Neko 熊穴

Open Now

Now Closed

經過西貢見新開餐廳食日式料理，裝修好日式好靚，咁入去試下，雞肉丸子魚湯烏冬….價錢唔平，滿心期望，點知好失望…串肉丸ok… 果湯底冇乜鰹魚味好水….之後試卡邦尼烏冬我本身好鍾意卡邦尼，食完之後我會選擇食返卡邦尼意粉，因為果烏冬有啲黏住，食落去覺得意粉好食啲，最主要味道同外面普通西式卡邦尼冇乜分別，但配烏冬真係冇乜驚喜..甜品抹茶班戟Ok 冇乜特別，叫做比較滿意另外2個老人家態度就好有禮貌，呢度值得一讚，但廚房短髮話事態度就麻麻…裝修係靚，但食物就….唔會有嘢吸引我去第二次

今日星期日入西貢，所有餐廳都要大排長龍，見到呢間cafe 幾靚，就諗住排下隊都照食，點知排完入去，掃QR code 時才發現，8成食物已賣完，但因為實在唔想再搵另一間餐廳再排，諗住隨便叫兩個餐，兩杯野飲就算，烏冬只有蝦的那款，跟一位年長既店員溝通我們有人不可以食蝦，想轉其他汁之類，那位店員好像完全聽不明白我們的查詢，來來回回後我們決定放棄，因為咸點只有這款，無可奈何地照叫，但等了很耐一碟凍冰冰既烏冬才上場，其他食物，半小時都未上到枱，再問店員，原來所有食物都留單，一片混亂，好難再叫人再幫襯。

黎西貢一定要揾小店食先有旅行渡假的感覺。行到呢間店門前，見到有啲日本入温泉時嘅小石頭，即刻被吸睛👀👀入到去仲靚，有個日本🇯🇵和風佈置，影下相有種渡假的感覺☺️☺️☺️🧡魚白湯烏冬配日式雞肉丸子 $108我好鍾意食串燒咁嘅雞肉丸子🍢入口軟冧，唔似平時肉丸禁硬同實。魚湯好好飲，唔會係味精湯，有濃郁魚香味🐟🐟🐟烏冬彈牙，就算放咗一陣都唔會冧唒🧡法式焦糖班戟 $88班戟上面同焦糖布甸🍮一樣，一入口焦糖部分脆卜卜，班戟鬆軟，口感有強烈對比🧡煎茶玄米茶鮮奶 $36雖然細細一杯，但好足料味道濃。下次要試其他口味

一間日式佈置令人很舒服的地方。廚師很厲害，愛自家製的食物。焦糖班戟好特別，有一層脆脆焦糖在面加上自家製士多啤梨漿，有鮮芒果及cream，很好味。仲有自家製烏冬，好有口感，值得再去。

這是一間環境很舒適的日式餐廳，廚師好勁架，班戟的士多啤梨汁及烏冬都是自家製架，好好味！店主介紹我飲的烘焙茶鮮奶好好飲，好正，很值得再去。焦糖班戟好特別，有小小焦糖在面，脆脆地，加上自家製士多啤梨汁、芒果及cream好特別又美味。

從來唔寫食評嘅我 就係為咗報答店主嘅一份心意第一次學人寫下食評點解要報答兩個字 原因係我呢間小店搵到一份久違了的溫柔 由簡潔日系嘅裝修到店員甜美溫馨嘅笑容還有出色嘅食物 呢一切一切係今時今日真係來得不簡單 食物方面我揀咗蕃茄帶子烏冬 隔離嗰個揀咗魚湯雞肉丸烏冬 不太喜歡烏冬嘅我第一次感受到原來烏冬都可以咁出神入化 蕃茄配襯烏冬原來可以咁夾而佢哋嘅魚湯一試就知道係用心製作 分量方面剛剛好仲可以食多個pancake做甜品🤣總括嚟講呢度帶俾我一份溫度 溫入心嘅感覺 令人想念🌈

上次係星期六嚟所以好多人 今次平日嚟少d人 感覺寜靜舒服 適合嚟慢慢食揀左個tatami位 可以望到風景❤️上次試左抹茶鮮奶 好好飲 臨走時店員傾偈推薦下次試煎茶玄米茶鮮奶🌱果然值得一試👍🏻👍🏻👍🏻聞落煎米味好香 好飲同驚喜過抹茶🍵因為出面少d有 下次想試埋焙茶鮮奶🥰🌱和風抹茶班㦸 店員解説班㦸用左宇治抹茶粉 茶味夠香👍🏻 不過鐘意食紅豆嘅我 要求店員多給些紅豆😆店員都好nice 好好傾🌱卡邦尼烏冬 去到邊都鐘意食Carbonara 嘅我 又點會唔試吓😎 個調味唔錯👍🏻👍🏻烏冬滑過意粉🍝好味

見到烏冬已經好想試，重要係卡邦尼，兩個至愛食品咁一定要試啦 😃 餐廳主要係烏冬&班戟為主，加上日系的裝修，係一個放鬆的好地方 🤗-🍜 卡邦尼烏冬卡邦尼意粉食得多今次係烏冬呀，配料有車尼茄、煙肉、洋蔥、菇、鰹魚味噌汁，整體上不錯，但溫泉蛋有少少失望，熟了少少流不到心 😬-🥞 和風抹茶班戟班戟係比較薄身的，但都好鬆軟 ❤️ ，配料有紅豆蓉、忌廉、綠茶粉、綠茶醬、黑蜜，綠茶味好夠唔太甜 -🐱 7/10

星期六同女朋友入咗西貢玩，行過見到呢間餐廳，入到成個感覺都好舒服，我同女朋友就叫咗個意粉同埋一個綠茶pancake，真心好食尤其是個意粉，味道同意粉都整得啱啱好。下次入西貢都一定會去食。

上次經過，見到裝修好有心思已mark低，今日放假就嚟呢度搵野食Chill下。原來除咗室內位置，仲有户外位置可以望海😍吹下海風好舒服，下次我可以帶埋🐶狗嚟坐今次坐左入面影下靚相先🙉主打新鮮烏冬🤨之前係九龍食過一間都係新鮮烏冬，想試下有咩分別。. 魚湯烏冬 $108佢個魚湯味道唔錯既，個湯飲落都好舒服，有濃郁魚味，creamy口感🥰雞肉丸子配了兩款醬係面，好似係梅子酸酸地同另一個少少芥辣味，吊下味幾特出😎烏冬- 稻庭烏冬類型，爽滑煙韌，新鮮同平時超市買係有啲分別. 法式焦糖班㦸 $88班戟上面燒左焦糖面，外脆內軟幾特別，估佢唔到😜士多啤梨醬食落唔似現成買，有Heart👍🏻👍🏻下次再試其他

嗰日行過見佢門面幾靚 menu幾岩口味就入去點知就中伏 非常GG當日我叫左All Day Pan-feast、卡邦尼烏冬、一壺茶、熱朱古力同和風抹茶班㦸 心諗佢地signature 應該值得一試 點知…1. All Day Pan-feast $118班戟啲粉仲未融 食落又冇蛋味 總之出面買既班戟粉一定好食過佢菇食落好fresh fresh到冇煮熟過 出面門口仲見到佢用緊咩既包裝 放心唔係日本小蕃茄、煙肉同蛋就正常 冇咩味咁 溫既 但唔熱2.卡邦尼烏冬 $88味道就一般啦 但又係溫溫地偏凍而隻蛋係偏熟 唔好期待有蛋汁流出黎3.煎茶玄米茶 $68 第一壺沖啲茶都冇咩味 但有啲overprice4.熱朱 $48 正常既5. 和風抹茶班戟 $88如上面既班戟一樣 係好少少既 就係加左綠茶味 咁囉總結：期望愈大 失望愈大本身偷偷地幫朋友慶生 佢食左幾啖我都898有位中性小小既後生員工態度有待改善價錢就五樣野 $451 又凍又餓番個肚出去咁囉值唔值個價 就見人見至啦

路過見到小店cafe 有tatami 坐，好有趣，可能因為唔喺大街所以唔full, 反而有幾分清靜，我哋決定試試。店員話新開，menu食物選擇唔多，得烏冬同pancake。揀咗日式抹茶pancake, 有紅豆蓉/忌廉/綠茶粉/綠茶醬/黑蜜，食落綠茶味好夠同唔甜，雖然係薄身pancake 都做到鬆軟 唔錯。2人share 1壺玄米煎茶，玄米同煎茶味都幾香濃。好欣賞小店的佈置，全是真植物同鮮花，連個洗手間都好有日本感覺，超乾淨!喺11度嘅時候 嘆個溫暖下午茶真係好滿足。