初心 (旺角中心第一座)

Open Now

Now Closed

#支持良心餐廳仙草大滿足 （仙草、芋圓、小丸子、珍珠、紅豆、芋泥）$42終於食到了😭 之前每次見條隊咁長都無等 不過睇鋪面已經知佢地黄到發金叫左仙草大滿足但走左珍珠😂因為我麻麻 所以其他料相對比多啲我😍 佢個芋泥唔甜架 向好嘅方面諗係佢冇點加糖～不過當然唔可以expect好似台灣芋頭咁好食 但我覺得已經好唔錯！之後芋圓好煙銀！雖然芋頭味唔係好濃 但我呢啲煙銀控都表示好收貨 小丸子都有啲咬口㗎唔係hea 仲有紅豆同仙草嘅份量真係好多！我同朋友一人叫咗一碗食係真係飽到上心口😂建議大家都係share好最後，老土啲都想講返句，毋忘初心💪🏼無論呢刻嘅你做緊咩都好 要加油！

去到旺中就見到呢間鋪頭成個場都係連儂牆💛發哂光咁梗係要入去飲返杯飲品配一款配料包括豆花，珍珠，紅豆，仙草或者芋圓😊皇家厚烏龍茶味適中，但飲落去係幾香而奶就係稀身啲嘅，不過整體上飲落又唔會好差而配料就揀咗小芋圓，雖然影落去同珍珠嘅顏色差唔多😂不過信yumyum係芋圓黎嫁！芋圓size同珍珠差唔多,所以可以直接咁飲落去😉口感都煙軔，而且仲有芋香味，都唔錯整體黎講都幾抵飲$25就有一大杯☝️行過嘅朋友仔可以試下啦

旺中好多好嘢食係人都知😍今次黎左呢間初心 揀左自選1款糖水底 2款配料 同包埋既芋圓😏 我地揀左豆腐花底 小丸子同仙草 $28先講主角芋圓 煙韌且大粒 好夠味🤓 小丸子都好多粒又彈牙😬豆腐花就偏為硬左啲 仙草我就吾知 因為係👦🏽既🈯️定配料🙊下次想試埋啲飲品🤤

之前見到有人介紹即管去試下😉 佢系旺中的一間小店 只有企位🧐 今次就叫左自選款 要左牛乳底+紅豆+小丸子+芋圓🤪原本冇特別期望 但點左有驚喜！首先個牛奶底吾會太甜 奶味好濃👍🏻 小丸子硬度啱啱好 夠軟糯 吾會好粉😋 同埋芋圓真係食得出芋頭同地瓜的味 有落足原材料🥰 但就稍嫌有小小略硬 未系太入心 可能系有70%煙韌咁上下😂 個紅豆都一樣未煲到爛大部份都仲系原粒 如果可以啱啱起沙溝埋牛奶地會更好食! 可能我今日兩點幾去都偏早🤭 但我覺得起碼深水埗其他地方都有芋圓食 好開心！吾洗淨系食死個啲嘛 所以大家都可以試呀😌

●仙草1號($24)●旺中開咗一間新嘅小食店 今次係主打台式小食嘅！有仙草、芋圓等等嘅特製飲品及甜品試咗個仙草1號👅有仙草，蕃薯圓，芋圓都幾好食嘅芋圓同蕃薯圓Q彈有咬口 但芋頭味同埋蕃薯味就唔夠突出仙草調味都唔會太甜 當飯後甜品食亦都唔會太漏著校服或者出是全日制學生證仲有三蚊優惠添 大家經過可以試下👍💭💭💭好味(6.5/⑩)抵食 (7.5/⑩)💭💭💭

位於旺中連接T.O.P附近轉角位一間新港式。台式飲品店。店內環境都幾舒服，店裏面裝修以蒂凡尼藍綠加粉紅色同白色為主，有少少植物做裝飾，仲有位可以企係度放底飲品休息下，感覺都幾relax。雖然佢係有好多飲品，一般茶飲店既野飲佢都有。但每日一杯啡係我既習慣所以都係買左一杯啡黎飲，可以。可以選少甜、半甜同走甜。因為新開，佢仲比左張$5優惠卷可以下次用佢仲有台式甜品芋圓個d,可以下次試下佢地話遲d仲會推出其他小食同季節飲品，咁就拭目以待啦