銀龍粉麵茶餐廳 (Closed)

反正咩都貴, 就叫海南雞飯啦點知佢d 雞, 又淡又鞋, 好似o係水度煲咗24小時拎番上來咁味, 都唔知自己食緊乜.d油飯好乾, 連d甜豉油都有苦味.唯一可取,係d花生夠脆!呢間o野乜都貴, 連加飲品都要8至11蚊, 要髀的話, 要加成10蚊!咁o既出品, 憑咩收咁貴?20蚊就差唔多!

小弟今日私務繁重，及至晚上近十時才有時間醫肚。走經銅鑼灣，選擇最多當然是渣甸街，不想隨便吃個粉麵，最後走至近街尾的銀龍，貪其選擇較多。銀龍為連鎖式茶餐廳，分店遍佈港九新界，食物總類繁多，由中式粉麵、西式茶餐、以至港式大牌檔小炒也一應俱全。拿起菜牌左看右看，花多眼亂，但最終鎖定了中式小菜裡的沙薑雞套餐。 例湯：乍看以為是大路的霸王花，看真才知是家常的涼瓜黃豆排骨湯。涼瓜味苦，不是個個客人能接受，故坊間也較少用於例湯中。這個例湯味道不但不苦，還帶點甘甜，當中還有黃豆特有的豆香，而且不如坊間般淡如水，算是小弟較少會讚的免費例湯，很好。 鹽水沙薑雞：賣相比不少大牌檔更為討好，而且份量也算十足。雞件肉厚肥美，頗具雞味；鹽水滲滿雞油，香濃惹味卻不會太鹹，就算不以附送的沙薑醬蘸吃已是一流。不過以沙薑醬蘸吃又別具一番風味，因為這個沙薑醬不會只有鹹味，還帶沙薑特有的辛香味，很出色。 少有光顧有名的連鎖式茶餐廳，因名牌效應往往保不住高質素。今次走進銀龍，隨意點個小菜卻喜出望外，當然有可能是小弟「好彩」，但不給一個笑臉也對不起自己哩。 另外，餐牌上列出套餐為 $46，但最後只收 $44，不知是否因過了

是日天陰，下雨天~假期~得知銀龍勇闖港島區已有一段日子，遲遲不願幫襯只因多年前於MK & Ｔｓｕｅｎ　ｗａｎ，曾造訪過而帶來不快經歷。（舊事已過無謂再講！）既帶住至愛，就趁難得假期，給它（自己）一次機會，縱使不好吃，至多不再去吧～中午－假日，人不多，一到門口，阿姐已很好招呼‘弟’上膠袋用來入住濕遮，（第一印象已不錯跟住另一伙計很快招呼我俩入座卡位。)環顧四周，始終新装修，光猛整潔，坐下也感舒適，不會太局促！看看餐牌，至愛已很快挑了所吃－〉白汁帶子龍利柳意粉（＄４２）反而我遲疑一輪，想吃湯粉麵（廿多元），但没有餐飲跟（需另加＄８）感覺不化算～雖説至愛付款，但計落唔抵吃啊～～另有常餐＄３６／特餐＄３８，最後都選上了常餐～分别有：迷你牛油朱仔包（真好迷你想分半比至愛，兩啖都無了）火腿鮑魚絲奄列。個旦漿我嚴它煎得太熟而至愛覺得它似溝了旦粉開水；同澳洲牛奶公司差得遠了。。另仲有一碗鷄翼加炸菜鷄絲米粉，鷄翼無乜味，當然預咗雪藏貨，反而個湯又Ｏｋ咼，没有太濃味精做底，侍應還貼心地‘弟’上多一碗湯。（因為眼見我碗米粉索晒ｄ湯，細心～抵讚）問侍應要辣椒油，也見友善面帶笑容～招呼不像一般茶餐廳；讓我這無辣

星期六晚想睇波, 印象中銀龍有直播. 原來7:45分場無得播, 只播下一場, 但入到去坐低左, 就試下.佢地既食物水準是可以, 比起其他出名的茶餐龐平少少, 而食物水準當然比佢地低少少.不過銀龍的食物, 份量十足, 好飽..不會特地去的一間茶餐龐值得一提的是店員禮貌幾好~

今日去左港島果邊「炒散」十一點幾嗌定外賣好快就送到成班同事一齊食叫左個咸魚雞粒炒飯+汽水個飯出乎意料地好食味道夠之餘 配料都幾多而且鑊氣十足仲自動波用透明膠杯另上冰底成罐可樂比你正!!!!!!!!!

由澳門返抵香港之後，我們三人先到媽媽朋友位於銅鑼灣的家中探望，逗留了大約25分鐘之後離開，隨即步行到渣甸坊近邊靈頓街的銀龍晚膳。推門進入餐廳，見到裝潢的裝修及擺設，牆上的電視機正在播放有線新聞。餐廳內的食客不算多，很容易找到四人卡位，正好是面對電視的。作為一間集團式經營的茶餐廳，早已經實施電腦化落單系統，方便收銀員計算及管理。餐廳內的侍應，多數是約三十多歲的青年。個個不但精力充沛，而且給人一種文質彬彬的有禮感覺。說回我們三人的柯打，爸爸選擇了T15下午茶餐，焗芝士石斑飯及例湯。而媽媽則單叫鮮茄牛肉飯，我就揀左一份常餐，包括炸菜雞絲配雞中翼湯麵、牛油豬仔飽拼鮑魚火腿絲奄列及熱奶茶。餐廳內的侍應表示，我們的T15茶餐係是日最後一個下午茶餐柯打。而根據餐牌所示，下午茶餐的供應時間直到晚上七時。鮮茄牛肉飯 - 媽媽在落單時要求廚房不要將蕃茄煮得過熟，以免失去應有的口感。當飯品送到時，蕃茄的確煮得剛剛好。白飯本身煮得粒粒分明，牛肉入口又唔韌，唔會食到那晒口。焗芝士石斑飯及例湯 - 本來這個下午茶餐，是跟一杯餐飲。不過爸爸已經在船上，先後喝了兩杯咖啡。於是在落單時向侍應詢問，餐飲可否轉為例湯，侍應

1-8-2010一直知道旺角銀龍幾出名 (仲聽過關於佢的「蛋白質乾炒牛河」謠言...), 人在銅記仲竟然見到佢開了分店喺渣甸街, 又入嚟食個早餐.牛油豬 ($13): 如常「面」好食過「底」, 不過兩者都烘得唔太夠, 食落鬆而不脆 又唔夠熱, 牛油都唔溶; 牛油份量亦顯得太多, 唯有自行刮走「多餘」的. 麻麻哋的一客豬仔, 始終都係華康 (http://www.openrice.com/restaurant/commentdetail.htm?commentid=153623) 好. 熱華田 ($13): 本來無諗住評的, 不過呢杯奶成份甚重, 朱古力味亦出奇地香 , 又估佢唔到.埋單 $26, 有機會再試佢的奶茶及公仔麵吧.

上個星期六師傅一支公黎到老銅, 撞啱下午茶時段, 加上師傅好肚餓就決定去搵少少野食去醫下肚, 但喺老銅師傅一向都出事, 皆因唔熟所以唔知點揀, 是次亦是, 印象中呢間食店係新開張, 於是決定入黎試下去!入到食店人唔算多, 師傅求其搵個位坐底, 就即刻睇下有咩想食, 可惜左睇右睇都冇咩吸引, 但礙於師傅太有性格, 所以唔好意思走, 就唯有免為其難柯打一款食物啦, 於是就揀左一碗牛肚米, 而且係冇飲品!等左一陣一碗熱辣辣嘅牛肚米就放左喺師傅面前, 賣相講真真係一般, 於是先試下個湯底, 師傅一向以來都認為湯底乃係一碗麵嘅靈魂, 所以湯底真係十分重要, 第一啖入口淡而無味, 連少少牛腩汁都唔覺有, 清到有少少過份, 絕對係一放入口已經想噴番出黎, 真係無誇張到, 湯底水準之低可想而知; 米粉就普普通通, 而牛肚水準參切, 一件腍時一件韌, 絕對係一啖沙糖一啖屎,好唔掂呀!總括黎講牛肚米質素甚差, 環境一般, 服務一般, 價錢唔算平, 典型老銅價, 廿六蚊一碗米粉, 仲要冇飲品, 仲要係下午茶時段, 所以非常之唔抵食! 牛肚米難得有咁嘅水準真係令師傅快d起錨, 更加覺得入黎下午茶係超錯; 肯定

渣甸街這邊的早餐選擇一向不太理想得悉銀龍在此開店很是歡喜以前旺角荃灣食過算ok啦今日特地早起試試有很大期望嘩!早餐選擇很多很亂粉麵魚蛋都有實屬難得不過早餐組合實在亂到離譜牛肉麵跟飲品$20,要包加$3,要蛋加$5又或者豬扒麵好似$25加咩又咩食早餐的人是早起和迷糊的一早要被不同的組合和價錢磨人實在辛酸你可以說是選擇多為了客人不過到頭來一個餐要包要蛋埋單盛惠三十元食的東西又不是特別連熱都談不上甚至員工也被matrix餐牌混亂了落錯單還是喜歡翠華只得好吃的abc餐

今天放得晏，於是決定食埋飯才回家。突然很想吃公仔麵，於是入左去呢間銀龍。因為世界盃的期間，我見佢有幾個電視都係播緊有線台，而且係賽事期間可以去睇波添。我叫了常餐。凍食要加2元，而我又要轉出前一丁，要加4元。常餐有鮑汁火腿奄列、'迷你牛油豬仔飽、沙爹牛肉出前一丁、凍好立克。火腿奄列：味道唔錯，但唔係咁食到鮑汁，但都唔太差。沙爹牛肉出前一丁：出前一丁煮得啱啱好，唔太淋。而牛肉的感覺都OK嫩，但味道好像濃了一點。而且唔係太食到沙爹味。