新南興小菜王 (Closed)

第一次食,一行６人,叫左9個餸,全部都好味喎,估唔到屋邨入面嘅大牌檔都咁有水準,本來想叫抄蜆同聖子,可惜巳賣晒每碟餸都睇得出廚師用心去煮,一碟平凡嘅炸魚皮,都會用咸蛋黄去炸,即時高級晒

相約行家們吃開年飯開個好意頭，這裡吃飯其中一個好處是自帶飲品不收開瓶費。我們一枱十人，因為朋友發板點菜，所以我自己都不太知道菜色的名堂，只是負責出席和夾錢。共點了十三道菜，每道菜都非常好味，合晒河車。其中一味菜是香炸豬手，是這舖的招牌菜，外脆內軟，外表炸到有點像炸牛肉干，內面則是淋淋肥豬肉，口感特別，雖然很油膩不宜多吃，但聽朋友說是限量發售，一試難求，年頭就有幸吃到，感到很有口福。最後埋單，每位$120，很平，老實說，這餐$200都不算過份，不知是市區太貴或是這裡太平。聞說這裡的大業主領展有意將這裡修飾後轉租給集團食肆，若果成事就太可惜，肯定是香港市民的損失。

今晚同情聖食飯，小弟又上一課，我講食飯，佢講食......都係講返正題間餐廳啦，之前食過新南興兩次，都係為左嗰海鮮籠仔飯，今次再食係為左想記住嗰味道自己返屋企試下煮。海鮮籠仔飯好抵，$68超多料又大兜，蝦乾依然非常大隻，但印像中以前好似無咁多魚蛋(條狀) 的，依家太多了而且味道非常一般，而且今次有點過鹹，有點失望。小炒王水準ok, 香口嘢但又係偏鹹，加上大量菜脯粒食到好頸渴，不過佢地用蒜心代替韮菜花係個驚喜。炸大腸椒鹽鮮魷雙拼就麻麻地，炸到乾晒，失晒水準。整體黎講兩個人3餸3杯飲品二佰五左右算係咁

近來天氣又轉冷，又係食羊腩煲嘅時候！這裡的羊腩煲價錢$288，雖然不算平，但非常足料，整煲有九成都是羊(可以足夠6-8位用)還跟一碟生菜，非常底食，所以每晚通常8:30前都全部售罄，想食的朋友最好提早預留！當晚除了羊腩煲外，還order了小炒皇和滷水鵝片，每樣小菜都大大碟，之後多了一個朋友來，所以追加了魚片，小量丸類、生菜和一碗湯米，平均每位只是$90，非常經濟底食！飯店還有室內室外的枱選擇(大排檔Feel)，每逢星期五六日都必定滿座！最好早少少訂定位...

今晚唔知煮咩好，所以就外賣回家吃南乳骨多年來，水準不變非常好吃，好有南乳味，又唔會覺得太咸炸到好香口廚師好細心，會係外賣盒蓋上，開兩個洞，散下啲熱氣，等唔會有太多倒汗水乾炒牛河超夠鑊氣，牛肉亦不少

原來大窩口街市上面有大排檔的，真係晤上去晤知，平時去開火炭食又平又抵食，但原來大窩口街市呢度都好平又多款選擇🤓今次叫了麻辣雞窩$178😁同埋A套餐$168,有大大碟蒜蓉粉絲蒸蝦，椒鹽白飯魚，一大窩青紅蘿蔔豬骨湯 😍，兩個人食飽曬，呢度d服務好好，一定會繼續來食,正！

朋友帶我地去大窩口街市晚飯，一行7人。烤雞1隻，一上枱，個樣好似鹽焗雞，一入口個皮脆脆地，d肉充滿肉汁及好嫩。韮菜豬紅，韮菜灼到over 左同埋好老，豬紅口感吾錯，但個汁就冇乜味好浠。南乳骨，炸得好乾身，入口好重南乳味，好香口，d肉仍然彈牙。椒鹽鮮尤，尤魚不夠厚身，個炸粉又厚，食落囗淨系咬到厚厚的粉，在尤魚上面又加了些肉鬆，有d古怪。豆豉魚油麥菜，這個有一般鑊撈味，完全吾得。椒豉鵝腸，有大量洋䓤，鵝腸炒到剛剛好，又爽又脆，個汁濃度適中，好好味。小炒皇，有蝦仁、尤魚，腰果，蝦乾，勁有鑊氣，炒到蝦仁爽囗，尤魚剛熟，好食，但份量太少。烤羊架，每件都好大件，燒到外面有少少脆，肉質入囗鬆軟，加左少少椒鹽，好食到不得了。另外叫左4碗粥，1碗飯，2支啤酒，埋單 $798 價錢都合理，下次可以再來！

又話這個冬天不太冷? 近日天氣反常, 非常寒冷, 外出晚飯要驅一驅寒氣, 火鍋、韓燒是不錯的選擇, 今日特意來了屋村街市熟食大排檔, 新南興主打小炒, 冬天側隨天氣而推出溫暖人體的熱身食物, 例如羊腩煲、花雕雞煲、麻辣雞煲等, 未到6:30pm 己坐滿客人, 客人以街坊為主, 街坊咁捧場, 相信味道一定唔太差, 我地左望右望, 最多人食羊腩煲, 不過好大煲, 我地2個人吃不下, 今次叫住花雕藥材雞煲先。花雕藥材雞煲 ($168)見煲湯上檯己知大事不妙, 放乾藥材落湯, 即時 o 左咀, 我煲藥材湯都要先浸藥材最少一個鐘, 藥材才易煲出味道來, 上檯才放, 湯底幾時先有藥材味道? 果然吧, 煲了20分鐘, 湯底只有醬油味, 藥材味欠奉, 飲一口湯, 完全沒有北芪、當歸、圓肉、杞子及紅棗等味道, 肚子餓了, 別怪它…別怪它, 開動吧。花雕藥材雞煲包半隻雞、一碟生菜及一枝大啤, 算抵食, 雞唔太肥, 生菜嫩綠, 食左一個鐘後, 湯底才開始聞到少許藥材味, 真可惜, 連淮山芯也未完全熟透, 我地己經把雞吃清, 滋補十足的藥材雞湯白白浪費了。原條炸黃花魚 ($58)黃花炸得香脆, 嗦嗦聲像在吃薯

J先生與組員飯局, 帶了我一同出席!格局似屋村內的大排檔 - 新南興小菜王餐單鹵水鵝片濃濃的鹵水汁!蜆介鯪魚球拼炸大腸J先生及組員話: 幾好味!油鹽水花甲分量大, 一眼看似粉絲煲...花甲偏細!豉油王虎蝦虎蝦吸收了香香豉油味道西芹炒龍躉黏黏的龍躉皮清蒸龍躉腩龍躉腩滑又帶淡淡鮮味豉椒炒蟶子蟶子帶濃郁豉椒及微辣味數支啤酒!新南興 總結: 值得一試!

荃灣區出名嘅小炒王， 由於做街坊生意為主，價錢唔算太貴。 呢度既鹽燒烏頭非常好食， 條魚唔會太咸但入味，魚肉依然非常滑， 火喉掌握非常好!!呢間小店嘅海鮮亦都唔錯， 推介油鹽水花甲， 用一個銀色大盤上枱， 粉絲入曬味， 加上花甲嘅鮮味及冬菜， 個人認為連湯飲系最好!! 但個凍蟹唔夠凍， 有點兒可惜。

呢間小菜食咗好多年了，食極唔厭，原因平，靚，正冬天可以坐出面，但夏天就要早少少去霸冷氣房位今日兩條友點咗薑蔥炒蟹同豉汁炒聖子，兩樣都好夠獲氣，蟹好新鮮，夠鮮甜，連啲薑同蔥都食晒聖子大大隻，好多肉，辣辣哋又幾惹味

這是一家以大排檔形式經營，加入特色小菜的食肆。翻開餐牌，數十個的選擇放在眼前，實在叫人眼花繚亂。本人是雞的愛好者，點了泰式烤雞和章魚雞粒籠仔飯，還有蝦干上湯白菜仔一試。泰式烤雞燒烤的時間恰好，令雞肉很滑，並帶點油香。值得一贊是隨雞送上的泰式甜辣醬，與烤雞配合得相當不錯，很有特色。章魚雞粒籠仔飯賣相吸引雞粒很多，有米飯的一半。用蛋炒過的米飯很甘香，配上滑雞粒和章魚醬汁十分可口，份量也很多。 雖然環境有點嘈雜，但服務也不錯。有機會想再試試其他小菜。

一早起身, 同媽咪咪行完城門公園做晨運後, 叫埋阿妹就行左去大窩口商場果邊打算食早餐, 行過平台見到呢間Bor, 之前睇openrice既食評都唔錯, 見有早茶就走去試下~ 雖然環境唔似大酒樓咁靚, 但勝在夠特色~ 而且d點心意想不到咁好水準bor~ 讚!!茶錢每位只要$3 好平呀!!我地都叫左好多野食, 有蝦蛟, 燒賣, 鳳爪, 皮蛋瘦肉粥(成個湯碗咁大碗囉), 蝦卷, 鮮竹卷等等.....食到好飽, 都只係70蚊有找~影低左幾款點心呢籠鳳爪係我食過附近既茶樓之中最多料既一次, 而且佢冇乜紅色既色素, 我覺得咁樣好好呀!! 好夠味, 好正!! 本係係個籠度架,阿姐幫我放係隻碟度上~燒賣有好多蝦係入面, 好足料, 我好鍾意食燒賣, 所以我特別推介!! 我妹妹既最愛, 唔係春卷, 係蝦卷黎架, 入面全部都係蝦做餡~個蝦蛟皮值得一讚, 好彈牙, 唔會蒸到林pat pat~ 入面都好多蝦, 我初初以為呢個係上湯鮮竹卷, 但原來唔係喎, 佢係用d醬汁浸住鮮竹卷, 幾香, 好似係蒜香黎架~ 但我又見到有另一款係冇汁架~今次呢間叫新南興既餐廳俾左好大既驚喜, 屋村既小茶樓可以有咁好味既點心, 絕對

環境:正宗屋村大排檔 Feel, 店面不多, 主要靠開台, 可能是在屋村商場內的關係, 比一般大排檔潔淨衛生!服務:街坊服務, 隨心隨意好得意, 好 Free 的大排檔, 唔會恃自己 D 野好食, 又或姐唔憂做而唔比 service.食物:頂, 今日冇燒鱔!!!!!!!!1一黎已經上 3 碟三色腸, nothing special, 烤熟 D 腸而已, 仲呃左我一隻色!!!!!!! 還番比我!!!!!蠔餅, 香脆適中, 不過蠔太少, 又冇豆辦醬, 唔掂!蝦餅, 好彈牙, 炸得幾香, 不過, 冇蝦味!!!!再上個生炒骨, 骨炸得好, 脆, 汁炒得好, 平濕適中, 又太汁太平都唔好食, 呢度就 perfect!跟手上個炸白飯魚, 好開心, 唔係度度都有得食, 仲要大大條成條薯條咁, 一流!!!!!!久違了!!!!!鹵水鵝, 唔多講, 入味, 唔肥, 滑, 平 = 抵食夾大件雜菌豬手煲, 竟然用咸豬手, 仲要係黑椒味, 原全唔 match!!!!!!燒牛仔骨, 呢檔 D 燒野都唔錯, 香口好味, 不過, 牛仔骨唔太OK, 冇牛味, 應該係食材問題!韭菜豬紅, 又係久違既味道, 豬紅入味唔在講

依間新南興其實成日都有幫襯一開始就覺得間野只係嘈左d，ｄ野食都幾好味既..不過就愈黎愈差今次4個人去食，叫左5個小菜，４個飯唔記得左影相！叫左以下既野沙爹牛肉煲都幾好食。。有ｏｋ多牛肉同粉絲，個汁都幾好味：）雜菜粉絲煲我冇乜點食到呢個，有ｄ冬菇。。有西蘭花又有菜心，粉絲等等。。粟米石斑塊ｄ班塊好咸！而且好大舊。。不過就唔會成舊都係粉！個粟米汁係幾好味但係得好小汁！口水雞次次黎呢到食飯都會叫既。。甘之前食既味道１樣冇變：）豉汁蒸烏頭又係次次黎都會食既，不過今次有ｄ咸！