廿一堂

Open Now

Now Closed

同老婆食晚飯。不幸地吃到返炸雞翼，建議不要點炸物。小心中伏，又硬又乾，咬唔入的。以前食過還可以的，現今唔知咩事差到咁。其他野食還可以。價格稍貴，座位是普通快餐枱椅。食客有大概一半是內地人。位置很近荃灣西出口。其他無咩值得點評。

姐姐🧍‍♀️放假🏖️，用Foodpanda order咗14A.鰹魚湯牛肉65C溫泉玉子讚歧烏冬配豚肉野菜脆餃子🥟（2件）、北海道炸薯餅（加錢）、七喜走冰，第二個餐6.熟成牛柳玉子鐵版定食配豚肉野菜脆餃子🥟（2件）、溫泉♨️蛋🥚、面豉湯。Foodpanda HSBC滿$200減$40。帶埋陳皮妹落去廿一堂攞外賣🥡，都等咗一陣先有外賣🥡，兩大袋搞掂🤝。牛柳有口感有牛味，蒜片紫菜飯正，薯餅好食但我唔鐘意沙律🥗醬，冇走醬呢個option

朋友介紹廿一堂的廿一厚切燒牛舌丼好食，終於有得食啦！我點了廿一厚切燒牛舌丼$73，追加北海道炸薯餅$12。個餐賣相不錯，燒牛舌口感和質量不俗，價錢抵食；炸薯餅好香口，好食。

因為有一日朝早返中心下晝又要返返學校嘅關係終於經過海之戀可以試下食廿一堂🥰午餐都幾多選擇 平均$70左右一個set我就叫左個蕃茄濃湯牛肉65 °C溫泉玉子讚岐烏冬🍜佢嘅蕃茄濃湯有滿滿嘅番茄鮮甜味 差D飲晒成碗🍅牛肉份量都多 但我覺得略嫌煮得耐左少少🐮溫泉玉子同呢個烏冬配合得幾好🥚我仲加左個小食——北海道炸薯餅外脆內軟 食得出薯仔嘅香甜同埋鬆軟口感飲品方面 我加左錢要柚子檸檬梳打🥤佢清新怡人 啲柚子同檸檬嘅酸度同甜度平衡得好好記得攪勻先飲最後個set仲包一粒朱古力味大福🍫朱古力cream同糯米嘅軟綿質地交融係呢一餐幾完美嘅ending😋廿一堂嘅午餐值得一試雖然唔算平 但食物有質素同埋份量都多海之戀呢間環境又舒適 座位又闊落

📍廿一堂 (荃灣)荃灣大河道100號海之戀商場地下G02號舖==============================今日放工經過海之戀見到開咗間日式餐廳門口餐牌食物價錢唔算太貴，但種類好多好吸引除咗有火鍋之外，仲有好多款套餐同埋定食如果坐近窗口仲可以望到海濱長廊位置非常舒適，所以就決定晚餐喺度食==============================1️⃣唐揚雞配日式咖喱湯讚岐烏冬套餐呢個套餐除咗碗烏冬之外，仲有麵豉湯甜品大福同埋一杯可樂讚岐烏冬，口感煙靭咖喱湯底唔算好辣，但好香咖喱味,炸雞有四大件，外皮炸到好脆入邊好多肉汁，麵豉湯同大福味道都唔錯2️⃣美國牛小排壽喜湯shabu shabu 火鍋材料好豐富，有好多蔬菜，菇同腐皮福袋😋牛小排切到好薄煮一煮就好快熟牛味都算濃郁呢個火鍋仲配一碗白飯可以打完邊爐之後倒埋啲飯落去湯底一齊食非常飽肚😌

🥢美國牛小排壽喜燒：壽喜燒湯底唔太甜，牛肉沾蛋汁好滑又惹味，烏冬亦好彈牙。配料有年糕袋、金針菇等。🥢重鰻丼🍱飯：鰻魚偏瘦，勝在大份，兩個人都夠食。🥢北海道帆立貝柚子漬物：有柚子味🍊既涼拌帆立貝好清新特別，好食👍🏻。🥢芝麻手羽：香脆可口，但少少硬。🥢豚肉野菜脆餃子：可以放涼左，唔建議。味道：🔅🔅🔅🔅新鮮：🔅🔅🔅分量：🔅🔅🔅衛生：🔅🔅🔅速度：🔅🔅🔅🔅（5🔅為滿分）

呢日食日式快餐，全自助形式，自己買飛攞餐搵位，環境乾淨企理～🔘天婦羅虎蝦野菜蕎麥麵兩隻大嘅天婦羅蝦，仲有幾件冬菇天婦羅，蕎麥麵質地Q彈，邪惡嘅炸嘢配搭清爽嘅蕎麥麵，平衡返感覺冇咁油膩~🔘美國牛小排壽喜湯可以揀壽喜湯或者蕃茄濃湯，牛小排質素可以，但追加嘅豚肉更加好味，半肥瘦肉質軟熟，另外配菜最鍾意年糕福袋，吸左湯汁好好味，加錢轉嘅烏冬原本已經係熱嘅，唔使再煮就咁食都得～另外跟餐追加嘅小食好似都幾抵，加點咗餃子同帆立貝，兩個味道都正常，帆立貝幾大粒~食日式快餐感覺點都好過港式快餐😆😆，食物選擇都夠多~

-呢間食過好多次，呢間店屬於快餐形式，出餐都快，食物款式幾多，水準都OK，所以間唔中會光顧一下。我本身好鍾意食牛舌，呢度啲牛舌係厚切仲要大件，yummy，牛舌關注組一定鍾意！熟成牛柳玉子鐵板定食除咗牛舌，牛柳都唔錯，唔會煮得太熟，裏面仲係少少粉紅色，肉嫩夠juicy，配搭咗燒汁，但係唔會太過鹹。入面仲配咗秋葵粒粒，同埋玉子，呢個配搭真係幾好食。重點係呢個質素配呢個價錢都幾抵食，仲包甜品大福，作為一餐嘅結尾。

唔想食吉字頭，但想食一人一鍋同丼飯試下呢間啦！廿一堂，主打日式定食定食包主食，麵豉湯，飲品&前菜/甜品幾正式，價錢略比吉字頭高但質素上係兩回事，不能比較自助落單，自助搵位，自助取餐食完自助執埋枱有$2回贈添！食物我覺得中規中矩，係呢個價錢嘅貨色我唔會吹到佢好好食，但誠意撘救美國牛小排壽喜湯鍋肉類如圖，比吉記肥牛好，質素一般啦個鍋啲配料就真心靚仔喇！有個靚仔飽滿嘅福袋（年糕）芝士竹輪卷靚蟹棒大隻冬菇超甜粟（真係甜到連個湯都甜埋）金菇娃娃菜胡麻醬等等仲附有日本蛋&日本米飯一碗（可加底）三五知記拾下拾下都幾過癮的丼飯或烏冬選擇甚多廿一燒牛丼醬汁係甜甜地嗰隻日本燒肉汁呢個同吉記嗰隻肥牛飯係兩樣野嚟吉列豬扒配鰹魚湯烏冬幾靚仔，有椰菜絲伴胡麻醬烏冬係讚岐烏冬，冇酸味又彈牙上面有一片豆腐，呢個真心正🤤吉列豬扒可接受，好好食就唔講得上跟餐可加購小食，豚肉野菜餃子還好，但就唔係日式煎餃子嗰種咁多嘢食，都只係人頭$100左右海之戀仲邊度搵到咁抵食嘅餐廳！

廿一堂（荃灣）地址: 荃灣大河道100號海之戀商場地下G02號舖今日去慶祝荃新天地開新冒險樂園，就同男朋友佢廿一堂食嘢先，人山人海，勁多人排隊真係平靚正又抵食。「鐵板角切和牛配燒魂丼」，呢款菜絕對係一個爆炸嘅組合！嫩滑嘅和牛同燒魂丼一齊煮熟，每一口都好多汁好鮮美，絕對能夠令你回味無窮。「吉列豬扒配日式咖喱讚岐烏冬」，呢碟真係將西式同日式嘅風味結合得好好！豬扒煎得脆口，再配上濃郁嘅日式咖喱同讚岐烏冬，每一口都帶來一種滿足感同豐富嘅味覺享受。飲品方面，「巨峰乳酸梳打」同「柚子檸檬梳打」絕對係消暑聖品！巨峰乳酸梳打帶有豐富嘅乳酸菌同果香，而柚子檸檬梳打則有清新嘅柚子同檸檬風味，兩種飲品都好適合解渴同享受。「豚肉野菜脆餃子」同「北海道炸薯餅」絕對係小食不二之選！豚肉野菜脆餃子五個一份，每一個餃子都有豐富嘅餡料同脆口嘅外皮。北海道炸薯餅則係一個香脆又美味嘅小食，絕對能夠滿足你對薯仔嘅渴望。仲有「芝麻手羽」同「65°C溫泉玉子」，芝麻手羽兩件一份，每一件都有香氣四溢嘅芝麻味道。而65°C溫泉玉子則係一個溫柔嘅料理，每一口都帶來絲滑嘅口感同舒服嘅味道。最後，唔可以錯過「北海道帆立具」同「大福」！北海

餐廳食物可以自助下單，感覺超方便；地方寬敞，乾淨企理～豚肉壽喜湯火鍋～壽喜湯味道非常可口，跟蔬菜味道很夾，還可另外加購豬肉、牛肉或雞肉，保證夠吃～天婦羅虎蝦野菜烏冬～天婦羅外層炸得很香脆，有2隻大虎蝦，2件茄子及1件大冬菇，烏冬份量也不少，吃起來很Q彈～豚肉野菜脆餃子～內裡豚肉餡料塞得滿滿的，餃子皮更是十分香脆，沾上柚子醬汁吃更是一流～九洲豚湯野菜煮～滿滿的蔬菜，煮得都較冧軟及吸汁的，除了蔬菜外，內裡還有一隻大冬菇，豚湯味濃～芝麻手羽～外層都是炸得脆卜卜，雞肉有水份感～

放工同同事食飯，黎左近近地既廿一堂，一出港鐡站海之戀出口就見到，好方便呀。先用自助機落單，睇號碼再去取餐，記得食完放回餐盤，有兩蚊回贈架😎🐂牛肉壽喜湯先來一個火鍋，選了配山形米飯。牛肉質素還可以，鍋内配料幾豐富，有福袋、獅子狗卷、金菇、娃娃菜等，壽喜湯底不過甜。個燃料盒看似小小的但火力很猛，很快就滾了，一個餐都好飽呀。🐂廿一燒牛丼 + 大福 + 麵豉湯 + 玄米茶同事叫了牛丼，牛肉份量蠻多，貌似同火鍋用同一種牛肉片。日式醬油調味，甜甜地好味。跟餐的大福是朱古力口味，不錯呀。🐂廿一厚切燒牛舌丼 + 漬物 + 麵豉湯 + 玄米茶另外仲有牛舌丼，話厚切真係好厚切呀，口感正份量多，同事話食得好滿足。🥟餃子 & 薯餅仲加配左小食，餃子炸得香脆，配上柚子豉油，酸酸地又香口。薯餅就有啲失望，炸粉太厚了又硬，可能放耐左先食啦。飯市話麵豉湯係免費送的，跟餐餐飲有玄米茶或汽水揀，亦可以加配特飲的，全自助無加一，餐廳又幾好坐位，有下次👍

一直鍾情於日式連鎖快餐店，口味食極都唔會食厭，價錢又相宜。呢間係日式嘅快餐店 #廿一堂。CP值幾高，而且系連鎖式經營，食物水準有保證!!✅豚肉壽喜湯火鍋-(追加$28美國牛小排)可以揀壽喜湯或者番茄湯，一人火鍋價錢嚟講唔貴，味道甜甜地仲要質素又唔差。鍋中有金菇、娃娃菜、冬菇、蟹柳、粟米、芝士竹輪、年糕福袋，好有日式風情。仲有提供胡麻醬點食物同雞蛋，配上讚歧烏冬添，真係食得勁飽!!✅天婦羅蕎麥麵 $98天婦羅有三隻蝦，冬菇，茄子，炸得幾脆。冷蕎麥麵條富有彈性，冷麵汁清爽，有種清爽口感。並有蔥花，海藻，芥末在旁，份外滿足。✅小食方面北海道炸薯餅，芝麻手羽，豚肉野菜脆餃子秋風起，一個人或一班人想食火鍋，#廿一堂都係一個不錯大眾選擇！📍廿一堂地址：荃灣大河道100號海之戀商場地下G02號舖電話號碼: 28127113

荃灣西站連接嘅海之戀出口，好醒神嘅招牌，今日想嚟食下壽喜燒同丼飯～～一人前嘅壽喜湯火鍋，份量都ok, 可以揀豚肉、牛小排或者雞肉～我另外加錢食晒豚肉同牛小排～湯底夠味，有幾款蔬菜配菜，豬同牛都有啲肥，但味道質素都幾好～另一個，鐵板角切和牛配燒魂丼，幾香口惹味，肉味香濃、嫩口～燒魂丼就係半熟蛋撈紫菜飯，滋味配搭～除咗有多款丼飯嘅選擇，仲有唔少嘅小食～呢個日式餃子都唔錯，香脆外皮，包滿肉餡，有肉汁～帆立貝漬物，開胃前菜，幾爽彈～柚子梳打同巨峰提子乳酸梳打，幾解渴好飲～

我地一行3人係Donki 掃完貨後，就到廿一堂食晚飯， 係門口購票後就入去座低等叫號碼取餐， 呢到都好多套餐提供，飯，烏冬，打邊爐都有。✡️ 鐵板角切和牛配燒魂丼 ～ 和牛粒煎得好香， 配放滿紫菜仲要有個溫泉蛋係中間的飯一齊食好正。✡️ 吉列豬扒配日式咖哩讚岐烏冬 ～ 吉豬厚切，日式咖哩係香而不辣，烏冬qq 又掛咖哩汁謙謙超讚。✡️ 牛肉壽喜湯 ～ 有牛肉、娃娃菜、粟米、金菇、冬菇、蟹棒、芝士竹輪和年糕福袋，跟日本山形米飯和可樂。壽喜湯甜甜地唔會太咸，火鍋食材夠哂豐富，一個人食超滿足。加配小食⬇️⬇️⬇️✡️ 跟餐 $12 北海道炸薯餅✡️ 跟餐 $24 豚肉野菜脆餃子5隻