新成業茶餐廳

Open Now

Now Closed

師傅都有好一段時間冇黎呢間食店, 早一排又唔知食咩好嘅情況下, 又入左黎食晏, 坦白講次次入黎都好多人, 環境真係好一般咋, 不過好彩有位, 唯有拿拿聲食完閃啦! 坐底就睇下有咩好食, 最後喺唔多選擇下揀左個咖哩牛腩飯, 餐飲就係熱檸檬茶! 等左咖哩牛腩飯同熱檸檬茶就登場, 鬼咁肚每當然立即開餐啦!咖哩牛腩飯嘅咖哩汁一眼望埋去係好杰, 而咖哩本身唔算香, 亦都唔辣, 唔香唔辣嘅咖哩試問又點會好味, 真係惹味欠奉, 就算用黎送飯師傅覺得真係幾勉強; 而牛腩都係幾大舊, 幸好唔係好韌, 可以啦; 而咖哩汁裡有薯仔, 薯仔就係好實, 同幾大舊, 不過入口後就覺得好粉, 唔得; 最差其實係白飯, 非常之乾身, 勁硬, 難食! 熱檸檬茶非常細杯, 加上茶底好苦, 唔多好味, 好一般! 總括黎講是次食物質素較差, 環境普普通通, 服務一般, 價錢可以, 三十蚊一個咖哩飯, 不過唔好味, 所以唔抵食! 師傅覺得一蟹不如一蟹, 呢間食店感覺係越來越差, 三十蚊食完都唔知為咩? 應該唔會再黎, 今次師傅要比喊臉喇!

個日係公司好想食出面既飯盒, 所以就叫我同事Sam哥去幫我買. . . 佢就去左平時同師兄去開個間茶餐廳幫我買左盒蒜蓉雞扒蛋飯返黎一開, 睇落好似好好味甘, 食左兩啖竟然發現雞扒飯有薯條,甘咪即係中餐合併西餐? 我都係第一次食飯會食到薯條, 奇呀!!!我好開心見到有好多蒜蓉汁, 不過. . . . 鹹既, 係好鹹而塊雞扒. . . 都係鹹既??我平時都算食得幾鹹, 不過有d頂唔順 但見佢俾左兩大塊就唯有繼續食喇最後我都只係食左薯條同隻蛋諗諗下, 我似係食下午茶餐多過食午飯最後就係個杯包埋既熱檸茶哇, , , , 篤小小d檸檬已經苦過媽媽簡直同d苦茶有得fight所以只此一次下不為例. . . .

6月3日（星期三）晚，是晚女友又要差不多十點才能收工，因為女友未吃晚飯和不想花時間去想到哪裡吃，於是和女友坐巴士回到住所附近，找間最近的茶記吃點食物，好讓女友可以早點回家休息。來到這裡，知道這裡的茶記都很早收，一入門口就問是否已經收爐，收銀姐姐就有點猶疑望著水吧的大阿哥，他說蒸爐已關，祇有限量小菜供應，然後問我們會否介意，我們當然不介意。不過我們每叫一樣食物，都要問過廚房有沒有才給我們落單，所以祇點了兩個小菜、兩碗例湯和一個白飯。泰式惹味豬頸肉，其實祇不過是普通炸豬頸肉，比一般大塊一點而已，肉質尚算嫩滑，不過部份有點韌，雖然配以泰式甜辣醬，卻完全不覺得「惹味」，最大敗筆是不夠熱，就算經過微波爐番熱也祇屬微暖；特式炒芥蘭是豬肉碎、咸魚、辣椒和芥蘭一起炒，有點辣，頗咸，芥蘭新鮮翠綠；例湯好像是煲老黃瓜，我喝第一口覺得很清甜，女友卻說好像下了味精，我再喝時也感到有點咸，好像真的下了味精，不過看著檯面的餐單寫著「不含味精老火湯」，我也不禁猶疑。我們吃飯時全店員工也在吃飯，而且好像是家庭式經營，為了阻礙人家吃飯和收工，我們快快地吃完就埋單了。臨走前問收銀姐姐甚麼時候收工，她說十一點，不就是我們進

師傅又有好一段時間冇黎呢間食店, 前日晏晝一兜友唔知食咩好之際, 最後就黎左呢間食店度快食一餐!一坐底就睇下有咩好食, 見個A餐好吸引, 於是就揀左蒜蓉雞扒火腿飯為午餐, 有餐湯同餐茶, 餐茶就揀左師傅至愛凍檸茶! 等左一陣先黎試下個例湯, 青紅蘿蔔煲豬骨湯, 味道清甜, 絕無味精, 飲得出係真材實料, 掂呀; 蒜蓉雞扒火腿飯嘅雞扒唔算太大塊, 肉質算滑不過煎得唔香, 而火腿就當然冇咩特別; 而蒜蓉汁亦唔會太濃, 送飯可以啦! 最後凍檸茶味道都係一般, 係可以飲, 不過未算好囉!總括黎講食物質素一般, 環境普普通通, 服務都尚可, 價錢唔貴, 三十三蚊一個午餐, 未算特別抵食啦! 師傅覺得淨係黎呢度飲碗冇味精嘅湯, 都唔錯呀, 不過唔知淨飲湯會否雙計呢? 所以一句到尾呢間食店都可以再黎, 但笑臉真係未必比到!

中午時段要兩個午餐要二十分鐘？沙爹牛河即叫即炒？點解食落係凍嘅？河粉一團團？人客多做唔來？二十分鐘要追餐湯、餐具、餐飲、主菜起碼各兩次？最終凍奶茶來到老細仲要問：遲咗半個鐘先來，仲要唔要吖？講笑有分寸吖！想吃一餐普普通通又受到氣，不妨一試。同場加映外賣客不耐煩追單，反被老細“得”一句：係咁耐㗎啦！快咪即係無生意做！今時今日仲可以維生，佩服佩服！

早幾日前師傅都知喺監房嘅生活真係有掛捱, 所以索性趁住仲係下午茶時段, 拿拿聲去食d野先, 於是近近地就揀左呢間食店, 入到去時仲有下午茶餐!一坐底就睇下有咩好食, 最後師傅揀左西炒飯而餐飲就柯打左凍檸茶, 呢度果然係即叫即炒, 皆因都算左一段時間; 終於等到有得食, 師傅發覺碟頭都算細碟, 可能係下午茶餐嘅關係啦, 先試下碟飯啦, 味道真係唔錯, 不過好可惜係飯好濕, 一d都唔乾身呀, 呢一下真係扣唔少分, 不論你炒得幾靚, d 料有幾多, 但係d飯咁差, 就真係點都補唔番; 而凍檸茶味道都係一般, 係可以飲, 不過未算好囉!總括黎講食物質素一般, 環境普普通通, 服務又係普通, 唯一可取係價錢, 廿五蚊一個下午茶餐, 仲要係炒野都算抵; 坦白講呢區真係唔多選擇, 每次出去食野, 有時真係要揸頸就命, 笑臉真係比唔到, 如果有得揀真係未必會再黎!

星期六長周，相約男友到了鰂魚涌吉之島食拉麵，豈料人太多，轉而行回太古坊那邊的茶餐廳，揀咗好多間，見這間價錢較實惠，加上餓到打鼓，便入內一試。要了咖喱豬扒飯和馬來西亞炒貴刁。前者是帶鹹少辣的咖喱，洋蔥未熟，豬扒無聞保味，飯身偏硬，基本上無一可取；不過例湯和炒貴刁卻不錯，例湯尚算夠火喉，炒貴刁配料足，亦夠鑊氣，微辣很醒胃。