南洋家 (希雲街) (Closed)

今晚翻北角慶祝母親節，早d出街行下順路買花同蛋糕，lunch time要醫肚，突然醒起屋企印尼姐姐介紹過佢放假都好鐘意去嘅「南洋家」，佢話個珍多冰同烤雞肯定啱我尼個印尼華僑後代食，咁擇日不如撞日，就今日去啦！成份Menu 都係我鐘意食嘅，隨心叫左幾樣，飢腸轆轆的我已經等唔切了！黑面神 $58用南洋黑豉油配上新鮮爽口的芽菜、軟嫩入味冬菇及彈牙豬頸肉，快手炒起很特別的不知名米粉，口感似銀針粉，份量巨大，甜甜地出奇地好食！半隻燒春雞配箭葉果飯 $88燒雞的皮甜甜地令人食指大動，燒到焦香金黃再點一點個辣椒豉油，雖然有d辣，但真的忍不住口想一直點住來食！個飯更加特別，清新的香料味讓整個飯都充滿魔力，香茅及尖葉果的氣味縈繞口腔，儘管已經飽了，還是忍不住再吃下去⋯⋯燒牛舌沙嗲串 $33白鱔沙嗲串 $33豬潤沙嗲串 $15翠玉瓜沙嗲串$10各式串燒表現平平，沙嗲汁正宗，點著食很惹味芒果椰果沙冰$38椰汁加芒果的味道濃郁，不會太甜，飲落清爽鮮奶珍多冰$28鮮奶甜甜咸咸，綠色小粉條QQ彈彈滿足地吃完lunch ，口中仍舊迴盪著香料的香氣，不禁想起應該外賣一份沙嗲給家中的姐姐，慰藉一下她的思鄉之情呀！

真地址：希雲街 直入就見到Score 總分: 65 （-2+2）這鋪有d難揾，所以一黎就先減200分！講笑，脆脆地減2分啦～好！講返味道。E間野，味道就真係麻麻地，或者唔太適合我口味，d通菜好老。但個飯+麵 的確有一定水準，但未至於好好味羅，都叫好食嘅....咁羅！不得不讚一樣野！ 平！真心銅鑼灣食外國菜喎，一定貴啦！但這間鋪d野食唔算貴，所以食得心情靚返晒，加佢2分啦咁～總結： 可以省錢試下，完。P.S. 佢地外賣店係銅鑼灣SOGO旁，對住電車路（又係好隱蔽）

今日黎到位於銅鑼灣既南洋家，想食D 地道既東南亞菜色銅鑼灣有兩間南洋家，一間係中央圖書館對出，做外賣生意行多一條街就係可以坐低食既希雲街啦!😝堂食包括，沙嗲，肉類配主食(粉麵飯)，小食，蔬菜，甜品等等🥳今次就試下佢既招牌菜：海南雞飯配箭葉果飯雞肉肉質係比故結實，都幾JUICY，味道唔錯第一次食箭葉果飯，有微微椰漿味道非常清新特別，幾好食同埋幾開胃🥳巴東牛肉飯—配黃薑食巴東牛肉係我最鍾意既南洋食物用椰奶和香料煮熟既巴東牛肉，口感軟淋淋，好適合撈飯而香料味道亦令巴東牛肉更提升😝芒果椰果沙冰以新鮮生果鮮打沙冰甜甜地，有好多椰果，正❤️另外仲試左炸秀珍菇真係外脆內軟秀珍菇仲有少少濕潤感，非常好食😍最後仲食左個沙嗲羊肉羊肉比較乾身另外，抵讚既係，南洋家有提供俾外傭姐姐既生日慶祝套餐，可以整有印尼特色既生日蛋糕(飯)呢屋企有姐姐既朋友可以試下幫襯🧡

環境清幽簡潔，侍應態度温柔貼心。今次嗌左翠玉瓜、雞腎沙嗲、豬頸肉、沙嗲沙嗲串燒。翠肉瓜每嚿好細心咁搽咗燒烤汁，入口多汁鮮甜，外脆內軟！豬頸肉沙嗲串燒和雞腎沙嗲串燒都好入味，烤得剛好有焦香，雞腎口感Q彈又唔乾，好有嚼勁，值得推薦。而豬膶沙嗲串燒係我第一次食，確實比到驚喜！海南雞配黃薑飯嘅雞肉鮮嫩多汁，黃薑飯嘅味道也好正，好重薑味，果然係真材實料，配埋一齊居然好夾！燒豬頸肉都好吸引，份量都幾多，外焦內嫩，豬頸肉有少少油脂，食嘅時候唔會太乾，幾juice。最後嘅炸秀珍菇有小驚喜，炸粉好薄，食落去啱啱好，唔會好油，香脆多汁，口感爽口，有椒鹽香味但又唔會搶咗秀珍菇嘅味。個底仲有啲菜墊住用嚟索油，幾唔錯。飲品方面就叫咗一個椰汁珍多冰，同埋香茅話梅青檸冰。椰汁珍多冰嘅椰汁都好香唔會太甜。香茅話梅青檸冰嘅香茅味幾出眾，不過青檸味可以解暑解濟，好適合夏天飲。唯一一個地方就係， OpenRice寫嘅地址係啱嘅，但係顯示出嚟個位就錯咗。餐廳個位其實係喺希雲街，而唔係崇光百貨嗰度。

之前黎過南洋家2次，冇寫食評，今次再黎，又記得影相，點都要分享下既。南洋家在銅鑼灣希雲街，細細間餐廳，都可以坐到大概16-18人，賣點都主要係東南亞食物。是日食lunch set揀左海南雞配箭果飯 - 雞幾滑，配上醬料更惹味，而箭果飯其實內裡有魚仔乾再配上自家製香料，有別於其他地食海南雞配油飯，成件事好特別，味道亦幾唔錯，所以今次回頭再食😄😄😋另外再order 燒豬頸肉飯，豬頸肉大大塊，可惜不是炭燒，少咗啲風味，但配上特製醬汁，辣辣地，竟然送隻煎蛋，配上白飯幾滿足，感覺剛剛好。跟set有餐飲，我和男朋友都揀選熱泰式奶茶，Thai tea 味重，混上淡奶再加糖，不算太甜，我地都覺得味道幾唔錯架。回頭會再飲⋯整體來說，CP值高，會encore 再encore…

有消費劵就更係去shopping 啦係銅鑼灣行完街就去左禮頓道果邊搵野食，另一半比呢間鋪頭門口既斑斕椰汁糕吸引左入去鋪頭唔算大，但都幾舒服，食物價錢都幾貼地，主要係東南亞食物為主炸秀珍菇香脆炸衣包住秀珍菇，幾香口👍🏻椒鹽天貝天貝係印尼特產，係發酵大豆食品，之前都想試吓係咩味道，所以叫黎試吓，味道有輕微酸酸地，加埋椒鹽既味道，係唔錯既，想試新野既朋友可以試下燒豬頸肉飯豬頸肉燒得啱啱好，唔會過熟，點埋個醬汁就仲惹味海南雞配箭葉果飯海南雞份量好足，每件都好多肉，雞肉嫩滑有雞味，而個箭葉飯就好有驚喜，因為未食過呢款飯，原本飯入面有唔少香料同魚仔，基本上唔洗餸都可以食到成個飯新鮮椰青，箭葉果柚子蜜椰青水好清甜，飲完最後仲可以食埋啲椰子肉，箭葉果柚子蜜好清新開胃，岩晒呢排咁熱既天氣飲雜錦斑斕椰汁糕黑色係芝麻味，橙色係芒果味，綠色係斑斕味，椰汁糕口感軟糯又煙靭，斑斕我最鍾意既味道，有淡淡的斑斕同椰汁香味，甜度又岩岩好

呢幾日要去銅鑼灣開會。上晝開會開晚了，也覺得餓了點。是時候外出，找東西吃。銅鑼灣一間有名女子中學(聖保祿)，的後面街，找到一間特色菜，入去看個究竟。“南洋” 這個名字，很想起亞熱帶風情。今天天氣已開始有夏天感覺了，想飲一杯凍飲和吃香口嘢。沙嗲配炒飯，又是一絕配，一看到就想叫了。最後，叫了牛肉沙嗲配炒飯和雞腎串燒。飲品就叫了芒果椰果沙冰。沙嗲串燒，火候啱啱好，鎖住肉汁，一點也不乾。我沒有點醬汁，也覺得很Juicy。話明絕配係炒飯， 炒飯一定要夠乾身。但這個炒飯不單止滿足這個要求，還能將味道提升至另一境界。因為她加了一些香料，混合醬油嘅香味，好味，好開胃，令人垂涎欲滴。天口熱，飲返杯清涼沙冰。鮮芒果加椰果是甜中帶咬口感，確實暑氣全消。

希雲街以前有很多車房、回收店，現在變成食店林立，南洋家就是其中一間食店，主打印、泰美食，又平又好味，食物種類同飲品🥤選擇多。👍一入餐廳最搶眼的是牆上的壁畫🖼️，畫有東南亞名勝，佢用嚟盛載食物的碗🍽️亦都好得意。😍泰式燒豬🐷頸肉$50燒豬🐷頸肉好正，本身已經醃好夠味，再配上小辣醬汁，好食到停唔到口🤤😋。牛肉🐮沙爹串 x 2 $28牛肉🐮燒得外焦內嫩，沾上沙爹醬甜甜的很惹味。👍🫶巴東牛肉🐮酥餅🌮🌯$48個餅皮🌮幾鬆軟，入面有咖哩牛肉🐮再夾生菜🥬、洋蔥🧅、青瓜🥒一齊吃，一啲都唔肥膩，分量大分吃完很飽，可當正餐。👍😋燒魚🐟配白飯🍚$98白飯🍚做成一個塔🛕的形狀，原條魚🐟燒得外脆內嫩，沾上甜辣醬汁一齊食很好味！🤤😋芒果🥭糯米飯$48飯後甜品梗係揀芒果🥭糯米飯，芒果🥭清甜很香，白白的糯米飯淋上濃稠的椰漿一齊食，層次感即刻增加，椰漿香甜糯米飯煙煙靭靭，值得推介！👍👍👍🫶🫶🫶😋🤤香茅話梅青檸冰$28杯內有一粒半細青檸🍋、一粒話梅兩粒龍眼肉，酸酸甜甜幾清新！🫶👍

今日和媽咪係銅鑼灣行街，行到攰攰地，突然間見到間食東南亞美食的小餐廳，所以我哋就決定入去試吓啦。裏面幅牆畫咗好多東南亞國家有特色標記嘅公仔，有新加坡、泰國、越南、印尼等….見到個餐牌，有啲選擇困難症，樣樣都想食，都唔知食乜好😅😅海南雞飯配箭葉果飯 Hainanse Chick en with Kaffir Lime rice $68個黃薑飯，帶有淡淡黃薑嘅香味，而家海南雞就好嫩滑，而且好有雞味 ，個醬汁酸酸地又有香草嘅味道，同個海南雞係絕配。火焰汁辣魚配白飯 Super Hot and Spicy Fish with Rice $98條魚炸得好香脆，而且應該即叫即炸 ，起來的時候熱辣辣，至於個醬汁，沖個菜名都已經知道係辣辣地嘅，而且有啲酸味同埋香草嘅味道，配呢個炸魚嚟一齊食特別嘢味。😋馬拉盞炒通菜 Shrimp Paste Stir Fry Water Spinch $68食東南亞菜，當然一定要食通菜啦，食菜就冇咁複雜啦，啲菜就嫩就已經好好味，而且廚師吵得啱啱好，總之一句簡單得來好好味。😋新鮮椰青 Young Coconut $38過椰青滿滿嘅椰青水，而且好清甜，再食埋啲椰青肉，真係冇

南洋家 銅鑼灣禮頓道128-138號希雲大廈地舖G/F, Haven Court, 128-138 Leighton Road, Causeway Bay門口好多糕點外賣, 仲妁伙是雜貨小食舖, 再望多兩眼, 原來是餐廳, 食東南亞食物, 而門口就兼賣糕點甜品。$ 88 半隻燒春瞳配箭葉果隻飯, 轉了薑黃飯,更香且顏色搭配更好看。加入了魚乾仔碎，個飯堅好食。而燒雞甜甜地，附有個東南亞辣醬用來蘸點食物。燒牛仔骨飯 $68，牛骨香口入味醬汁濃郁，更有隻太陽煎蛋同富香茅味的蔬菜。SATAY 可一串點, 仲要好抵食, 由$10一串起,叫了雞腎同白鱔同翠玉瓜飲品椰汁涼粉冰銅鑼灣搵食,呢間人均消費$100-$150

銅鑼灣食晚飯係唔平嘅，我按下某平台睇下有無堂食75折，俾我遇上南洋家。如果唔係屋企印尼姐姐太厲害，呢間算係性價比高嘅。58蚊一碗雞米線，似係我食開嘅梳多，好味嘅。不過，因為我肥同大食，米線好似唔夠飽。於是，我再只係用左50蚊，叫左四串串燒，沙爹汁好味，厚厚嘅牛舌單點都33蚊，我其實想叫4串牛舌，但覺得咁樣真係欺人太甚。於是點了豬潤，可惜賣曬而轉左雞腎。魚餅，粟米（來到係粟米心令我有點失望）。四串中，牛舌令我無失望，厚切的，好抵食。飲品選擇好多，但最後我只簡單選了個凍檸茶，正常味道。計埋個折，埋單92。抵到呢。最後，我仲買左兩盒班蘭糕。

希雲街必食嘅印尼菜希雲街雖然離銅鑼灣中心有啲遠 但就開左好多好出色嘅餐廳 而且價錢亦相對合理 所以行開銅鑼灣我都時不時黎呢邊搵食 今次黎就見到呢間應該新開無耐嘅南洋家 門口雪櫃放置左唔少東南亞小食 糕點 睇落都好吸引 不過今次堂食都好多選擇就冇試到海南雞飯配黄薑飯 $68雞🐣全部都係雞 呢個雞飯嘅雞量唔係講笑 應該有多過1/4隻雞 性價比非常之高 如果我一個人黎食飯 叫一份就夠哂飽 抵到爛 而且味道亦都唔錯👍🏻 同埋配嘅係黃薑飯 唔係油飯 食落冇咁有罪疚感巴東牛肉飯 $68印尼菜必點之一 大大舊牛腩 配上特式嘅香料🤤永遠都唔會失望 而呢到嘅擺盤都好靚 食慾大增😍馬拉盖炒通菜 $68對比泰菜食開嘅 我更鐘意呢個味 泰菜通常會炒到偏咸 要餸飯食 而呢個味道就做到恰到好處自選沙嗲串燒🍢$50/4個沙嗲汁有別於泰菜食開果一款 呢款好重香料味 青檸香茅等較Fresh嘅味道 非常開胃 本身淨係叫左3串 分別係雞肉牛肉羊肉 由於太好食 最後加多串羊肉🤤芒果椰果沙冰 $38大大杯而且重芒果味 又打得夠碎 唔會食到冰粒 天氣熱熱地必飲

外面今晚下著毛毛雨，晚餐時間已到八點！我們就去到銅鑼灣希雲街附近搵好嘢食， 點知俾我哋發現一間裝修綠色為主的南洋家印尼菜， 價錢ok便入去醫一醫肚先！店舖內地方雖然不是太大，但坐得舒服及幾有特色！ 牆上的壁畫已被吸引！🪑🪑🪑🪑牆上更發現只收現金及學生午餐有優惠9折餐牌都有多款選擇： 有小食、沙律、主食、串燒、甜品及各款特色飲品🧄🥬🥗🥙🍲🥘🍳🍛🥭🍚🍢🍡🍹🧃🧋🥤🍵🍻🍺🧉💫 海南雞飯配箭葉 $68海南雞大件又夠多，肉質嫩滑，配埋醬汁更惹味！箭塔飯一上枱賣相已好吸睛， 而且味道好特別~有種香茅味，好香，好好食！成個金字塔香茅飯一個人食曬🐔⛰️🐓⛰️🦃⛰️💫💫燒牛仔骨飯 $68首先隻荷包蛋已值得一讚！賣相好得，半生熟好好味，加埋牛仔骨牛味香濃，配埋特別醬汁送白飯， 非常不錯！🐮🍳🍚🐮🍳🍚💫💫💫泰式燒豬頸肉 $50份量算多！燒得十分入味，口感彈牙爽口，油膩部分不多，值得一試！🐷🐽🐖🐽🐷🐖💫💫💫💫 泰式無骨鳳爪 $48甜酸辣無骨鳳爪是至愛，加埋新鮮生菜及沙律汁！整碟吃光了！🥬🥗🥬🥗🥬🥗🥬🥗💫💫💫💫💫 芒果糯米飯 $48甜品當然要叫芒果糯米飯啦！芒果新鮮夠甜，糯米飯蒸得好軟好煙韌，配上椰漿令人賞心悅目~yu

「南洋家」位於銅鑼灣提供的食品都帶有南洋風味，熱帶風情。粉麵飯、甜品、預食應有盡有！海南雞飯配箭葉果飯。南洋家的招牌菜之一，配上來自東南亞的箭葉果飯，味道非常清新特別，都系第一次試呢種飯，幾開胃👍🏻。雞肉非常嫩滑，搭配上醬汁，唔錯！馬拉咖哩雞飯，味道偏淡了一些，咖哩的味道並沒有非常濃郁，但雞肉煮得很嫩，配上飯食還是不錯的。越南芫荽雞翼雞翼煎得剛好，口感鮮嫩，加上芫荽香味，岩哂重口味人士👍🏻泰式燒豬頸肉豬頸肉燒得香嫩多汁，配上泰式的醬汁，味道鮮美。牛油果椰果沙冰⭐️⭐️⭐️⭐️⭐️新鮮椰青⭐️⭐️⭐️⭐️好岩又濕又悶焗既天氣。椰果沙冰用上了新鮮的牛油果，口感非常滑順，配上椰果口感天豐富👍🏻，絕對值得一試。

難得星期六陪媽咪行街，行到銅鑼灣睇下有咩好食，唔係太肚餓但係想食啲特別啲嘅菜式，見到門面幾特別，我地就揀左呢間餐廳。入到去見到好多特色嘅小食，我地兩個妹仔肚就叫左燒牛仔骨配箭葉飯，泰式無骨鳳爪，泰式酸辣八爪魚仔，辣爆細細粒牛骨湯麵，白蟮沙嗲同羊肉沙嗲各一串。先黎點個開胃菜醒一醒神，泰式酸辣鳳爪一定係我首選，屋企完全唔會自己整到佢既調料，酸得黎有陣陣辣度，岩哂春天想輕盈清爽啲。見有酸辣八爪魚仔又試下先，估唔到又幾match酸辣汁既調味方式，食完胃口即刻大增佢哋招牌係100系列南洋特色主食，中意食牛既我哋點左唔常食到既燒牛仔骨配佢哋特色地道既箭葉飯，個飯加左少量香料配上較明顯既香茅，香得黎唔會蓋住牛仔骨既味道，燒牛仔骨經過輕微醃製另外配上參巴醮料，食落真係好有東南亞風情建議兩人可選各一款飯類主食+小食一個驚點一個飯又唔夠，於是我哋點左個印尼非常地道街頭小食，白鬚牛丸牛骨湯麵，見佢原本3條辣椒辣度咁我哋叫左小辣試試，食得辣既我哋都覺得有少少辣，建議冇食開辣既朋友仔叫小辣都OK。小食控既我見佢串燒望落隔離枱都幾出色，不出我所料真係好正點左一向串燒必叫既燒白蟮沙嗲同燒羊肉沙嗲各一串，白蟮預先已醃