日牛涮涮鍋專門店 (Closed)

晏晝咁啱經過見到冇人排隊 就諗住試吓呢間 一入到去就開始揀湯底 最後揀咗蕃茄湯。蕃茄湯黎到發現係白雪雪 仲有幾條魚乾係湯到 諗住問一問職員 係咪拎錯咗。樓面姐姐行過嚟一口咬定呢個就係蕃茄湯 咁樓面姐姐語氣咁肯定 我就諗住試一試個味道 試完係0蕃茄味😅😅完全就係雞精溝水 仲有啲魚腥味 真係唔明點解個湯白到咁 都可以咁肯定話係蕃茄湯。然後 諗住問一問其他職員 黎咗個後生男職員我：想問下呢個係咩湯？佢：你嗌咗咩湯㗎？我：我嗌咗蕃茄湯佢：呢個就係蕃茄湯嚟我：。。。。。。。。。 完全唔知俾咩反應 咁好啦 你哋咁實牙實齒話係蕃茄湯 咁可能你哋鋪頭啲蕃茄湯真係白雪雪 只怪我見識少 真係未見過。調味料區既麻醬稀到冇味 加咗好多水黎溝 蒜蓉係出晒水 最西利係鼓油 冇味👍🏻真係見識少 第一次見火鍋店調味區冇辣椒 反而求其俾咗啲辣椒粉 完全得鹹味冇辣味連最基本既湯底同調味都做到咁差 大家都唔好期望咁高。店員態度一般 淨係掛住係度執枱 我淨係叫咗一次加牛加雞都可以漏 仲要摧單😅😅最後食咗雪糕 味道一般 但返到屋企屙到七彩。

食物種類極少，又極難食。已經是叫第二貴的套餐。牛肉好似橡筋咁銀，食牛肉沒有牛肉味，食豬肉沒有豬肉味，質素超鞋。，如果想中伏，即管可以去試下。建議大時大節大女朋友去食，包你分手。

服務質素差，三個人執一張枱，就沒有其他侍應能夠服務，所有湯底、醬油和雪糕全部都溝上大量既水，搞到全程都係點豉油去食，而且連最基本既辣椒都冇，蒜蓉拔出黎係水我都第一次見，冷氣又壞埋，冇睇食評走入黎，係今日最失敗既一件事。

雖然早前見到「劣評如潮」既評價，但是因為有老有幼，近，就試一試。。。其實呢，豬牛羊，性價比okay !但啲服務真係差到一個點！！！入坐計食90分鐘，坐下10分鐘叫左4次先幫我地下單，仲要黑口黑面，要咩呀，講啦！之後每次再下單，舉手係無人理，每次都係要「唔該、唔該、唔該」，叫左n-1 咁多次先有，好似乞食咁！但75分鐘係識得自動自覺叫我地好埋單！呢個時候，再講下單都無意義，都食唔切！

攞飛安排冇準則職員話跟攞飛時間安排入座好明顯見到遲黎先上岸大台, 二人優先四位你等下喇派飛職員態度仲要好差好多人都問佢 派飛個準則佢梗係搭到模稜兩可啦唔係啲仔要食我真係走人, 不過都講左呢次係最後一次等到之後果個放題真係唔該晒咁既質數咁既價錢商場裏面大把其他更好選擇又唔使咁受氣

警世post！！！！！！！會入衣間其中原因係吾洗點等位. 如果話要睇性價比 最平個餐係你最好既選擇. 但係想話食好少少呢 我建議就千祈千祈千祈吾好去啦.利申 已經係278個plan第一 牛既質素好差 肥牛一啲都吾肥 入口超級鞋 牛味吾重 似係街市買最cheap個啲肥牛 第二. 出面啲野食選擇「多到呢」我諗有廿野既應該 丸類得三種奇怪丸 奇怪意思係指其他打邊爐或者放題既地方都未見過 如果你係食齋既話 應該都有野食 菜好多😂 第三 醬料味好怪 啲蒜好似擺左好耐出晒水 個個咩辛味紅蘿蔔蓉 又酸又辣 酸係好似壞個隻酸 第四 已經好sad咁食到最後 諗住食甜品 得兩種 朱古力蛋糕仔同乳酪雪糕 個蛋糕就係一般放題個種 乳酪雪糕係話係全餐最好食既野 我食完係真後悔 希望吾好有朋友再誤入 食完會後悔

之前見呢間日牛好似評語唔差，又幾多人排隊咁，今日想打邊爐就試下得唔得先😋。先講店舖環境，感覺都唔錯，黑色主調配上木色既枱面，都幾舒服。坐位都唔會太迫，同埋呢度係一人一爐，可以自私滾幾好😂😂。不過食物選擇真係唔多，今次叫左$188 特選牛，牛肉質素一定唔係最頂級，但無諗到咁差，牛味唔重，無牛脂既香味，比較嚡，有幾片係咬唔開既，失望😣。雖然價錢唔貴，但無諗過會唔好食。其他食物選擇都好少🙄，出面拎既野，多數係菜類。同埋成間舖好似無侍應咁，因為加左$20任飲啤酒，但完全揾唔到人落單，order牛肉又係無人理，最終好似唔係食放題咁，只係order過2次肉同啤酒😳，唯有不停拎出面既菜食，真健康😰😰依家市面有咁多牛肉放題店舖，有得揀唔會選擇呢度😅

有位又唔畀人又唔執枱掛住喺度喺度等淨係畀二人位入多數唔會畀四人為或以上入,等咗好耐先畀人入重要啲服務員多數都唔夠人手唔會幫你清潔等好耐先送啲牛肉過嚟唔建議大家去試

近來試咗三間不同的牛肉放題餐廳，暫時覺得日牛較為遜色。我今次選擇「特選」火鍋放題，$188一位再另外加一。初頭兩round的牛肉總算可以，但第三round的牛肉（第三張相）已經好韌和硬，和我所選擇的「特選」牛肉相差甚遠。自助食品區的選擇和數量也不多，飲品種類也很少。特別留意是雪糕機，出來的軟雪糕伴隨水份，似乎雪糕機溫度未夠凍。另外要留意是室內環境，我座位後面有一部大抽風機，不知道是否冷氣壞了，感覺冇乜冷氣同好焗。

日牛涮涮鍋專門店午市放題❤️❤️我們叫左2個特選放題，有牛肉、豬肉同雞肉，我們揀左麻辣湯，配料都幾新鮮， 一人一鍋，較衛生👍👍整體評分：4/5味：4/5環境：4/5地址：鑽石山荷里活廣場3樓311A號舖

家中有隻大食怪，最愛這類型的火鍋午市放題，每見到必不會放過。說實話確實是幾抵吃的，尤其是見到單碟肉類+放題區任食最平只要六七十蚊，就是一份碟頭飯的價錢，肉肯定是不多的了，但還可以狂吃自選區的丸子啊蔬菜啊。即使是90分鐘的肉肉任食放題，最平的價錢也不過100出頭，對於大胃王來說根本就是天堂吧。而且在這個疫情時代，一人一鍋感覺上也比較衛生。味道方面，在價錢的光環下，只要表現正正常常都等於是好吃了，而且火鍋不就是醬料堆疊出來的味道嗎，起碼我的壽喜燒湯底是會記得要配雞蛋，該有的都有。

醬油超難食 牛超難食 湯完全冇味 勸大家別去第一次食咁難食既 涮涮火鍋 食過其他的就別去這間 浪費錢 同時間 ... 咁啱見到唔洗排隊先知原來唔洗排隊 係真係代表難食架.難食到嘔呀！

🟩❌需然好平，但食物質素欠佳❌🟩食完都有同店員反映食物問題———————-🅾️原本打算係呢個商場一間店舖食韓烤，點知要等，所以就周圍睇吓去其他邊間好，行過見到有間任飲任食火鍋，入面都坐滿人，但都有位可以入座，所以就決定係到食。呢間任食任飲火鍋價錢168一位再加一都係一百八十幾元已經好平，唔知係咪疫情下想吸引顧客，而家係168一位，第二位半價，平到咁😨😨😨😨😨——————🟤任食🐷、🐂、🐔⋯⋯及各款蔬菜🥬🥕🥦🥒🍅🧅🧄粉麵烏冬豆腐香腸肉丸🍡魚蛋茶🍵咖啡☕️各款汽水飲品🥤🍹仲有乳酪雪糕🍦兩條友加埋一埋單都係285元——————-🏈都無全部款式食哂，都係揀D食吓：1-牛肉———普普通通，都食得吓2-豚肉———肉質都算ok3-雞肉———不過不失，一般🔷大部分蔬菜🥬有D可以，有D唔得，唔得既意思係有D蔬仔開始壞的味道，所以有D食到壞味就沒有再拿來吃，今日我就食蔬菜🥬多，韮菜同油麥菜就不錯，所以昵兩款菜我都食咗好多，其他有D🍄同瓜有開始壞的味道，所以就沒有再拿來吃😅———————🟧原本打算食一杯雪糕，但見到由機拉出來很水，所以都不敢吃。最後飲反杯咖啡☕️就最隱陣😂😂——————-❌

6月份感謝際，二人同行一人免費，又有50蚊coupon所以今個月都幫襯咗幾次！午市因為人唔多，所以好快入座晚市就要早啲去，都要等成半個鐘頭！配菜選擇都算係咁，不過丸類就比較少。蔬菜選擇較多，同埋Fill嘅次數都多！牛肉反而失望，第一次上嘅同埋之後加嘅係咪唔同？好似係第一轉咩都好食啲咁。豬同雞都係正常嘅，不過雞嘅份量真係好少，每次得幾舊咁，要叫多幾次！服務都幾快手，係午市時慢啲，有時漏單，員工放飯時無人理。衛生還好，枱同枱之間都有距離。整體都幾好，咁嘅價錢都合理。

晚市攞飛等2x張枱，等左大約45分鐘，唔算太離譜，中間去左Godiva食買1送1，食完等多一陣就有位，嗌飛姐姐好有效率入去時有探熱不過冇見到消毒液提供，唯有用自己野。雖然有貼提示要求客人喺自助區時“必須”戴口罩，但係有好幾個客人冇戴或者戴左係個下巴度，都完全冇職員出聲叫啲人戴返口罩，咁即係個提示形同虛設。哩啲時勢都唔執得嚴啲，黎食野真係搵命摶。講返野食，平平地叫左個特選牛餐，但係後加既牛質素參次，時好時壞，整體唔算太差，有第二位半價都值既，冇既話就貴左少少。