鳴門魚市場居酒屋 (Closed)

家人之前去餐廳食，有幾張惠顧滿$200減$100嘅Coupon。屋企人話唔好嘥，同佢哋一齊去食。叫咗支清酒(自言自語)，因為清酒配魚生係好正點咗條赤小鯛，肉質爽甜，另有䓤酸汁沾食好開胃，但我始終比較沾芥末及醬油。串燒黑豚肉 及 雞軟骨，燒得香口，豚肉彈口油香而不膩。三文魚親子卷飯較為偏硬少少，三文魚微微火炙浸出魚油。吉列蠔外脆內軟，蠔味濃又鮮味。食完一碟後又再加追炸芝士幾香口，沾少少沙律醬，甜甜酸酸。赤小鯛食完刺身，再加錢將魚頭魚骨酥炸，整條魚骨 幾乎全都可食落肚燒青魚味道唔錯因為差少少可用多張Coupon，所以叫咗個菠蘿雪芭。食咗咁多炸物正好清一清、凍一凍店員個個都好友親所以成餐都食得好開心。

以前我都真係幾鍾意嚟呢度食，因為刺身幾新鮮又抵食，而近幾年覺得佢質素一次比一差，價錢一次比一次貴，所以同事話想食，我都不太雀躍，反而想食熟食多過刺身，但今次大家都話想再試下刺身，咁我就求其揀咗個圖最豐富既套餐A1 刺身。壽司定食~刺身：三文魚2件、劍魚腩2件、赤海蝦1隻三文魚唔夠肥美同鮮味，唔似挪威貨；劍魚腩薄切兼唔夠鮮味；反而赤海蝦又大隻又鮮甜，成部iphone咁長架，正！~壽司：三文魚1件、海蝦1件、北寄貝1件、海鰻卷2件三文魚、海蝦同北寄貝無鮮味，壽司飯又細件，好似比小朋友食咁；海鰻卷最合格最好味，海鰻炙燒過幾香幾好味~小食：玉子2件估唔到玉子又幾好味喎，玉子蛋香軟熟，食得出即叫即整，入面包住提鮮蟹柳，呢個小食OK~迷你牛肉烏冬1碗呢度用開稻庭烏冬，基本上唔會難食，今次烏冬又熱又煙靭，好正，而肥牛就不過不失~沙律1碗中華沙律現成貨一人前共消費：$108

荃灣真係好多好西食🍕🥐🥞🍔🌯🍙🍱🍛但我地今次就簡左間伏伏地既🤦🏼‍♀️lunch 時間點左特上拖羅海膽丼 一上真心嚇親 個拖羅黑色既（圖中係換左）...好彩佢都肯換同埋服務態度良好🤗男朋食既北海道雜錦丼 普通 同menu有好大出入😂⋯我點果個好食d!🤤另外加錢點左芝士年糕同蟹棒壽司😂😂芝士年糕好食啊！！！熱辣辣 煙un控同芝士控一定愛上😂蟹棒壽司就普普通通。PS 唔知點解個成日叫左佢做嗚門😂😂

朋友之前食過呢間話不錯，介紹我地過黎，點知呢間既食物質素同水準跌左朋友之前食過，話以前條鰻魚 好大條點知碟飯黎到之後鰻魚size 細了一半 但價錢同以前係一樣冇變過感到非常失望鰻魚飯 味道還好 cp值不高叫左帆立貝海膽黃金炒飯 是普通炒飯 手指公咁細既海膽放在上面又冇帆立貝！！！但係又有蟹柳喎.~咁就改下個名啦~~~叫蟹柳細蝦仁炒飯？？碟炒飯盛惠148蚊另外亦叫左個火炙拖羅壽司同三文魚腩壽司 還不錯冇下次了，byebye

放假同男朋友行完街...諗住食魚生飯，上openrice見到呢間餐廳，於是去試試午市都幾多選擇，我地最後揀左北海豐盛丼同埋北海道三色丼魚生飯黎到有點失望，因為menu張相好似好豐盛，但實際份量少好多....除左海膽冇乜味之外....其他都係算新鮮而且甜蝦好大隻，都幾吸引另外個餐有跟小食同埋味噌湯，味道就不過不失啦..整體黎講都算唔錯而且環境都比較寬敞，唔會太嘈都幾舒服總括而言就冇乜驚喜，不過都算唔錯啦

因為近公司，因為質素好，所以間唔中嚟食，不過呢幾年，久唔久都會加價，什至將價就貨，到今次嚟食，menu大改特改，我就嚟唔再幫襯你架喇......北海道海鮮丼 $98由以往任選三款刺身嘅三色丼，改為三文魚籽、帶子、拖羅蓉嘅海鮮丼，我每次必揀嘅海膽，而家已晉升為$128嘅價位，咁即係迫我高消費啦😡！三文魚籽不再飽滿同粒粒分明，似降咗grade變筋子，而拖羅蓉係食到有根，帶子就變得再薄dd。除此之外，迷你熱湯烏冬同蒸蛋，一個消失咗，另一個就變咗雪米糍，以上改動，怎叫熟客不失望！如果下次再嚟，唔會再叫丼，實在太搵笨😤！

同好耐無見既朋友去食飯。佢最近做緊一個加$1 啤酒任飲既promotion 如果飲啤酒既朋友相當抵👍🏽聽個侍應講食野要夠$350或以上先至可以每人加$1享有呢個優惠。我去荃灣分店有，唔知其他分店有無🤣我地兩個人叫左個滑蛋豬扒飯（超大份，上菜個陣已經感覺到佢好有heart,佢個滑蛋飯好似人地火鍋甘上，有個爐仔甘，上台後先點著個火。滾滾下甘，幾有趣）仲叫左個牛油果軟殼蟹卷，厚燒玉子（一般般，呢個可以唔叫）同鐵板牛油帆立貝（呢個都好大份下）總括而言，大件抵食。食到好飽

改餐牌之后第一次去，從好的日本餐廳退步至比爭鮮還要差。魚生不新鮮和有根，牛肉很老，醬油的味道也很怪。會再去。而且等位時，明明有很多空位，卻遲遲不入座。服務也一般。

是日到了荃灣逛街, 同行友人想吃日本菜就選了這一間。晚市等了約15分鐘便能入座。我選了一個赤蝦海鮮丼,有赤蝦, 帆立貝, 油甘魚及三文魚各兩大件以及一堆三文魚子。刺身都非常新鮮, 雖然叫赤蝦海鮮丼但帆立貝個人認為是碗中最岀色的。友人的鰻魚飯我也淺嘗了一口, 也很香口。此店性價比算是不錯。

之前聽朋友講呢間d刺身好新鮮 所以一直都心思思想試下。因為驚lunch冇位 所以都預先卜定位先。叫咗個三色丼 淨係個賣相都已經好吸引 份量都算多 吞拿魚碎有畫龍點睛嘅效果 撈均成個飯就唔會有「食魚生飯食到最後只有白飯冇餸」嘅慘況☺️ 重點係帶子大大舊好新鮮😋 一口帶子夾幾粒咸咸地嘅魚子 配一啖吞拿魚飯 口感豐富 真係幾幸福架唔係講笑。份量算足，有湯、前菜，仲有雪米糍。埋單平均$100/人 論質素同份量 值！又一餐。

今次叫set lunch，三文魚海膽丼$88，超其望有返加拿大海膽，但嚟到都係呢隻海膽，有少少失望囉！好耐之前問過原因，佢哋話返唔到貨，但真係唔明毎季都會嚟幫襯，但就無見返到貨，其實佢個丼唔算平架，仲久唔久加下價，但質素又無所提升⋯⋯唉！如果唔係呢區無間正過佢，我真係唔再幫襯架！個set有小食、沙律、迷你鰹魚汁湯烏冬、兩色丼同蒸蛋。小食有時係螺，有時係八爪魚，同超市買果d貨式一樣；沙律有酸醋汁好開胃，沙律菜仲好新鮮；烏冬超煙靭好稻庭，口感啱啱好；三文魚海膽丼賣相都唔錯，三文魚厚切超肥美，有3大塊，而海膽份量比較少，鮮度只是一般般，但都食得過嘅，最底嘅珍珠米唔錯架，一粒粒好有光澤，好味到清晒成碗；到最後個蒸蛋呢算係整餐靈魂所在，蛋好滑嘟嘟，入口即溶，唔係周圍食到呢個水準架！

Been to this place a couple of times already...this time we tried the Grilled Eel rice with poached egg (特長鰻魚溫泉玉子飯） and also the assorted sashimi rice (雜錦海鮮飯)...the eel was so looooong (look at the photo!) and tasted pretty goodDefinitely worth a try! On top of that we also ordered the cucumber salad with crab meat. The food portions are quite reasonable. Satisfying meal!

荃灣區無乜高水準日本食肆，鳴門係我哋同事間唯一公認好味既，每個月都會嚟，刺身一定係首選，午餐定食份量多又飽，所以間唔中嚟放肆一下都OK．豐盛刺身定食$118　（麵豉湯+前菜沙律+刺身一盤+白飯一碗+蒸蛋）三文魚兩塊～厚切肥美可口，新鮮度十足 吞魚魚兩塊～質素麻麻，有少少腥油金魚兩塊～好鮮好厚切，大滿足 帶子兩粒～同樣鮮甜，如果大隻D同厚D就正 八爪魚一塊～好大塊好鮮美，口感不錯赤蝦一隻～蝦頭多膏，蝦身好CREAMY 三文魚子少量～唔腥好好味，但份量少到都唔覺食咗海膽少量～以前係用加拿大海膽，而家縮皮轉用日本海膽，份量又少又唔好味後記：以往食開三色丼，三文魚子同海膽份量較多，不過刺身就薄切DD，但果碗仔熱烏冬好好味，刺身定食係無架！

之前經過幾次其實都已經好想試，今晚睇到IG有人推介個原條鰻魚飯之後決定嚟試試！我同🐷先生兩個人因為之前嗰晚飲太多嘅原故，所以今晚嘅晚飯冇叫sake。有嘅話今晚餐飯會係perfect! 👍🏻由小食開始，叫咗份螢光魷魚沖漬（$53）同埋一份燒明太子（$78）。呢度嘅螢光魷魚醃得啱啱好，啲魷魚又新鮮又有咬口。燒明太子亦都係味道濃郁，兩樣都係正到絶嘅下酒菜！😋😋（重申，我哋今晚係冇飲酒㗎！😂😂）至於主菜，🐷先生叫咗個鰻魚溫泉玉子芝士飯定食 （$158）。原條鰻魚比起平時鳗魚飯嗰啲更加香滑，肥美。油香度滿分！石頭鍋飯配埋温泉玉子、芝士和泡菜，令到個飯唔會太乾，又有熔芝士嘅拉絲感，辣辣地仲好好味㖭！😋😋其實個鰻魚定食兩個人share都夠食，耐何我又真係好想食魚生。所以我叫咗個北海道雜錦魬（$268）！有肥美嘅三文魚腩、赤身呑拿魚、油甘魚、帶子、魚子、海膽、同埋甜蝦。魚生好味，個飯都好好味，好飽都清哂碗魚生飯！😂😂今餐飯真係大滿足，我嘅第一篇食評就奉獻咗俾鳴門魚市場喇！💕

看戲前為著海膽飯而來，原先以為要到西營盤才可以品嚐這個3重海膽飯，幸好看戲前周圍逛逛覓食時，才驚見原來荃灣都有分店，剛好離戲院不遠，由於時間尚早，不用等位就可即時入座，上菜速度亦快，絶對不用匆忙地吃。<特盛三色海膽飯> $298原本見食評話份量很細，得飯碗的SIZE，心裡就覺得好像不太抵食，但朋友說既然我本來都想食，現在又不用到西營盤那麼遠就吃到，一於照食。果然沒失望，其實份量都不是想像中的細，只是沒有正常在外吃刺身飯的份量，但比小飯碗大一點。有3種海膽排滿飯面，有加拿大海膽、北海道海膽、韓國海膽(燒過的)，海膽很鮮味又多，而且我很喜歡這個刺身飯底調配味道剛剛好，亦不會太酸。<美國牛舌串燒> $35厚切牛舌又大件，每串有3件，很抵食，很想讚這店的串燒調味做得很惹味。<鮮冬菇串燒> $25朋友很喜歡吃燒冬菇，亦大讚冬菇燒得很香，亦沒有燒皺皮收水情況，證明師傅所掌握的時間剛剛好。<豚肉露筍卷串燒> $33喜歡這店的肉串燒不會燒得焦焦的或乾身，控制時間很得宜，使串燒能保持食材本食的味道及口感，配搭惹味又不太搶味的調味料，豚肉不會