牛牛

Open Now

Now Closed

✨沙嗲牛麵關注組Top3？！西貢人氣大熱小店✨.據聞位於西貢的牛牛是沙嗲牛麵關注組的Top3店，即使平常比較少吃沙嗲牛的我也被吸收到訪，假日約1點半去到，在小巷中等了一組人約10分鐘便到我們了；店內環境簡約，就是坐得十分擠逼，當天我們也剛好只可坐到吧枱位置，而且人手不足，不過這正正就是人氣小店才有的地道Vibe!.▫️沙嗲牛肉湯麵 $50（8/10）我們叫了個湯麵，意想不到湯底十分濃稠(濃得有一刻懷疑是撈麵)，沙嗲味確實挺香，只是花生味存在感好弱，至於麵軟硬度適中，牛肉也不難咬味道也不錯，值得大讚的是吃完後也不會覺得口渴～.▫️匈牙利面珠登飯 $65（8.5/10）牛面頰十分軟腍，配上匈牙利汁更是十分下飯，飯量很多且粒粒分明，煎蛋則不過不失我們都覺得似乎這碟飯比沙嗲牛更出色₍ᐢ.ˬ.ᐢ₎.▫️烏龍茶 跟餐$15.❥…我們吃過後，一致覺得沙嗲牛麵是above average的味道，只是有一點名過其實，有點點失望因為他被吹捧到Top3的level，個人會覺得長洲的陳通記及元朗的永順會出色不少呢；另外值得留言是店內無論員工還是老闆娘，雖然他們沒對我們做什麼，只是從他們跟其他食客的互動所見，態度都好

位於近去彩虹地鐵站小巴站附近嗰條食街金雞海南雞隔離雖然係賣沙嗲牛但係唔做早餐 朝早行山前嚟食係會摸門釘㗎除咗沙嗲牛肉仲有牛脷揀分咗幾次嚟試試沙嗲牛肉湯麵濃 湯底無好似其他出名沙嗲牛鋪咁有花生微粒但無想像中香麵軟硬適中食公仔麵都要有al dente 重要睇返前幾個月啲食評 加價都幾快🫨沙嗲牛肉撈麵覺得沙嗲同撈麵依樣嘢唔太夾唔係我口味沙嗲牛肉脆麵同撈麵一樣睇法都係食湯麵穩陣啲另外一提老闆娘要顧住個樓面又要入廚房幫手都好nice 👍🏿

同男朋友都超中意食沙嗲牛，咁啱周末去西貢staycation就決定一定要嚟試下去到果陣差唔多12點，出面已經勁長龍！本來都擔心要等好耐，但好彩原來大家都只係等開門，好快就入得去沙嗲牛肉湯麵 $50沙嗲面珠登炸麵 $65罐裝汽水 +$10沙牛麵當然係重頭戲！但難得見到有炸麵就決定每樣試一碗沙牛醬夠濃夠香面珠登麵好嫩牛味好重，但我都係中意牛肉多啲～啲肉嘅份量睇相已經好多，食極都仲有咁好幸福啊鹽燒厚切牛脷芯 $55有小小偏咸但燒得好香好惹味男朋友話係全香港最好食嘅沙牛我覺得之後每次入西貢都會忍唔住食返碗先！

行經西貢，發現呢間餐廳都幾多人等，而店舖外面亦都甜滿沙嗲牛既相，鍾意食沙嗲牛既我，都被吸引左，雖然唔係太餓，都要排隊試下呢間沙嗲牛有幾出色😂😂😂在店外除左見到好多人等位外，仲會聞到好香既沙嗲牛味，所以未有位次前，對呢餐都滿滿期待的。😋沙嗲牛肉湯麵沙嗲牛肉湯杰杰的，但食落時味道唔夠味，只是普普通通的，唔會話特別好食；而牛既質地就唔錯。不過可能見到咁多人排隊，未食前係期待，但食完就有少少失望。如果要排隊，未必會食而服務方面就唔太好，而且坐得迫迫的，整體經驗好一般

實在係太耐無食好味嘅沙嗲牛麵🥹星期六玩完獨木舟上岸之後嚟食好好彩唔使排隊除咗麵同飯 仲有好多小食選擇肉 麵 汁 都可以自己隨意選擇肉：牛肉, 牛脷, 面珠登麵：湯麵, 撈麵, 炸麵汁：沙嗲, 黑椒, 匈牙利沙嗲牛脷炸麵 $65加蛋 +$5第一次食沙嗲嘅炸麵沙嗲濃郁得嚟 質感好杰身仲有少少甜甜哋 好好味耶~🥰炸麵相當之脆身 撈埋汁汁食 都唔會話太乾食完都唔係好夠喉 下次再加底先得🥹牛脷好厚切 味道就正正常常啦沙嗲牛脷撈麵 $55撈完之後好吸引沙嗲完完全全咁覆蓋住每一條麵可惜個麵偏淋身 有啲一pat嘢嘅感覺 如果個麵硬返啲 咁就不得了🫡沙嗲牛脷湯麵 $55加咗湯都幾濃郁但相當就無乜特別 試完三款之後 炸麵最好味流沙鹹蛋黃薯條 $45🍟真。流沙鹹蛋黃 好香好濃郁耶☺️加埋落薯條 無得輸再配罐可樂 完美

最近朋友話睇到有間西貢專門食沙嗲牛肉麵嘅店舖，今日放假同朋友一齊去食，$50一碗，價錢中規中矩唔算太貴，但係食完會覺得CP值好低，首先沙嗲味唔夠突出，淨係食到好鹹，個面係一般嘅麵餅，唔係出前一丁果種，呢個都可以接受，但係上到嚟個面似係完全冇煮開，同其他留言嘅朋友形容得差唔多，偏硬。總括而言，可以一試，CP值偏低。

喜歡吃牛的話，西貢巷仔內的牛牛　Ngau Ngau也許是可以再三回訪的好去處以牛肉、牛脷或牛面頰配搭麵包飯麵，餐牌上每道菜式都惹人垂涎然而西貢快閃數小時，我們的目的地卻不少，胃納跟不上步伐就唯有斟酌份量排隊等位時已經要揀定心水，匆匆落單，志在快幾分鐘吃到期待已久的香口滋味雖為店家名物，但對沙嗲牛肉相對地興趣乏乏，反而更想一試配搭黑椒汁、匈牙利醬決定點份酸甜開胃的匈牙利牛脷撈麵　Hungarian Ox Tongue Stirred Noodles　$55用料毫不吝嗇，大件厚身的牛脷肉味濃郁又不帶腥臊，吃起來亦不硬韌匈牙利醬汁一向是牛料理的好拍檔，唯獨質感杰身油潤了些少，若偏清爽重酸就更合心了至於撈麵底彈牙好嚼易掛汁，不會過濕軟爛；這樣想來，或許醬稠是因為要作拌醬之用？小食有新鮮熱辣得稍會燙口的流沙鹹蛋黃薯條　Golden Fries　$45，香脆不泛油如果用上粗薯想必更冶味；店家的黃金魚皮和雞翼亦很誘人，可惜此行未能來場全包宴

濃郁嘅沙嗲牛麵牛🐮🐮分別可以揀牛肉、牛脷、牛面肉麵🍜就可以揀湯麵、撈麵、脆麵各花入各眼🤓但我覺得湯頭方面可以再濃厚多少少同意再杰身啲花生醬味再濃少少嘅沙嗲牛🤣食一碗都真係已經好夠飽

前幾日入西貢 經過呢間嘢 叫牛牛， 都幾得意真係主要食牛， 牛面牛脷牛肉都有， 麻辣叉燒都有創意， 我就梗係試咗個牛 面豬登 炸麵確實幾好， 自己有得揀匈牙利汁黑椒汁 沙嗲汁， 我揀咗個沙嗲汁味道ok， 朋友就叫咗個牛脷黑椒汁飯， 我試咗少少牛脷都夠淋嘅， 不過你話超好食又唔係， 難食又唔 算， 不過我 都 覺得 幾特別， 同埋佢嗰啲汁， 送料 可以任你配搭， 算係咁， 我覺得可以一試， 特別係我個牛面豬登炸麵

唔少食評同飲食網站都推薦，入到西貢一定要試牛牛，不過個人覺得冇乜特別，個體驗仲有啲難受😅特濃沙嗲牛肉麵特色沙嗲醬喺人手炒製。沙茶醬個質感係好濃郁好杰撻撻，但好出奇個味道反而偏淡，得甜味，食唔出芝麻醬、花生醬🥲。牛肉都幾厚身，但比較靭，因為個醬，唔係好食到牛肉本身嘅味道，所以我就真係食唔到大家推薦嘅味道😟鹽燒厚切牛脷芯牛脷就好啲，香口亦都算好足料，真心厚切 喺厚切椒鹽一口牛面珠登牛面肉肉質好腍，我哋自己落咗啲薯條嘅調味粉，都幾唔錯個人覺得呢間小店被吹捧得太犀利，可能期望過高，就會帶來失望。當日我哋一行五人，諗住問吓老闆可唔可以逼逼地一齊坐四人枱，但點知店員服務態度好差，說話好唔友善。雖然明白假日可能好忙，但真心呢個服務態度需要改善! 牛牛嘅體驗🐮就真係可一不可再😅

早前去咗轉西貢，周圍飲飲食食，其中一餐就去咗「香港沙爹牛肉麵關注組」力推嘅牛牛食沙爹牛肉麵。.沙爹牛肉湯麵 $55一睇就知沙爹湯底有幾濃厚，甚至係濃到有啲稠身。味道方面，沙爹味的確係好濃郁，但就無花生香味，湯底味道就唔算好有層次。但既然佢叫「牛牛」，其實牛肉🥩先係佢哋嘅重點，牛肉厚薄切得啱啱好，食落唔會覺得韌，掛湯，有牛味，牛肉嚟講就唔錯嘅，而且份量都幾多。麵底都係普通光身麵🍜，但湯底味道就比較單一，個人覺得湯底嚟講，長洲陳通記同堅尼地城誠記更勝一籌，至於荔枝角好好運，我哋就仲未試到🥹，比較唔到啦！

作為沙嗲牛麵既粉絲，入到西貢，冇理由唔試呢間傳說中可能係最好食既沙嗲牛！店舖比想像中細，座位較迫。見到個menu十分吸引，沙嗲牛原來可以演變咁多花款，可惜有點飽飽滯滯，只能夠點一個沙嗲牛湯麵，勉強阿仔陪我點一款其他，佢揀左色色薯條。等左冇幾耐已來沙嗲牛湯麵，忍不住先呷一口湯底，湯身比想像中偏稀，但入口仍充滿香濃沙嗲特有的花生香，再來一口牛肉，雖然牛肉件件厚身，但食落非常新鮮嫩滑，而且好入味，簡直令人眼前一亮！至於色色薯條似一般西餐漢堡飽伴碟既質素，來時咩味都冇加，提供一盤5款shake shake粉，包括蜂蜜芥末、海苔、孜然粉、BBQ同埋麻辣口味，比客人自己加。咁多款味粉中，麻辣最野味好搭，此外，蜂蜜芥未都係唔錯選擇，不過可能啲粉開封咗一啲時間，有結粒，未能均勻撒在每條薯條上，因此多數係薯條味粉分離，食唔到shake shake薯條既獨有滋味，可惜。

⃣ 鹽燒厚切牛脷芯 $55呢道菜嘅牛脷芯好大塊🐮🐮肉質厚實爽口，口感淋潤多汁，充滿濃郁嘅牛肉味，用咗鹽去調味，唔會蓋過咗牛肉嘅味道，肉質都唔會鞋口，好食🤤🤤🤤👉🏻 𝑹𝒂𝒕𝒊𝒏𝒈 : 𝟳/𝟏𝟎2️⃣ 沙嗲面珠登撈麵 $55濃郁嘅沙嗲汁加上花生，麵條好掛汁，口感豐富，不過食哂一碗都幾濟😂😂面珠登嘅肉質都鮮嫩，有濃郁嘅牛肉味，岩哂重口味人士！😜😜👉🏻 𝑹𝒂𝒕𝒊𝒏𝒈 : 𝟴/𝟏𝟎3️⃣ 流沙鹹蛋爆汁雞翼 $58呢個雞翼係3個最出色嘅！☺️☺️☺️有流沙鹹蛋爆汁，鹹蛋味好重，好香！雞翼肉質嫩滑多汁，又好大隻😍😍👉🏻 𝑹𝒂𝒕𝒊𝒏𝒈 : 𝟴.𝟱/𝟏𝟎

難得入西貢就去試下網上好多人推薦嘅沙嗲牛肉麵，12點3左右已經坐滿人，門口有人排隊，我哋得2個人所以即刻有得入。叫左牛脷同沙嗲牛肉湯麵，一個淨沙嗲牛麵都要50蚊，心諗到底有幾好食呢？食完好失望，真係名過其實。成碗野得啲醬嘅味，個醬仲要唔香，得個咸字。啲牛肉冇味，係幾腍，不過好明顯係俾梳打粉乸過嘅口感。食左半碗頂唔順，因為我覺得自己似食緊醬多過食沙嗲牛肉麵。隔離枱嘅後生情侶話好好食，好啱佢哋啲重口味嘅人。咁佢真係幾重口味，感到咁都仲食撈麵。又可能真係因為我同老公年紀大😮‍💨所以唔明佢有幾好食🌚老公話佢公司對面間茶記嘅沙嗲牛肉麵好食啲😂

難得入西貢搵嘢食嘅時候見到呢間好多人推薦🤔話係全港頭三嘅沙嗲牛肉麵就當然要試下啦入到黎店鋪細細 店員冇咩服務.味道都不算太突出湯底的確比較濃郁少少🤏不過僅此而已可以話非常普通 普通食下都OK嘅當試下🤣🤣.沙嗲牛肉脆麵偏全乾身非常脆～睇啱唔啱你口味啦我個人就偏向喜歡半濕半乾😂.對於重口味星人黎講湯麵冇辣椒油真係爭啲檯上面嘅調味粉差唔多全部試勻都唔覺特別襯有孜然、BBQ、麻辣粉等都算多選擇🙌🏻