新世界韓國食品 (錦薈坊)

Open Now

Now Closed

一路經過舖頭以為係韓式超市，原來入面有熟食外賣，係香港要食到正宗韓國菜好難，全部都係港式連鎖店難得搵到一間正宗韓國菜，味道甚至好過尖沙咀啲韓國菜，啲韓式配菜十分出色，泡菜十分好食要食韓國菜梗係食正宗

兩個人食韓國野，樣樣都想試，但又怕食唔到咁多，而家有選擇啦！呢間D便當一盒有晒前菜、小食同主食，兩個人share就岩晒啦！烤牛肉一品便當 $90有4款前菜，2舊炸雞，炸雞有少少辣，仲有蛋卷，牛肉甜甜地，份量都唔少。炸豬扒便當 $60因為價錢相對平，所以少左小食，但一樣有4款前菜。炸豬扒夠鬆軟，外脆內軟，配上醬汁，酸酸甜甜，特別開胃。另外仲有D飯卷配炸物便當，或者韓式炒粉絲、辣炒年糕便當，款式選擇多。前菜仲會不定期轉款，性價比相對高。

爸爸明日放假，本身想收工一齊去市中心食野，順便去郵局出面的智能柜攞快遞，但個天好似想落雨，又見明日都出街，就等爸爸買外賣返黎算數。爸爸買另一間牛肉飯（同呀仔一齊share），我就可以自私食“新世界韓國食品”。韓式炒粉絲（L）$60：以前食都吾覺咁多配菜（啲洋蔥超生），可能因為大盒左，平時我吾係食（L）既，都吾知老公做咩買錯。辣炒豬肉紫菜飯卷$40：因為吾洗預呀仔食，所以揀左辣，點知呀仔指住要食，我就比左掂吾到辣汁既飯佢食，入面足料，咁既價錢真係抵食既。

連續叫某外賣APP叫咗幾日🤣🤣🤣其實我覺得食呢一個拌飯都幾健康🤔，有菜、有肉有飯，蛋白質+維生素+碳水化合物全部有齊每次都食到lam lam脷，好滿足🥰🥰🥰

終於唔使出去尖沙咀先買到正宗韓國嘢，屯門終於有分店，今次買少少返屋企食！我哋買咗紫菜飯卷，令人想起韓國麻油味嘅飯卷，好好味😋另外仲叫咗韓國蛋卷，呢個味道就淡咗啲！仲有韓式炸紫菜粉絲卷，呢個就幾好味～不過係店舖可能放耐咗～食落口凍咗啲！整體來講食物質素正常啦，始終呢三樣食物都係預先整好，未必係熱辣辣亦可能放咗一段時間～所以呢個睇你好唔好彩啦！價錢方面～韓國熟食一向都偏貴～所以同其他店舖都差唔多啦！