南洋家 (希雲街) (Closed)

平時好少見到以南洋食品為主的餐廳，今日比我遇到一間，既然咁耐冇去東南亞，餐牌上面集合了多個地方美食，星馬泰越南都有，就一次過滿足吓幾個願望。兩個人左兩個主食，幾支串燒和兩杯特色飲品。1）海南雞飯配箭葉（轉黃薑飯）$68有好多件雞，好大份黃薑飯，CP值極高，黃薑飯冇得輸，味道超薑，舖頭內亦都有好多枱有叫呢個主食。2）牛肉沙嗲配炒飯（$78）沙嗲牛肉串即叫即燒要等一等，但係炒飯就超好味，好有驚喜。3）串燒4支（$50）係優惠價可以用呢個價錢叫4支串燒，兩串雞兩吋牛丸，仲要係振興牛丸，抵食！4）飲品方面，我哋叫咗兩個特飲，鮮奶珍多冰（$28）同混吉蜜（$33），兩個都各有特色。除此以外舖頭亦見到有一些東南亞小食外賣，如斑蘭蛋糕、芒果布甸、泰式千層糕等等。總括嚟講店內食品選擇超乎想像，星馬泰越南嘅都有，食物分量都幾足，值得推介。

如果每次約會食飯都去啲好fancy好貴嘅餐廳一唻好重負擔啦二唻好形式化揀餐廳應該心思同質素行先 先至係生活ga嘛如果有D餐廳係人少少坐得舒服啱傾偈 價錢平實但食物唔係交行貨絕對要bookmark低咁當每次有人一唔知食咩就提議譚仔嘅時候就可以喺衫袋拎個有新意D嘅提議出唻counter propose!都係洗差唔多價錢 但選擇可以有好多ga嘛!就好似呢間咁印尼/馬拉菜都算幾特別嘅菜式原來仲幾香口tim!首推馬拉盞炒通菜真係會食咗第一啖就會食哂成碟!個馬拉咖哩蝦好surprised 居然俾成碗咖哩浸住D蝦結果食完D蝦我都仲可以拎埋啲咖哩撈飯平時唔係點食澱粉 都撈吓撈吓食哂晚餐食個海南雞飯咁大份先$68！下次試埋takeaway嘅小食!（以上上傳圖片全為一手原圖）

放假同朋友去維園睇花卉展，花形嬌美獨特，令人樂而忘返。行完就一齊去食晏，友人話想食海南雞，帶咗我嚟希雲大廈呢間新開嘅「南洋家」。餐廳裝潢頗有特色，尤其是係牆上嗰幅以星馬為主題嘅壁畫，非常吸睛，十分適合大家嚟影相打卡！店舖主打南洋菜，菜式選項非常豐富，由泰菜、印尼、星馬，以至越南料理等，一應俱全。揀咗兩款小食，泰式燒豬頸肉 ($50)、巴東牛肉酥餅 ($48)，另外仲點咗沙律同午市套餐。豬頸肉燒得啱啱好，肉質爽彈，食落充滿油香，但係一啲都唔膩，配上餐廳自家製嘅泰式酸辣蘸汁，風味絕佳，香口又惹味。油酥餅大大件，食落好鬆脆，入面夾滿了巴東牛肉、青瓜、紫洋蔥同生菜。牛肉軟嫩，腍中帶嚼勁，每口都滲出濃甜嘅醬汁，同外層嘅酥餅好夾。另外呢客加多加多沙律 ($68) 用料亦唔手軟，有通菜、椰菜、豆角同炸芋粒等，再配上辣勁十足嘅沙嗲醬，味道濃郁討好，非常醒胃，食完無罪惡感。午餐選了海南雞配箭葉果飯 ($68) 同 熱泰式奶茶(跟餐)。海南雞皮薄爽滑，食落雞味好濃郁，入味又軟腍。箭葉果飯份量亦下得非常大方，堆成金字塔，入面加咗椰汁同沙甸魚乾，食落幾有咬口，飯身香軟，粒粒分明，用嚟伴海南雞吃，更添滋味。最後

呢間餐廳開喺銅鑼灣但係五六十蚊已經有個好唔錯嘅飯值得一試!而且坐得舒服唔會好趕最估唔到係呢度仲有狗仔粉呢樣懷舊小食其實香港仲有得食狗仔粉嘅餐廳唔多有間連鎖嘅 不過就坐得有D辛苦同埋要食得好趕呢間狗仔粉菇味同豬肉味都好香我地另外仲嗌咗個海南雞飯雞肉本身好嫩 亦都好夠味雖然on side嘅調味料調得好開胃但都好少點到最後就嗌咗D串燒味道有D似以前九龍城好多人排隊但嗰間印尼串燒嗰間就執咗笠喇想試印尼串燒Yam大大pat沙嗲醬可以唻呢度試吓

好鍾意呢區小店林立，尤其這主打印泰美食店，又平又好味😋燒牛仔骨飯 $68牛仔骨飯賣相吸引，飯粒煙韌有彈性～主菜牛仔骨外層煎至焦脆，醬汁味濃，隨餐附上嘅汁料與牛仔骨味道配搭剛好！黃薑雞湯配白飯$58想試這黃薑雞湯😗黃薑唔似大薑般帶辣味，但卻十分有益。這湯很足料，有雞件、芽菜、椰菜絲、蕃茄，淨飲湯都好味！雞件好滑溜，有驚喜！似係海南雞，又滑又入味。混吉蜜(熱) $28點了熱的混吉蜜，上枱時已嗅到濃烈的檸檬香氣，混合青檸檸檬，再配上蜜糖，味道酸酸甜甜，醒胃暖心。凍檸茶 $18檸檬茶的紅茶底帶點南洋風味，嗅到比較清新的紅茶香氣，不帶澀味，與別不同呢～泰式燒豬頸肉$50燒豬頸肉好正！本身已餣好，味道不錯。再配附上的少辣醬汁，不知不覺食下食下又一片。芒果糯米飯$48芒果香甜👍🏻味道清新自然，在白白的糯米飯再淋上濃稠的椰漿，值得推介。好彩我哋一開始就order，聽到其他枱客食完主菜想叫之際，店員話：沽清🫢想食就要早點叫定😆羊肉沙嗲串x2 $30羊肉烤得外焦內嫩，味濃而不羶，沾上沙嗲，一口一口吃著停不了，味道不輸專門烤肉店👍🏻下午茶時段套餐8折，抵呀！

最近食太多中西餐🧐忽然心血來潮想食東南亞菜換換口味🤨喺銅鑼灣做完facial 一丁友想靜靜地吃個飯🤫行咗去希雲街搵食，見到門面好骨子嘅小店望望餐牌係食東南亞菜 就試吓佢啦😎主打係各式飯類，有成十幾款😮如果唔想食飯咁飽，仲有幾樣菜類🥦同麵類可供選擇🍜又或者有成版小食同串燒😛一定總有啱心水😙燒豬頸肉配白飯$68🔥🐷🍚豬頸肉燒得岩岩好 完全無燶👌🏻仲要個邊有脆脆感🤩肉質粉嫩色 唔乾有肉汁嘅份量仲要唔少，唔係食兩啖就無而且係切得有厚度嘅強推個汁一定要點👍🏻👍🏻👍🏻有啲香茅 酸酸甜甜好開胃🫶🏻仲有煎蛋🍳同少少蔬菜🥕送飯唔想咁齋可以另加錢轉薑黃飯巴東牛肉酥餅$48🐮🌮酥皮入面有咖哩牛肉再夾生菜🥬、洋蔥🧅個餅皮幾鬆脆 咬落去有聲😍店家用兩支籤吉住個夾餅方便拎起食用好貼心❣️唔會一路食一唔跌咁論盡呢個餅都幾有飽肚感 食量細嘅女仔可以當lunch都夠🤣凍泰式奶茶$25🧋不過不失，無咩茶味，但好在唔係死甜下次叫返啲珍多冰特飲可能更好🥴佢地仲有賣熟食（鳳爪/蛋餅/咖哩雞）、糕點（椰汁糕/木薯糕/班蘭蛋糕）、蝦片等等方便住呢頭附近嘅街坊或者打工仔可以買返去食🍽️🛍️小店枱數雖然唔多但感覺好舒服同溫馨岩朋友情侶黎傾吓

今日同朋友去開銅鑼灣，梗係喺銅鑼灣搵好嘢食！睇Openrice 見到有間新開的南洋家（銅鑼灣希雲大廈），一於去試吓。店內的牆上面畫有各個東南亞地標的卡通畫像，很特別。食物種類和飲品選擇多，最後我哋兩個人叫咗兩個主食(羊肉沙嗲配炒飯、馬拉咖喱雞飯），馬拉盞炒通菜，椰奶珍多冰、菠蘿椰果沙冰。兩個主食的賣相好吸引，飯都砌到圓錐體，而且分量十足。馬拉咖喱雞飯，味道偏辣，我自己就十分之喜愛，雞肉肉質鮮嫩，再加上清新的配菜（芽菜、青豆、紅蘿蔔），羊肉沙嗲配炒飯，羊肉沒有羶味，而且肉汁豐富，香噴噴炒飯仲有一大片脆卜卜蝦片😋馬拉盞炒通菜鹹辣夠惹味，送飯一流。椰奶珍多冰，椰奶味香濃，配埋有咬口的綠豆粉條，十分滿意。菠蘿椰果沙冰既健康又美味，真係炎炎夏日降溫良品。

鍾意食東南亞菜式既我見到呢間新開，又過黎食下野。之前去過附近另一間分店，呢到同個間一樣店外都放左好多東南亞小食，而呢間仲可以堂食。店內裝修好靚，座位坐得舒服。餐牌又係有好多好吸引既菜式，而我又係叫左必點菜式——海南雞飯😂真係去邊到食野，見到海南雞都想試下。海南雞煎葉果飯，轉左黃薑飯。海南雞份量都算多，黃薑飯整成三角錐體咁，好特別。雞肉夠厚，雞皮夠滑，配佢地既特製醬汁夠哂惹味。另外我仲叫左一杯鮮奶珍多冰，同埋一款泰式小食——酸辣八爪魚仔。我係珍多冰控，呢杯珍多冰既椰汁同奶味都算重，香濃好飲。冷盤八爪魚夠哂爽口，酸酸辣辣既味道令人更開胃，推薦！有機會會再過黎買下印尼糕點，之前係另一間分店食過都好食😋

希雲街食店林立就係人都知，要突圍而出令人嚐味一番係件唔容易既事。今日黎到依一間南洋家，放係廚窗既各種甜品已經好吸引人味蕾，加上店面放置既餐牌食物種類同樣式都多。就吸引左我入去食。異國風情的確令我放低香港既雜務好好放鬆享受黎緊依一餐既食物。首先食東南亞食物唔少得椰青，店舖選擇既椰青新鮮解渴。近排都開始熱番唔少的確一飲涼透心。而珍多冰都係我個人必點既飲品，椰汁味濃，加埋粉條希咬口，好開胃。雞肉沙嗲配炒飯。東南亞式既雞肉串燒，食落去雞肉嫩滑多汁，燒得岩岩好唔會乾同柴。配埋串燒既精華「沙嗲醬」就已經食指大動。而炒飯都唔馬虎，香料十足，飯味香濃。燒豬頸肉配黃薑飯。豬頸肉燒得香，肉又有咬口同甜。餐廳既燒烤食物簡直出色。加配黃薑飯可以比平時食開白飯既人轉轉口味，煮得出色又入味，值得一試。馬拉盞炒通菜，色香味俱全。怕食太多濃味食物不彷點個清新味蕾。

#ftf_銅鑼灣大碟又抵食 正宗印尼菜今日放早出銅鑼灣做針灸，就順便試吓呢間印尼野，除咗印尼嘢，仲有客家菜，果然多元化，真係估佢唔到，哈哈！燒春雞配箭葉果飯 $88⭐️⭐️⭐️⭐️之前喺銅鑼灣班蘭葉試過，味道差唔多，外皮香脆，秘製醬汁甜甜地帶少少辣，好惹唔味，不過跟飯餐隻雞就比主食就咁叫細隻，所以可能肉質都相對比較乾身。箭葉果飯清新，有助中和膩感。火焰汁辣魚配飯 $98⭐️⭐️⭐️⭐️餐牌見佢有三隻辣椒果然唔野少，條魚表面佈滿左唔同辣椒，連埋辣椒食一定會辣到噴火，但就咁食魚肉嘅話都OK嘅，外皮連魚骨炸至金黃卜卜脆，真係青春過老娘。牛油果椰果沙冰 $38⭐️⭐️⭐️⭐️⭐️超大杯，牛油果味香濃， 十分足料，質地好creamy，加埋粒粒椰果，口感更豐富，強烈推介！芒果椰果沙冰 $38⭐️⭐️⭐️⭐️芒果酸酸甜甜幾開胃，但個人嚟講，我鍾意牛油果多啲，哈哈！斑斕、芝麻椰汁千層糕 $25⭐️⭐️⭐️有三大塊，味道正常發揮，椰香味十足，斑斕味同芝麻味，相對較淡。椰汁木薯糕$8⭐️⭐️⭐️質地有啲似鹼水糭，未到就似番薯，中間夾雜着椰絲，椰汁味唔算太重。回頭率🤡🤡🤡性價比🤰🏻🤰🏻🤰🏻🤰🏻#feedtiffood #吃吧孩子 #吃到懷孕

Lunch同朋友出去食飯，唔知食乜好😂行下行下經過呢間餐廳，唔算十分多人，一於就食呢間😂 呢間餐廳係一間小店，舖面唔大，裝修都幾有特色。 朋友嗌咗「黑面神」，我就嗌咗海南雞飯配箭葉果飯。 黑面神先到，其實係醬油炒麵，麵質好特別，腍腍哋，有啲似米線。好夠味同炒得均勻，唔會一啖好咸一啖冇味。 海南雞飯有啲耐，朋友慢慢食到一半先上。雞係有骨嘅，都好嫩滑，唔算太肥，可以食埋雞皮。佢個辣醬幾惹味，好有後勁😂飯入面有啲香料同埋魚仔，唔dry。 除咗個海南雞飯等咗好耐之外，其他都唔錯。餐廳仲有賣泰式糕點同飲品，好似班蘭黃金糕、香芽班蘭茶等等，有機會可以試下。

📍南洋家 (希雲街) 銅鑼灣禮頓道128-138號希雲大廈地舖南洋家在銅鑼灣有兩間分店，一間只有外賣，位於希雲街的這家則可以堂食。餐廳門外擺放着各色各類的地道印尼小食，有班蘭千層糕、香辣鹹魚、斑蘭蛋糕等，內鋪則是顧客堂食的地方。午市顧客的人數很多，餐廳接近座無虛席，幸好我和朋友早一點前來。店內座位寬敞，坐得很舒適。餐廳的午市套餐非常實惠，價錢介乎$38至$68，而且奉送特色熱飲，性價比非常高。🍽️ 海南雞配箭葉果飯雞肉嫩身，啖啖肉，箭葉果飯帶點油飯的味道，但不會太膩，有大量蔬菜。🍽️ 馬拉咖喱雞飯咖喱的椰香味很重，味道濃郁但偏甜身，雞件鮮嫩入味。🍽️ 泰式燒豬頸肉份量很多，烤得很香，肉汁豐富。🍽️ 沙嗲串 (雞肉、雞腎、燒牛舌、燒牛丸、牛肉）串燒大部份都很高質，不但鎖住肉汁，烤的時間剛剛好。特別推介燒牛舌，非常爽口，配上特製的咖喱醬，很入味。🍹泰式奶茶奶味很香濃，不會過甜。🍹印尼紅茶清甜解渴。

行街經過一間好有特色嘅東南亞小店，外面係甜品小食既外賣部，入面係餐廳。入面既裝飾都好有風味，牆上嘅一大幅壁畫好靚，美麗繪畫出幾個東南亞國家具有代表性既景物，可細心欣賞下menu 都好有特色，平時都好少食到印尼野，又多元化，樣樣都想食咁，好吸引海南雞飯配箭葉果飯$68賣相好靚，箭葉果飯堆到成座山咁高，好有趣。海南雞比左雞脾位我，好有誠意。一試海南雞，肉質肥美嫩滑，又香雞味。雞皮又滑無先，脂肪少，忍唔住食左幾塊。箭葉果飯入面加有椰汁同沙甸魚乾，飯好香甜。大推雞髀菇沙嗲串$12雞肉沙嗲串$13雞腎沙嗲串$12燒花枝丸串$13正常發揮，沙嗲汁比較辣，唔錯混吉蜜$33原本想叫一個椰青，可惜賣哂。就試下混吉蜜。佢係mix 左青檸檸檬柑桔，飲落酸酸甜甜又夠冰凍，正呢間小店CP值高，又夠風味，仲有好多野想試，實會再幫襯

今晚忽然有點想吃東南亞菜，就去了這間東南亞餐廳。順便提提大家，不要直接用OpenRice定位去搵餐廳，那個定位是錯的，大家要在Google map直接打 「禮頓道128-138號」才會找到啊。OpenRice的地址定位經常錯誤，大家還是在Google map直接搵街道會比較準。見到餐廳選擇都算幾多。泰式燒豬頸肉（$50）：非常好食！真係要叫，燒得好香好入味，就算唔點醬，本身已經好惹味，點埋仲更加正。豬頸肉啖啖肉又好滑，正！燒牛仔骨飯（$68）：燒牛仔骨真係好香好好食！牛仔骨好入味，超好食！又唔會韌，夠淋。牛肉沙嗲一串($14)：牛肉燒得好正，然後點埋個醬又幾夾。羊肉沙嗲配炒飯（$88）：炒飯炒得非常香，好正。然後配埋牌脆蝦片，真的非常好吃。羊肉就好有羊的獨有羊騷味，點埋個醬更是一種風味。巴東牛肉酥餅（$68）：個皮好煙韌，然後餡料有巴東牛肉，青瓜，生菜等，又幾fresh幾好食。箭葉果柚子蜜（$18）：箭葉果飲落有d似青檸又似薄荷，非常清新，好飲。

今日放工路經希雲街，見到呢間新開印尼東南亞餐廳就入去食晚飯😊餐廳環境好 😉 牆上的壁畫好吸晴 🤩 有好多東南亞國家的特色標誌👍🏻Menu 有好多不同東南亞菜式選擇，有印尼、泰國、越南等等👍🏻我同友人叫左個巴東牛肉飯share 🤩 d牛肉好淋👍🏻 我地加錢轉左薑黃飯，好香好正😋 另外叫左燒豬頸肉🤩 d肉肥美多汁😋 再加埋個source, 味道一流👍🏻 超級推介💃🏻另外叫左一串燒牛舌 🤩 個牛舌燒得超級juicy😘 個沙爹醬超惹味👍🏻最後叫左個加多加多沙律🤩 有很多唔同蔬菜，個醬係香得黎又帶點辣👍🏻正💃🏻食東南亞菜，當然要叫番杯珍多冰同椰青 💃🏻