新森林焗之專門店 (Moved) New Location

今日因工作關係到了旺角一趟,順道午膳,haha...但來到已4點啦,肚子咕咕地響啦~記得以前在附近上學,女人街尾有一餐廳食物不錯的,但來到先知已轉左做精品店了,最後,誤打誤撞入左個森林裡面...裡面並沒有獅子老虎小白兔,反而一進門,右邊竟是格仔售賣部,搞笑(<_<)"店內多是卡座,坐得亦很舒適,員工亦很有禮貌,點了一個飽肚之選餐大約等五分鐘就有得食~芝士焗煙肉什菌意粉 (連小食同飲品) $28-價錢唔太貴,餃子底部過燶了,但裡面都幾好味,意粉有過冷河的,條條分明,唔會一pat pat,芝士同配菜亦很多~凍檸茶過甜...食物出品整體都唔差,下次都會再黎~

夜晚和朋友去新森林食宵夜, 記憶中很久很久以前在元朗的分店是好好味的, 但已結業了, 就試試其他分店吧我們叫了$109的二人餐, 連加一共$120雖然是不貴, 但質素普普通通, 不太有意欲再光顧.

去完旺角送文件，想找地方吃午飯，偶然遇到新森林，又未曾試過，所以就在此解決午餐，午餐也有很多選擇，我就要了廚師推介的芝士白咖喱飯配雞扒，跟餐飲，另加$3奉送羅宋湯或是日忌廉湯連蒜茸包，這項有點掠水之嫌，個餐本身賣到已近$40，再者，一向茶記或一般西餐廳午餐都包湯包飲品的，自己又想飲個湯，只有無奈奉上三個大洋。 是日忌廉餐湯是菠菜忌廉湯，似模似樣，還加了一 抹忌廉，但質素不敢恭維，很有忌廉湯質感，稀稠度剛好，但為何一點菠菜味也沒有，只覺得那些菠菜碎變得虛有其表似的，成了一碗很普通的忌廉湯吧。 芝士白咖喱飯配燒雞，這個芝士白咖喱飯可配豬扒、魚柳或雞扒。咖喱是淡黃色的，味道也很淡，沒有濃烈的咖喱香，亦感覺不到芝士在哪兒，很失望吧！唯獨雞扒煎得香口，外皮有點脆，而且件雞扒又不算太肥，件頭也很大。餐飲的咖啡亦很有質素，香濃細滑。

是日和妹妹路經旺角，正頭痛要去哪裡解決晚餐問題，最終在眾多日韓餐廳中選擇了這裡，因為從外面望入去，餐廳的裝修和間隔好像不錯，價錢也ok，於是便抱著好奇的心態一試。我們二人要了個二人套餐，分別選了：主菜：芝士焗煙三文魚野菌天使麵餐湯：白湯小食：孜然羊扒沙律 野菌娃娃菜餐飲：凍檸茶+熱阿華田另外我們+$10加了一客蒜蓉芝士焗帶子薯蓉先來個娃娃菜，菜不夠淋，上面的冬菇炒穠咗，令到成個菜都有陣穠味。然後來個羊扒沙律，這是我整晚覺得最滿意的一道菜，可是這個羊扒也是不熟的，一共兩件羊扒，其中一件切開有凝固的血塊，令人大倒胃口，但一開始食個件味道還是不錯的，但我妹妹說太咸。餐湯用紙碗裝住上，感覺很快餐店feel，跟餐湯上的蒜蓉包不錯，可是這個餐湯味道怪怪的，連嗜湯如命的我也喝剩一大碗。主菜的天使麵不過不失，只是份量太少，不過想到一個二人套餐價錢也不過109，也就算了。但是這家店要以“焗”為招牌，以這樣的菜伺客，似乎難以服眾啊～加錢要的薯蓉，只能說，比較差勁。分量少到薯蓉不見踪影，如果在帶子殼下面鋪著的薄薄一層油狀物就是所謂的薯蓉，那我真的有點無語。餐飲上，妹妹的華田沒有華田味，估計是華田粉

入到去，好多人好逼，叫左個大蝦吉列豬扒墨汁意粉，加杯布丁丁奶荼，比個侍應串，加8蚊喎。。！無錢比？全程無service不在話下，野食來左，嘩，又窿，豬扒薄過意粉，野飲真係飲汔水好，其他真係不值得，難飲！

因為好耐沒來吃過,所以就走來吃個午餐,比個芝士焗香草醬野菌燒雞肉天使麵吸引咗,就叫了這個,朋友就叫了珍寶大胃王黑椒焗飯(珍寶腸,雞中翼,牛仔骨,豬扒),再+個凍檸茶,但在餐廳食都係比膠杯?!,真唔環保等左5min左右主菜到了,面頭係d未溶晒的芝士粒,但食唔出芝士味,燒雞d皮好燶所以隔開左唔食,個醬係蕃茄醬,味道都幾好,但係野菌只係得2舊仔,真係好縮水,而我朋友所謂的珍寶大胃王黑椒焗飯(珍寶腸,雞中翼,牛仔骨,豬扒),得半條腸,炒飯底,普通size雞中翼,小塊牛仔骨,半隻手掌size豬扒,只夠我朋友5成飽..................總括來說:味道ok但份量少,以前來吃的時候沒那麼不濟的,可能之前的裝修2次是換手的關係,廚房都換走了吧,所以我應該不會再來了(因為吃不飽)

今晚夜晚同朋友5知食咩好...咁岩行過e度..見到e間店既間格好似唔錯..而且好多人食..所以我地就決定左係度食dinner.我地等左10mins左右就到我地la!!由於多人..所以同人share坐4人台..當然冇問題la!!但唔係對住坐,我就覺得怪怪地lo~問題係.....佢地好麻煩..坐我對面既女人不斷依依哦哦..嫌d份量少..黎得慢..仲要講到大大聲..所以拿拿聲order左...唸住快快食完就走..我叫左: 日之辛口軟殼蟹焗芝士石斑鴛鴦飯 + 凍檸檬茶朋友: 焗芝士三文魚天使麵 + 凍檸水隔左10mins左右.....d野食終於黎la!,等既全程就係聽住對面對夫婦大大聲講野><睇返我地d野食...個賣相好似我個飯好似過我朋友個麵..日之辛口軟殼蟹焗芝士石斑鴛鴦飯個軟殼蟹好似一早炸定,唔脆口lo…個石斑都係lo!!最大問題係...太多汁啦,似汁撈飯!!好討厭食e d飯,搞到好似1 pet野, 濕林林焗芝士三文魚天使麵朋友話d麵還ok, 三文魚就細塊左d同埋腥lo~整體黎講,間野未係想像中的好食lo!!

成日經過見到 就去試下價格中等啦...不過d野食就...2人set...$109話就叫新森林 但唔知點解好多餐具都係一次性覺得好唔環保...如無意外唔會再食...

見過呢間野好多次..咁就同老公去trytry啦..呢度當然係出名焗既野啦..咁當然要try焗既野食啦...叫左一個焗芝士三文魚天使麵無錯@@我係因為天使麵先入黎try@@10mins後出現了@@真係好好味..我一黎就食哂d三文魚了@@哈哈d 麵同芝士份量我覺得可以加多d..因為真係唔夠..個汁好香味道岩岩好@@係番茄汁黎既..天使麵不會太稔同硬..岩岩好@@仲有叫了栗米汁石斑焗飯@@個飯有栗米蛋抄嫁..d汁係栗米汁..石斑都幾滑.. 外層好香脆@@杯野飲@@唔通怕飲唔哂..so 係用膠杯既..?不過無蓋既膠杯..飲上去.. 好怕會整瀉= = ''

自裝修以後, 我都未曾來過和媽媽行街, 忽然想起新森林, 便過來吃下午茶媽媽點了一客意式香草蕃茄牛肉長通粉除了蕃茄醬比較香外, 其他的都比較淡味我點了一個芝士焗葡汁石斑飯賣相不錯, 但芝士味不濃(我還要人手加芝士粉)石斑比較硬整體來說, 沒有以前般好吃

舖頭冇咩雙人位我地9點鐘去到仍然爆滿老闆問我地四人位平排坐同另一pair 人搭檯得唔得拒絕左一次, 10min 後老闆話真係冇咁快咁我地都唯有ok不過可能我地尾水, 後面冇咩客, 所以最後唔駛搭檯了叫左個二人餐包一個焗野: 煙三文魚石班墨魚麵一個 羊扒沙律兩個湯 羅宋/忌廉一小食: 叫左雞軟骨連兩杯餐飲$105整體黎講就係一個鹹字....羊、麵、雞軟骨、羅宋湯都好鹹羊算有羊味, 但一入口就已經俾鹹味蓋過哂煙三文魚又係好鹹, 石班還好, 不過雪藏味是僻不走了結果鹹到我夜晚訓著左都口渴到醒-.-唯一我覺得算係「好」ge, 係杯檸茶另一樣我唔太鐘意就係為左慳人手湯用即棄紙碗裝, 飲品都係用即棄膠杯真係好唔環保......我對飲食其實冇咩要求但實在是太鹹了..........

尋日同朋友2點幾去mk行街, 諗住食d野先, 就入左去新森林焗之專門店睇左睇menu, 選擇唔多, 1人叫左1個set, 朋友點了豬頸肉炒烏冬, 我點了粟米龍利柳回香雞脾配薯菜點知我地點完之完, 個waiter先放張tea set的餐牌, 洗唔洗咁啊, 雖然話tea set平少少姐1. 豬頸肉炒烏冬+飲品@32: 無咩豬頸肉, 而且好油, 朋友基本上只食左1/5鳥冬就放棄了, 見佢只食了豬頸肉同蘿白絲脆肉瓜絲等配菜2. 粟米龍利柳回香雞脾配薯菜+飲品牌$34: 粟米汁同龍利柳凍的, 而且龍利柳d肉散到用叉都拮唔到.... 回香雞脾係雞下搥, 外層好干, 入面有少少汁...薯菜係一大堆薯條同5條紅羅白絲同2條脆肉瓜絲, 我想食下蔬菜姐, 連椰菜都無, 唉...唯一讚薯條係熱的咁的價錢, 去大家樂食tea仲平仲好食過呢間, 相信無下次了

今日食左個羊扒吉列蝦焗飯($41), 從來都未食過咁難食既焗飯! 件扒得一件, 又細又乾唔在講, 個件吉列蝦先攪笑, 得一條蝦毛仔, 個皮又硬蝦肉又霉只係同手拍尾一樣大, 而且D飯係爛既, 成 PAT 野咁! 都敢比客食! 呃$! 個羅宋湯仲要加$5, 又稀又淡又無料, 片蒜蓉包焗都唔焗下! 真係食到一肚火 再加$5有杯飲品, 全餐最OK得杯LEMON TEA! 嬲到我連$2 teps都唔留比佢!女人街街尾個間焗飯都好難食! 呢2間都唔駛指意再有下次!

買左開飯團購.諗住18蚊好抵喎.雖然係做PROMOTION, 但同賣廣告冇分別, 應該唔難食得去邊.點知中伏.........一坐低, 飲完杯水, 叫人加水冇乜人想應你, 叫幾次啦.落單又係咁我加左錢加個餐湯同包, 原來已經係最好食既野.個紅湯得個辣字, 乜味都冇, 算數.個麵黎到, 乜原來係墨魚汁撈麵.. 芝士得一個SPOON左右大細, 海鮮係一舊墨魚, 2舊帶子同1隻蝦, 仲要係好梅果隻.叫我以原價50幾蚊食呢個餐, 我一定會大嗌唔抵.食到最尾好滯, 落左太多CREAM/油, 墨魚汁最尾淨番好多響碟底. 到底有冇焗過架?就算唔使錢, 都唔使旨意再食.

今日出mk, 順便用埋張新森林$18一個焗飯既coupon.唔駛等位喎, 不過就要坐迫d 同搭台. 可能張coupon先首日開始可以用, 冇乜人會第一日過黎食.本人叫左個特濃芝士大蝦焗烏冬. 烏冬都可以焗, 真係未試過, 趁$18就冒死一試. 另加$5 蒜蓉包同忌廉湯.蒜蓉包好味, 夠脆, 牛油多又香.個湯幾creamy, 仲有少少胡淑味.主角出場… 特濃芝士大蝦焗烏冬.一上台見到... 個賣相好亂, 好似焗完之後再比人兜過咁...真係睇唔出佢價值$43… 我睇到個賣相都打左個凸一黎似撈烏冬, 二黎唔似焗過…3隻“大蝦”, 連埋蝦頭. 睇得出有炸過, 但d 殼都係咬唔開, 又或者好辛苦先咬開…烏冬雖然係$3包o個d, 但係加埋芝士食落都幾好食. 真係幾香芝士味. 但未至於話好濃.如果$43 食個咁既焗烏冬真係會比個喊佢. 個賣相真係拋窒人.. 佢賣$18 我只係比個ok 佢. 真係幾大鑊…