廿一堂

Open Now

Now Closed

聖誕假期沒有外遊，boxing day應朋友之約，去了荃灣西愛之戀商場之日本餐廳廿一堂食下午茶店在荃灣西站C出口，不難找。這是間連鎖快餐店，採自助形式，排隊買餐或自助點餐取票號再自己取餐，食完更要自己收拾餐具，回收餐盤，可以取得2元優惠券，下次使用。雖然是快餐店，但裝修光猛，地方寬敞，環境不錯，靠窗位可望到街景。到四點開始，有一人前壽喜湯shabu shabu供應，猪，牛，雞，下午茶特價收68元，我們都選了一人前牛小排壽喜湯，番茄湯底一人前火鍋份量足夠一人吃配料有魚腐，腐皮，鮮冬菇，芝士竹輪卷，金針菇，小塊粟米，蟹柳，娃娃菜，玄米茶及珍珠飯，生雞蛋，朋友就加8元要了烏冬。食物中規中矩，火鍋配料味精較重，牛肉質素一般。總括在這裏用餐體驗，食物質量一般，但環境舒適，服務員態度親切友善，下午茶價錢相宜！

今日Lunch 嚟咗呢度食，裡面環境寬敞，呢度可以自助落單叫嘢食，我今日試新嘢！午餐 12B. 鐵板芝士漢堡扒配鰹魚湯讚岐烏冬 （$82）芝士漢堡扒：有啲燶，一咬就爆肉汁。芝士味道較為淡。肉質細緻嫩滑，油脂分佈均勻，口感豐富，但有啲鹹。薯角唔乾脆，好腍。可惜個汁太鹹同多油，感覺成口好油膩。我食到一半就唔想食。（可能唔係我鍾意食嘅味道！）鰹魚湯讚岐烏冬：湯底香濃、鮮甜，烏冬煙韌彈牙。好食！讚！- 巨峰梳打（+$10）冇乜巨峰味道！

想要一間有海景的餐廳 但又唔想食咁貴 依一間日式快餐店位於海之戀商場 窗邊位置可以望到荃灣西海旁 店舖採用自助形式 落完order等叫number.美國牛小排壽喜燒湯底有壽喜燒和番茄湯可供選擇 壽喜燒湯底不太咸 帶有香甜味 牛小排肥瘦相間 望落都幾新鮮 煮熟後配以香甜蛋汁或者胡麻醬 火鍋配料份量十足 有蟹柳 、冬菇、粟米、金菇、芝士竹輪、娃娃菜、仲有褔袋 褔袋入面有煙韌年糕 湯汁最後可加入白飯 餐飲可以選擇玄米菜或汽水廿一堂荃灣大河道100號海之戀商場地下G02號舖

位於荃灣海之戀商場，地鐵站C出口一上就到，地點很方便👍🏻👍🏻平時就食開蕃茄烏冬，今日突然想試吓個丼飯，分別叫咗一個蔥燒豬牛丼飯同埋一個燒鳥飯葱燒牛豬 - 牛肉比較薄，燒得比較乾 豬肉肥瘦適中，但邊位全部都燒燶晒燒鳥 - 好似冇燒過一樣，似係用燒汁煮嗰啲雞肉跟餐仲有大福，今日係綠茶口味，外面有少少椰絲，通常口味都係隨機，見到隔籬枱食原味。整體嚟講麻麻哋，下次都係食返烏冬，烏冬煙韌彈牙，蕃茄湯底亦好出色👍🏻👍🏻

我最近去咗位於海之戀嘅「二十一堂」,呢間自助式日式食堂係幾ok。首先我試咗佢哋嘅厚切牛舌丼,牛舌鮮嫩滑溜,唔韌，飯底應該係珍珠米。滑蛋吉列豬扒丼都算肉質嫩滑,蛋面滑溜。飲品就選咗冰凍宇治抹茶,好清涼解渴。最後仲有一款餐後小食 - 日式和菓子,口感軟糯,好特別。環境就係普通快餐店嘅食堂，坐緊窗邊位係好chill, 仲有呢間餐廳鼓勵客人自己放回餐盤，完成後可以得到一張現金coupon下次使用。

1. 廿一香蔥漬燒豚丼 $75燒肉得幾塊夠少餸，肉係燒得幾香，但係呢就燒得比較熟。3🌟2. 廿一香蔥漬厚切牛舌丼$80大大舊，幾腍，但較清淡。一至十八號餐配大福/昆布漬物 + 麵豉湯/汽水/日本茶，另已自動配麵豉湯。大福係cream餡 ，ok好味，不過好細粒。昆布漬物幾好食。麵鼓湯正常。2🌟嘢飲：今日就端午節，天氣好熱，咁我哋呢就想舒服啲，就加左$10轉特飲，一杯就菠蘿梳打，一杯就巨峰乳酸梳打，好甜，冇咩特別。2🌟

去咗荃灣大河道100號海之戀商場G/F嘅廿一堂，座位闊落，引入大量自然光，所以好舒服好chill。食物唔算多選擇，咖哩幾好食，份量正常，如果唔夠食可以加小食，性價比唔錯。

疫情時，經常買廿一堂外賣，疫情後已經好耐無食。今日經過見到廿一堂內新開神鳥燒，就買兩串試試。牛舌一串$38，有3粒，少貴，不過好好食。佢個辣粉好香口，唔太辣，但辣味又足夠，牛舌燒得啱啱好！另外叫左最普通嘅金菇牛肉卷，$20一串，有3大舊，呢個價錢好合理，同樣有出色嘅辣粉，再加少少甜味嘅燒汁，真係好好味！由於已經叫左廿一堂嘅壽喜燒同丼飯，所以實在食唔到更多嘅串燒，下次會再去試多啲款! 至於廿一堂嘅壽喜燒，$88一個Set味道都唔錯，本身好怕太咸同太甜嘅壽喜燒汁，廿一堂個味道啱啱好，白飯又夠鬆軟，其他配料都ok! 仲有燒豚肉丼，燒到少少脆，仲有啲油脂，加上七味粉後，配上白飯好好食。突然覺得廿一堂進步左好多，絕對可以encore!

(自費食評）老實講每次我試新餐廳都會上黎openrice睇睇啲評價🤔當我見到好評數量嘅比例唔算太高🫣就打左個底：可能會一般般甚至麻麻地我食嘅係：【特惠精選】廿一燒鳥丼+指定小食及飲品大福，玄米茶食完覺得😳成個餐無論係雞肉定係飯定係個小食（大福），抑或係杯玄米茶🍵全部都中上至高質嘅水準😳😳仲要我係叫外賣喎，個外賣黎到我仲要唔係即刻開黎食🙈都等左差唔多10分鐘先開動🥢但係都有咁樣嘅水準！真係值得上黎openrice一讚👍🏻👍🏻👍🏻👍🏻雞肉唔柴唔乾，肉質有彈性，甜甜地，加埋附上嘅檸檬（自由選擇jit唔jit) 酸酸甜甜非常開胃😋白飯係珍珠米，煮得剛剛好，口感非常好大福個皮十分軟糯👍🏻👍🏻入面嘅芝麻忌廉餡都好香唔漏玄米茶有淡淡玄米香👍🏻🍵解膩一流👍🏻今餐需要係外賣🥡但滿意度爆燈🌟🌟🌟🌟🌟一定會encore!!!!

第二次來光顧，因為晚餐後有事做，餐廳位於港鐵站旁邊，十分方便，是不錯的快餐店選擇。餐廳尚算乾淨衛生，點了餐不久就能領取食物。平均$70左右一個set，食物味道不錯，烏冬也彈牙，湯也不會太咸

今日去咗海之戀甘一堂食嘢,見佢個香蔥漬燒牛丼好 似幾吸引咁,點知中咗伏...我懷疑自己唔係食緊牛... 啲牛肉韌到好似橡筋咁咬咗勁耐都吞唔到 塊都係咁.... 搞不掂！

第二次來,兩次都同小朋友,員工立刻主動幫我搵位和拎餐,服務非常周到､親切及友善,實屬難得😍🥰今次黎食下午茶，餐廳有某些位可以睇到出面海景👍👍牛舌芝士焗飯🧀🍚牛舌淋易食,芝士焗飯好香好味,恩熙弟弟都好鍾意食🤤吉列深海魚柳配椰菜絲沙律､牛角包及炒滑蛋🐟🥗🥐🍳魚柳真係正野,以熙哥哥平時唔多食菜,椰菜絲佢都𝓛𝓲𝓴𝓮,牛角包超脆超驚喜,炒蛋真係滑😋唯玄米茶比較淡🫢#廿一堂 #下午茶 #荃灣 #海之戀商場 #地鐵上蓋 #日本菜

陪小朋友玩完playhouse少少餓餓地，諗住去食個tea，由於唔熟海之戀唔知有乜好食，醒起一出地鐵C出口就見到廿一堂咁就入去食啦☺️同埋早排食過將軍澳嗰間午餐覺得幾好食，今次就試下午茶🥰柚子醬煎雞扒配椰菜絲沙律、牛角包及炒滑蛋 $46雞扒已切開幾件👍🏻啱晒我呢d懶人😂😂😂雞扒都煎得幾香，配埋柚子醬酸酸地幾好味😋椰菜絲加咗芝麻醬😍炒滑蛋就老咗少少🤏🏻唔係好夠滑牛角包正常發揮整體水準都ok

廿一堂副線神鳥燒開埋廿一堂內，收銀counter一個，但要分單，變咗商場🏬儲唔到分😅攞嘢食外賣🥡都分開⛓️‍💥兩張單叫號碼，送廿一堂coupon，廿一堂嘢食等5分鐘就有，但神鳥燒等咗10分鐘先有，原本想叫燒粟米🌽點知冇，叫咗神鳥燒串（日式醬燒）（$12）特價真心大件夾抵食，好juicy，厚切牛肉燒串（日式醬燒）（$20），韌，厚切豚肉串（海鹽🧂燒）（$20），肥美啱我，原條多春魚（海鹽🧂燒）（$18），冇乜春。廿一堂叫咗熟成牛柳玉子鐵板定食（$101），牛有嫩有韌，送大福ok，面豉湯唔掂😣，鰹魚湯讚岐烏冬配關冬煮（$80），鰹魚湯好飲，好多海帶，大根正

休休閒閒食個lunch，今次來到廿一堂呢邊，基本上係必點之一的厚切牛舌飯🤤廿一厚切牛舌丼 $70今次過黎見到加左價，不過見佢咁吸引，照食啦哈哈，一如既往的厚切，啖啖肉，真係食過番尋味🔥另外仲有一杯玄米茶同甜品大福好味指數：9/10性價比指數：9/10餐廳名稱：廿一堂餐廳地址：荃灣大河道100號海之戀商場地下G02號舖電話：28127113