Video
Telephone
67092369
Opening Hours
Today
11:30 - 15:00
18:00 - 23:00
Mon - Sun
11:30 - 15:00
18:00 - 23:00
Above information is for reference only. Please check details with the restaurant.
Recommended Dishes
同朋友經過葵涌，本來想去茶餐廳，但係可惜都9:00收，無意中來到這間小館小店，門面簡單平凡，座位空間尚算寬敞，我朋友想食生菜包，和很久沒有喝的泰國出名的冬陰功湯，我就比較怕辣，所以叫了青咖喱雞，泰式香辣炒蜆，餸菜一道的時候，生菜包和肉碎配合得非常有泰國香味，生菜很新鮮，肉碎和蔥的比例少小辣！和泰國香味香葉，配合得分當回味，冬陰功湯，辣到剛剛好好適合我個人的口味，裏便有兩隻大大隻的淡水河蝦！味道越飲越辣，但係越飲越想飲，青咖喱雞，裏面的豆角和翠玉瓜非常新鮮，配上白飯！很快就將白飯食晒，最後叫上兩個飲品泰國龍眼水，泰式青檸梳打，當堂10分飽滿！可惜我們兩人都食得很飽，很想吃那個出名的芒果糯米飯！只有為有打包回家吃！
continue reading
之前晌「屏麗徑」試過間泰國小店，今次完咗聚會，又到搵食時間，今次試另一家泰國小店「新泰國廚房」，不過對好多區外客嚟講，佢嘅位置都幾偏，睇住地址亦好易行過籠，而呢間泰國小館，喺葵涌老友嘅在地推介，紮根於此好多年，睇鋪面嘅招牌都曬到甩晒色。 店內裝修比較平實，無話有啲咩泰國元素，牆上貼滿食物照，掛咗個細電視晌餐廳尾，唔睇餐牌，同本地啲茶記無咩分別。只喺略嫌啲椅背較淺，唔喺太好坐，不過，我哋都喺食餐晏仔，無諗住打躉，唔會坐好耐，都無乜所謂。 午市嘅餐牌，有兩大頁紙，分別印晒小食類、飯品、湯粉及飲品，選擇非常多，定價亦相宜。最得意喺菜名，無論小食定主食，都加有泰式二字。 門口有啲外賣單張拎，攞張睇睇，順便貼埋出嚟俾大家參考，到晚市就會有更多選擇。友人話雖然疫情減退好多，但呢度以前午餐時段，湯品及沙律喺任食，此刻呢個安排仍未復常。 泰式香葉豬肉碎飯+荷包蛋 $52老友讚其香葉豬肉碎飯正，所以，翻兜再試，的確，睇到啲豬肉碎搵咗好多香葉去炒，隔個位聞都聞到好香，而且，啲肉碎唔好多肥肉，亦唔會太過碎濕濕，加埋篤穿隻蛋黃，撈飯食真喺唔錯。 泰式海鮮清湯湯粉 $48老婆選清湯，但嚟錯咗個冬陰功湯，店員知道落錯，唔介意更換，咁我都OK嘅，咁我同老婆就對調嚟食。個冬陰功唔喺話好深色嗰隻，辣度相對溫和，帶微微酸同少少香料味，飲落幾醒胃，海鮮料有啲蜆肉、魷魚同鮮蝦，質素唔錯，金邊粉即喺幼身嘅河粉，口感滑溜，份量又十足。 泰式菠蘿炒飯 $50小弟本身就揀炒飯，因湯粉嘅問題，就轉咗俾老婆食，不過，我都幫佢食咗小半碟，因為着實份量唔少。啲飯炒得夠乾身，飯粒分明，除咗有唔少菠蘿，仲有好多雜菜粒、蛋碎，仲加咗啲肉鬆，混埋一齊，食味真喺唔錯，無肉對老婆嚟講仲啱佢口味，而且，無話炒到油淋淋添。泰式奶茶平時多數晌茶記，先會揀奶茶，不過，見餐牌有款泰式奶茶，亦想試試。對比茶記，泰式似乎落奶比較多啲，茶底亦無咁濃，明顯跟港式幾唔同吓。 泰式咖啡呢個唔晌餐牌中，餐牌只會寫住凍咖啡，即喺比較港式，喺啲同鄉、熟客先識叫。不過，咪睇佢色澤比較深就以為好濃，其實咖啡味唔重，兼少少偏甜。好唔好飲就好睇個人口味喇！ 同枱仲有其他人選唔同嘅菜式，無影相就費事寫，不過，聽佢哋嘅評語都屬於唔錯嘅水準。服務方面，除落錯個清湯湯粉外，位阿姐都幾好禮貌。
continue reading
新泰國廚房的青㗎喱雞飯個汁少少辣好香滑，撈飯超正，雞無骨，啖啖肉，配菜有茄子，青豆角同埋紅椒。豬手飯有好多無骨豬手(切片)，又夠腍，個汁好野味，配菜有青瓜、菜心，仲有半隻蛋。兩碟都跟好多飯，一定夠飽。飲品要另加錢，龍眼水+$3, 青檸梳打+$7。
continue reading
環境一般但食物一流， 價錢唔貴 。 我哋一早book 位 ， 一行 11 人， 食咗$3000 ： 包括 兩種炒菜、 生蝦 、豬頸肉， 燒雞、炒粉，冬蔭功湯，蒜蓉包、 薄餅、燒烏頭、 㗎喱蟹、肉碎生菜包， 所有嘢 都叫2 碟， 而且每人2 杯飲品 ： 青檸梳打， 龍眼冰， 泰啤。 上菜快， 熱辣辣，好飽，食到一碟雞要打包。 好抵食，真心推介， 支持葵涌隱世小店。出面泰國菜食咁多嘢起碼$4000-$5000又要等位 又要限時間。 雖然唔近地鐵站， 但搭巴士、小巴、的士都方便。 葵芳地鐵站搭地士$30左右。
continue reading
第一次寫食評，食咗呢一間嘢六七年啦，平時都有喺出邊留意泰國菜嘅餐廳，但係最後呢間都係我自己覺得最好食嘅泰國菜。海鮮冬陰功金邊粉，大碗料又足，有鮮蝦有青口，粉唔會煮得太耐吸到湯汁之餘唔會影響口感，食嘅時候依然食得出一條條吸住湯汁嘅粉；冬陰公湯酸辣得嚟唔會太嗆非常溫和，容易入口。今日食嘅燒牛肉，有一股焦香味之餘唔會柴口，配醬汁食可以冇咁易膩。蒜蓉包即叫即整，熱辣辣嘅蒜蓉包配搭牛油同埋蒜蓉嘅香味，唔知點講但係真係超正！另外一提燒牛肉同蒜蓉包趁熱嘅時候加埋一齊食係人間美味。牛肉嘅軟熟同油香配搭酥脆嘅蒜蓉包，牛肉嘅味道同蒜頭嘅香味融為一體，係一個會令人會心微笑嘅味道。*記住一定要趁熱食！酸辣蝦沙律嘅味道對於平時唔係食開辣嘅人來講可能太辣，但係如果配生菜食嘅話生菜會減輕佢嘅辣道，令成個沙律更加清爽開胃。
continue reading