南대門3號

Open Now

Now Closed

好好食特別係生牛肉，店入面嘅都係韓國人但佢講中文都可以溝通，最鍾意食嗰個五花肉厚切！覺得喺香港來講算係比較正宗嘅韓燒！每次去尖沙咀食韓國嘢都係食呢一間！！！！！！！店有幾間舖 應該都係同一個老闆

落單後就有三款小菜 有泡菜 大豆芽 蘿蔔✨紫菜包飯(💰$66)紫菜包飯係預先切好 一碟有9件 餡料有蛋 青瓜 甘筍 醃蘿蔔 午餐肉再配上芝麻同芝麻油 簡單得嚟又飽肚😆✨炸醬麵(💰$85)炸醬食落唔會好鹹 反而有啲香甜味 配料有唔少洋蔥🧅同青瓜絲🥒仲有啲豬肉麵質略為有少少淋咗 如果彈牙啲就更好✨鐵板辣炒八爪魚蓋飯(💰$108)有八爪魚🐙紅蘿蔔絲🥕椰菜絲同蔥 睇落紅卜卜 但唔係好辣 係幾香蒜味🧄✨Milkis(💰$18)有唔同韓國飲品 叫咗呢款 甜甜地

🎈南大門3號餐廳由地道韓國人主理🇰🇷食到正宗韓式風味菜式價錢唔算貴但份量充足性價比頗高，吸引不少捧場客❤️入座後店員送上泡菜、芽菜及翠玉瓜三款韓式前菜，味道正宗☺️🎈 辣伴冷麵($92） 冷麵冰冰涼涼，係夏日消暑最佳之選☀️麵質煙煙韌韌有嚼勁加入水煮蛋、蘿蔔絲、青瓜絲，夠晒清爽🥢湯底酸酸哋好開胃，仲可以加入韓式辣醬酸酸辣辣味道更豐富🌶️🎈鐵板五花肉 ($128）以鐵板上枱夠晒熱辣辣🫶🏽五花肉肉汁滿滿，加上辣辣哋嘅韓式辣醬邊位微焦，油脂豐富⭐️以香甜洋蔥伴碟，簡單配搭都好滋味🥰🎈辣炒年糕辛辣麵年糕同公仔麵煙煙韌韌又掛汁🥘沾滿同辣醬，邪惡度爆燈💡越食越辣夠刺激🔥最驚喜係裡面有口感彈牙嘅魚糕，索晒辣醬真心正❤️

南대門3號 📍尖沙咀金巴利道65-67號太平洋大廈地下3號今晚來左尖沙咀韓國街～食韓國料理經過南대門3號～見到老闆笑容滿面😊好親切🩷一於試試👀小店由韓國人主理👍🏻正宗韓國菜一入座會先送上一式三款韓國泡菜真係好味😋又開胃我地叫左三款食物～味道唔錯👍🏻份量好足。紫菜飯卷 $66家的味道～材料有腸仔、甘筍、酸蘿蔔、青瓜、雞蛋絲～口感豐富我自己喜歡配上韓國泡菜一齊食🤭好味。雜菜炒粉絲炒牛肉 $90粉絲炒到恰到好處😍入口Q彈不油膩配上牛肉、木耳、甘筍、大蔥等雜菜～更添口感。鐵板辣炒八爪魚蓋飯 $108 原個鐵板上夠哂新鮮熱辣🔥八爪魚🐙入口彈牙👍🏻調味好夠配埋大量椰菜、同埋韓式辣醬炒香～好惹味另外叫兩款韓國罐裝飲品。 Lemon Tea & Pear Juicy $18/Each 整體來講～食物質素唔錯👍🏻性價比高而且店員同老闆都好親切有禮🩷🩷

再訪高質素韓國餐廳，絕對值得一試☺️ 餐廳有小王子的佈置，環境乾淨企理，人流多，好熱鬧 氣氛很好🥰 食物方面主打傳統韓國料理，款式選擇豐富，質素高 有驚喜👍🏻 價格合理，性價比高，店員服務態度很好🥰 吃不完可以打包喔🙆🏻‍♀️💖💖💖食評💖💖💖 下單後店員便送上三款免費前菜（泡菜、芽菜、芹菜）😚 等待美食時也不會餓🥓鐵板五花肉 ($128)✨煎到剛剛好 外層微焦，配上大量洋蔥🧅 好吸引😍 肥美五花肉爽口有嚼勁，非常香口👍🏻 可問店員攞辣醬，沾上醬汁更好味🤤🥘辣炒年糕辛拉麵 ($95)✨推薦！熱騰騰，醬汁十分香濃惹味，配上大量年糕，正呀🔥😋 韓國拉麵好彈牙，份量多，配上雞蛋、椰菜、翠肉瓜及洋蔥，好飽肚好滿足😍 🍝辣拌冷麵 ($92)✨有驚喜！比起原本水冷麵更好味，湯底香辣惹味，配雞蛋，麵條質感滑溜彈牙，冰涼爽口，好好味🥰

✨尖沙咀地道韓國料理🇰🇷必試辣魷魚🦑✨————————————————————次次去到韓國街都選擇困難🤔🤔碌左入去呢間試下 又唔錯wo入面啲staff都幾nice☺️格黎仲有韓燒店！下次去試吓————————————————————🥗前菜有三小碟：泡菜、薯仔、芽菜🦑鐵板辣炒魷魚蓋飯 $108 （8/10）鐵板上好有韓國feel keep住熱辣辣味道比我想像中辣！但辣得好惹味幾香🌶️連我呢啲本身唔食辣既廢J都忍唔住係咁食魷魚爽口 索哂啲汁 撈飯一流呀！.🥩鐵板炒牛肉 $148 （7/10）個樣好似中式通菜炒牛肉啲fd😂😂調味幾夠 不過啲牛肉dry左少少份量都幾多 又係好岩送飯見menu推介牛肋骨！見格黎枱有叫好似幾正☺️————————————————————📍 南대門3號 (尖沙咀)尖沙咀金巴利道65-67號太平洋大廈地下3號舖.🔺#littlefatwest尖沙咀 🔺#littlefatwest韓式

尖沙咀既韓國菜除左金巴利道之外，係天文臺道附近都有好多選擇☺️南大門有一邊食韓式燒烤，一邊食地道小菜。我地入左款去南大門3號搵食，食物款式地道，都係傳統見到既小菜。辣炒年糕辛辣麵 - 唔算好辣🫣反而有D甜甜地味道唔錯！年糕煙韌而且入面仲有我最愛既魚糕😍紫菜包飯 - 簡單傳統既配料，食落麻油味唔夠重🫣不過都好鍾意！海鮮煎餅 - 雖然海鮮唔算大大件，不過煎餅入面都有唔少嘅海鮮粒粒，用料都唔錯嘅。而且煎餅非常趣卜卜，入口十分香口

水冷麵 $75夏天咁熱最好食水冷麵，食落透心涼，水冷麵口感柔軟煙韌，配上清爽青瓜絲同雞蛋，再配上牛肉，牛肉肉質都算實，整體味道清新。紫菜包飯 $66通常食韓國菜都會諗起紫菜包飯，今次都唔例外，紫菜包飯嘅味道同口感都中規中矩，冇話特別驚艷，但係單純好食，略嫌味道有啲淡，相信紫菜包飯淋上沙律醬或者加上更多醬油會更加好味~牛肉海帶湯 $88牛肉海帶湯配白飯，口感清淡，湯汁清澈，牛肉味道鮮美，配上足料海帶，海帶同牛肉都有豐富嘅蛋白質同維生素，牛肉吸入海帶湯，牛肉同海帶經煮後， 兩者味道合而為一，加上韓式麻油香，令味道更加昇華。

📍南대門3號 尖沙嘴💭我曾經幻想過......如果我喺航空公司返工，就可以有一折機票，每個weekend都放工飛韓國食晚飯喇✈️可惜暫時都實現唔到呢個小小嘅願望🌟咁就...... 不如去韓國街頂住檔先啦🙃雖然話頂住檔先，但質素我絕對唔將就㗎🙅🏻‍♀️聽聞鐵板烤醬醃牛肋骨係招牌菜🐮就即管試吓啦🤨呢個牛肋骨跟住原塊鐵板上，冒住白煙好有鑊氣🔥嗰陣牛肉香真係令我哋口水直流🤤份量都好大，連我細佬咁刷得都話好似五餅二魚咁食極都食唔曬🤭調味唔係死鹹 (我最 red flag 嘅嘢 🚩)肉質幾腍，但食得出唔係狂落鬆肉粉引致嘅😆想放工之後放飛自我忘記呢個世界可以過放馬過嚟🐎#南대門3號 #尖沙嘴 #尖沙嘴美食 #tst #tsimshatsui #鐵板烤醬醃牛肋骨 #紫菜包飯 #海鮮煎蔥餅 #ohhejfoodie

來到「韓國街」金巴利道打算吃一頓韓國傳統家常料理，看到這間開了11年的韓式小店，老闆很親切的門口迎客。二話不說就這間吧🥳店裡有約10張用餐枱，不算很大，看到韓國媽媽們進出廚房正在忙著💗很有家庭料理的感覺。餐單裡有許多經典韓國料理選擇🤤包括：石頭鍋飯丶各式煎餅丶韓式年糕～價格親民，還不收加一。點餐後奉上3款韓式前菜：泡菜丶涼拌豆芽丶茄子，開開口胃。🔶雪濃牛骨湯 $92牛骨湯香濃味鮮💗整碗給我們統統喝光了。牛肉軟嫩有牛香，湯裡還有幼麵條，另附白飯一碗🫶🏻泡湯一流，超飽飽。🔶海鮮煎蔥餅 $130一大個適合多人分享，海鮮料很足，薄底蔥餅煎得外脆內軟，十分香口🤤🔶辣炒年糕 $72韓式年糕煙韌有嚼勁👍🏼除了年糕，還有許多粉絲和配菜，甜甜辣辣好香濃。🔶紫菜包飯 $56內餡有午餐肉、醃黃瓜、蛋絲等等，很經典的韓國風味。

南대門3號🇰🇷今次嚟到尖沙咀韓國街，食正宗韓國嘢，其實都唔知食邊間好🙈見到呢一間幾多人食就決定入去試吓！💓蔘雞湯 🐔$189蔘雞湯嘅味道偏清淡一啲人蔘都唔算好濃郁，如果係想淺嘗人蔘雞湯嘅朋友可以試吓，唔使驚人蔘味道太濃，好難入口～雞入面多咗糯米、紅棗、蓮子、栗子等等嘅材料都幾豐富嘅辣拌冷麵 🍜$92行到熱辣辣食返個冷麵，成個人透心涼！味道酸酸甜甜非常開胃，不過呢一個冷麵就冇冰底嘅，如果有埋冰底應該會更好食！✅冷麵已經榮升今年我最鍾意嘅韓國食物啦！😆😆

尖沙嘴超多韓國餐廳，南大門呢個名都聽左好耐，依家開到第三間分店我終於有機會來食啦！呢到個麥茶好好飲，落單都同好多韓國餐廳一樣寫紙仔。呢到更加有小王子霓虹燈色！每枱都會有三碟前菜，今日d前菜包括蒜蓉南瓜，蒜蓉豆角同泡菜，三樣都好味，豆角夠清脆，泡菜唔會過酸！我地今日叫比較早食，所以味道好肚餓，所以冇叫好多野，但全部都幾好食。清燉牛肋骨湯 $110份量好足，牛肋骨肉冇鞋同硬，湯底清甜。炆牛肋骨 $198 超級好食，紅蘿蔔同蘿蔔都好軟同好入味！甜甜地好好味，連d牛肋骨都有甜味！

好耐冇同朋友一齊出去食飯啦！今日揀咗去尖沙咀嘅「南-門3號」，聽講佢地嘅海鮮煎蔥餅同紫菜包飯好出名，加埋啲炸醬麵，仲唔禁啖啖流口水。天氣都幾唔錯，夏日嘅微風吹過，心情都唔錯。我哋坐定檯，我嘅朋友帶左部相機，準備留低今晚嘅美食回憶。啱啱落檯，就嗅到咗佢地嘅海鮮煎蔥餅嘅香味，真係勾人食慾。首先試咗嗰個，一咬落去，脆香嘅外層包住鮮甜嘅海鮮，同埋微微嘅蔥味，真係好味！啲餅煎得啱啱好，一啖接一啖，唔覺得會膩。緊接住上嚟嘅係嘅炸醬麵，啲麵香滑有彈性，淋上濃郁嘅炸醬，再撒上啲蔥花同芝麻，色香味俱全。食落去，嗰層炸醬嘅香味同麵嘅鮮味完美融合，令我唔知不覺加多咗幾把麵。啲麵食得停不住口，真係超級正！嚟到最後，嗰個紫菜包飯上嚟喇。包得好細緻，外面嘅紫菜鬆脆唔會黏牙，裡面裝咗滿滿嘅飯同新鮮嘅海鮮同蔬菜，真係啱晒我嘅胃口。食飽嘅時候，望住朋友嘅相機，啊！原來大家都攝咗好多美食相，咁啱可以留低呢次美味嘅回憶。

尖沙咀有好多韓國餐廳🇰🇷當中呢間韓式餐廳就平民得黎又地道😍韓國人主理🧑🏻‍🍳價錢夠曬大眾化🤑約埋三五知己黎食個便飯都係唔錯既選擇👭👬🥢未上菜前會先黎麥茶、配菜、有青菜、荳芽、泡菜，非常有韓式風味😋🐂鐵板炒牛肉 $148牛肉份量足料，牛肉偏瘦，有咬口，以洋蔥炒香再配上香蔥，聞落已經香氣撲鼻，食落甜甜地好有韓式風味🍙紫菜包飯 $66一碟有大概9件，餡料有肉、雞蛋、腸仔、青瓜、甘筍、醃蘿蔔，配上白芝麻加軟香米飯卷埋一齊，食落口感豐富都唔錯🥘海鮮辣豆腐鍋 （配白飯）$85以石鍋熱辣辣滾起上臺，鍋中有嫰滑豆腐、雞蛋、蜆、瓜菜等、香辣濃湯濃郁鮮味，開胃得黎送飯一流💰需加一

尖沙咀最出名韓國街，想食韓國嘢去呢頭就啱，見到好多人幫襯羊群心理都想去🐑✅雪濃牛骨湯牛骨湯味道香濃，望落雪白色，其實充滿牛香🐂唔單止有白飯配湯，原來湯入面都有麵，食到勁飽😳✅韓式豬血腸朋友話未試過豬血腸，咁啱我又好中意食，推薦咗呢款小食俾佢試下，腸入面嘅係豬血同冬粉，口感幾特別，仲有椒鹽調味✅水冷麵天時暑熱唔想正係得熱食，見到冰冷嘅水冷麵即刻Order☺️水冷麵有嚼口，口感唔錯，份量十足✅米酒韓國除咗燒酒仲有米酒，米酒易入口，味道香甜，配韓國美食最適合不過🐻總結份量都幾豐富，價錢相宜嘅韓國餐廳🇰🇷💛好味指數:4.5/5 💜回頭指數:4.5/5📍南대門3號 (尖沙咀)尖沙咀金巴利道65-67號太平洋大廈地下3號舖