新和富餐廳菜館 (Closed)

琴日又去接女友放工，決定行遠少少去呢條北角嘅食街揾食...幾年前嚟過佢哋旁邊嘅姊妹店仁寶，印象唔錯，今次去正鋪食，斷估都唔會太差啩...忽然好想食蠔，就整個砵酒焗生蠔。加入大量葱段及洋葱，D葱索晒大部份嘅汁，比蠔更好食。砵酒味濃，蠔用美國桶蠔，大大隻，好夠味，誠屬不可多得之作...食得興起，再嚟過涼瓜炒蟶子皇。蟶子大大隻，難得煮得夠爽亦夠鮮甜，配合豆豉香及涼瓜嘅甘苦，吃得不亦樂乎...招牌菜籠仔荷葉蒸蝦飯反而有D失望。飯冇乜荷香，金蒜亦落得唔夠，不過份量夠多，蝦都算幾新鮮，補番數...埋尾嘅芋蓉西米露着實有驚喜---- 芋頭粒夠粉，充滿椰蓉香(過氣甜品專家認為係D椰蓉應該係佢哋自己磨嘅)，甜度剛好，食到唔停得口...可以列為"食得過單位"...

因為男朋友0既朋友仔食過話好味,於是我地兩口子去左試,叫左肥谷介紹0既缽酒焗生蠔同店鋪皇牌籠仔蒸蝦飯生蠔食左一隻已經好膩,應該是生蠔炸過的緣故隻蠔真係又肥又大隻架,不過食到隻肥蠔肚好似食緊成口糊咁,每人兩隻好滯呢,呢個一般,下次唔會再叫籠仔蒸蝦飯,d蝦新鮮,d飯似蛋白炒飯,好味,但冇荷葉香味,不過蒜蓉撈飯真係幾正!我地今餐都食得幾開心,男朋友仔話會再黎食呢個飯,我就覺得7.5分啦,冇佢d fd講到咁正囉!

24/7(一) 1pm久仰此店之大名,今日終於有機一嘗.早上致電其店預留一些菜色避免午市人多上菜緩慢的情況.訂了1時準時到達,與同事一行5人被安排坐大圓臺.環境其惡劣,店子光線不足,翳熱兼焗,加上被周邊煙民圍剿,很不好受!入正題,5個人點了南乳碎炸骨$48,鬼馬$48,黃金蠔$110五隻,芙蓉蛋飯跟例湯$27,灼菜心$38,荷葉蟹飯$207.南乳碎炸骨--招牌菜之一,相當香脆惹味,炸得夠乾身,咬一口肉汁立時溜出,南乳香味亦隨即溢出,上品!鬼馬--漏了單卻算進單內,其後我自行到店子拿回的菜色.份量頗多;油炸鬼內釀入蝦膠及魚肉,油炸鬼夠香脆,但沙律醬完全遮蓋了蝦膠及魚肉的鮮味.黃金蠔--另一招牌菜;醮了鹹蛋黃再炸,炸漿很薄,食到蛋黃的鹹香及蠔的肥美,但挺油膩,一隻已夠數.芙蓉蛋飯跟例湯--菜乾豬骨湯味道尚算對辦.芙蓉蛋飯份量巨型,韭黃,叉燒粒,蔥粒包在蛋內,味道平凡,而且亦太乾身!灼菜心--嫩綠爽脆荷葉蟹飯--壓軸菜;膏蟹重1斤7兩,膏蟹大隻肉厚實且多膏,配以香蒜蔥粒提升食味;唯飯粒太乾身,亦食吾到荷葉香及蟹味.一貫小菜館服務--效率高但沒甚誠意.埋單$485,除開每人$90左右,有點高估

冇咩原因只係想食下飯飲下酒吹下水咁簡單就攪個同事飯聚,有人提議下就去呢樹試一試,去到因自攜酒關係問d阿姐拎個冰桶冰下d酒,點知答覆係冇雪喎,真奇怪不過阿姐都幫我地雪左支酒係雪櫃先XO醬肉鬆炒蟶子(加大) -- 蟶子好鮮甜但同XO醬肉好似唔太夾, 蟶子還蟶子o既味XO醬肉還XO醬肉味,感覺似食緊兩碟野咁!鬼馬–油炸鬼釀鯪魚膠加上用沙律醬汁但令到油炸鬼淋晒,入口酸酸地幾開胃但自己喜歡外面冇汁o既鬼馬多因鍾意比較香口d富貴黃金蠔–似炸生蠔但粉唔厚加上有咸蛋,食落蠔鮮而帶咸蛋香,唔錯!是但–原來係海鮮蒸蛋白, 蛋白都嫩滑但d海鮮煮得太老,感覺普通普通炸豬手–炸得剛剛好唔會過晒火,送酒佳品籠仔蝦飯(大) –蝦好鮮味加上蒜蓉香另飯底都吸收左d蒜蓉同蝦o既味而又唔會太濕,好食!欖菜肉鬆四季豆–普通黑椒牛柳粒–師父功力太勁,只係清晒d配菜,可以唔食!南乳碎炸骨–炸得好好肉質唔會乾柴柴咁同炸豬手一樣都係送酒佳品椒絲唐生菜–望落感覺好油,普通埋單$820唔算貴加上食物都有一定水準,但環境真係唔太得唔係話要咩裝修至少保持乾淨少少,特別成個場得o個幾架風機係度吹下吹下真係好鬼熱(夏天真係咪攪),再問阿姐有冇得

(22/3/06)同事們又黎聚餐。唔該,我地既「常餐」吖!鬼馬─油炸鬼繼續脆,可惜鯪魚肉份量,偷工減料左...。炒通菜─唔油。富貴黃金蠔─賣相多左個蠔殼,做法都唔同左,以前似so炸生蠔,而家朕黃金,無咁多醬粉,鮮味,香味依然。XO醬肉鬆炒蟶子─大大隻的蟶子,XO醬肉鬆,有人更撈左三碗飯呀!龍蝦仔e麵─呢個之前未叫過,原來都用籠仔+荷葉。龍蝦仔兩隻,e麵好多,雖是上湯做,但感覺硬係有芝士味咁。膏蟹籠仔飯─蟹係市價,我地要左隻細既,都好多膏,非常香。仲有最鍾意籠飯,蛋白蒜蓉飯。贈送的甜品,栗子芋蓉西米露已經好贊,今次仲好食左咁。又夠杰,係芋頭既綿所致咋!仲有栗子碎既口感。有人根本飽到食唔落時,我已消滅左兩碗喇。用心做既菜,真係好好食,所以上菜較慢...無計啦!

呢間真係啲野食好好味，不過個格局就整到好似茶餐廳咁．．．最好味就係辣酒花螺，不過成日都冇．．．鼓油雞，魚雲，鵝掌煲好多野都好好食．．．蝦飯好出名，但係我覺得麻麻．．．．佢啲野食真係好大碟，兩個人去食真係要就住叫呀．．．不過因為佢啲野太好食，所以我次次去都唔食飯．．．食多啲餸．．．．

I love their soy sauce chicken, stir-fried XO-sauce razor clam and steamed garlic shrimp rice wrapped in lotus leave. However, the chef'd left and opened his own restaurant along Mercury Street. I tried to post a feedback there but couldn't find a record for this newly opened restaurant called Hoi Hing.

食左新和富幾年, 到現在水準仍不錯玫瑰豉油雞-隻雞真係好滑好滑, 味道不太咸, 非常好.XO醬炒蟶子-蟶子比較韌. 但加埋肉碎炒, 味道幾好籠仔蝦飯-到新和富必食既食品, 可惜今次佢失手, 有D生米. 但蝦本身就好新鮮, 彈牙有質感. 蒜蓉味好夠服務就一般啦. 環境就麻麻, 好嘈... 清潔都尚可以, 起碼乾淨過東寶啦.

星期六，12/11晚八點半，去完影相，係太子行完街，三個人黎呢度開餐。叫左白飯魚煎蛋、什菜煲、細0既籠仔乳龍蝦蒸飯同埋砵酒焗蠔。樣樣都唔錯，係白飯魚煎蛋失左手，無味(我地懷疑佢唔記得落鹽，係一ｄ味都無，同埋油左ｄ）。細0既籠仔乳龍蝦蒸飯幾好食，但唔好期望有好多”食送”，而且等左好耐先黎，係差唔多食哂所有野先黎，超耐．太慢啦，想”送”飯都唔得。砵酒焗蠔幾好，但得好少，只有五隻，唔夠喉，七十蚊幾貴。什菜煲都係咁上下啦，我諗好難煮得難食。ｄ位唔係幾好坐，都幾迫，我成日要起身行開讓隔離檯ｄ人行同走，好唔方便。侍應仲試過拎”送”過隔離檯時倒瀉左ｄ豉油雞汁落我地度，一ｄ表示都無。攪到我地”哩”咁”ｈａｉｒ”。會再黎０既，想試下其他野。

四個麻甩,睇波前點都要食d野落肚.如果在北角,幾個老友叫送食飯.又唔想去渣華道街市之下.和富中心對面的新和富,實屬其中不二之選.唔講咁多,籠仔蒸海蝦飯,完全令到四個大男人旋風式掃光.鬼馬,即係魚膠釀油炸鬼,有創意,我鍾意.四人五味,四舊水唔使埋單.無話可說的抵.

今日去慶祝我家姐生日，所以一家人去左我樓下個間新和富食飯。咁我地book 左八點至八點半呢個時間，去到就想搵位坐喇，點知張臺下面全部都係水！搞錯！冇人理！我地叫waiter 姐姐整下佢，但係一個唔多想理會既樣子！佢把人地食完飯既臺布放係地下係咁拖，之後放埋側邊就算了！我同我家姐講：「我以後都唔會去呢到食飯！」真係好唔衛生咁，可能佢地好忙喇，d 位又逼，唔多舒服！我地叫左涼瓜蚧子、鬼馬、大蝦荷葉飯、西生菜、雞、豬手、白飯魚煎蛋同蠔。原本唸住好好味，但係... 好失望，係涼瓜蚧子好味同新鮮之外，鬼馬同豬手都整得好dry，成餐都好油！可能佢只係seafood 係主牌喇。最尾就有糖水西米露，幾好飲啊~~ 但係我係唔會再去個到食晚飯！劣... 我覺得東寶仲好味& 抵食過佢啊。

好耐之前食過,不過已經是N年前的事,有日同事話不如搵日去試吓LA,咁我地就揀左5/9去試.我地BOOK左7:30PM,去到唔算多人,可能星期一掛,一坐下來就點咗4款菜黃金蠔-蠔好大隻,夠肥美荷葉蝦飯-蝦好鮮甜,飯滲透著D荷葉味,好香XO醬炒聖子-聖子好爽,加了少許肉碎,配飯一齊吃,一流炒生菜-不過不失芋頭西米露-唔係好甜食咁多菜都只係HKD340,好抵...下次等多D人,再去食過

尋日(1/9/05)farewell 同事, 點都要帶佢嚟哩度, 因為實在太好味了。五個人, 咁o岩安排坐番上次張台, 我地大部份叫番上次嚟食嘅o野。XO肉醬炒蟶子、鬼馬、通菜、黃金蠔。以上仍然保持水準。蟶子一樣咁巨型、鬼馬一樣咁脆。不過個蠔, 大家一致認為無上次咁好味。炸得濕潤左d之餘, 蠔味亦無上次咁鮮。今次叫籠仔龍蝦飯試試。都係正! 蒜蓉好香, 龍蝦亦好鮮甜。甜品送栗子芋頭西米露。上次食已經覺得好正, 今次加埋攪得好粹的栗子, 杰左口感重左, 簡直無懈可擊!p.s.喺呢度食海鮮幾抵食架!

最鬼憎荷葉味，所有糯米雞，珍珠雞，咩寶飯通通唔會入口。估唔到今次無得揀，硬食一野。一啖豆腐一夠荷葉，用飯送飯都係第一次。不過食食下慣左，其實荷葉都幾香，肉餅內的馬碲粒清甜爽口。下次再黎的話，一定會試…乾炒牛河。

30-5-2005 1930openrice的聚會下下都過卅人，坐兩檯真係有點壓迫感，是日為celebrate重新有聚會一周年紀念，幫主及皇上邀請大家一齊食番餐勁既。在版頭及其他食家大致上與我的睇法一樣，係偏油及漏單都幾嚴重下，之不過炒聖子及黃金蠔確實出色，其他海鮮都不差，唯獨係肉類麻麻地。如果我二選一既話，情願去番東寶或阿鴻小吃好過啦。