NIKUSA肉佐

Open Now

Now Closed

壽司與壽喜燒嘅小天地今次試咗呢間叫「肉佐」嘅餐廳，主打壽司同壽喜燒。餐廳外觀簡約低調，入面環境都幾舒適，座位寬敞，唔會有逼夾嘅感覺。先講佢哋嘅壽司，款式雖然唔多，但款款都好有誠意。三文魚壽司嘅三文魚油脂分佈均勻，入口即融，同我喺一啲高級迴轉壽司店食嘅相比，新鮮度唔輸蝕，而且呢度嘅三文魚更加厚切，食落超有滿足感。蟹柳壽司嘅蟹柳鮮甜彈牙，海苔香脆。而飛魚子壽司，咬落去嘅時候飛魚子喺口中爆開，嗰種鮮味同口感真係好正。至於壽喜燒，呢度提供嘅牛肉片紋理清晰，脂肪分佈得宜，屬於較高品質嘅霜降牛肉。放入清甜嘅壽喜燒汁入面輕輕一涮，再蘸埋生雞蛋，牛肉嘅嫩滑同雞蛋嘅滑溜完美結合，味道層次好豐富。同傳統嘅泰式火鍋相比，泰式火鍋味道濃辣刺激，而壽喜燒就更偏向於甜鮮口味，更能突出食材本身嘅味道。價錢方面，人均大約 - $350-460喺同類型餐廳中屬於中等偏上嘅消費水平。不過呢間店都有小瑕疵，例如壽司款式較少，對於一啲追求多樣化嘅食客嚟講，可能唔夠過癮。而且壽喜燒嘅燒汁有啲偏甜，對於唔太鐘意甜食嘅人，可能會覺得膩。講真，食呢間餐廳嘅時候，就好似回到同朋友一齊開心分享美食嘅時光，每一口壽司、每一啖壽喜燒，都充滿

香港食肆咁環境真係有原因，8:30入座9:30 cut單，仲要只係第一盆啲肉最好，之後你嘅肉肉眼睇個體脂40%😂😂直頭覺得自己食緊啲肥膏，接受唔到，仲要498未計加一，真係食一次就夠，唔會再食，好失望

大家真係唔好去呢間嘢囉，啲嘢食係勁差同你去普通打邊爐冇分別有機會係衰過打邊爐肉質勁嚡我夜晚8:30入席，個門口阿姐叫我搭枱，但我係預先book咗位我唔開聲佢唔安排過一張正正常常嘅一張枱俾我，即係唔開聲就好恰啲！還是當人傻仔香港嘅服務態度咪就係俾你搞到咁囉嘢食同價錢根本上完全唔成正比，簡直係伏中之伏

朋友生日想食壽喜燒，於是就揀咗依間Level 5有A5降霜雪花和牛嘅關西風壽喜燒，每塊都十分靚、油花充足，仲好大塊，仲要keep住每盤出嚟嘅質素都係好好。重點一定要落蛋點嚟食，加埋一齊口感非常之嫩滑，食落好幸福好滿足呀🤤配菜亦都有一般打邊爐嘅材料另外仲有少量海鮮有扇貝有廣島蠔！除咗牛肉之外，仲有好多壽司小食！有刺身有壽司亦都有串燒炸物小食，簡直滿足晒每個人要求！最吸引係仲有勁厚嘅牛舌，牛舌嫩滑多汁超Juicy。不過女仔就建議唔好食太多其他嘢，專注食牛，因為牛嘅脂肪比較多，食幾塊就好飽會滯！鍾意食牛嘅，你非常推介呢間壽喜燒！

想食涮涮鍋放題，但又不想吃太多肉，那定量的放題套餐就適合了。Nikusa肉佐 有星期一至五平日限定的定量放題可以食60分鐘。湯底還可以選擇有米芝蓮大廚秘制的關東壽喜燒 (+HKD 10/位)肉的話選了兩款不一樣的，現在更是增量100%，會有兩盤。🐮美國穀飼牛肩胛 (HKD 98) & 美國黑安格斯牛板腱 (HKD 138)前者口感較軟嫩且油花適中，後者相對較細膩，都很適合壽喜燒。這裡的壽喜燒鹹甜比例拿捏得剛好，也可根據自己喜歡的口味調味。將肉蘸上日本雞蛋漿來吃味道更溫和香濃。火鍋配料主要是基本款，有芝士丸、蟹柳之類。蔬菜和菇類方面比較豐富，有鮮淮山、秋葵、蓮藕、白玉菇等。怕不夠飽可加個手打烏冬落壽喜燒，完全吸收了湯汁更好吃。熟食見有關東煮那些，試了個茶碗蒸，幾夠味但如果再熱點更好。前菜比較特別是雜錦魚生配冰菜。甜品則有不同口味的甜筒和雪條，也有蕨餅、抹茶布甸等。另外飲品除了有罐裝汽水，也有樽裝和紙包飲品。總括來說能以實惠價格享受壽喜燒，平日定量壽喜燒放題性價比很高。

我地係食4號餐 咁一入去個侍應就幫我地落咗兩盆肉 之後我地再點多4盆 每盆都好差 成盆肉都係白色肥肉 叫佢地幫手換 換盆冇咁肥嘅 佢地就換成menus 上另一種肉 最後係我攞手機比佢睇要第一盆咁嘅質素先比到盆正常少少嘅之後Haggen Dazzs 我地10點去睇就冇曬 問就話比客人食曬 未有貨 明明重有半個鐘… 重有我地8:40左右入座 10:30先完 9:30就last order 肉類質素非常不穩定估計除咗第一盆其他都唔得另外我地之前有打電話去 打唔通

2大人帶bb都係得張2人枱 加張bb凳完全冇比凳我地擺袋 安排好差 啲野掛係凳背度係咁跌 食到勁抆陣 啲帶子冰鮮解凍feel 自助corner幾細下野飲selection都正常甜品都正常但就食得好唔舒服

入座前要揀食邊個 Level - 我地揀左【 Level 2 】$318 限時90分鐘有5款湯底選擇：關東壽喜燒、鰹魚昆布湯、豬骨湯、麻辣湯、芝士蕃茄湯侍應一開始會幫手將牛脂肪沾係加熱嘅鐵鍋，之後就全部自己嚟煮任食自助區包括：火鍋蔬菜、丸類、火鍋醬料、冷盤小食、炸物、關東煮、日式咖喱、白飯、甜品、飲料火鍋肉類就手機掃碼落單【 Level 2 】任食肉類有：❛ 美國安格斯牛板腱 - 牛味最濃嘅部位，有嚼勁，最後淨係食呢款❛ 美國安格斯牛小排 - 脂肪太多，真係比較難食得落❛ 美國穀飼牛肩胛 - 好韌❛ 日本櫻姬鶏 - 肉質都嫩滑❛ 紐西蘭羊肉片 - 唔夠羶❛ 日本特選豚腩 ⸝⸝⸝ 熱食區 ⸝⸝⸝ 🌟 牛舌好軟稔｜關東煮有原隻雞蛋❌ 日式咖喱牛肉得牛肉碎｜炸雞唔夠脆凍左⸝⸝⸝ 甜品區 ⸝⸝⸝ 🌟 抹茶奶凍抹茶味幾濃｜焦糖爆谷夠脆但係唔熱｜特別嘅係有棉花糖機可以自己整❌ 見到食評話有百味堂雪糕 竟然雪糕機壞左😵！以為起碼會有其他雪糕選擇都無😣 好失望服務有待改善，整體而言就吸引唔到我再幫襯—ʜᴋᴅ $300-600 𝗉𝗉 𝙧𝙚𝙨𝙚𝙧𝙫𝙖𝙩𝙞𝙤𝙣𝙨: yes𝙧𝙚𝙫𝙞𝙨𝙞𝙩? no𝙤𝙫𝙚𝙧𝙖𝙡𝙡

8:40入到去食90分鐘，原本應該可以坐到10:10 10點未到已經以餐廳需要滅蟲為理由提早要人交枱到10:12嘅時候，有位男員工過嚟提醒要交枱，我哋咁啱執緊袋準備走只係純粹講聲就得㗎啦個男員工態度極為惡劣地話：「唔係就嚟得㗎啦，係而家要走㗎啦」其實都見到人哋俾咗錢執緊袋，亦都冇再order任何嘢食，講嘢使唔使咁樣？之前除夕倒數嗰晚有去過排隊，攞籌嘅時候門口嘅女店員唔同客人講當日只提供lv4 & lv5套餐，等排咗成半個幾鐘上到去先話唔可以order lv3，同逼人哋食最貴嘅套餐冇分別間嘢食係唔錯，之前啱啱開張嘅時候經常同朋友食lv4/lv5明顯地質素係比其他餐廳好，但係最近發現態度差咗勁多，啲嘢食食幾好食都冇用，no next time

搵位度：🌟🌟🌟🌟抵食度：🌟🌟🌟🌟🌟好食度：🌟🌟🌟🌟🌟今期銅鑼灣我願稱佢為最強，講緊係百頭嘅價錢同嗰啲牛X鍋差唔多，自助區嘅居然講緊係可以食到有三文魚子同三文魚刺身嘅沙律，熟食方面竟然有東風螺，真係淨係食自助佢都回晒本。咁當然啦，唔少得有各款嘅打邊爐配料啦，我食緊最平嘅套餐，都唔知佢主打係要食壽喜燒，所以火鍋嘅質素只係覺得中規中矩，見佢晚市價錢都幾貴，如果唔介意試貴少少呢，可能都有機會有驚喜。

Blingbling美食推介✨📍銅鑼灣🥘NIKUSA肉佐高質壽喜燒放題！💠💠💠💠💠💠💠💠鐘意食壽喜燒既一定有聽過銅鑼灣既肉佐！total有5個level，我地今次揀左level 4！level 4大吸引！有嚴選 山形縣產 藏王和牛+刺身+壽司+海鮮！！仲有大量蔬菜同其他火鍋配料！飲品都超多選擇！真係食到好滿足啊！！如果揀壽喜燒湯底要每位加$10! 强烈推介！！自助bar可以任拎鷄蛋！真係實現壽喜燒自由！！！一開始店員會教我地點燒，幾時落醬汁，而且差唔多用完都會好細心咁幫我地換過一壺！加分！！和牛真係無可挑剔！入口即溶，一d都唔un，而且叫完好快就出到餐！！very nice~~任食150分鐘！！成人 $438小童/長者 $328💠宮城縣產 仙台黑毛和牛 牛展💠嚴選 山形縣產 藏王和牛 上肉💠嚴選 山形縣產 藏王和牛 赤身肉💠和牛牛舌💠日本廣島蠔💠新鮮海蝦💠魷魚💠三文魚刺身💠帆立貝刺身💠20品壽司餐廳環境：🩵🩵🩵🩵/5 服務質素：🌸🌸🌸🌸/5食物味道：😋😋😋😋😋/5 性價比：💰💰💰💰/5此為自費用餐，並無參與任何試食活動NIKUSA肉佐📍銅鑼灣登龍街1-29號金朝陽中心二期 - Midt

純文字分享由開業已經想來一試，日式火鍋店越來越多 每一間壽喜燒汁味道都不同。難得有中午係附近工作，特意安排前來。就算中午定量set肉質吾差都吾少，自助櫃 甜品蔬菜飲品任食帶入位時就甚少介紹，就靠自己摸索 。可惜。。 拎完飲就見一位較年輕 相信係pt 啱啱畢業嘅侍應妹妹企係枱隔離 等幫我開爐，萬萬估唔到將裝壽喜燒汁壺放喺火鍋入邊，等我行到返到嚟佢先拎起個壺。 無諗過衛生意識可以差到咁，見湯汁較少不會主動幫手加湯，反而係直接將火較細，需要主動叫侍應幫手開大啲火。 最扣分就係呢個位！後來有熟手既侍應都好好，會因應情況幫手加湯同清碟。會因為個壽喜燒汁而再返去

是日一行3人 提前訂位 選擇了座榻榻米級別4 極選 放題菜單（共116品）2.5小時任食成人＄438位 長者小童＄328位4款固定湯底 鰹魚昆布鍋、福岡味噌豬骨鍋麻辣鍋、芝士蕃茄鍋另外每位可加＄10轉關東壽喜燒壽喜燒醬汁由日籍米芝蓮星級懷石料理大師 長本輝彥先生設計 可以體驗到正宗日本關東風壽喜燒4款精選和牛宮城縣 仙台黑毛和牛 牛展嚴選 山形縣產 藏王和牛上肉嚴選 山形縣產 藏王和牛 赤身肉和牛牛舌和牛肉眼 脂肪豐富且均勻分佈肉質嫩滑多汁 經壽喜燒汁煮過加上月見更甘甜香口海鮮包括有日本廣島蠔 新鮮海蝦 日本帆立貝 魷魚 磯煮鮑魚帆立貝刺身 三文魚刺身20品壽司有大拖羅/中拖羅、赤身、油甘魚、鯛魚、炙燒和牛、三文魚腩壽司 等等 壽司質素夠高串燒15款即叫即做串燒有大葱燒A5和牛、鵝肝、海蝦、雞腎等 甜品更有現場即製日本梳乎厘班戟蛋香濃郁，口感綿密另外自助區有多款熱食、菜蔬、菇菌類、前菜還有雪糕機和棉花糖機飲料有茶類、果汁等包裝飲料選擇

之前嚟過銅鑼灣Midtown 中嘅 肉佐日式火鍋， 已經好多次，每次帶不同的朋友來食，個個都讚不絕口。肉佐的日式火鍋，和牛質素超高，龍蝦新鮮彈牙，重加埋送蟹，超豐富超好味！

The environment is pretty good, the food delivery speed is not too slow, the location is super convenient, near Times Square, there are subways and buses nearby, the food is generally good, the price is not too expensive, it is a good place to go with friends It's a great place for close friends to get together, and you can join the Soundwill Club as a member, and you can save points. If you save a certain amount of points, you can exchange them for discount coupons, so it's almost worth it.