NEEDS

Open Now

Now Closed

行過見到有個set叫做"All Day Burger"咁特別一於試吓~📣All Day Burger📣💰$74💰漢堡扒外脆裏面仲有肉汁～加埋面嘅芝士確實係幾好食～薯仔沙律都唔錯～其他就正正常常～需要改善嘅地方就係太油～如果佢喺碟上面加返張靚靚嘅吸油紙～成件事會完美好多～餐飲係需要加錢～

去咗九龍啟德airside foodmuse入面一間漢堡店， 名叫做needs burger, 本身以為冇咩特別， 見佢個 出餐嘅時候擺盤幾靚， 所以就去試下。 當日叫咗個特製花生果醬漢堡餐， 佢裏面有和牛漢堡扒， 美式芝士， 煙肉，紅洋蔥， 花生醬， 士多啤梨醬( 個心諗 漢堡入面加花生醬加士多啤梨醬？？又咸又甜)點知一食， 味道真係唔錯喎， 花生醬加埋士多啤梨醬再加和牛漢堡， 又幾夾喎， 令到成個漢堡食落冇咁漏， 而且花生醬增加香味， 食咗一啖真係停唔到囗想繼續再食， 再加埋即炸嘅薯條， 真係冇得輸， 食漢堡當然要配可樂啦， 佢都只係加五蚊，好滿足， 大家真係不妨一試

It’s a counter inside the food court ‘foodwise’.Its a simple menu with reasonable price.$74 includes Burger and french fries. additional $5 for Soft drink/ juice. Burger and fries is cooked to order.You could see the burger preparation over the counter clearly.The beef patties is juicy and goes well with the sauce and condiments. The fries is crunchy.

漢堡包種類唔算好多，但味道幾好，最特別係漢堡包會切成兩份容易進食，芝士薯條好好味道white mushroom burger 🍄🍔漢堡新鮮好味， 肉汁豐富又新鮮，價錢親民$7x inc soft drink 加少少錢連埋薯條🍟以一間位於food court嘅食肆嚟講，算做得幾貼心，跟餐一對膠手套🧤 唔怕食到污糟晒come with a pair of plastic gloves, what a lovely move the customer NEEDS

最近行Airside，比我發現到一個漢堡包店，Needs Burger，位於九龍城啟德協調道2號AIRSIDE5樓L504-L505號舖FOODMUSE內。餐廳首次由韓國首爾引入，主打自家製漢堡包。晚餐 ～ 招牌漢堡 + 半份薯條 + 百事$77、 經典芝士漢堡 + 粟米沙律 + 雪碧$75。 🔸招牌漢堡🍔 + 半份薯條🍟 ～ 大大份非常吸引， 漢堡即叫即整，肉汁豐富又新鮮， 薯條香脆好味。 🔸經典芝士漢堡🍔 + 粟米沙律🥗 ～ 經典芝士漢堡的青瓜🥒和洋蔥🧅非常惹味， 配上酸酸甜甜的粟米沙律， 食得好滋味。 漢堡新鮮好味， 價錢親民， 推介。🏷️溫馨提示～ 整個用餐體驗均屬個人分享意見， 只作參考😊。

頂唔緊啦🤯～隔兩日就要再食一轉嘅Burger🍔坐落係airside 5樓food court (foodmuse)Burger🍔黎講，平就唔係好平但佢貴又唔係好貴喎。第一次食嘅時後係假日嘅中午時段人流甚多，所以就揀左外賣坐airside出面個公園食。當日陽光非常充沛氣溫亦剛好，十足置身於外國非常寫意。而成個menu入面，我最中意就一定係white mushroom burger 🍄🍔🫶🏻+ 1/2 cheese fries🧀🍟，蘑菇加上牛肉漢堡扒一放入口果種香氣就會充滿你個口腔，當果種香氣係你口腔無處容身佢就會直上你鼻哥窿👃🏼上你個腦🧠，真係一試入魂🤯。但係牛肉漢堡扒就唔會係重牛肉味果種，所以如果係期待重肉香的話就會有D失望啦～但整體而言我覺都係十份驚喜，大啖可樂大啖薯條🍟加漢堡，會有大大嘅滿足感👐🏻

上次好急咁行左一陣Airside淨係試過麵包店，今日再去Airside認真行下，呢個商場唔算好多元化，一年行一次已經足夠曬🫣每一層都有唔同既餐廳，頂層就有FoodMuse，當中最吸引我既係NEEDS，出餐位有好多漢堡，望到已經流口水🫡白蘑菇牛肉漢堡&半份招牌薯條•汽水$83✿白蘑菇牛肉漢堡漢堡包好鬆軟，類似麥嘟嘟魚柳包個款包🍔入面有👉🏻牛肉漢堡扒、瑞士芝士、特大蘑菇、烤紅洋蔥、特製招牌醬✨ 本身以為特大蘑茹係大啡菇🍄，原來係白蘑菇比較大片，漢堡扒望落好似好散，食落又唔會仲要牛味都幾重帶小小焦香，好juice‼️‼️✿招牌薯條有小小煙肉碎、紫洋蔥個醬似sour cream同泰式辣醬鍾意辣既就配埋JALAPEÑO🌶️一齊食，成件事會好剌激🥵坐得幾舒服，不過坐正風口位野食好快凍

平時老豆好鐘意食McDonald's今日帶佢食下其他野佢都係要揀漢堡食🙈🙈🙈羅勒青醬漢堡- 半份薯條套餐(招牌薯條)- 百事薯條有點辣因為落左d青辣椒不過d 薯條吾脆仲好軟個漢堡係幾juicy 的

Needs Burger 係韓國引入嘅過江龍間餐廳本身係主打花生醬漢堡羅勒漢堡同埋白蘑菇漢堡但我地嗰一次就冇食到佢哋嘅招牌菜而係食佢最經典嘅經典芝士漢堡再配埋一份芝士醬煙肉脆炸薯條先講漢堡包皮軟身易咬牛肉肉質啱啱好 易入口配埋洋蔥 有爽脆感 洋蔥加上番茄醬再加埋牛肉仲要有芝士醬喺入面簡直一流 有唔同嘅味道喺入面令層次昇華脆炸薯條方面薯條夠熱 應該係即炸上層有煙肉碎煙肉碎香脆可口每一次食薯條都想點多啲芝士醬煙肉碎因為真係好好食同好夾我好有興趣下次試下佢花生醬漢堡不過因為餐廳在food court而且星期日極多人排隊等位好耐先至搵到一個位坐係窗邊仲要同其他人一齊坐所以如果大家真係想搵個好嘅位坐低慢慢食要早啲到

今晚去左airside 覓食，平日夜晚好少人，成個food court都勁多位，唔使同人迫，坐得舒服，非常正👍今次揀咗Needs burger，點咗個經典漢堡包套餐同埋一個花生醬果醬漢堡，一共$150。套餐包一罐汽水同芝士薯條，薯條份量正常，不過呢芝士味就一啲都唔濃，有啲失望。花生醬果醬漢堡，一開始都擔心係啲地獄料理，但食落出奇地夾，好好食，係一啲意想不到嘅食法😂漢堡包裏面有一大塊好raw 既洋蔥，食到我標曬眼水😵至於個經典漢堡飽就非常之普通，可以唔洗叫😬

2/11/2023 17:08聽人講呢個商場有幾靚，有幾勁🤔，咁我就特登搭車過嚟睇吓，行吓行吓行咗去food court 見到Needs Burgers，見到以為好正咪試吓囉，當時係17:00左右，無乜人流，都無乜生意，一個店員就木口木面，一個就黑口黑面，心諗food court 啫，無所謂啦，就叫咗一個經典芝士漢堡套餐，加咗半份芝士薯條包一罐梳打水，個漢堡係即場製造的，熱度還可以，但牛肉質量就比較差嚴格嚟講是一堆免治牛肉，因為他不是一塊的，個包的質地不是很新鮮，而且像浸過水一樣，總之很難食！心想，煙肉芝士薯條應該冇得輸啦掛，點知薯條係凍嘅，姑丈係冇芝士味，而且整體來講成份芝士薯條都係凍嘅，好似係幾個鐘頭之前整定嗰種，呢個套餐港幣$83，講真價錢貴未算係超級貴，但亦都唔係一般便宜貨，如果keep住這種質量，估計很快執笠

🌕Hello我係Moon🌕有時唔知食咩，真係可以行吓Food Court🤭嚟到Airside可以行下入邊嘅FOODMUSE，呢度有好多選擇！😉依度仲可以用Food Department 手機app落單！😋今次我就食咗Needs Burger佢哋嘅漢堡包啦！😌呢度嘅漢堡包，😎除咗有經典口味都有啲特色嘅配搭，我同朋友一人一個！😍我就食特製花生果醬漢堡，😚朋友就嗌咗白蘑菇牛肉漢堡！🤣呢度客量好多，😝所以等候時間都會耐少少！🤤不過都唔會耽誤咗味道同埋質素！😛特製花生果醬漢堡，🥰入面有牛肉漢堡扒、美式芝士、煙肉、紅洋蔥、士多啤梨醬、花生醬，😍士多啤梨醬同埋花生醬嘅搭配搭好特別，味道更加豐富！😌牛肉漢堡扒都好Juicy！😋白蘑菇牛肉漢堡配搭就比較經典啲，🤭不過朋友就係鍾意食白蘑菇嘅味道！😝入面有牛肉漢堡、瑞士芝士、特大蘑菇、烤紅洋蔥、特製招牌醬，😗呢個嘅Juicy程度相對地高，🤩瑞士芝士嘅奶香，🤓蘑菇同埋醬汁都到令成個漢堡包變得鮮嫩多汁！🥳食漢堡包之餘，😎仲可以追加各種選項！😤我就加$10要咗粟米沙律套餐，😏另外就飲青檸味嘅可樂！😝🌕最後MoonMoon都好滿意今次嘅漢堡包餐，可以食到特色漢堡同埋

白蘑菇漢堡好好食，個包好淋好彈，個面少少脆，個肉幾juice ，配埋白菇個口感勁彈勁痴線，下次會再食，白蘑菇漢堡真心推薦。見有人話寧願食M記，就真係啱食M記啦，哈哈哈。

佔地過萬呎「FOODMUSE」隨啟德 Airside 開幕日正式進駐，是次引進 11 間大型星級品牌加盟，更帶來各地多元 化美食務求滿足所有識飲識食之人，其中更包括首次登陸香港的韓國過江龍漢堡專門店 Needs Burger，現可於「FOODMUSE」品嚐獨家其特色自家製漢堡包，而家仲可以用Food Department手機應用程式落單，好方便👍🏻「Needs burger」係一間以漢堡為主打的餐廳，我叫咗兩款招牌漢堡套餐，首先係「招牌漢堡加半份薯條套餐」。漢堡麵包鬆軟，漢堡多汁，加上新鮮的生菜同特製醬汁，每一口都充滿滿足感！薯條炸得金黃酥脆，配上漢堡一齊食，好味～ 「經典芝士漢堡加粟米沙律套餐」。芝士漢堡滿溢著濃郁的芝士味道，肉質鮮嫩多汁，配上香口的麵包，唔錯～ 粟米沙律清爽可口，加埋漢堡一齊享用，好好嘅組合！🍔🍟🌽🥗🌟

🆕啟德新商場AIRSIDE入面有間佔地過萬呎的美食廣場「FOODMUSE」🍽️入面雲集咗1️⃣1️⃣間本地海外美食品牌🌎包括中日台韓等多國菜🇨🇳🇯🇵🇹🇼🇰🇷🇻🇳😌環境整潔, 燈光充足💡💺座位以卡位座為主, 近窗位置仲可以望到街景🏙️📱每張枱上都有個QR code, 方便客人坐喺位就可以落單👌🏻👉🏻下戴「Food Department」APP 就可以用🥳兜完一個圈最終揀咗2間🇰🇷韓國過江龍餐廳：🍔Needs Burger｜今日漢江🍚。Needs Burger。//韓國特色自家製漢堡包//🔸招牌漢堡🍔(單個) $68 6.5/10牛肉漢堡扒｜美式芝士🧀｜煙肉🥓紅洋蔥｜番茄｜生菜｜特製招牌醬🧑🏻‍🍳開放式廚房關係, 可清楚望到即時手製漢堡扒🤚🏻🔥即叫即製, 漢堡扒放上鐵板兩面煎數十秒食材新鮮, 肉質嫩滑juicy🤩😋夾埋番茄🍅,生菜🥬同招牌醬🫙整體感覺好balance😉, 唔會好膩😙🔸招牌漢堡(套餐)🍔 $77 6.5/10+$9 半份薯條🍟｜免費任選汽水🥤🍟薯條粗長身, 新鮮熱辣, 香脆可口～