鳴橋燒肉料理 (Closed)

友人係食肉獸，所以就黎呢間燒肉放題試下喇環境為古舊的日本風點左一推肉😍本身已經有胡椒粉等調味料醃制，唔使再點醬油已經好入味。最鍾意食鹽燒雞翼同蒜香香腸，雞翼已經切開咗一半方便食用👍🏼有淡淡的嘅鹽香味味道唔錯。有濃烈嘅蒜香味，我同友人都好鍾意食😝加$40就可以食到更多嘅美食，特別推介帶子，大大粒又新鮮🙆🏼‍♀️另外我哋仲點左刺身，刺身溫度略嫌唔夠凍😝，不過馬刀貝好有驚喜好爽口👍🏼如果鍾意食肉嘅朋友呢度都係一個唔錯嘅選擇，食肉可以食到飽又有海鮮可以燒！

今日突如其來想食燒烤，所以約朋友來試試位於旺角的「鳴橋燒肉料理」！一入到去，就感覺很舒服，地方很清潔乾淨，環境很寬敞很舒服！法式香草羊架：羊架大大件，肉質淋，油脂分佈均勻，小吃多滋味！刺身的選擇都好多，數量足，唔會雪到好冰，都好新鮮。我至愛是三文魚同帶子刺身！，芝士豚拖羅： 拖羅肥美甘香，肉質軟滑，配上淡淡的芝士味，配搭很好！吃多幾片都不覺得膩！除了不同甜品可供選擇外，還有任飲各式汽水飲品，很滿足呢！

雖然下星期準備飛日本，但今天突然燒肉癮起，下班後臨時來到了鳴橋燒肉一解我對燒肉相思之苦XD我們沒有訂位，但因為我們很早到，很幸運的有位子！走進去的時候還聽到有日本人跟韓國人，感覺應該蠻地道才會吸引到日本人在香港也吃日本燒肉吧，哈哈！吃肉前先來個刺身嘛，個人覺得甜蝦很好吃，真的甜！店家很貼心的烤盤上墊了牛油紙，好讓肉不會黏住烤盤！個人非常喜歡這個和牛粒，烤完放到咀邊就已經聞到很香的牛味，吃下去更是不得了呢！！剛吃完一粒就決定要再來一份了，哈哈！七味豚拖羅本來我沒有很喜歡吃豚肉，但這個真心不錯，有點烤肥牛的感覺？（笑）好香好香好香的羊架，淡淡的酥味我最喜歡，略嫌邊邊的肥膏太多，本人太胖不敢吃太多XD三文魚頭湯魚味很重但不會腥，最喜歡這樣小小一碗的，不會光喝湯就飽了～這一餐真的非常之滿足，下次想烤肉時一定再來！！

為咗同朋友食餞別飯，揀咗呢間朋友提議嘅燒肉放題餐廳。去之前我都略略睇過有咩食，知道佢除咗燒肉，仲有刺身同炸天婦羅等小食，所以都幾期待。印象中都等咗一陣先有得入座，不過當時朋友未到齊，所以都無咩所謂。入座後，餐廳燈光偏黃，有種日本餐廳感覺。不過座位之間嘅空間唔太闊落，印象中我地一行6個人只係得一個爐用，所以最後我選擇飯來張口，有咩肉要燒就留返朋友幫手燒haha。我地大概叫咗以下食物：雞軟骨、鹽燒牛舌、一口和牛、雞翼、黑椒一口腸、蒜香一口腸、枝豆、蟹籽沙律、海老天婦羅等。剌身就叫咗三文魚同甜蝦個類。雞軟骨都唔錯，都容易燒得香。一口腸都惹味，但我地唔小心叫得太多，愈食愈覺得係懲罰haha。同埋稍嫌有點油。枝豆就係朋友點嘅，基本上得佢食，佢又係叫得太多，不過好彩佢清得哂。蟹籽沙律幾清爽入味，我地成班人都食完又食。天婦羅就有點遜色，唔係炸得好出色，味道都唔夠新鮮。刺身都有同樣問題，感覺唔夠新鮮。厚度就一般，唔係厚切。雪米糍都係任叫，有芒果味，芋頭味。兩款都好味，個人鍾意芋頭味多啲。綠茶雪糕都唔錯，綠茶味再突出啲會好啲。

朋友生日，約食烤肉放題，作為食肉獸既我當然拍手叫好啦！約咗8:30pm，見未齊人就劃下叫餐紙先！同一般放題一樣，分類點餐，除咗肉類，仲有刺身、自家製涼茶同是日甜品選擇，種類都幾多。因為有人遲到，所以叫咗刺身食住等。刺身非常新鮮，值得一提嘅係北寄貝非常鮮甜，食完要即刻再order！肉類方面，肉質鮮嫩多汁，質素好高，不知不覺就食咗好多，特別係牛舌，reorder 咗三次!仲有羊架、一口和牛、龍利柳同多春魚都非常美味！估唔到仲有天婦羅，南瓜，番薯，唔會炸到好油膩，唔錯唔錯！甜品方面，有一口雪米糍(香芋頭)、抹茶或芝麻味雪糕，同精選自家製甜品選擇，問店員今日精選甜品有乜嘢，佢話一口芝士蛋糕，出於好奇我哋都叫咗試吓，估唔到都幾好味，芝士味唔算太濃，所以唔會話好”溜”，size細細，就算已經食肉食到好飽，依然可以食得晒！二百幾蚊一位真係非常抵食，對我哋呢班大食友嚟講， 90分鐘真係唔多夠😂！

有朋友介紹旺角砵蘭街有間温情小店，食燒烤放題。我們就四個人相約同行。店舖不算很大，約八至十張枱，野食其實比大集團的放題會少，都有魚生、烤肉、天婦羅、海鮮、和食等等。魚生主要有三文魚，八瓜魚，帶子，甜蝦，北寄貝樣樣都有，魚生新鮮，邊等烤肉邊食刺身最好不過。烤肉方面，推薦羊架，羊架大大隻，燒起上來大部份脂肪溶化，老闆娘提了我們不用全熟，我們大約燒了二十五分鐘，肉還嫩，羊帶點羶味最正。牛舌也不得不吃，而且仲有兩款，鹽燒及地獄，牛舌彈牙，點了燒汁，更是美味。牛助肉及一口和牛也不錯，燒起上來牛肉味濃，不自禁地大口大口地吃。海鮮有海蝦，多春魚，帆立貝，香草龍琍柳，樣樣都新鮮，蝦也彈牙，我最愛多春魚。天婦羅是即炸的，地瓜南瓜也很好。蝦可以不用試。要提一提甜品，雖然不是太多選擇，但綠茶及芝麻雪糕好濃郁，朋友食完再食。

很久沒吃日式燒肉，於是上網看到這家鳴橋燒肉料理好像蠻吸引的，所以就先訂位來吃吃看囉！烤肉前當然要先來一個份刺身冷盤來開開胃嘛，雖然款式不是說很多，但都是蠻新鮮的！我們的第一盤肉來囉～上菜速度算很快喔！店員說最好是先烤和牛粒，那我們當然乖乖跟著做～想不到這個和牛粒烤起來這麼香，吃起來牛味蠻重的，讓人整個食欲大開！除了牛肉我們還有加錢做升級皇牌放題，為的就是要吃虎蝦跟帆立貝！！兩款也是意外的大隻，吃下去啖啖肉就是爽！！另外還有兩款我個人是蠻喜歡的就是蒜香一口腸跟雞軟骨，這個一口腸烤出來真的非常之香，而雞軟骨偏硬一點點，是我喜歡的口感！！吃完一大堆肉，最後當然要來一個香香的芝麻雪糕作句號嘛，可惜時間到了，不然我會再點個幾杯喔，哈哈！下次再來吧！

好少行過砵蘭街，都唔知原來有燒肉放題，價錢好扺。 感覺唔錯，決定試下。除左肉類，仲有好多其他選擇，刺身，炸物，蔬菜，甜品，真的不錯！因為見到加$40可以升級皇牌放題，感覺好抵，決定試試！先黎海鮮，有鮑魚、帶子、墨魚仔、虎蝦等，好新鮮，好爽口，燒完都唔會乾，正！肉類有不同既牛類、豬類、雞類，選擇超級多，而且款款色澤都好有光澤，仲加左不同的調味粉，好似七味粉、芝士粉私，好美味，好吸引！值得一提既係爐用牛油紙隔油唔痴抵，好細心！炸物唔會太厚粉，正！

是夜約左三五知己聚舊，朋友建議食日式燒肉，於是選了這間位於砵蘭街的店，由油麻地地鐵站行過來只需數分鐘。餐廳並不是什麼大型連鎖店，感覺是家族式經營，因此價格也比較親民，晚間任飲任食只需$218，還有啤酒任飲。加$40還有刺身任食，三文魚、帶子，鮑片、馬刀背、北寄貝...刺身非常新鮮，沒有雪藏味。燒肉種類也繁多，由於我們升級了，還有香草羊架和虎蝦。牛舌十分爽口，即使燒久了也不韌。香草羊架，超級羶，喜羊的朋友和我吃得津津有味，驚喜十足。一口和牛也是不錯選擇，形狀大小剛剛好。這裡還有另一特別之處，就是在爐上放了一張類似米紙的紙張，作用就是燒食物時不會黏底，燒久了店員還主動幫我們換張新的。另外還有自家製涼茶，清熱解毒，十分貼心。

今晚跟幾位朋友聚會，每個朋友都住東南西北，就決定取中間點旺角，在旺角一定是選放題，朋友介紹我們這間嗚橋燒肉專門店，就決定預早訂位。今晚約了八點半，不算太多人，店內環境不像其它大集團般那麼大，是小店經營，我們點了皇牌放題$218+升級放題$40，升級放題可點較高質的肉類、刺身，雖然是小店經營，但點餐紙上的食物種類很多。我們先點刺身，三文魚、馬刀貝、北寄貝、甜蝦、帶子都是必點的，我們每款都點了人頭份量，幸好餐廳出來的份量不算太大件，最怕外面有些餐廳會給大大件的刺身，未到燒肉已吃飽刺身，個人較喜歡帶子，鮮甜而不會有腥味，上面點綴了一些蟹子，帶出口感，不錯👍🏽！燒肉方面牛舌、牛肋肉、羊架都是必吃，牛舌薄薄一片、輕輕煎一會入口爽，沾上餐廳提供的燒肉汁簡直絕配。海鮮必點虎蝦、帆立貝，虎蝦顏色靚，蝦頭還有蝦膏，帆立貝味鮮，無得頂。總評：旺角區數一數二日式燒肉放題！價錢不會太貴，性價比極高！

牛肋肉未解凍就上枱，無牛味，有筋難咬；一口牛相對較好一點，但牛肉味不足。羊架可以，有椒鹽味。刺身新鮮美味，只是鮮帶子切太薄，一隻帶子切4-6片，影響質感及入口味道。

出開旺角，又唔想去D好多人但又趕人走的餐廳食晏，友人話不如行去砵蘭街睇下，發現有間燒肉放題，原來除左放題仲有set lunch, 不過我地唔趕時間，所以揀左燒肉放題。餐廳唔大，但人流不少，好多人都食set lunch, 下次都試下。加 $40 仲可以升級食物，二話不說就加左。刺身雖然唔係冰震，但都好新鮮，選擇都唔少，有三文魚、馬刀貝、甜蝦，帶子，北寄貝，鮑片等等，值回票價。 燒海鮮都好吸引。小小墨魚的好爽口，又juicy帆立貝肉質鮮甜，厚肉大粒虎蝦大大隻，肉質爽口彈牙，鮮味十足。燒肉選擇多，又夠惹味。特別係芝士豚拖羅，香口薄切，好味。飲品甜品炸物蔬菜飯烏冬應有盡有~餐廳雖少，但五臟俱全~

下雨天真係好討厭，但又約左朋友去旺角食lunch, 想揾個可以坐得耐D的地方。路徑砵蘭街，見到一間門口掛住紅燈籠的燒肉店，睇一睇餐牌，就有店員出黎講解，原來可以食午餐/燒肉放題。眼見場雨都無咁快落完，就揀左燒肉放題。$168/位，星期六加$10/位，仲有得加$40 食埋刺身，再加10%服務費，$240/位。一入座，店員就會拿牛油紙及幫個爐加油，因為要8分鐘個爐先燒得紅，又唔會燶到痴住D黑色野，一個幾貼心的安排。食物選擇很多，燒物有海鮮、有牛、有豬、有羊、有雞、有蔬菜。熟食有天婦羅、有飯、有烏冬，仲有甜品。肉類醃得好夠味，唔駛點燒肉汁都已經好惹味。雞翼一開二，咁樣比較易熟。蔬菜有雞脾菇同翠玉瓜，好juicy天婦羅即炸即食，炸粉唔厚，食唔停。總括黎講，又唔係咁多人，食物跟得足，漏單情況少，又可以避左場雨，非常好。

食嘅嘢勁差勁油膩，兩個鐘的進餐時間，一個鐘已經last order, 個半鐘仲要不停趕人走，仲要sell加四十蚊的食物亦無甚驚喜可言。最最最恐怖係臨走竟然竟然只係換走張紙就俾下個客？！即係我岩岩食果餐用緊唔知第幾手既鐵板？唔係掛😡失望之極性價比低的餐廳。最慘落完單既綠茶雪糕臨尾上錯芝麻味雪糕都算了，個侍應仲要睇都唔睇死撐係我地落錯單？最尾換俾我地既口氣好似我地寫錯咁，我同我朋友都唔鍾意食芝麻味，無可能落錯，就算錯都會來兩個相同囉，勁飽但係受氣都受飽哂

部分肉好多筋 完全咬唔開態度又差 入去就想你加40 升級這個價錢你去食其他放題既燒肉都好食過佢牛舌上到黎係爛曬 完全看唔到舌既形狀肉既質素參差 龍脷柳叫幾多都係黎2塊仔選擇又少 星期四去食 唔見話好多人一定唔會再去