Natural Chiffon (Closed)

標榜無色素、無香精，我每次路經都心郁郁想試佢嘅cup cake, 今日忽然有朋友送上。白色唧花嘅係荔枝口味，奶油有啲啲實，可能雪太耐。甜度以我來說係可以接受，如果蛋糕再鬆軟番少少就更啱我口味，但最估佢唔到係蛋糕入面會有粒荔枝果肉，係原粒食落去真係覺得值回票價。反過來再食朱古力口味就驚喜欠奉，但可能佢又係室內放咗一陣子，啲奶油又相對入口滑啲，口感好啲。最驚喜嘅，莫過於佢送咗張coupon，係免費送一個。

每當有人辭職到LAST DAY，總是有時歡喜有時愁，愁係因為收到一件隨處可買4蚊雞散水餅，食之無味棄之可惜；喜係因為總有人願意花多少少心意，好識做咁送貴價物美嘅不是美心西餅，睇得又食得，引來眾人紛紛祝賀離巢之喜。散水送Natural Chiffon Cupcake ，正好樹立一個好＿榜樣。GOOD_以前參加過免費CUPCAKE WORKSHOP，真係往事不堪回首明月中，面頭的糖霜只是用來裝飾而已，個CAKE底竟然係咸添；而呢個Cupcake裡裡外外，真材實料全部食得落肚。離巢同事亦耐心將CUPCAKE味道一一解說，綠色係抹茶，淺啡係COFFEE，灰色係芝麻................，而我就一手就拎起黃色大花，本以為係現時大熱的BANANA，但原來竟是芒果，一陣清新果香味道佔滿味蕾，重要是甜得嚟唔會膩，CREAM非常嫰滑輕身，而CAKE係普通混呢嗱味，蛋香比牛油味強烈，而且質感軟綿綿，搭埋CREAM一齊食，食晒成個都唔覺滯，呢個CAKE果然美貌內涵同樣兼備，一掃我對CUPCAKE嘅壞印象。雖然十幾蚊個CUPCAKE有小貴，但食完之後會發覺價錢合理。

聖誕Party 當然少不了甜點啦~~ 人少少，不能買很多甜點，剛巧在Facebook 見到Natural Chiffon 新出的Christmas edition Mini Cupcake，小小的一件，份量又不多，正合我們意呢~Party 前兩星期左右，我們就到荃灣分店訂餅啦~原來最早只可在12時取餅，可是當日我們不能就這樣出來取餅呀，只買一盒又不送貨...所以我們只好早一日取餅，先取回家，再在Party 當天取回公司吧....Party 當天，大家見到這盒漂亮的Cupcakes 都十分開心呀!!不同造型的Cupcakes，非常符合聖誕的主題~見到這盒美美的，小妹豪不客氣的試了兩件呀!!作為Matcha-holic，第一件當然選了聖誕樹造型的綠茶Cupcakes 啦~不要看它有著厚厚的Cream layer，就以為它很膩很甜，反之，它的味道頗清新而不油膩呀，而且甜度剛好~ 綠茶味突出，帶有微微的甘香，配著小許奶味，食著食著，有一剎那覺得自己在飲Matcha Latte呢~ 原味的蛋糕鬆軟可口，加起來就是美味呀!!莓莓是小妹的第二至愛，所以有選了聖誕老人衣服造型的紅莓Cupcakes~紅

今日係年三十晚，就係一家人團團圓圓嘅大日子公司亦可以早放，公主我受同事誘惑，4點放咗工就同同事去南豐嘅Natural Chiffon食cupcake 食完之後，公主我就買咗6隻cupcake番屋企。雖然屋企人多，但因為會食盤菜肯定飽到上心口，所以買幾隻大家開心share就夠喇(前左至右)：血橙、開心果、蜂蜜(後左至右)：奶油蛋白、紅桑子、藍莓血橙公主我未食過血橙，所以唔知血橙應該要有咩味但食落有朕橙乾味，淡淡地唔酸少少甜，都唔錯嘅但不太特別開心果雖然食唔到開心果粒粒，但開心果味真係好濃厚好香亦因為無開心果粒粒所以topping好軟滑唔會食到有嘢痴喉仲有好可愛嘅兩粒吱吱喳bombomba嘅龍貓，真係勁吸引蜂蜜呢款唔係好得，得個甜字，食唔出有蜂蜜味係啲擠花擠得靚奶油蛋白奶油好濃厚，唔太甜，感覺好滑好滿足但蛋白味唔夠出，食唔到蛋白質感覺造型好似玫瑰，係白玫瑰唔係黑玫瑰，嘻嘻紅桑子一食落口就食到超酸嘅紅桑子味，酸酸微微好開胃感覺好似食緊好滑又濃味嘅紅桑子軟雪糕咁而且個造型又似花花，如果係情人節真係好啱夠浪費藍莓又係好香嘅藍莓味，不過比起紅桑子就稍為甜咗啲又無咁酸但藍莓味都好夠，食完個咀都有淡

今日超開心～多謝一位親愛的同事，為我同另一位同事由荃灣帶來了兩個既漂亮又好味的cupcake作為3點3下午茶～～這間cupcake亦是我最喜愛的品牌之一，就是-「Natural Chiffon」，以前分店不多，每次也要到旺角才能買到～現在不但在旺角及荃灣，連中環及灣仔也有分店，發展速度驚人～這次同事為我倆帶來了「血橙熱情果」及「玫瑰紅桑子」兩款味道，自己一向偏愛朱古力/榛子等味道，所以還是首嚐這兩款～血橙熱情果淡淡的黃色及橙肉色，奶油唧上了星花的模樣，頂部還有一片綠葉所襯托～非常精緻，奶油入口軟柔滑細緻，散發著淡淡熱情果的香氣，味道帶酸，感覺上熱情果味較血橙味濃，而底下的蛋糕，十分香軟並帶點鬆散，不會厚實實的，牛油份量適中，與奶油相互配合下，兩者味道十分平衡，充滿夏日的感覺玫瑰紅桑子另一個是玫瑰紅桑子cupcake,蛋糕面唧上了一朵粉紫色的玫瑰花，與名字互相對應，非常有心思，令人一看更愛上，先嚐一口奶油，入口帶點紅桑子的酸味，然後在口腔內散發著陣陣玫瑰香～奶油內還保留了少許紅桑子微粒，增添了酸度，蛋糕與前者的味道相若，但由於玫瑰味比較淡，所以同吃時，難免會被牛油味搶去一點風頭～但整體味

獨自一人在下雨天裏撐著雨傘蹓躂, 原來有些事是習慣了兩人行動, 現在只餘下其中一人, 就算路邊的花再美, 餐廳的食物再美味, 也不及「與人分享」得來更愉快。心情有如喝了杯苦茶, 的確需要來點「甜甜」攻擊, 既然心水甜店近在咫尺, 何不走上前撞撞手風, 或許會有意想不到的結果!南豐中心分店是比PMQ分店還要小, 只需要一個凍櫃便行。  有逛過南豐中心的遊人都應該知道此處是交通樞紐, 遊人如鯽, 還有是左右附近開了不少小食店, 食物的確搶手......那天下午, 凍櫃裏只餘下少量 cupcakes, 賞心悅目的cupcakes外貌花俏, 味道款式也不一般, 真是要有買趁手!  $18一件果真廉宜, 還標明是少甜、無香精、無色素, 奶油忌廉是用上法國品牌 President 牛油再加上大量蛋白及 50 % 的法國果蓉 (puree) 打成 , 味道自然。 蛋糕底有原味及朱古力味兩款 , 朱古力蛋糕內還含有粒粒純朱古力粒 , 味道更佳!買了4件花俏cupcakes, 當然要用能見度極大的紙盒去盛裝, 每件cupcake都有自己的專屬座位, 任我怎樣去搖晃也沒有滾出來 ...  最虛榮就是當見到

剛食完晚飯，滿足了嗎？當然不〜〜難得上靚媽家，當然唔可以兩手fing fing 啦！放工買了Natural Chiffon，剛好可以一齊分享！Natural Chiffon 主打天然食材，不用人造色素所以兩位媽媽可以食得安心又放心！買了四件: Bloody orange, raspberry, hazelnut chocolate and blueberry這四件，多得靚媽刀工了得，我們可以分著食，試齊四個味道~很怕cupcake 的糕身像「嘉X蛋糕」一樣乾慶幸natural chiffon 的cupcake 沒有這個問題~蛋糕濕潤美味，配著不同味道的cream 都一樣好味~Cream 的質地挺身但又軟滑，一點也不油膩四件入面，最驚喜的是bloody orange，微酸帶有橙香，一改我對bloody orange 的印象~分食完這四件，很滿足呀~~~~

看過某食家關於Natural Chiffon的食評，被它繽紛的顏色吸引，腦海中一直收藏着這間蛋糕店。那麼有歡樂氣氛的蛋糕很適合用來做散水餅，它一定可以趕走離愁別緒，大時大節又可以取代鮮花，逗心儀的女孩開心，更顯心思。日前於公司週年晚宴中抽到了現金奨，所以當下就決定買這個作為下午茶跟一眾同事分享。現時Natural Chiffon有三間分店，雖然有賣曲奇等周邊產品，但主打仍是cupcake。別以為款式會很單調，單是普通門市款已經有接近二十款，全部$18/件；另外還有特製款式，比如用奶油拼寫字句或人像，唧花款式除了玫瑰也有其他像櫻花或康奶馨等特別的花朵，大概$30～40/個不等。除了一般手掌大的蛋糕size，亦可選擇3.5cm的一口size，印象中是$168~188/25件左右。為配合酒會、婚宴等特殊活動，店方亦有蛋糕架等小道具可以借出，幾十款蛋糕堆起來，那個場面相當壯觀。借用蛋糕架需要按金$300，用完可以交還任何一間分店。如果怕吃剩，亦可以向店方買6.7mm高，單個裝的透明小膠盒。價錢方面，年尾仍售$15/個的cupcake，今年加了$3，看似不多，但實際上按比例算也有接近20%，加幅

So far 在香港吃過最好的cupcake就是Natural Chiffon. 無人造色素, 全是來自天然的食物色素。on top的忌廉是不同的口味, 最愛綠茶, 芝麻, 蜂蜜味, 忌廉 香,軟,滑!蛋糕鬆軟, 甜而不溜, 很適合港人口味。綠茶cupcake能做到保持綠茶的原有顏色，沒有在磨碎的過程中受空氣氧化而改變顏色。吃下時，亦保持到天然的綠茶口味，沒有人造綠茶的奇怪味。芝麻cupcake咬一口亦充滿芝麻的油香，芝麻磨得極細滑，沒有鞋口，配上荔枝的小點綴，味道不會重膩。蜂蜜cupcake就是淡淡的蜜甜，比較清啖的味道，又不失蜜香。而蜂蜜的甜度也較低，甜味來自蜂蜜，感覺就是較健康。

這間位於荃灣地鐵出口的新店 10 月才新開, 位置方便, 我們這些新界人以後不用去九龍或過海才可以買cup cake 食了食過很多口味後, 我還是最愛, 朱杏力蜂蜜、綠茶蜂蜜和朱古力咖啡之cup cake, 未食前一定要放在雪柜內雪藏, 在食用前必須放在室溫約 30 分鐘才食用, 您便會感受到那cream能與下層蛋糕溶為一體的食法, 真係好好味架!另外, 每逢節日也會推出合主題的 Cup Cake, 開 party 都適合