新高麗苑韓國餐廳 (Moved) New Location

這裏午飯時有午市套餐，會有兩碟配菜，這裏的配菜有很多種類，可以在落單的時候預先選擇，另外可選擇煮食，最後還有甜品，十分划算。/配菜選擇了薯仔、魚乾仔、芽菜與白菜，每次來都一定會選擇薯仔和魚仔，薯仔用豉油燘煮後十分入味，又不會太鹹。魚仔是甜甜的，配白飯很夾。/韓式牛肉午餐🌟食韓國菜必定試吃牛肉，份量都充足，牛肉味道甜甜地，有少少汁，十分配白飯。另外還有一碗海帶湯，不過略嫌味道有點重。最後還有甜品是啫喱，加了少少花奶，成個午餐好滿足。

今日lunch同事帶我過來食，感覺幾唔錯，下次再來。😁.🌼前菜前菜都蠻好吃的，有豆卜，魚乾，芽菜等等～.🌼香辣墨魚🦑 $63墨魚仔好吃，但份量真的不多。但搭配著前菜一起吃，也差不多了。.🌼蛋包魚 $63這個是同事最愛，她說每次來都點這個。魚肉很嫩滑，雞蛋也不老。還蠻好吃的。.🌼湯感覺一般般，不算特別好喝。.🌼甜品🍮類似於啫喱狀，不同口味。味道還不錯.我會想試下其他菜系，所以會再來，前菜真係好加分。

唔知點解疫情平復後, 大食妹成日都想食韓燒今日襯住開心星期五, 一於約埋同學去附近嘅新高麗苑食晏一入左餐廳發現無煙, 大食妹就覺得怪怪地, 點知入座後再睇menu先發現佢嘅燒肉套餐變左熟食套餐即係無得自己燒...so sad大食妹同同事一人嗌左一份熟食套餐, 再share餸<前菜>新高麗苑嘅前菜有四種, 分別係甜甜嘅薯仔、酸酸嘅青瓜、爽口嘅脆豆芽菜同炒粉絲大食妹至愛綿綿嘅薯仔同醒胃嘅青瓜<牛肉午市熟食套餐>主食方面, 大食妹嗌左牛肉新高麗苑嘅調味偏甜, 牛肉應該係偏瘦嘅肥牛份量好多, 而且好送飯<雞肉午市熟食套餐>同事嗌嘅雞肉都唔錯, 啖啖肉套餐仲有包清甜嘅牛骨湯同甜品, 性價比依然好高

同男朋友食飯，又唔知食咩好，我同佢講我想食燒肉❤️❤️，咁啱佢朋友介紹呢間新高麗苑韓國餐廳，我哋就即管去試吓。任食$220 冇時間限制（冇記錯的話好似係😅😅），我哋差不多七點暫時冇乜人，之後就開始好多人。店員安排我哋坐喺夾食物附近，但因疫情關係所有人客在外面夾食物嘅時候需要帶返口罩😷。因為呢個關係所以一次過夾晒啲食物，再返埋位慢慢燒😹😹😹。種類很多亦都有海鮮店，有蝦、三文魚、青魚、多春魚、很多的豬肉、牛肉、雞肉、瓜菜類、還有錢財、人蔘雞湯、泡菜湯、甜品等等等等等。呢個鹽燒牛肉實在太好味，所以見到佢一出就即刻再攞多一碟😋😋😋平時唔飲酸梅湯嘅我，今日就即管試吓，比想像中好飲，飲咗好多杯，絕了👍🏻👍🏻最後食返支榴槤雪條，完。

晚市時間叫午市嘅餐，係咩玩法？我就試左我去到呢間餐廳點左個本身午市先有嘅韓式泡菜炒飯，本身心諗住會中伏，又諗d店員會黑我面，hea我，點知都有d喜出望外。落order時一位男員工話問下廚房，之後我又係度影相，唔知佢地係唔係咁當左我係神秘顧客，哈哈，之後你就會明我講咩。飯未黎之時，有位男員工問我要唔要跟set，我本身話唔跟。不過講返個飯先，個飯上到黎係好熱嘅，炒到粒粒分明，唯一一個問題就係個層次感可以豐富d，蛋炒得再平均d，加多d配料，特別係多少少肉同泡菜，亦因為真係想食泡菜但好似唔多食到@@食食下嘅時候，我察覺到有一位女員工間唔中走過黎望望我，我諗係唔係我阻住佢地做生意？之後，最初個男員工遞左一碗湯俾我，我本身是拒絕的，因為我覺得⋯⋯呀⋯⋯我唔能夠接受一d我無order嘅野，跟住佢就話係事頭婆送俾我嘅，怕我口乾。當下覺得好warm，我食到果種香港人之間獨有嘅人情味！呢d餐廳要好好支持！

超中意黎呢度食午餐, 又便又飽肚, 又多嘢簡, 可以簡食飯,食面,有湯, 有前菜, 仲有甜品. 今時今時去邊樹搵.前菜方面特別中意佢地既泡菜, 仲有四季豆好爽脆, 青瓜亦唔錯,酸酸甜甜咁…前菜唔滿意,仲可以要求換. 平時我好中意食佢地既麵既套餐,但今日就試食什錦飯, 味道相當唔錯, 好中意佢地粒煎蛋, 流心的……最後再食賣個啫喱就勁滿足啦.

駱克道的韓式餐廳平常辦公的午飯時間很多辦公室人吃需要盡快取位形式與一般韓式餐廳類似中央是燒烤爐，晚市做一些任食使用午市餐牌主要分為左邊飯右邊湯麵若與其他人一起吃的話左邊飯類的主菜可以分享一起吃午市熟食套餐 - $63牛肉、豬肉、豬扒、雞肉、紅炆腩肉、香辣墨魚、蛋包魚、牛排骨(加$10)(任揀一款)包開胃配菜、牛骨湯、白飯及甜品我們選了四個：牛肉、雞肉、紅炆腩肉和蛋包魚韓式牛肉標準的韓式醬醃製，味道很濃郁，牛肉易咬口蛋包魚剛剛好有四件，有點像平常吃開的班腩味道較為清淡紅炆腩肉四款中之最吃的，味道非常濃烈，腩肉炆至極鬆散，很入味最後，每人一碗花奶啫喱，有點像自己家中弄的

以前都有約同事來裏晚餐，午餐都第一次。呢度嘅set lunch都好豐富，因為除左有主食，仲有多碟開胃配菜，牛骨湯，白飯，甜品。另外仲有麵嘅套餐，特別介紹同廚師特別推介。我點左姜酒煮雞泡飯，呢涼涼地嘅天氣係唔嘅選擇，有驅寒嘅感覺，姜酒無住家式嘅咁濃，但配湯飯剛剛好，雞件感覺似將唔要嘅胶位煮成，餸頭餸尾嘅感覺。同事選左個牛排骨熟食套餐，綜合其他客人嘅主食，賣相都係比較差，但味道唔錯。牛骨湯嘅胡椒味好濃，韓式配菜見到大約有十款，每枱客人會隨機送四款，若果想轉其他款，就要即時同待應講，待應唔介意換比你的。甜品則只見有啫喱。主食唔差，但都係覺得配菜好食啲，可以因為呢度係韓國餐廳，韓式料理始終比較出色。

被遺忘的舊式韓燒，雖然環境較舊，但乾淨嘅同埋有部分食物的確唔錯，有啲仲有少驚喜，係其他韓燒店無既。服務員態度，好禮貌，有求必應，服務好雖然選擇唔算太多，但每款都好新鮮，一般牛，豬，雞，羊都有，居然有西冷牛扒大大片，羊架，海鮮菇，牛脷，金菇肥牛卷，鴨胸，好少🦐都係任食。牛脷特別嘅地方係非常厚切，燒完後唔會縮好多水，口感非常滑。最😋係薄切超級大片西冷牛扒👍🏼燒完後，牛味濃烈，燒既野食就最怕乾，依個入口有微微牛肉汁，口感非常豐富，比一般舊式韓燒店啲勁肥肥牛正好多。個啲肥牛，佢地用左黎包金菇😂。羊架係用香草🌿腌制味道唔錯夠香，但個羊架就比較乾同韌左啲啲。🦐亦十分新鮮，完全無腥味，入口仲少少鮮甜味，仲好細心切埋個🦐頭，其他種類唔一一介紹啦，去相🤣勁多前菜，芽菜都有兩款，白菜仔最特別，因為配合左秘制汁，加上未食前已聞到好香麻油味，所以前菜一定要試吓鐘意我既post 就like & share 👍🏼

本人好喜歡韓國餐豬扒飯，豬扒好大块好厚肉，但肉質好硬，還有餐湯一般蛋包魚飯：魚被蛋包住去煎，好香好滑最愛系前菜，特別系泡菜和薯仔，看見已滿足啊有飯後甜點，太好吃😋

灣仔周圍都好多人，上黎呢到食午餐係一個幾好既選擇，座位寬敞，坐得舒服。午餐送好多小菜，據聞是任添的，但小菜多到食唔哂，就冇再任添。野食就唔係好韓式，當係普通餐廳黎食，又有湯有小菜，真係好抵！

2019年6月21日午餐時段，結帳時連2個5毫子都唔收？屬法定貨幣的硬幣(具追溯力的適應化修訂——見1999年第68號第3條)(1)行政長官會同行政會議可藉命令授權發行硬幣，其設計、面額、成分、準重量及可容許的公差，須於命令內指明，而只要該等硬幣沒有經過任何受法律禁止的形式處理，即屬作為支付下列款額用途的法定貨幣 ——  (由1999年第68號第3條修訂)(a)以面額不少於$1的硬幣而言，所支付的款額不超逾$100；(b)以面額少於$1的硬幣而言，所支付的款額不超逾$2。

未食過一間餐廳個侍應係會因為客幫佢執野而鬧客，我只想坐過隔離檯，但未執，佢就大大聲鬧人做咩唔等佢，個樣仲要掘到你實一實，我同佢講我地係黎食野，使唔使甘大聲夾惡鬧人，佢話"自己大聲唔等於惡" 同"甘大個人連人地講野大聲D都驚呀" 。真係極品到...就係呢位長髮女侍應，我發譬以後都唔會再去呢間野，仲有各位唔想受氣嘅，灣仔仲有好多更好選擇，大記麥記都好過佢！

抵食午餐~韓式小菜套餐🇰🇷.灣仔食lunch有好推介😋韓式午市套餐有八餸簡，今次嗌左豬肉，同事則嗌左蛋包魚，多人既話更可以點晒唔同款一齊開心share🥳碟餸都幾大碟架，有點住家飯既感覺🏡豬肉好入味，魚都煎到好香😍牛骨湯熱辣辣好鮮甜，仲有胡椒味，辣落喉嚨嗰種感覺好正🤤唔洗怕唔飽因為有細細碟既配菜：炆薯仔、韓式粉絲、芽菜、炒白菜🥬，女士一定愛上😍最後有埋青檸啫喱食，好完滿既lunch啊！

每次lunch諗唔到食咩，都會嚟到呢間京城大廈新高麗苑。Set Lunch全包好豐富好開心。餐廳位置好大，次次黎都唔使點等位，仲坐得好闊，但係真係好多好多人，所以會嘈雜少少，未必適合靜靜傾計。Set lunch $60 ，加埋一$66就落樓。胡椒牛骨湯每次飲完都暖笠笠，韓式七小碟八小碟每次都有唔同款，如果多人你就可以一次過試晒好多種類喇！每款都好正！以上四款我最鍾意薯仔，煮得好琳，仲好入味添。豬肉蛋包魚我最愛最後仲有甜品送添！