Neko 熊穴

Open Now

Now Closed

西頁是一個隱世高質小店的集中地，這次我找到了一家日系慢活風格的手打鳥冬店，店內環境以日式為主，進去後感覺非常舒服，可以和朋友一起悠閒地度過一個下午，享受慢活的氛圍。除了日式裝修，原來店內的食材大部分都是從日本進口的原材料，連茶葉都是來自日本茶園的。香煎帶子明太子紫蘇冷自家製鳥冬，這是真正的手打鳥冬！口感有點彈牙，冷鳥冬的口感更清爽，而且帶子使用的是刺身級別的，有三大顆，每一顆都煎得香口可口。店家強調不使用味精和化學調味料，所以能真實地品嚐到食物本身的原味。他們還有一款蘋果蓉焙茶梳打，這款梳打中的蘋果甜味不是一般市面上使用的糖漿，而是真正的蘋果製成的蘋果蓉，甜而不膩。搭配上獨特的焙茶香氣，非常好喝。最貼心的是，這個飲品並沒有加冰卻有冰凍感，喝起來不會越喝越淡。這家店的特色在於提供日系慢活的氛圍和使用高質食材，讓人可以在舒適的環境中品味美食，享受悠閒的時光。如果你喜歡日式料理和慢活風格，這間店絕對是個值得一試的地方。📍Neko 熊穴 (西貢)西貢西貢海傍街2號地下B號舖

係熊穴用餐真係一個非常舒暢既體驗，環境舒適夠寫意，令人身心放鬆和愉悅🤗我點左佢地既招牌菜式——和風班戟搭配香梨紅茶，兩者搭配非常夾👍🏻和風班戟充滿蛋香，而且質地輕盈，入口即化。佢同傳統的班戟不同，融合了和風的風味，令人感受到一種獨特的日本美食文化。夾住紅豆泥和香甜的奶油一齊食，真係好幸福🥰另外香梨紅茶更係一絕。呢杯紅茶散發著濃郁的香梨香氣，口感順滑，微甜中帶點果香，飲完令人感到清新舒爽👅餐廳仲提供左好多不同款式的食品/飲料，例如意粉、烏冬、咖啡、花茶，如果想要享受獨特而美味既一餐，真係要黎試下，相信一定會被這裡深深吸引😍

Weekend最鍾意同男朋友入西貢chill🥰，今日行完海旁之後就揀左呢間熊穴cafe試下，佢啲裝修都好日系慢活嘅感覺，我地都坐得好舒服～☺️呢度主打嘅係手作烏冬，真係舖頭自己親手搓嘅，啲食物全部都無加味精，原材料大部分都來自日本，質素有保證架😋＊＊＊＊＊🦪🍜日本蠔(瀬戶內產)時雨煮 配 魚湯烏冬 $128叫左一個烏冬，佢個魚湯超級鮮甜😍好驚喜，除左有大大隻嘅蠔之外仲有好多小蝦仁同埋一啲菇菌，豐富味蕾😋🐻🥞熊の班戟 $128身位港女緊係要食個烏冬啦，我地叫左呢個熊之烏冬🐻佢好鬆化同有蛋香架！🫖☕伯爵茶 House Blend Earl Grey Tea $68 / head伯爵茶用左一個好精緻嘅茶壺裝，好有儀式感～一壼茶夠我地兩個人坐半個下晝啦～🥰＊＊＊＊＊

西頁有好多隱世高質小店, 平時都好多入去行下放鬆下搵好野食, 今次搵到一間日系慢活風手打鳥冬店, 店內環境風格以日式為主, 入到去既感覺好舒服, 門口位落足心機佈置, 日式裝修, 睇到都好chill, 室內中央位置有張長枱, 四周有幾張細枱, 有塌塌米同一般桌椅; 餐廳主打嘅係手作烏冬, 真係自己親手搓嘅, 店內任何食物都無加任何味精或化學調味, 而幾乎所有原材料來源都係日本. 包括茶葉都係來自日本茶園呀。香煎帶子蝦味噌汁烏冬北海道帶子鮮甜爽彈, 煎香後加在烏冬上, 蝦味噌汁都算突出; 手作烏冬夠哂彈牙, 有口感, 我幾鐘意呢種感覺。法式焦糖班戟新鮮製作, 脆脆嘅焦糖加上原味班戟, 味道香甜, 加上熱情果醬香提子, 非常之夾。「浮」飄浮抹茶鮮奶抹茶鮮奶, 飲得出係日本牛奶味, 幾好飲, 茶香味甜甜地, 抹茶粉舖滿杯面, 夠哂香濃。

💗💗放假之選💗💗環境舒適清靜💗💗店員服務態度好好，坐低後店員會講解佢哋嘅店舖有咩食物同飲品甜品，等你慢慢選擇，食物質數嚟講真心唔錯，烏冬真係好好食，係煙煙靭靭嗰種，啲湯又唔會好濃味蓋過晒啲食物本身味道，味道剛剛好，我覺得佢哋一啲味精都唔會有，因為本人對味精係有敏感，真係讚讚讚👍👍👍飲品嚟講我好鍾意飲佢哋嘅焙茶鮮奶，茶又香，飲落唔會只有鮮奶味，推介推介👏🏻👏🏻👏🏻班戟都好好味👅又唔會好甜，好有質感👍👍👍呢啲小店而家真係小之又小，所以一定會繼續支持。

A Sai Kung semi hidden gem in a chilled corner of the village. stumbled on it after cycling. we had the oyster homemade udon, dark chocolate, geimaicha tea, bear pancake. the udon had texture, soup was flavoursome and felt with real ingredients freshly made. most importantly the pancake was not the usual commercial sweet taste. They were about to close but kindly still accommodated to make us the meal fresh. Yummy homemade food with real ingredients made with heart& passion, super friendly peeps

野食不錯夠用心。氣氛很好，可以享受用餐同美景。食得出全部都係自家製，唔係現成食材嘅味道。新鮮自家製烏冬及所有食物無味精添加。湯好飲到全部飲曬。食飽之後可以係西貢慢慢行享受美景。飲品不錯，抹茶鮮奶值得推薦。烏冬同飲品配搭，食完飲完十分滿足。下次一定會再來食。

新年流流、諗住試新嘢、見佢環境唔錯、打電話去預約、佢哋話留曬位比我哋、仲問我哋幾多個人、我哋話四個大人兩個小朋友點樣計、佢哋就話兩個小朋友可以計一個餐就得。一入到去就勁sell我哋叫special餐、冇諗過啲special set 一叫就額外加要$88蚊或$95因為實體menu冇寫、當時店員亦都冇同我哋講叫呢啲要加幾多錢、實體menu 完全冇寫special set嘅額外價錢。跟住到埋單就話我哋冇睇qr code裏面有寫明要加幾多錢。咁算啦、我哋當自己衰女冇睇、打電話嚟預約就講到明兩點半過後會畀八折我、到埋單時完全就話冇講過🔥老公話完全坐響度食d員工黑口黑面、好聲好氣叫佢哋收咗枱上用過嘅紙巾、個職員見到張紙巾污糟唔肯去掉就指住個洗手間叫我哋自己掉。我老公同佢講你哋都服務好差、最精景個職員話“你地個minimum 都嗌唔到我點會有service？“但係之前佢哋聲稱就話冇minimum。今日年初三我地費事同佢嘈！以後都唔會去、真係萬事如意！

聽日，朋友話要去西貢順道試吓嗰間人氣cafe嘅烏冬同pancake，我就跟住去咗。呢間cafe簡約明亮，坐落喺一個好易錯過嘅角落，但入去之後，個環境幾安樂。🍵首先係烏冬，佢哋個蠔烏冬真係夠晒彈牙，個湯底鮮味十足，蠔仔新鮮冇腥味，仲要夠哂嫩滑。夾埋烏冬一齊食，真係過癮！啱哂要求鮮味嘅食客。個魚白湯烏冬都唔輸蝕，湯底濃郁，仲有滑嘟嘟嘅日式雞肉丸子，正！至於甜品，佢哋嘅pancake就真係令人驚喜喇！🥞 首選係法式焦糖pancake，個焦糖做得啱啱好，冇過火，夠香甜又唔膩，啲脆口感與暖笠笠嘅肉桂蘋果粒搓合得咁好，每一啖都享受到。另一邊廂，和風抹茶pancake雖然抹茶味略輕，但綿軟嘅質感同抹茶醬令人清新提振。總之，食完之後，滿足感滿滿！餐後嘅飲品，熱情果茶同焙茶豆奶都係選擇不錯嘅收尾。特別係嗰熱情果茶，凍飲後㗎啦，好飲又醒神。轉折嚟到呢家cafe，可以話係意外嘅收穫，下次仲想返嚟探索多啲佢哋嘅餐牌。✨

3個人叫左2個烏冬、1個pancake、3杯野飲，盛惠$644烏冬叫左雞肉丸子同蠔烏冬，本身抱住食個熱辣辣烏冬既心態，點知d湯係室溫溫度，啲烏冬係凍嘅，份量亦好小得可憐Pancake口感好黏，個質地好似未熟咁，係出面求其買一盒現成嘅pancake粉，都肯定好食過佢係得3杯野飲比較正路，你收得呢個價錢，唔該比返正常份量同質素比客呀，根本完全唔價呢個價錢食完個肚依然係餓住咁走完全唔明白 佢既好評究竟係邊度黎🤭

我係一個唔點寫食評嘅人，但今次真心忍唔住要寫一次 將近聖誕節，夜晚男友幫我慶祝生日,由於近期特別想食日本烏冬，因此上網搜尋了一下，搜到了這家西貢小店小店位置還可以，落車沿住海邊一直行7分鐘。 室內空間闊落，佈置好似日本小店，仲有户外位可以望海。因為同行友人不能食海鮮，因此點了牛舌芯兩食烏冬，all day pancakes ，冇點佢哋嘅出名菜式日本蠔魚湯烏冬。 味道方面,烏冬非常滑溜，牛舌軟嫩無筋，連平時唔鍾意食牛舌嘅朋友都話好好食。牛汁好香濃，但無落味精，一次試晒冷熱沾烏冬。侍應亦會向我們講解，感受到廚師十分用心。飲品都好正，我杯特濃法國黑朱古力上面有隻小雪人，好可愛又好味，侍應特登拎個碟仔俾我放住小雪人，論盡嘅我感到服務非常貼心。係一間咁平凡嘅小店，有咁好食物飲品質素同服務，感動我呢個好少寫食評嘅人寫食評。繼續努力💪🏻

親戚一家由外國返嚟，帶佢哋行下香港後花園-西貢，佢哋都好鐘意呢度好似外國咁郊外好chill我做定資訊邊度有特式好食又環境舒服，特登打去訂定位，驚假日多人無位🫣原來有冬日限定推出👏🏻👏🏻睇相已經覺得吸引我哋食咗呢度嘅signature udon魚白湯烏冬+雞肉丸串，食得出全部都係自家製，唔係現成食材嘅味道😋魚白湯creamy感覺好自然，無味精所以飲晒👏🏻之後仲叫咗個pancake 做甜品 Bear’s Pancake我哋全部都好鐘意食，因為班㦸有蛋香+茶香口感鬆軟👍🏻自己屋企做開麵包嘅親戚都讚，佢話班戟發酵得好好，整個甜品看似簡單但係食得出功夫同心機❤️我就最鐘意杯Matcha latte💝抹茶味同奶香剛剛好，好平衡，奶泡打得香滑😍我忍唔住飲多杯！（因為太少機會過嚟😌）整體坐得好舒服，唔會感覺好侷促，會從環境佈置去到食物飲品都係高質小店👍🏻親戚大讚我揀得好😝話今次返嚟香港好難忘

黎到Pawsitive隔離既呢間日式藍白色門面既Cafe 同隔離既橙色相當唔同🤓 行入店內會有種去左日本家庭式餐廳好cozy既感覺😊 呢度中間有一張大長枱, 一邊係Tatami位, 另一邊就係普通二人位, 中間會有麻布隔住, 最角落既位置有個溫馨既圓枱tatami位😌 呢度既食物基本上都係自家製, 另外飲品會有各式既唔本茶類同特飲😙熊の班戟🥞($128)煙韌得黎茶味濃既紅茶蘋果班戟配上自家製糖漬蘋果,忌廉, 杏仁片,蜜糖成個配搭好清爽, 食完唔會有飽膩感😙蘋果蓉焙茶梳打🍹($68)焙茶底配上自家製既蘋果蓉, 成杯都係無添加, 所以茶味會偏濃同埋唔甜, 個人覺得蘋果既酸甜已經好足夠, 所以冇再額外加糖☺️特上玉芽🍵($68)茶味濃郁, 重覆沖泡都仲有茶味既甘甜, 飲完暖笠笠又可以幫助消化😌除左室內既座位, 行到最入仲可以去到後門既位置會有兩張望海既位, 吹住涼風望住個海真係幾寫意😉

兩個人叫咗兩個唔同嘅班戟同埋兩杯飲品加埋四百幾蚊找數，首先環境同食物質素一啲都唔值呢個價錢。 環境唔係話好差，但係都唔係話好到可以收人哋百幾蚊一個pancake，另外食物質素方面亦都唔可以係呢個價錢，其實係好普通嘅味道，同我自己喺屋企用pancake粉開嚟煎嘅pancake分別唔係太大，而且份量亦都好細， 飲品叫咗一杯綠茶latte 佢有兩個size已經叫咗大個杯，但係都屬於細杯。 另外仲有一個花茶唔係特別好飲，唔係好香。 店員好殷勤介紹食物，其實覺得佢有啲長氣咗，可能因為冇生意想殷勤啲留住客人，簡單問佢間鋪開咗幾耐，佢就順勢呻話生意差，現在西貢人流不如以疫情時，其實我可以比到答案佢，佢呢個價錢，其實食完再會返嚟再食嘅人一定好少，所以佢生意會差。 我覺得佢呢啲食物水平和地方可以收最多$89一個tea set 餐連埋嘢飲。咁樣嘅話可能會多番啲人，佢仲要有+1服務費。

趁住結婚週年紀念👩🏻‍❤️‍👨🏻難得兩口子入西貢staycation 一下。而家好少機會出街約會食好西，要上網做定功課準備，因為老公身體狀況唔好，出街要小心選擇飲食❣️上網搵到呢間係新鮮自家製烏冬及所有食物無味精添加😳（心中都懷疑，市面好多聲稱冇味精添加，但係一食就知道並唔係）不過，西貢食品選擇都幾有限，唯有放膽一試。裝修環境果然同網上見到嘅一樣，好日式清新，打理整潔。入座時員工都有serve我哋，細心介紹Menu同是日Special 菜式💝我哋一開始叫咗兩個烏冬lunch set,今日涼涼地，我哋都叫咗佢地出名嘅魚白湯烏冬🍁（心知煮湯係好花工夫🤭）老公好欣賞呢個其間限定日本汁煮蠔👍🏻👍🏻好鮮甜好肥美，一食就知係日本蠔😍我當然試佢地個主打，自家製雞肉丸配魚白湯烏冬👍🏻👍🏻👍🏻食得出唔係用泰國雞，無雞臊味烏冬口感好，有麵粉香亦好滑😊魚白湯濃厚，用足料熬湯👍🏻食完烏冬好開胃🤤可以食埋甜品班㦸有好多選擇，揀咗呢個有蘋果嘅班㦸班㦸係自家發酵，見班戟表面有一圈圈烤烘，平時既現成班戟係唔會有，食落有茶香，唔會好甜，質感亦不鬆散👍🏻👍🏻👍🏻後紀： 每個lunch set大約$1xx，份量以輕食Cafe嚟