新森林焗之專門店 (Closed)

今天到佐敦裕華國貨買完東西已是二時許，於是便到了對面街的新森林吃一個下午茶餐。抵達後，雖然已是二時三十分，但顧客仍是很多。幸好我們找到了一張二人枱。森林雜扒意粉先上枱，看起來非常豐富。彈牙的意粉上有脆脆的一塊炸魚、一條稍鹹的香腸、一塊薄豬漢堡、粟米、西蘭花和一塊美味又淋的大豬扒。這碟加了燒汁的意粉令人滿意。跟餐點的熱蜂蜜個人認為太甜了！新森林主打焗飯，芝士蕃茄焗鹹牛脷飯一定不會令人失望！鹹牛脷非常淋滑，配了濃濃的芝士和多汁美味的蕃笳。現今香港能吃到牛脷的地方已不多，值得一讚的就是新森林仍然提供此食物。餐後來一杯熱杏仁露（喜歡喝甜的便要自己加糖）真是令人滿足。

新森林近排推出咗個火鍋套餐，見咁抵即刻去試吓先，$68蚊嘅戀の湯鍋火鍋套餐除咗套餐配料，仲可以加錢配蜆同蠔架，一嚟到見到鍋底已經好多料啦，滿到爆呀湯底揀咗個椰子雞湯同赤蝦味噌湯，個椰子雞湯湯底好濃椰子味，勁鮮甜，仲好足料呀赤蝦味噌湯都好正，聽姐姐講話都係用豬骨熬㗎，夠哂誠意火鍋套餐每個都配唔同配料，有農場走地雞或者加拿大雪花肥牛，個雞好滑，完全無雪味，一口咬嗰吓驚艷咗，仲個流心年糕，仲有主食配架，可以揀烏冬公或韓粉絲等望吓餐牌，其他小食都係加十幾蚊就有，忍唔住加吓加吓加到成枱嘢食，仲整多杯特飲，好正，每人都係100蚊左右啦，飽到捧住個肚走呀

夜晚八點見隔離間鋪頭好多人排隊，呢間野冇乜人，個人懶就走咗入嚟食，兩個人坐兩人枱，落完單，個應該係老闆嘅阿叔係都要我地轉去入面張枱，而嗰張枱係有個櫃係頭頂會頂到個頭，我哋唔轉，就叫我將我哋嘅袋擺好啲，我哋都照做，但係佢可能嫌我哋都係擺得唔好，就叫我地再調位重點係已經八點幾佢間野係冇乜人，做乜要我調黎調去？而就算調咗，佢嗰度前後枱之間條那隙係冇辦法坐到兩枱人背對背坐，根本幫唔到佢坐多啲客而重點中嘅重點，係我係一個已經有左七個月嘅大肚婆，做乜要個大肚婆調來調去？人哋唔肯都仲要逼人講黎講去佢都要我調位，而且語氣好差今次我快過我老公發脾氣我就話：得啦我去第二間食啦！起身就走阿叔就話：俾張四人枱你都唔滿意我：唔使啦唔該阿叔：已經落左單咁點算其實張單都未比廚房，你係咪撕咗張單囉我走咗你咪大把位俾你嚟緊啲客坐囉，如果有客嘅話唔好意思，未食我已經走咗喇，話唔到俾大家聽啲嘢好唔好食

見食評不錯，今日第一次幫襯早餐。食物一般，價格可接受，但最最最差既係服務態度，完全不知所謂！首先我一坐低，已經見到有個服務員阿叔對每一個推門入黎但無位既客人態度好差咁講：無位呀！然後好不幸我舉手叫人落單，佢行左過黎，態度好差咁問我食咩，我就話要指住餐牌上話：「要呢個餐呀唔該，要雪茶肉絲粉，飲凍檸茶」佢零回應左幾秒，突然勁大聲唔好老脾咁問我：「咁配咩呀小姐？！」之後我就忍唔住話岩岩已經講左要肉絲米，但佢又話另外仲有得揀配咩，咁我唔知原來腸仔蛋果d仲可以另配其他野，其實佢好聲好氣問一句就ok, 唔需要態度咁差架！之後佢又好大聲咁問我飲咩😑我咪話講左飲凍檸茶囉😤我朋友都幫口出聲話岩岩咪講左囉⋯然後個阿叔仲怒睥我朋友😤😤最搞野係個阿叔之後對其他客人既態度勁nice🙄真係好不知所謂！一定無下次！

曾經很喜歡黎食佢既焗飯，但經不起時間既洗禮，水準越來越差，所以分手收場。今日再路經此店，發現有早餐供應，懷著念舊情意，再次步入呢間店。沒有期望，反而有意外收獲。跟餐既奶油脆豬，比翠X更為好食。包很脆，咬落卡卡聲，喜歡佢係用豬仔包，咁先會有呢種口感。曾經X華都係用呢隻包，但後來改左用麥包，口感相距八千里遠。幸好，我又揾返呢款奶油脆豬，另我重新愛上黎呢到覓食。仿鮑片火腿通，可以接受，通粉不算太腍但彈牙感欠俸，仿鮑片絲略為切得太糼身。奶茶滑度一般，沒有我喜歡既苦中帶回甘既味道。同埋，點解奶茶用紙杯盛載既？另外加$4叫多件炸薯餅，新鮮即炸，很燙口發現餐廳多左好多款式食品有素食焗飯啊，阿媽，你又有可以黎試啦環境一般，不過尚算整齊清潔。做唔到義工都幫手推下先埋單$30唯一唔明點解所有調味料都用獨立包裝，又浪費又唔環保

係網上見到新森林新出左一人一鍋,呢排天氣凍左,咁就去食下啦邊估到焗飯專門店最近都搞新意，推出一人鍋物系列去到,其實地方都比較細同埋都比較迫好彩唔駛等位想食一人一鍋,咁就叫黎試下啦一行2人就叫2個鍋試下啦今次就叫左以下呢2款~~~蕃茄魚湯海鮮鍋~~~安格斯肥牛帆立貝雜菜湯鍋仲可以配烏冬,如果唔夠仲可以加錢再要但比較失望,我覺得個魚湯比較淡,唔夠濃蕃茄味都唔夠味,淡左D但居然飲品唔差喎,叫左凍檸茶,茶味好夠,出奇好味

之前外賣下午茶有85折，今日叫之前問左話有......點知返黎睇張單，分開兩張，大部份冇折，話已經特價左......我真系太天真了.....見到1月29日人地post出黎29蚊，依家30仲話系特價左.....蠢左.哈哈. D野食太heavy,岩男人食多d.味道中規中矩.冇咩服務可言，間間都甘上下，冇咩特別.

午後放飯時，氣溫只有九度又有微雨，令我感到又餓又冷，冒要儘快搵食。剛好路過新森林，平日門外都擠滿人，也許已過了午市繁忙時間，既然不必等位便進去了。以往也去過其他分店吃早餐，感覺一般，故從來沒打算再幫趁。今日實在很冷，想增加熱量來禦寒，因此才試試。下午茶也有焗飯，而且款式頗多，甚至有素食的，價錢亦相宜，不管好壞就試一次吧。於是點了較穩陣的「皇牌蕃茄芝士焗豬扒飯」，連飲品才$32。奶茶雖然只用紙杯載著，但有個紙墊圍著，令食客容易拿來飲用。紙墊印上機構的一個慈善活動「樂苗行動」，呼籲大家支持，捐助兒童服務，頗有意思。奶茶意外地好喝，夠熱茶味濃郁又香滑，比一般茶記為佳。焗豬亦較預期為好，稍為炒過的飯以鐵盤盛著，份量也不少。三件豬扒伴著豐富的茄汁，飯面有焗溶了的芝士。豬扒醃得夠味，炸得鬆軟卻不油膩，茄汁內也有點紅蘿蔔和鮮茄粒，酸酸甜甜伴飯吃十分滋味。飯後混身暖和，走在寒風中也不覺得冷，下次定會再來的。

牛魔王餐，牛仔骨太韌完全不能也落口。漢堡牛餐，可以接受羊扒，也是韌和乾。雖然平过大家樂，但下次都系幫親返大家樂。特色是有，但食用和煮食質也重要。貴一点無所謂，如果只有餐單有特色，只會幫親一次。

可能我係誇張左，不過自從我上年轉左食素之後，我就冇再食過任何吉列東東，始終吉列都係離唔開豬扒or雞扒or其他肉類咁啦。我本身只係係佐敦周圍行搵食，俾佢餐廳外既餐牌上面既素食之選吸引住。一睇，不得了，有四個素焗飯可以選擇，亦有好多汁可以選擇，汁用左咩食材列哂出黎架。我點左個茄汁吉列素豬扒焗飯，講真，茄汁一般啦(有好食好多既茄汁咁囉)，素豬扒都一般啦，純粹食下吉列過下口癮。***間餐廳飲品係用即棄杯，我嗌熱飲唔知佢會俾埋枝飲管黎，好扣分

上次黎呢間店食野已經係幾年前嘅事，今次舊地重遊就中伏！今次叫左个牛脷焗饭，味道还可以，一般货色。另外又點左果隻低温慢煮春鸡，送來时以为好正，好似烧鸡，點知原来係烟燻味，D肉又柴又老，完全冇味道！食物差都算，仲要加埋服务态度惡劣，果男店员（我估係老板）态度最差劲，俾錢佢洗仲要粗声粗气，恶過个客人！呢D舖头遲早執笠!所以大家見到唔少食评写呢间店嘅服務唔掂，絕對係真，無花無假。如果你鍾意受气就不妨一试！

如果話芝士係一種惡魔嘅食物🧀，芝士焗飯應該係更加邪惡🙈就好似呢個芝士焗咖哩牛腩飯🐮，芝士加上咖哩，雙重「重」口味，多重享受😌～------------------------------芝士焗咖哩牛腩飯🐮（$34）以為呢個價錢會得好少，事實尤其喺重口味嘅影響下，份量係好足夠嘅🤓～芝士汁好夠多亦好香口，融合咖哩汁嘅濃郁會變得好惹味🤗～牛腩炆得都幾淋🐮，不過可能事先有五香完再加咖哩汁，所以食到有五香味🤖～Rating💁🏻:7/10嘢飲呢度都幾多選擇，張menu 設計得幾靚，呢樣係抵讚嘅😽😽～叫左杯奶茶紅豆冰🍹，紅豆都算融，奶茶夠茶味，總括黎講係幾濃同值得推介嘅～Rating💁🏻:8/10好味指數😋：7.5/10翻啅指數🙆🏻：7.5/10人均消費💰：10-99服務態度👨🏼‍🍳：7.5/10乾淨指數🌝：7/10------------------------------

本人以前曾經幫襯過旺角, 北角及尖沙咀的新森林，呢幾間服務態度和食物質素都幾好，尖沙咀的服務員更加可以用超好禮貌來形容，另外奶油豬亦都做到應有水準。今日經過佐敦諗住食焗意粉，見到新森林便走入去，因為幫襯過其它店覺得抵食又好食，怎料難食到爆。香草吞拿魚茸的味道同雞扒完全唔夾，所謂香草亦都没有香草味，即磨咖啡的水準亦都要用差字來形容。最後想講下啲服務員，佢地好似無乜心机serve客，我下次不會再幫襯。

最近係百貨公司返工，岩岩得番一個人唯有叫外賣...外賣紙又比老細丟哂，唯有上網上外賣平台 睇下有咩好西可能我唔餓啦，好快送到又唔吸引我，遠遠地果d又貴，點知比我見到呢間，加埋apps服務費都唔過百松葉蟹肉蟹膏焗海鮮飯（70蚊包湯）估唔到有超多蟹子仲有蟹膏好甘香，量仲鋪左個飯面既一半大蝦有2隻，一隻大帆立貝，蟹腳肉同拳頭咁大既炸魚，食完成個口都有甘香味，一點都唔hea!!不過飯量就少左少少，食量大既人可能要加底

新森林焗之專門店 周街都係平時好少會特登食焗飯但今日行行吓忽然之間想食個焗豬扒飯咁岩見到佢一於就試吓原本想食焗豬扒飯 點知入到黎 俾個原隻燒春雞芝士焗飯吸引左原隻春雞以低溫慢煮形式烹調寫住可兩人用 同朋友兩個只係叫咗個焗飯諗住唔夠飽再叫一上枱份量驚人果然係原隻春雞大大隻皮薄脆身 一切開啲肉汁流出來雞肉好嫩滑啱啱好熟！仲有陣陣煙熏味底下係半融芝士鋪係飯上面🤤🤤好彩叫咗呢個冇叫豬扒飯 如果唔係就走寶😋好飽好滿足嘅一餐！