Neko 熊穴

Open Now

Now Closed

打風天的日子留家最安全！這個時候分享美食會不會太過分呢哈哈。倒帶分享六月於西貢Neko 熊穴品嚐的超正手打烏冬和靚茶，那份渡假的感覺真的令我非常回味。這間小店由阿Leigh同阿魚兩位年青人慢活經營，當中最吸引我絕對是自家製的手打烏冬，就是這份心思已經值得我老遠去捧場。店內裝潢以日系小清新作主調簡單得來好舒服，有種與世無爭的慢活感覺好寫意。店主從日本茶園直接入手茶葉選擇非常多，喜歡品茶的朋友來到定會滿足而歸。熊穴是間寵物友善的餐廳！貓貓可選室內用餐區，而狗狗也可於海邊戶外雅座享受日光浴，可惜那天滂沱大雨未能碰上可愛小毛孩。我跟車爸爸每人選上一款烏冬來分享，另外選擇套餐便可免費或加錢享用特色茶飲。我選了上焙茶$68套餐價只需補回$20差價便可！喜歡它是沒有咖啡因的焙茶適合關注血壓的我，晶瑩剔透帶上琥珀金黃的茶色好亮麗，呷一口甘甜韻味芬芳濃郁不苦澀，透著絲絲焙火暖香口感清雅柔美。抹茶鮮奶原價$48是點選套餐送贈的！選用日本抹茶及日本明治鮮奶來泡製，口感香滑之餘充斥甘醇抹茶及奶香，抹茶控必定會喜歡這杯Matcha Latte。烏冬由醬汁、湯底以致麵條也是店主親手自家製作！車爸爸原本想點魚白湯烏

呢个星期六，见到呢间好似好日式，谂住试下，一行三人，两个大人，一个小朋友，叫完野食，咁同小朋友玩左一阵，点知有个短头发既人话叫我地唔好嘈，佢做唔到野，跟住我地全程都唔敢再讲野，怕嘈到佢又系厨房发脾气，掉野，C9 跟住d野食黎左，普通野，唔值呢个价钱，呢间野真系一次都唔驶再食，冇下次，临走时，有另一pair带住小朋友既都比佢叫佢小朋友唔好嘈，短发个个人话佢唔嘈得，我提议下次系门口可以写明几岁楼下不招待会好d

早幾日帶小毛孩去西貢剪毛，等候期間搵個地方坐吓食吓嘢先～咁啱行過見到呢一間餐廳裝修好清新好日式～好似都幾relax咁，入到去發現仲有榻榻木坐，唔錯喎。我哋叫咗呢個雞肉丸嘅手打烏冬同埋朱古力pancake。果然係手打烏冬，質感同外面好唔同，軟硬適中，同埋仲有個湯底都好清，配搭上嚟都幾好。

唔好成日話香港人好鐘意投訴，而家咁多人返大6飲食因為物價同服務都雙輸，但係依然有班唔會返大陸嘅香港人係要食嘢嘅，有人黎食都唔做好自身或者諗啲計仔，口卑只會越來越差。我以前食過呢間餐廳，食物都幾好，但今次真係令我好失望。大約11:00，餐廳只有一張枱有客，我仲未坐低，竟然有對情侶打我尖。我當時帶住兩歲嘅小朋友，站喺餐廳門口（即係已經企係餐廳入面），打尖..根本可以問下我先。然後，店員過嚟見到我，問幾位，我話係兩位（我同我小朋友），跟住佢竟然問我小朋友係唔係食固體食物，我答係，佢就唔客氣咁話：「咁你哋要叫人頭餐，一人一份。」佢個語氣好唔客氣，真係令我好失望。最後，我真係忍唔住，攞低菜單，轉頭走咗。我想講，唔管呢間餐廳食物幾好食，如果服務態度咁差，真係唔值得再光顧。對顧客咁冷漠又無禮，真係唔知佢哋仲做唔做餐飲業。真係，如果佢哋想繼續做生意，不如換行業做啲粗暴嘅咖哩牛腩麵，佢呢啲服務態度就好啱洗。最後，我即刻轉去隔離間cafe食（係小朋友/寵物友善嘅），有位，店員又友善，仲同我小朋友玩，嗰個反差真係好大！

又到西貢閒逛，繞了一圈之後找到這間熊穴。室內環境很寧靜，擺設也很隨意，令人感覺舒適。店主是兩位年青人，跟她們閒談才知道兩人為自製烏冬特地到日本學藝。烏冬順滑且彈牙，醬汁微甜帶蝦香確有日式風情。魚白湯的魚味真的是頂呱呱，個人感覺是西式風格的魚湯，魚白湯不但白如牛奶還充滿魚脂香與平常的魚湯各有風味，好奇下向店主取經，才得知魚白湯是以比目魚的骨熬製而成，雞肉丸也十分鬆軟，完美執行光盤行動。士多啤梨乳酪是樓面店主的誠意推介，乳酪不但顏色吸引，味道也是清新舒爽，甜中帶微酸，富自然香氣。西貢有很多售賣咖啡售的小店，因此店主放棄咖啡，轉以日本茶品作主打。焙茶鮮奶的茶味香得不得了，入口非常絲滑，證明店主以茶代啡的決定是正確的。與店主閒談間更送我們從日本買回來的果子，十分友善。

熊穴已開了一段時間，識食既小衆都可能留意到呢間小店。出名嘅有抹茶（個人推介第一次試吓佢既抹茶鮮奶）。另外，意粉亦好有水準、心機之作。早前幫襯此店態度良好，亦吾催客人，可慢慢再坐一會，適合過一悠閑lunch / tea 1 tea。

一直都喜歡去西貢的海邊cafe 而這日式茶房店的日式裝修環境亦十分寧靜舒服和開揚 十分chill老闆指店內食物都沒有加任何味精或化學調味而且幾乎所有原材料來源都是來自日本🇯🇵🧡香煎帶子明太子紫蘇冷手打烏冬烏冬全人手製作 帶子亦煎得香口 而且非常新鮮質感彈牙🧡意大利金橙抹茶梳打 茶葉來至日本茶園，滿滿茶香配搭金橙味道很清新

趁放假同男朋友去咗西貢享受慢活嘅一天☁️位於西貢嘅日式茶房環境好chill，即刻有種去咗旅行嘅感覺✈️✅柚子鰹魚高湯蜆肉手打烏冬 呢度仲有我最鍾意嘅手打烏冬，烏冬口感煙靭，配搭柚子鰹魚高湯味道清新，好適合夏天悶熱嘅天氣食🍜✅蟹肉蟹味噌冷麵冷麵擺盤非常精美充滿儀式感🤩蟹肉鮮甜配搭味噌口味更開胃🤤✅近江玉露 茶味清幽🍵茶味唔會太濃厚，符合大眾口味📍Neko 熊穴 (西貢)西貢西貢海傍街2號地下B號舖

最近阿公又需要解思鄉(日本)之念🤭周圍搵下邊到有食日式嘢又可以Chill下嘅舖頭過咗嚟西貢 比阿公見到好嘢😝其實呢度確實有D隱世feel嘅但勝在清幽 環境真係超舒服重點係主打手作烏冬🍜同Pancake🥞完全配合返環境😉今日就食咗 柚子鰹魚高湯蜆肉烏冬仲有 金橙抹茶梳打食得出係真材實料嘅味道🤣清清淡淡以解日本思鄉之情🤭飲品好特別 果茶味配梳打 既可以有茶香留喺口腔又有梳打刺激感 一舉兩得🤩嗱！阿公教落嚟呢度唔使怕地震😆想休息下叉個電要快啲嚟試下啦

如果想來西貢chill一chill的朋友 一定要試試這間在海邊的Cafe坐在海邊品著茶和小食 十分享受而且cafe滿滿日式風格 非常適合打卡💕香煎帶子明太子紫蘇冷手打烏冬這烏冬十分推薦 烏冬全人手搓和製作 而且原材料是來自日本難怪口感十分堅韌彈牙💕近江玉露 茶葉來自日本🇯🇵茶園 一口烏冬一口玉露看著海邊 完全是一個慢活的節奏

今次嚟到一間西貢嘅日式茶房可以過吓慢活嘅小週末我就點咗一份香煎帶子蝦味噌汁手打烏冬加杯午後紅茶個烏冬煙靭彈牙質地比較爽身唔會黐牙帶子係來自北海道係刺身級別嘅帶子兩邊都煎到金黃色而且仲保持到鮮味加上蕃茄蝦味噌汁超級開胃我一個女仔食晒成份超級滋味☺️紅茶嘅器皿就好精緻茶味甘香飲完令個胃冇咁滯坐喺度食嘢，真係好Chill好舒服

今日係西貢潛完水就自己去食飯，網上見呢間餐廳主打手作烏冬同pancake，而且全部食物都無加味精或者化學成分，咁就去試試😆 今日得一個人試唔到咁多嘢，就咁叫咗個卡邦尼冷烏冬同士多啤梨乳酪🤣▫️卡邦尼冷烏冬 烏冬係自家製，食落彈牙煙韌😍而卡邦尼嘅煙肉呢度就用上Parma Ham，令成道菜更高級！夏日炎炎食返個冷烏冬真係夠曬爽❄️▫️士多啤梨乳酪清新又好味！飲品無添加糖，啖啖都係士多啤梨嘅天然香甜味🍓簡單無添加嘅食物都可以好好食！不得不提餐廳採用日式裝修，環境靚又坐得舒服，啱曬放假過嚟chill吓！

夏天就係要去西貢遊山玩水, 而西貢市中心近幾年開左唔少cafe, 都係好好比自己充電休息既地方。哩度環境好靚, 有日光再加整個日式感覺, 仲有塌塌米坐, 好鬼chill!餐廳主打食物無添加味精, 食物原材料大部分來自日本, 連今次食個卡邦尼冷烏冬, 個烏冬都係佢地自己製作手搓, 真係誠意之作。烏冬彈牙煙韌, 使用PARMA HAM, 咸香又更有高級感, 加埋明太子，配搭蛋汁味道已經好好味。士多啤梨乳酪非常濃厚, 口感係我中意既濃稠, 士多啤梨香甜味道天然, 完全唔覺得甜膩。係哩度食野就係有種簡單純粹既感覺。

最近天氣都唔錯 同朋友專登入西貢行吓，見到呢間餐廳喺海旁邊裝修有幾靚環境望落都好舒服😌就入去試吓天氣熱，我揀咗個柚子鰹魚高湯蜆肉手打烏冬，柚子清爽 鰹魚湯清甜 加上蜆肉嘅甜味 真係好啱呢個天氣食！同店員傾咗幾句，佢話佢哋嘅烏冬全部都係自己手作 親手搓嘅，呢個湯完全冇加任何味精 就係好豐富嘅鰹魚同埋蜆肉味道 👅 唔怪得知雖然材料好似好簡單，但其實食物味道已經好豐富。佢哋嘅鰹魚仲係來自日本㗎😍😍飲品我就叫咗意大利金橙抹茶梳打，抹茶味超級濃 係來自日本既茶園，店主精心挑選過既。呢間餐廳環境真係幾靚，連啲餐具都好精緻 食物好食 又坐得舒服，唔錯！

Weekends去咗西貢玩，之後緊係要揾返間cafe chill吓喇～ 今次就去咗朋友推薦嘅一間茶房《Neko熊穴》💗 呢度環境都好靚好日式，有櫈亦有塌塌米坐～ 店內所有食物都無加任何味精或化學調味，而且幾乎所有原材料來源都係日本㗎🇯🇵🍜 香煎帶子蝦味噌汁烏冬我叫咗個帶子烏冬，佢有三隻好大粒好飽滿嘅帶子，同蝦味嘅烏冬一樣超有鮮味😋 味噌汁烏冬鹹香得宜，烏冬仲係廚師自己親手搓㗎😍 而且擺盤都好靚☺️ 🍵 午後紅茶老闆話佢哋嘅全部茶葉都係嚟自日本茶園，緊係要叫返壼嚟試！紅茶以茶壺煲上枱，可以自己沖出嚟慢慢嘆足全日，chill舒服🥰📍Neko 熊穴 (西貢)西貢西貢海傍街2號地下B號舖