日牛涮涮鍋專門店 (Closed)

晚市攞飛等2x張枱，等左大約45分鐘，唔算太離譜，中間去左Godiva食買1送1，食完等多一陣就有位，嗌飛姐姐好有效率入去時有探熱不過冇見到消毒液提供，唯有用自己野。雖然有貼提示要求客人喺自助區時“必須”戴口罩，但係有好幾個客人冇戴或者戴左係個下巴度，都完全冇職員出聲叫啲人戴返口罩，咁即係個提示形同虛設。哩啲時勢都唔執得嚴啲，黎食野真係搵命摶。講返野食，平平地叫左個特選牛餐，但係後加既牛質素參次，時好時壞，整體唔算太差，有第二位半價都值既，冇既話就貴左少少。