肉肉大米

Open Now

Now Closed

終於食到成日大排長龍既肉肉大米喇比原定晚餐時間早左食, 所以都唔算等太耐響門口取票後,人齊後就可自助落餐然後等待進入店舖。入到去就見開放式廚房,三邊bar枱式設計睇到哂成個製作過程枱上面仲有好多唔同款既醬汁同調味料燒肉醬,洋蔥醬, 沙茶醬, 黃芥末醬, 蒜香辣椒醬等等最正既仲係白飯同湯仲有伴菜西蘭花都係無限添加完全唔洗擔心唔夠食我地分別叫左3件混合漢堡套餐有原味+芝士+蕃茄同埋2件和牛+芝士漢堡排套餐一坐底後店員已經好快速咁上左件漢堡比我地先, 漢堡扒用左九州黑毛和牛同美國牛肉製成, 店員會先將兩面煎熟先,然後就放響客人面前既鐵板上面, 可以隨個人喜好調節生熟度漢堡扒配上日本生蛋加豉油, 完全係白飯神偷。好快咁就扒左一碗飯, 同店員講添飯後好快就有。第二件係芝士漢堡！兩種芝士味mix埋勁濃郁店員響面前刨上大量芝士再響鐵板度燒到半溶狀態, 好邪惡呢我覺得女仔食兩件呢個set就岩岩好喇好滿足同行朋友就仲有第三件蕃茄蓉漢堡扒酸甜既蕃茄同漢堡扒好夾, 好juicy而家抽風系統都唔錯, 食完出黎都冇咩味

「我愛肉肉！🥩」呢排漢堡扒大hit，為食🐑之前都好鍾意去日本食漢堡扒，依家香港都有得食啦，呢度走日式服務，一入餐廳就會有店員用日文歡迎你，呢一間漢堡扒餐廳賣點係性價比高，大大件漢堡扒超抵食，所以餐廳都好多人幫襯，上菜速度亦勁快，至於味道？🐃🤎2件和牛漢堡排套餐 $95🧀2件漢堡排套餐（原味+芝士）$110中央廚房負責即場煎日式漢堡扒，每件保持熱辣辣送上你面前，每件只有大約三成熟度，會擺喺你面前嘅爐繼續加熱，想食幾熟「自己話事」，食完一件先會再俾另一件你，保證每一件都熱辣辣！🧀店員會喺你面前切碎芝士，呢個芝士鹹香十足同漢堡扒好match！枱面仲有好多特色調味醬，仲有推薦食法，可以按照自己嘅口味自行調配，組合真係千變萬化，本身原味已經好好食，加少少鹽同胡椒粉已經好出色！雞蛋加咗照燒醬，配合漢堡扒混合一齊食超美味，除咗漢堡扒，仲有西蘭花所以唔會剩係得肉肉咁單調！湯雖然免費但質素都唔差，入面大量蔬菜，魚蛋都夠彈牙，可以中和漢堡扒嘅油膩！🍋‍🟩青檸燒酌梳打 $48好suprise，入面勁多青檸🍋‍🟩✨飯同湯都任添加，真係大胃王嚟到都唔怕，呢個價錢比呢個質素非常之合理，店舖交通位置咁方便可以再食！

突然興起這個漢堡排的熱潮，這間也算是這話題內其中之一比較熱門的餐廳，而且餐廳的性價比更高，也沒有加一服務費，所以晚上基本上人流不斷的！（蘑菇芝士和牛）混搭漢堡套餐（１４０元）這個蘑菇是新出的期間限定的口味，上菜方式挺特別的，有個鐵盤放著漢堡排，加上大量的白汁，最後再加上大量的蘑菇。吃起來白汁蘑菇味香濃，醬汁跟漢堡排混合後，口感更滑嫩，又挺下飯的。蘑菇口感滑嫩彈牙！芝士口味的除了放上芝士片，還會在你面前現刨芝士，儀式感滿滿的，而且刨的份量不少，變成了芝士山的感覺！這樣吃起來多了一份奶香和芝士的焦香，跟漢堡排也很搭！日式漢堡排套餐（１１０元）這個套餐包括了三塊的漢堡排，份量真的挺足的，而且飯和湯都可以無限添！一開始店員給的熟度差不多約三成左右，建議煎到五成左右，吃起來肉香會重一點，肉汁亦很豐富，多了一份焦香的味道！吃的時候可以用蛋黃拌飯，或用蛋黃沾漢堡排來吃，都是很不錯的選擇！而且也有提供不少的調味料搭配，總有一款會喜歡，其中奧羅拉醬挺有驚喜的，味道比較解膩！

今日黎到沙田食日式漢堡排～ 💕比起預期更加好食😋 一場黎到，梗係要試曬三款口味啦！原味+芝士+期間限定的蕃茄味～原味會食到本身的胡椒鹽調味。加上可以自己選擇熟度，唔會太乾。我自己起碼食七成，所以放耐多少少先食。有用到燒肉醬～(≧▽≦)佢本身ge味道同肉汁，食原味係最出色。芝士🧀的份量見到落個下都開心🥳好濃郁的芝士味。邪惡～ 食落好香。店員有幫手加西蘭花🥦番茄最後d醬汁我用左黎撈飯🤭番茄都濃味ge～ 生雞蛋入面有甜醬油，同啲白飯撈埋一齊食簡直一絕。因為本身我係純生雞蛋拌飯接受唔到。呢個拌法又覺得好好味。醬料有好多款。爽口醃菜食落都開胃🤤芥末原來都好夾原味～ 沙茶醬感覺好有hk style🤣開放式環境睇住佢煎🤭體驗其實幾好👍🏻

今日收工同朋友去食飯，去左最近超多人食嘅肉肉大米😍佢地係專做即叫即整嘅鐵板牛肉漢堡扒嘅，仲係面前整比你睇，係一種新體驗🥰雖然門口都有唔少人排隊，但係唔係等左好耐就入得去啦～係門口點餐機到點完餐，坐低張單交比店員就ok☺️＊＊＊＊＊🍔3件混合漢堡套餐 $125原味🥩蕃茄🍅芝士🧀我同朋友每人叫左一個3件漢堡套餐，另外仲包埋白飯🍚、湯🍲、菜🥦、同埋生雞蛋🥚（如果唔食生蛋可以擺係鐵板煎熟）佢有三種口味可以揀，我地就三款都試下😋原味超級 juicy，一咬開勁多肉汁、蕃茄味仲加左啲cream，又濃郁又滑、芝士味會係你面前加上山咁高嘅芝士🫕😍超級邪惡！＊＊＊＊＊

肉肉大米係沙田新城市廣場入面一間超好食嘅餐廳，佢哋嘅漢堡扒真係一流，味道濃郁又Juicy，食落口感十分滿足。份量方面更係大到驚人，無論你食幾多，都會覺得好飽！而且職員服務態度非常好，總係面帶微笑，令你有一種賓至如歸嘅感覺。最吸引嘅係佢哋提供無限次添加飯菜湯，無論你點咩主食，都可以隨意加，仲可以再添湯，餐廳環境又舒服！如果你未試過肉肉大米，真係應該去一試，肯定唔會失望！

平時呢間肉肉大米好多人排隊今日甘岩黎到沙田行街又見到呢間肉肉大米唔洗排隊緊係入去試下啦叫咗個三款味道既套餐有原味、芝士、蕃茄味漢堡扒同埋白桃汁一坐低枱上就有幅圖教你的醬汁點食法首先黎既係湯同原味和牛漢堡扒個湯入面有兩粒丸子另外漢堡扒係用九州黑毛和牛同美國牛肉製成既咬落鮮嫩多汁超正之後嚟嘅係芝士和牛漢堡扒呢個芝士同和牛嘅味道好夾完全唔會覺得漏加埋日本生蛋一齊食感覺超滿足最後嚟嘅係蕃茄味漢堡扒我本身就係一個蕃茄控食完本身牛嘅味道加埋芝士味之後再食呢個酸甜蕃茄味就岩岩好啦又有的蕃茄醬連埋牛肉撈飯因為呢度係可以免費添飯同埋西蘭花架職員服務態度又好好會不停添加西蘭花同埋問你要唔要加飯？最後飲埋個日本白桃汁呢一餐完美結束

主打現煎漢堡排，除了常規餐牌外，還會不定期推出期間限定餐牌，價格親民實惠。店內全吧台座位設計，開放式廚房讓客人可看到煎製漢堡扒的整個過程。店員將漢堡排先煎至6-8成熟，再送到食客面前的鐵板上，客人再自行加熱至理想熟度享用。提供多款不同醬料調味及鮮蛋王配搭漢堡排享用。隨餐附贈米飯、西蘭花及湯，可以無限量添加。餐廳選用來自日本東北地區的虹之煌米，Q彈甘甜，讓人吃到停不了口。芝士和牛漢堡扒店員先於漢堡扒表面放上一片車打芝士，上桌時再即席刨芝士，份量澎湃到猶如一座雪山，吸睛指數爆燈！漢堡扒肉汁豐富，芝味無比。蕃茄和牛漢堡扒漢堡扒浸於蕃茄汁中，店員會於食客面前即席倒入奶，味道酸酸甜甜。

沙田新城市新開嘅現燒漢堡扒，好多人都係諗住試下同日本間過江龍有咩分別，呢間冇咁難訂位，可以walkin，但都好多人等，之前曾經嚟過一次好多人排食唔到，今次平日6點半嚟到，等咗45分鐘左右。set可以揀1/2/3舊漢堡扒，可以揀原味/芝士味/番茄味，芝士味係加塊芝士再刨芝士碎，番茄就有燴番茄粒同番茄汁，都好足料。我就叫咗3舊都係原味，$110，有三塊漢堡扒，要加一。定食有白飯、魚蛋海帶湯、雞蛋，飯同湯都可以任添，再添嘅湯都係會有魚蛋，個湯清清地幾好飲。有多款醬汁、調味料，可跟住佢圖示嚟落，試晒咁多款。見到廚師燒漢堡扒，日本過江龍就係用火直燒，會更加香番茄汁都放喺鐵板度，仲有西蘭花好快就上第一塊漢堡扒，仲有西蘭花，西蘭花都係任添。塊漢堡扒本身一上都有5成熟，店員上得好快，你一攞走舊漢堡扒去個碗度，佢就即刻上第二塊，根本食唔切，會熟晒，最好即刻將塊漢堡扒移去啲西蘭花上面。西蘭花幾香，好食，都添加咗幾次。漢堡扒好快熟晒。同日本嗰間比較，肉味冇咁香，冇咁濃味，冇見到師傅即刻撻舊肉，亦唔係明火直燒，但呢個價錢都算抵，幾好食，又唔洗訂位可以一試。漢堡扒上得好快，半個鐘食完。

今日我同屋企人去咗沙田嘅肉肉大米食晚餐，平日晚上非常多人等位，等咗一段時間終於可以安排入座，一入去餐廳就聞到濃厚嘅肉香，令人期待。我哋點咗兩件漢堡扒套餐和三件漢堡扒套餐，其中有兩件係芝士，每個座位前邊都會配搭咗多款嘅醬汁俾客人使用～點完餐好快已經上套餐，漢堡扒煎得正好，外脆內嫩，食落去口感一流，入口即溶仲配上生雞蛋添，層次更加豐富，仲有新鮮嘅西蘭花做配菜，隨時可以無限添加，食到飽，真係好過癮！仲有餐湯，日本米都係無限添加，真係性價比好高！佢哋用嘅日本米質素非常高，粒粒分明，吸咗肉汁之後更加美味。餐廳嘅環境設計都幾有特色，仲有啲稻草裝飾，整體感覺好舒服。服務員態度親切，有禮有笑容，值得推介！

我終於食到人氣漢堡扒店「肉肉大米」啦～～每次經過都好多人等位，今次我哋平日12點左右去到，入面已經坐滿哂，不過好快就有位啦～佢哋分別有1件、2件、3件和牛漢堡套餐，可以混合口味，套餐包白飯、湯、蔬菜，可以任添任食，唔怕食唔飽！仲有9種不同醬汁，可以自行配搭調味！餐廳以吧枱式設計，每個位置都可以睇到店員整漢堡扒！每個座位前都有鐵板，店員會逐件漢堡扒放上鐵板，再自行煎至合適的生熟程度！我就揀左3件和牛漢堡套餐，一次過試哂原味、芝士同期間限定漢堡！🌟 原味漢堡扒煎到外層焦香，肉質鮮嫩又多汁，跟新鮮生蛋黃及醬油伴匀，更香更濃！🌟 和牛芝士漢堡扒漢堡扒上面放上片裝芝士，店員再即場灑上大量芝士碎，超級邪惡，一啖咬落去濃郁嘅芝士香！🌟 完熟蕃茄紅燴和牛漢堡扒特製嘅忌廉蕃茄醬，酸酸甜甜很開胃，蕃茄味濃郁，每啖都充滿層次感，跟和牛漢堡很搭配！

今日特登去沙田試呢間深圳人氣漢堡扒店嘅香港首間分店，環境闊落乾淨，同深圳店一樣咁高質！ 🍔 招牌原味漢堡扒- 漢堡扒即叫即煎，上枱時仲「滋滋」響 - 肉質超鬆軟，切開肉汁多到瀉出嚟 - 配埋日本珍珠米飯，撈埋蛋黃食超邪惡 🍅 新出軟熟蕃茄紅燴漢堡扒（期間限定） - 漢堡扒淋上濃郁蕃茄醬汁，酸酸甜甜好開胃 - 醬汁用新鮮蕃茄熬製，仲食到粒粒蕃茄肉 - 朋友話：「似食緊漢堡扒版嘅紅酒燴牛肉！」 🧀 芝士漢堡扒- 切開漢堡扒時，半溶芝士好似火山熔岩咁流出嚟 - 用咗三種芝士混合，鹹香得嚟唔會太膩 - 建議配wasabi蛋黃醬，味道更突出 🍚 米飯小知識- 用日本虹蝗米，粒粒分明有飯香 - 可以免費續飯，大胃王最愛 $110一個set有齊漢堡扒+飯+湯+沙律，性價比高過深圳店！難怪開幕以來長期排長龍～

漢堡扒 香口有肉汁 滿足味蕾 難怪咁多人鐘意食🤤喺沙田嘅肉肉大米 店內設計為開放式 坐喺位可以望到職員烤漢堡 餐牌簡潔易明 先揀漢堡扒件數 再揀要咩味 我哋分別叫咗兩件同三件 試勻晒三隻味🥢ꕥ 原味滿滿肉汁嘅漢堡扒 唔需要任何調味已經好香好好食🐂另有9款醬汁調味 可以因應自己喜好選擇 另外仲有隻加咗醬油嘅蛋 可以放上漢堡扒上邊先打卡再食😆我就懶啲將蛋拌勻 漢堡點蛋汁食 亦係我最鍾意嘅食法ꕥ 芝士應該係最popular嘅一種 先喺肉上放一片芝士 職員再會磨大量芝士碎喺上邊🧀邪惡吸晴 帶鹹香味道 更有層次ꕥ 完熟蕃茄紅燴 係新款嘅期間限定 紅燴嘅意思係將漢堡肉連同蕃茄/蕃茄醬汁放喺鐵兜入邊 再用鐵板慢慢煮🍅蕃茄食得出好新鮮 酸酸甜甜咁 味道啱啱好套餐會包埋湯同白飯 可以無限refill 仲有鐵板配菜西蘭花 食完一樣可以再加㗎 同埋職員會好主動問你需唔需要refill 所以各位怕醜嘅朋友都可以放心🙋🏻‍♀️

👉🏻肉肉大米👈🏻終於可以食到呢間每日都會排好大條隊既和牛漢堡啦🥩同以為和我一樣既朋友都係瘋狂想食，就算排好長隊都要一定食到，我地可以事先係出面部自動機買好食咩餐之後就會有職員帶去進食位置，入一尾客人都會歡呼一次，成個氣氛超熱鬧😍檯面有吾同既醬汁比客人去選擇，有燒肉醬，沙茶醬，洋蔥醬等，仲有無限添加得白飯和湯，西蘭花🥦飯可以撈上無菌蛋一齊食，係好濃既蛋香味同號絲滑🌟3件混合漢堡套餐入面有原味，芝士🧀番茄 🍅3種吾同口味既和牛漢堡，d漢堡會有專業既職員開放式甘係三邊bar台煎到8成熟，之後放係自己面前既鐵板再熱一熱佢，再慢慢一舊一舊夾開點咪醬汁一齊食，超多汁。原味一啖落去係好juicy😋和牛漢堡係超緊實，牛肉味超重，芝士係本身已經有片裝芝士再刨上大量既芝士🧀2種芝士既mix真係好濃郁，到最後既番茄係裹滿曬番茄汁，酸酸甜甜，帶點蒜蓉既蒜香味，好特別🌟2件漢堡排套餐入面有原味，原味一啖落去係好juicy，肉香味好重，芝士好濃郁，每一啖肉都裹滿左芝士，超香

沙田新城市廣場多咗唔少新餐廳，今次就去咗呢間---🌟肉肉大米🌟主要以食漢堡扒為主，餐廳坐位好特別，全部都係以吧枱座位形式咁坐，對住鐵板爐，感覺新鮮特別✨️入坐前可以用電子機點餐，入坐後交俾店員。每個坐位都有醬料配撘建議同食法，當然你亦可以根據自己鐘意嘅食法同口味，自己調配👍🏻呢度仲可以任添西蘭花、白飯同湯。._.🧀 | 2件混搭漢堡套餐（芝士+蕃茄）| 🍅漢堡扒配上一整塊車打芝士，放上鐵板後仲會係你面前親手磨上芝士碎，滿滿嘅芝士，啱曬鐘意食芝士嘅人，熱辣辣嘅漢堡扒配溶咗嘅芝士，非常惹味😋食完芝士嘅漢堡扒，店員就會上埋蕃茄牛肉，係蕃茄汁配漢堡扒，仲有芝士係面，配飯一流✨️·🤎 | 2件漢堡排套餐（原味+芝士）| 🧀先上原味漢堡扒再上濃味道嘅芝士。原味漢堡建議跟教學嘅醬料配撘，味道更豐富惹味👍🏻·🍊 | 紀州橘子汁100％ | 🍊酸酸甜甜嘅橘子汁最啱配牛飲，解膩又解渴。._.