Video
Opening Hours
Mon
Closed
Tue - Fri
12:00 - 15:00
18:00 - 21:00
Sat - Sun
12:30 - 15:00
18:00 - 21:00
Above information is for reference only. Please check details with the restaurant.
今日夜晚8點半後WhatsApp去詢問他們是否已經截單，結果未有回覆，然後打去查詢，更直接cut線，WhatsApp信息顯示已讀但冇回覆，到現場先知截單關門，last day要人留差評，冇計
continue reading
聽講呢間拉麵小店好似做到12月就唔做了，今日朋友帶我黎試呢間拉麵。本身上星期想黎食，但見佢社交平台話啲湯頭未如理想，所以上半晝都開唔到，今次終於食到。好好彩唔洗排隊可以直接入座。我地分別叫咗碗蕎麥拉麵(湯)同炸醬扁麵(撈)，另外雞翼賣晒，所以加咗份餃子。淡麗醬油慢煮雞胸蕎麥拉麵蕎麥拉麵係幼麵，麵身有啲一點點嘅蕎麥粒，略帶點鹼水味; 湯底好清甜，同一般醬油拉麵嘅湯唔同，佢有啲肉碎同蔥粒，再加埋雞肉嘅黑椒，飲落好舒服; 慢煮雞胸好嫩滑，有黑椒微微調味。自家京式炸醬扁麵配雞胸角切炸醬扁麵用嘅有啲似刀削麵，好煙韌，用黎做撈麵好適合; 炸醬味道濃郁，豆瓣醬味都幾濃，就咁連埋配菜一齊撈都仲係偏咸，所以個麵都配咗一碗仔清雞湯加落個麵到，中和翻啲味; 雞胸角切同樣係好嫩嘅慢煮雞肉。日式餃子 配柚子醋4隻餃子煎到好香脆，仲配埋我最鐘意嘅柚子醋食。店內環境唔太，但樓底高，坐落都舒服。每碗製作需時，所以都要等15至20分鐘左右先有微食。以呢個價錢黎講真係好抵食。
continue reading
呢間小店位置吾太明顯，有啲偏僻😂去到餐廳，入面位置吾多，所以lunch時間都要等下位🥲🥲🥲要預翻時間！食物方面：今次叫左兩碗麵✅濃厚雞白湯揀左慢煮雞胸😍雞胸超入味👍🏻👍🏻👍🏻吾會好鞋，慢煮好好食🤩🤩🤩而且有埋溏心蛋，加埋肉碎木耳絲同青蔥，成個湯底都好好飲，十分清新，吾會得個鹹字😂😂😂✅淡麗醬油清湯揀左慢煮叉燒，呢個湯底同上面味碗就吾同，成個味道係比較淡，好似有啲奶香味咁，加埋蔥白成碗味道好甜🤩🤩🤩
continue reading
是日去咗大西北覓食，下午茶時間去Cafe飲杯咖啡，經過呢間拉麵，認得係之前bookmark咗，於是決定夜晚嗰餐就食佢！舖頭開18:30，去到啱啱開門第一張檯入✌🏻間舖只有幾張檯，溫馨小店一間～食品選擇唔多，得2款湯底選擇，叫咗 #輕醬油濃雞湯 跟 #蕎麥拉麵 ，雞湯好濃郁，幾好飲，個雞肉都好淋好好食，貼近我心目中嘅雞湯拉麵味道，唔錯～另外仲叫咗個 #淡麗醬油清湯 跟 #大大廣島蠔，呢個有啲驚喜，食完個濃郁雞湯，呢款湯更顯出清清地，但味道都唔錯👍 個蠔都幾鮮，因為本身我唔太好熟嘅蠔，有時會偏腥，今次呢隻又無，鮮得嚟蠔味重，再加埋個湯底，呢個有驚喜～我其實本身仲想試個蕃茄湯底，不過嗰晚無😢
continue reading
好耐冇寫食評，今日放假，黎咗紅橋揾食，本身想食辣野，但又唔想食米線，行行吓見到間酸辣粉但又未唸定於是再行，行到尾轉右見到間唔係好顯眼寫著拉麵，行埋去再睇吓餐牌見到有蕃茄麻辣，同埋得幾款麵揀，覺得應該專做幾種麵，加上冇咩人，所以就入咗去。首先，入面空間大，坐得舒服，打開餐牌見到個價錢幾合理，叫咗個麻辣蕃茄蕎麥面拉麵跟四塊鴨肉同糖心蛋。加多份餃子，有五隻。餃子先上，覺得普通。麵要等十分鐘到。一黎到即刻飲啖湯，已經覺得好有質素，完全冇味精味，個湯有肉醉，少少似擔擔面個種湯底，最後飲哂。鴨肉係肥瘦均勻，唔係街邊貨，有油脂口感。糖心蛋值得一提，非常流心，同個湯好夾，食到最底仲會有陣黑松露味。78蚊咁樣既麵係性價比非常高。大力推薦！
continue reading