Video
1-min walk from Exit A1, Wan Chai MTR Station
continue reading
Opening Hours
Mon - Sun
06:00 - 19:00
Above information is for reference only. Please check details with the restaurant.
Signature Dishes
Review (83)
今日去旅遊展, 本身想食附近既車仔麵, 但因為裝修所以去左附近呢間野....屋企人叫左個炒貴刁($55) 同 蔥雞飯($55), 炒貴刁冇咩味同炒得唔夠香, 蔥雞飯係一大碟飯加一碗啡色汁, 裡面浮住幾粒仔雞肉, 見到已經唔想食...我叫左個黑椒牛仔骨($55), 入面係BB仔拳頭大小既薯仔 (因為我要薯菜, 所以本身以為係薯條+雜菜) 加三片牛仔骨, 一片中SIZE正常(其實都係好細), 一片小SIZE一半係肥肉(本身咁細細片就算), 最後最大嗰片差唔多全部都係肥肉!!! 我明白牛仔骨有機會係有肥肉, 但都唔好咁過份, 咁都可以俾客食, 可唔可以為客人著想下, 得嗰三片, 仲要有超過一半食唔到....之後叫左個肥男人職員講, 佢頭一句答: "係咁O架, 10塊有1塊係咁", 答得咁理所當然, 仲要係冇得換, 因為黑椒牛仔骨"佢話"賣哂 (雖然我走既時候, 佢個活動式屏幕餐牌仲顯示有呢樣選擇...), 佢問我要唔要換, 但因為我嗰牛仔骨等左好耐先黎, 屋企人已經食左超過一半, 同埋真係 炒貴刁 同 蔥雞飯 都唔掂唔想食, 對其他野冇咩信心, 所以食完就算...最後花$55食到既係: BB仔拳頭大小既薯仔+一片加多少少既牛仔骨, 真係食完等於冇食...而蔥雞飯既唯一好處係有一大碟白飯, 可以食飽 (唔好計嗰幾粒雞肉粒仔)...
continue reading
今日下午過左黎灣仔呢邊做野，完左喺附近隨意搵間茶記食tea，見佢親裝修左，幾企理，就同幾個同事入左去食。新裝修，都坐得幾舒服門口啲麵包望落都幾吸引叫左個熱狗餐，個包有烘過，條酸瓜醬幾好，酸酸甜甜，唔會有太多醬，感覺健康啲，無沙律醬咁肥，nice!生炸雞脾拼薯角，個雞脾炸得啱啱好，個皮好脆！入面仲有肉汁唔會乾，隻脾係有腌過，好似落左小小咖哩粉，調味幾好👍🏼呢個一口西多我地揀左紅豆餡，本來都驚唔夾，但出奇地夾又好味喎！我個fd話好似多士+紅豆批既混合體，個多士炸得好脆，入面包住軟綿綿既紅豆餡，好味呀！🤤🤤呢個真係有驚喜！個肉醬意粉等得最耐，15分鐘左右，但真係即焗，送上台係熱辣辣，淨係呢點已經加分！叫左4個下午茶餐，埋餐都只係$150，好味又抵食！👍🏼👍🏼👍🏼
continue reading
上星期六同男友去「design inspire」睇展覽，因為晚上約了朋友吃飯，所以隨便找一家茶餐廳吃個下午茶。食物都係一般嘅茶餐廳嘅下午茶菜式$37 以灣仔區黎講算接受到。生炸 或 滷水大雞脾 配薯條 - 我點嘅係生炸脾，首先佢黑到咁，餐廳係拎左滷水脾去炸。第二我見唔到隻脾那一部分「大」，而部分位置就其實已經煮到甩皮甩骨，肉質已變梅及鬆散。配嘅薯條就得13條，份量非常少，而且炸得未透。法蘭西多士 - 賣相叫做正常，份量都沒剛才炸脾咁過份。但原來呢份西多士入面係一滴花生醬都冇落。雖然唔知係唔係大部分茶餐廳做法唔同，但以我個人間中食嘅西士都係有嘅，所以我就唔係咁滿意喇。除此之外，餐廳衛生欠佳，係我坐個位度發現到有上位食客留下嘅渣滓，sip左係枱玻璃下。各樣總結，我真的不能接受，後會無期
continue reading
2018年10月2日。灣仔。晴。呢日又到灣仔工作，午飯時間嘅灣仔周圍都打仗咁因為遲咗食晏，結果不堪設想。。。當所有餐廳外都排咗條多過10人嘅長龍嘅時候，要趕住食晏嘅我哋，見到呢間餐廳尤如清泉無長龍，即有位時間無多，咁就入去啦餐廳環境有啲陰暗，無論枱、櫈、餐牌都好黐笠感覺好污糟，完全唔想掂到任何物品食物選擇都幾多嘅，有午餐、常餐，仲有其他不同名目嘅餐要快就緊係嗌午餐啦～午餐有5個選擇，揀咗咖喱吉列豬扒飯，配凍檸茶等咗5、6分鐘就到啦豬扒炸到黑蚊蚊，睇落都已經知道好唔健康肥豬肉成份好多，肉較少咖喱汁極少，但味道係正常嘅飯量亦可以凍檸茶無特別要求少甜，但係一啲甜味都無咁嘅環境、咁嘅食物質素，要收我$52，實在覺得過分總括而言，呢間餐廳不可一，不可再！
continue reading
一入到餐廳，老闆已經笑容滿面地招呼我地，原本我地兩個人在繁忙時間坐一張4人枱已經預左要搭枱，但老闆好細心，安排其他客人去樓上一層，盡量減低對食客的影響! 來落餐和送餐的伙記都非常親切友善，今時今日去茶餐廳有咁賓至如歸的感覺真係好難得!食物方面，餐牌有好多選擇! 我地叫左星洲炒米&乾炒牛河，兩碟都好岩我地呢d上班一族的女士們，一點都不油膩，份量剛剛好，價錢合理! 如果外國人想一試香港地道茶餐廳風味，去新軒尼斯係個好選擇!值得推薦 - 香港難得的有良心有溫度的茶餐廳!!
continue reading