉燒濃邊，肉汁juicy沙田白石角香港科學園1期科技大道西1號核心大樓2座地下S002號舖

Sun 16h July 2023 風雨欲來聽聞呢間係呢一度性價比最高食嘢嘅地方。所以service 方面唔好期望咁高。當係 大家鑊 +0.1分咁囉。打風前夕，成個campus 都唔係好多人。平時呢度都好多單車友，今日應該絕哂跡，反而好似幾多附近豪宅區推個BB過嚟食個快餐嘅上等人。環境唔錯，地方大，樓底高，枱同凳嘅高低比例幾好，凳細細張，但係都好舒服，客路斯文，啲阿姐都幾好相與。嘢食就好大路，炒粉麵飯燒鵝雞瀨咁啦。價錢都好合理，6-$70一個Lunch，係屬於好味茶餐廳嘅級數，亂咁嗌都應該冇伏。玫瑰豉油雞飯，好彩派到個髀位。肥肥滑滑啱我口味。港式奶茶，正常。燒鵝肥叉懶 + 蠔油菜$15 +例水$5肥叉值得讚，肥位爽爽哋，肥瘦均勻。燒鵝可能今日流量大，燒鵝皮仲有少少脆口。整體上呢度係一個幾好，醫肚+沉澱嘅地方。所有嘢都偏鹹。

餐廳位置在科學園，裝修簡潔整齊，環境非常開揚，透過落地玻璃望到室外景觀，感覺悠閒寫意。餐牌選擇唔少，除左有抵食既套餐，散叫有咖哩、川粤風味小菜、燒味、炒粉麵等，另外新推出Happy Hour任食小食，啱晒一班朋友嚟吹水聚腳。我哋叫左個晚市2人套餐，有皇牌燒味+風味小炒1款+油菜+白飯+老火湯或飲品：明爐燒味例牌雙併：叉燒係餐廳自家醃製，肥瘦肉比例均衡、肉質軟嫩多汁、色澤鮮明、香味四溢，質素上佳。脆皮燒腩仔：燒腩仔一層肥肉一層瘦肉一層脂肪，層次分明，口感豐富，而且層皮夠晒鬆脆，咬落去脆卜卜，超正。鮮菠蘿黑毛豬咕嚕肉：咕嚕肉用左名貴黑毛豬，肉既味道較濃厚，肉質更鮮嫩，配上青椒、紅椒、洋蔥及新鮮菠蘿，開胃之選。總結，餐廳食物新鮮好味，員工服務有禮，價錢大眾化，值得推介。

今日去咗科學園行呢個地方真係好啱放鬆一下 今日天朗氣清 喺海旁附近行，真係好舒服Chill到傍晚時分，都係時候醫下肚食晚餐就喺科學園度，睇吓有咩好嘢食發覺原來科學園而家好多餐廳，有中菜、又有好chill嘅酒吧、泰菜、日本嘢 同幾年前相比真係好唔同兜完一輪，發現呢間裝修得幾企理嘅中式餐廳見到佢掛出嚟啲燒味幾靚 又突然之間好想食燒味 就入咗去試吓我哋入去嗰陣時大約七點幾 都已經好full下門口寫住一個Menu 都有職員出嚟寫某啲菜式已售罄 人流都真係幾旺下我嗌咗一個二人餐有燒味 可以自己拼一碟油菜一個主菜兩碗白飯兩個例湯/飲品咁多嘢，都只係188仲要唔使+1 再加多杯happy hour drink: 荔枝梳打真係好滿足樓面都好乾淨 令人食得放心值得一提嘅係個咕嚕肉！真係好脆，好好味！後尾老闆娘同我哋傾開偈話係用本地豬！嘩好抌本喎唔怪得咁好味啦！所有餸菜都唔會太油太鹹有別於一般嘅中式茶餐廳真係好有驚喜另外喺店內嘅所有職員都好Nice見到佢哋耐唔耐會同啲熟客仔傾偈依家仲有幾多餐廳係會有呢份人情味呢餐飯為我嘅happy Saturday Night 寫上圓滿句號又平又好食一定會再嚟幫襯！

這餐廳在科學園享負盛名，算是性價比相當高的一間茶餐廳。食物絕無問題，好味。老闆每朝請客人飲茶，態度殷勤。我這篇食評，唯一要提及的一點，就是出餐的時間，尤其午飯時，要等很久很久...先兩星期，我外賣自取一客炒飯，11:35 am 落單 (不算高峰時間吧)，等到十二點正，我去問包外賣的姐姐時，她說好忙，叫我體諒。今天，我又外賣自取一客蒸魚時，~11:30am 落單，也是要等到十二點正，我去催單先有...我不是想投訴甚麼，也不是不體諒。可是，你也要體諒打工仔，每日食飯時間一個鐘鬆少少，但柯打得你，齋等都要半粒鐘... (荼餐廳咋喎)你可能話，可以預先 whatsapp 落單，我都試過，但次次都係太早準備好，我準時去拎時，返到 office 發覺食物已經凍到室溫咁.. 雖然你唔憂做，但係... 其實係咪可以改善下？