鳴橋燒肉料理 (Closed)

尋晚同一大班同事去食燒肉，諗住這間可以收1:00 am點知去到問佢先答話收12:00pm , 員工質素極差，好似阻住佢哋收工,最離譜係我哋點左四個烏冬，佢媽媽將四個烏冬煮埋係一碗裏便，寫到明一口烏冬諗住四個人每人一碗仔，點知變咗一大碗，簡直離譜。食品質素一般

昨晚訂枱，到店時人流不多，但安排了坐近門口位置通道窄，每有客人進店，我坐椅都被撞到食物上枱擺放求其當上最後蕃薯仔時，我將蕃薯放落爐加熱，女肥店員大聲講'唔駛燒㗎'令多枱望向我們隨後一聲不响熄爐態度差

舊同學生日，約埋幾個要好的同學聚一聚，順便慶祝生日，他訂了旺角鳴橋燒肉料理，是一間主打燒肉的放題店，除了燒肉，還有刺身、炸物、甜品、飲品等，任飲任食，每位加$40還有升級之選，任食6款高級食品。我們也有升級皇牌放題，可以任食刺身有帶子、馬刀貝、燒烤有虎蝦、牛肋肉、帆立貝和法式香草羊架。首先來一盆新鮮的刺身拼盤，三文魚肥美，甜蝦和帶子鮮甜美味!炸物海老天婦羅皮脆肉爽，超甜一口蕃薯，味道真的很甜，口感軟糯。小食味付螺肉好惹味！七味豚拖羅，睇落好似肥左d，但經燒烤後，迫出油份就吾會膩，口感鮮嫩吾鞋口。香草雞翼一開二，燒烤會快熟一點，而且方便進食又入味。法式香草羊架，用上高質食材，食一塊何止40元，皇牌放題回本首選，羊架肉質鮮嫩，香草味濃，好味！虎蝦夠大隻又新鮮，蝦肉鮮味彈牙。法式香草龍脷柳和鹽燒三文魚骨同樣嫩滑。食肉之餘，食返d野菜類平衡一下！最後是食甜品食燒肉最好有啤酒，這也是任飲啊！

和同事行完朗豪坊，她帶我去砵蘭街一間鳴橋燒肉料理食放題，她說之前來食過，燒肉質素吾錯，加40元還可以升級皇牌放題，任食6種高級食品，今晚專程帶我來試試！刺身新鮮，三文魚厚切肥美， 甜蝦、帶子、鮮甜，鮑片有口感。加了40元升級了，可以任食大虎蝦、帆立貝、牛肋肉、羊架、剌身帶子、馬刀貝。材料新鮮，本人喜歡虎蝦大隻又彈牙，法式香草龍脷柳鮮嫩入味，帆立貝鮮甜。法式香草羊架夠入味，香草和黑椒味香濃，肉質鮮嫩。黑椒一口腸、蒜香一口腸香甜。已開邊的鹽燒雞翼，肉質嫩滑又入味。海老天婦羅、餃子：即叫即炸，外層酥脆，蝦肉爽口，餃子餡料飽滿。多款飲品任飲！

踏入2019年，運氣真係ma ma地，所以要同老公食餐燒肉，燒下d衰氣🤣朋友之前推介食鳴橋燒肉，種類多而且食物新鮮，於是去試下，果然冇介紹錯。我地喺門口企左一陣研究下個餐單，燒肉放題，二百零蚊，有刺身，有和食，有炸物，有燒肉，有甜品，飲品，款式多多，唔錯唔錯👌入面唔算大，但都坐得舒適嘅，簡單嘅和式佈置。刺身夠新鮮，每件三文魚刺身厚身肥美，脂肪紋分佈鮮明，色澤呈橙紅色，肉質堅挺。甜蝦、帶子和八爪魚賣相睇起黎都好正，食落都符合外表嘅鮮美，好鮮甜，抵讚👍燒肉部份方面，我地先燒羊架，一邊燒一邊傳出香味。亦推介鹽燒牛舌，切得夠薄身，食落爽口。一口和牛同牛肋肉都係出色之作，肉味濃郁，肉質香嫩，牛肋肉厚薄均勻，入口即溶，混埋牛油嘅香味，維持喺口腔入面但又唔會覺得膩，非常好食。雞翼味道好，唔會太鹹，單骨亦方便燒同食，唔會燒到燶晒。以上都再encore左一次😚另外海鮮點左虎蝦，三文魚骨同多春魚，虎蝦都幾肥美。炸物即叫即炸，又鬆脆又夠熱。三文魚頭湯，好香濃嘅三文魚，如果再熱d就好喇。蟹籽沙律夠晒醬汁，而且帶點微酸，幾開胃。飲品同甜品種類選擇唔算太多，但都有好幾款，抹茶雪糕嘅茶味香濃，唔會偏甜同太重奶味。而

適逢周末，約埋家人品嚐午市放題。食肆位處旺角，有古樸老店嘅感覺，侍應禮貌地安排入座。烤肉包括我們喜好嘅牛類和海鮮，還有刺身，天婦羅和汽水雪糕等食品。没想到天婦羅那麽美味，脆粉很薄，包著炸得鬆化嘅南瓜，香酥清甜，欲罷不能。炸蝦保留蝦肉鲜味爽脆可口。三文魚，帶子和甜蝦刺身排列精緻，充滿海鲜味。烤薄切牛舌美味香脆，牛柳鮮嫩腍滑，入口融化。和牛粒肉汁豐富，一口咀嚼，牛味濃郁。煎虎蝦味香肉甜。烤多春皮脆肉滑，魚春爽脆甘香，配上汽水雪糕.，用擔心'熱氣'。一家人舒適地閒話家常，多温馨嘅感覺!

中午和家人到旺角逛街，途經呢間食肆都幾東瀛味，入去試一試放題。木製家俱都幾古雅，侍應安排入坐。座位闊落，没有局促感。選擇多元化，有刺身及烤肉放題，汽水啤酒任飲。刺身方面，三文魚很鲜味，没有糊口之感覺，帶子和北寄貝爽甜，點上芥辣豉油，更添鲜味。我們還點了炸蝦天婦羅，南瓜天婦羅和炸小蕃薯。天婦羅炸粉薄脆鬆化，真係估不到有咁好水準，炸小蕃薯也十分香甜脆口。烤肉一口和牛粒很有牛肉味，肉汁豐富。牛柳也嫩滑可口，牛舌薄脆不膻有嚼口，點上特製烤汁，更能提升牛味。配上汽水，正好中和燒烤嘅油膩乾燥感覺。

砵蘭街平時人流唔算多，發現有間鳴橋燒肉日本料理，店舖似開業有一段日子，格局似係做街坊生意，佈置一般，天花掛著幾盞富有日本風情嘅紅燈爖。設有午市套餐同任飲任食放題。午市放題優惠任飲任食只係168元；若加多40元仲可以升級任食海鮮、牛肋肉同羊架。加咗40元當然必叫大虎蝦、刺身帶子、馬刀貝、帆立貝、牛肋肉同羊架。大虎蝦size足足長度有對筷子咁長，肉質彈口爽甜。帆立貝同各種魚生，色澤光鮮，肉質鮮甜😋。牛肋肉呢個部位特別淋嫩醃得入味。味噌湯滾熱辣，湯底用料係日本海帶，清熱解毒最啱我。甜品有芝麻雪糕、雪米糍同意式芝士蛋糕，同樣口感香滑。食物款式需然唔及其他大型日本料理多，但油煙同樣亦唔多，幾乎絶曬跡。

大多的燒肉放題都是九十分鐘，總是吃得「趕頭趕命」，想跟多聊一會也難。偶爾經過砵蘭街，發現這家日式居酒屋居然也有放題供應，還要是整整兩小時呢！店面很有日本小店的風味，坐下便急不及待先試試他們的刺身，都很新鮮甜美，尤其是馬刀貝，十分鮮甜，令人一點再點。燒肉肉類也很多，份量也絕不吝嗇。店員教我們先燒肉類，釋放油脂，這樣海鮮燒起來就更添滋味。牛肋肉及一口和牛雪花也算均勻。個人比較喜歡牛柳肉，不太肥但也很鬆化，甚有肉味。牛舌更是驚喜，很爽口，讚！多春魚及虎蝦，實在不能不點，蝦肉彈牙。帆立貝也不錯。不得不提他們的炸物，炸漿控制得宜，薄薄地包裹着食材，香脆可口。i特別推介小蕃薯，覆桌了好幾遍。最後當然要以一球綠茶雪糕作結了！

鳴橋燒肉料理餐廳不算很大，但具日本風情。餐桌分兩邊，座位都頗舒適。餐廳提供刺身及燒肉放題，一個價錢，就享受兩種放題！餸菜款式唔係算好多，但勝在樣樣俱全。入面坐都唔係好多人，平日夜晚已經坐爆曬，入面燈光柔暗，好似去了日本嘅燒烤店。放題當然少不了刺身啦～ 甜蝦，帶子，北寄貝，鮑片，大蝦，秋刀魚等等，應有盡有，鮮甜可口，性價比高啊！刺身很新鮮，不用點太多的芥辣和豉油也很好吃。三文魚頭湯配料十足，我好喜歡，所以都叫了兩碗。燒羊架我覺得係咁多肉之中最好食，而盤底會用一張牛油紙，冇咁容易癡底同窿。一口和牛，肉味濃郁，入口即溶。鹽燒牛舌，非常爽口，口感一流。海鮮燒有牛油蒜蓉青口, 小墨魚細細地，帆立貝，三文魚骨，新鮮幾好食，而且冇咁滯。海鮮類的虎蝦，大大隻，肉質爽口彈牙，鮮味十足！炸物方面點了餃子、一口蕃薯、野菌天婦羅。 餃子配以燒汁，味道一絕，番薯僅是十分香甜。炸蝦熱辣辣，脆卜卜，非常好味。呢度仲有埋涼茶提供，還是自家製涼茶，他們的涼茶是羅漢果茶，咁就唔怕熱氣。最後是這裏的雪糕，個人很喜歡抹茶，所以點了兩個，也一如以往的有濃濃的抹茶味，很好吃。

好想食放題皆因好耐冇食過。之前同事介紹過喺砵蘭街有間鳴橋燒肉日本料理，食物水準都唔差，價錢又大眾化。店舖開業都好幾年裝修一般，地方唔算大,但勝在燒烤爐嘅抽煙系統好先進，係向下抽走啲煙，令到油煙幾乎絶跡。食物方面需然唔夠其他大型日本放題多款式,但食物夠新鮮味道都唔錯。最欣賞法式香草羊架，用香草醃得夠入味，肉質淋滑，唔覺有羶味。熟食方面最欣賞煎餃子，兩面煎到金黃色，外皮脆卜卜餡料多，甜蕃薯甜入心。魚生有三文魚、馬刀貝、北寄貝、甜蝦、鮑片同帶子都好鮮味。熱柚子茶最啱我，濃郁柚子味，仲有少許柚子粒，酸甜適中好醒胃。見有啲食客叫個午市套餐都好正，下次要再嚟試吓套餐。

我去食嘅日子係早兩個星期由於呢排比較忙所以一路都未得閒寫食評坦白講我已經好耐冇寫食評今次發我要寫食評係因為真係太難食啦我想食燒肉，老公就上網搵左呢間放題見佢好快有好多係啦同埋話係良心食店我都係第一次食放題燒肉我老公早一日book位，跟住去到門口見到入邊都幾多人坐諗住都OK啦 惡夢就由而家開始首先佢叫我地每人加$40可以有多啲海鮮同高級啲嘅肉類食，仲話台台都有架，講到我唔加好似異類咁，所以是旦啦我地都加咗$40跟住點餐紙個度，野食啲份量我哋每樣二人份量或者兩件，點知黎到一大堆，仲要係亂咁擺，好似埋垃圾咁，我哋估計四個人都食唔哂啲肉係冰嘅，係有冰痴係舊肉上邊，硬到舊石頭咁嘅牛舌係瘀黑色架！超級唔新鮮試問未解凍嘅肉要咁樣黎燒，會唔會好細食？嘅諗到啦！然後喺個爐上面，到鋪左層牛油紙咁樣嘅紙，叫燒肉？係煎肉囉！完全唔會有嗰啲燒嘅感覺同燒嘅味道啲肉有un嘅有啲梅嘅,總之係冇嘢好食我哋食咗第一轉啲肉，食唔晒叫佢收走，再嗌多一轉海鮮之後都食唔想食埋單走人返到屋企即時肚痾又肚餓，跟本冇食過野咁$590當睇次醫生清腸胃真係成肚火完全諗唔明啲好評點黎架係我地太高要求？定係其他人要求太低？如果唔銀包飽受苦肚皮

平價燒肉放題鳴橋燒肉料理位於旺角及油麻地重心，來了這間朋友介紹的烤肉店。睇個menu 很多東西，忍住慢旬慢點，太快食會好快飽，首先叫了些輕盈的食物，燒住等。刺身不錯都夠新鮮。叫咗甜蝦，三文魚，帶子，鮑片甜同新鮮。叫咗蟹籽沙律，甜甜酸酸，胃口大開，燒肉差不多食得，必食一口和牛，好味，encore 三次，自己買一定好貴，任食掋在呢d 位。首次自己燒雞軟骨好吃，脆又焦。牛舌不太厚，易燒，漿料都好入味。鹽燒牛肋骨，豬頸肉和雞翼等都入味，燒出黎好味。另外叫了些海鮮，帆立貝大大粒，吃幾粒回到本。虎蝦爽口，香草龍脷柳好滑，三文魚骨肥美，多春魚都好味。最後，雖然飽，但都忍唔住叫咗其他項的來試吃，野菌燒出黎juicy,翠玉瓜夾口，芝士麻吉燒口感特別，有拉絲！味付螺肉同街邊40味買果d 差唔多，掋返晒。友人叫了蝦天婦羅和南瓜天婦羅，他們說不錯，我本人麻麻地炸，但總括而言，物有所值，甜品及飲料柚子茶一壸上，里面有柚子渣，非常健康。還貼心有涼茶，是羅汉果，降火。甜品選擇蠻多， 綠茶雪糕，胡麻雪糕，一口芒果雪米糍，還有精選甜品，cheese cake. 東西選擇多，吃得蠻高興的。

與基督朋友一年一聚，由於他的工作地點位於長沙灣一帶，為方便各人遂相約於旺角見面。人山人海的旺角小的不常到達，這兒的餐廳百家爭鳴。問小的想吃甚麼？當然選咱家最愛的和風。心中除了想吃刺身，更希望有串燒。在美食網站裡以進階搜尋篩選，得出來的結果竟是頭數頁全部均屬日式放題。骨子裡自己喜歡居酒屋類的店子多於放題，可惜搜挖枯腸不禁洩氣。不想信碩大的旺角居然沒有一家和風小店，只可惜日式放題已開到荼爢，最後小的唯有放棄，揀了一家在油麻地附近的「鳴橋」。 從油麻地地鐵站A出口轉入砵蘭街方向，過了一個街口，「鳴橋燒肉料理」赫然映進眼簾。雖然小的一直認為香港是一非常安全的地方，然而自從小的之新型號電話於中環地鐵站懷疑被一伙南亞或印度裔的賊子偷了以後，小的對這所謂文明進步之地需作從新評估。一個女子於天色漸沉下步入砵蘭街，入目所見是兩三小口的中年女子站在唐樓樓下對路過的男行人虎視眈眈，對街則站著一堆又一堆的彪形大漢巡疏掃視，小的也不自覺感觸目驚心，兩三分鐘的路程宛似在無限伸延。 有驚無險，終於抵達「鳴橋」，向年輕的職員們交代訂位資料，小的被安排入座。在旺角街頭小店當然對裝飾陳設不會有所預期。其麻石之桌面上

呢排秋涼，突然好想燒野食。但今日同女朋友兩個人就去韓燒算啦，揀左砵蘭街呢間主打燒肉放題居酒屋。呢度既放題價錢相當抵，但食物選擇同質素都唔少。首先當然有刺身，三文魚，帶子，北寄貝，甜蝦都好新鮮。最值得一讚既係馬刀貝，又爽口又鮮甜。燒既海鮮都有大蝦，青口，龍脷柳，帶子。熟食方面，天婦羅唔算太厚粉，炸雞脾菇好好食。烏冬都夠彈牙，味噌湯底唔會太鹹太濃味。最後就梗係主角燒肉，豬牛雞羊唔同部分都有，全部都夠哂味，而且好稔。最值得一試係一口黑椒腸，驚喜的係竟然係台灣香腸，甜甜地又有黑椒味，個皮燒到脆再食更正。雖然呢間餐廳環境唔算大，但小店都有小店既親切感，而且都坐得舒服。