泰味屋

Open Now

Now Closed

在6/3/2016及13/3/2016連續兩個星期日都在這間名叫泰味屋的餐廳吃午餐, 第一次因為價錢適中, 以天后大坑一帶來說, 算是平價午餐, $40包飲品, 若果是選泰式海南雞飯($45)更包湯o 第一次幫襯, 不敢叫海南雞飯, 因為怕失望, 因為自己曾在星洲吃過太多種類的海南雞飯, 對這種食物有相當高要求, 所以對香港吃到的海南雞飯有很大戒心, 不輕易在港食海南雞, 於是第一次幫襯隨便叫了青咖厘雞和青咖厘豬, 餐飲叫了椰汁冰和青檸梳打o 吃過之後, 發現食物不錯, 價錢適中o 所以一周後, 接小朋友放學後再幫襯此店, 今次終於叫海南雞飯吃o 這裡的海南雞味道不錯, 伴碟的泰式酸辣汁也很好, 唯獨是雞油飯不夠油, 無雞油飯本身應有的香氣, 較為乾身, 適合一般對海南雞飯不太講究的食客, 總的來說他們的海南雞飯不過不失, 尚可合格o

呢間係一間普通小店，聽講老板係泰國人，應該都幾正宗，係天后大坑一帶都好出名。小店一間，呢度嘅Lunch Set絕對係越值之選，約$40~$50，仲包一杯野飲。推介：泰式燒豬頸肉飯！豬頸肉唔會燒到太乾，又唔會切到勁薄無口感。口感好好，雖然豬頸肉係好肥，但食到咁爽口嘅豬頸肉就乜都抵返。個泰式醬汁有點辣，不過我食開辣都接受到，但太辣有少少搶咗個味。個油飯唔錯，係用泰國米會煮，軟硬度適中，口感黏韌。散叫推介：－例牌海南雞肉質好嫩滑，又唔會好削無肉食。而且雞皮冇乜脂肪，唔會驚勁肥。個油飯都係一樣咁好食，好香有咬口。－泰式生蝦刺身啲蝦肉好爽口，而且都幾厚身。個醬汁好惹味，襯刺身一流，推介！

在天后，泰國餐廳很多，今天我們來到這一間，值得一去。這間餐廳是小店，座位不多，環境不會很高級；但你知道嗎？這樣反能感覺地道，在進去用餐的兩個小時當中，我們感覺上真的去到曼谷一樣，很有曼谷 feel。我很喜歡曼谷這地方，每年都會去拜四面佛；今年雖然去了兩次，但我已有三個月沒有去了，很是想念；今天正好來到這裏，很有愉悅的感覺。這裏的菜式選擇甚多，而且價錢很經濟很實惠。蒜蓉飽是必叫項目，因為用來點咖哩：串燒很有咬勁，燒得非常香：這個咖哩魷魚，除了可以用蒜蓉飽點來吃之外，也要叫一碗白飯來送，我就是這樣。炒雜菜也做得非常之好，很有味道：魚餅很鮮味，讓人有意外驚喜，並不是常吃到的那種味道，你自己試一下就知道了。柚子沙律我略嫌柚子不夠，但整點沙律是非常美味的。椰青很香甜，不過這是 standard 東西，和凍檸茶一樣，也就不多說了。通菜也是吃泰國菜常吃的東西，很有水準。整體感覺很好，我還會再來。

星期日，想搵好嘢食吓，便想到去大坑，提議食意大利菜，去到點知話訂晒位，已經7時多，店內客人不足一半，店舖很少，約不到20多個座位，可能都是豪客吧！否則如何經營，唔怪得次次去大坑，啲舖頭成日都唔同啦！於是唯有向天后地鐵站方向行，最後入咗一間泰菜館。間舖內外都很舊，本有些猶疑，但見有很多人在吃飯，又很肚餓，便即管一試。叫咗什錦拼盆、椰菜苗炒咸魚、海南雞飯、青咖喱豬肉、蒜蓉飽和青檸梳打。先嚟什錦拼盆有蝦餅、魚餅、春卷，其中蝦餅彈牙最正。接著再上椰菜苗炒咸魚、海南雞飯、青咖喱豬肉，菜上得都很快。首推椰菜苗炒咸魚，大碟外椰菜苗炒得爽脆，能吃出菜苗本身的甜味，我唔多食菜嘅人都食唔停口，好味！青咖喱豬肉唔太辣，青咖喱汁配蒜蓉飽吃，一客5件的蒜蓉飽轉眼間一掃而空。但你不要忽略浸在青咖喱汁中豆角，味道比主角豬肉還要突出呢！至於海南雞飯，雞肉嫩，份量足，而雞油飯就普普通通，飯較乾。吃完咁多嘢，來杯青檸梳打消解濃郁的泰菜味，是個不錯的選擇。餸菜的價錢不貴，約$60-70一碟，3個人都吃得頗滿足。

之前食過依間泰式外賣味道不錯，今日就親身去試下！小店晚飯時間雖然不用排隊，但還是滿座，只係佢人客流都好快！依間店客路都好廣，坐我兩邊分別有日本客和歐洲客等等！此小店雖然菜式不是很多選擇但價錢很實惠！今次我點了"泰式生蝦"$60，不知道為什麼圖有八只，而我叫的只有只隻，但也夠新鮮大隻好食！"炸海鮮丸"$58，一粒粒好似燒賣咁，其實有啲似煎魚餅咁，但佢應該加左啲墨魚同豬肉在內，炸得好香口，啖啖肉再加埋啲泰式酸辣醬非常開謂！"泰式蝦炒飯"$65,有大約四隻蝦，蝦夠彈牙，炒飯粒粒分明，再配埋佢個"青咖喱雞"$50,加了簿荷的味道，裡面有薯仔、豆角、雞肉等等，非常美味，送飯一流！最後叫了一個椰汁冰$20，抵飲又解辣！簡單好味而飽肚嘅一餐只係$278!唔怪得客流咁多！

今晚星期六，8點幾經過見到居然有位，又突然想食泰菜便走入去食。食泰菜必叫嘅"泰式炒通菜"，份量係少咗d，味道ok蝦餅，很有蝦味，外表炸得很脆，沒有油膩感覺，好好味😄👍 B仔叫了海南雞飯(要雞脾加10蚊)，雞肉都ok滑，但個飯d色有點重手。 椰汁雞湯，薑味都濃，椰汁味夠，雞肉很滑 泰式鴨腿湯河，d湯有少少沙爹味，沒有什麼特別，我覺得像一般湯河。

在中學讀了六年很多時候放lunch也會去泰味屋來個豬頸肉飯+椰汁冰，價錢亦相當可觀豬頸肉味道夠濃，喜歡吃辣的朋友可以加店鋪供應的辣汁，錦上添花。椰汁冰又涼快又甜，食味味道的確「無得彈」。近日回到大坑，都會到這店鋪吃一餐。不過若擇正學生哥放飯的時間，你便要等上一段很長的時間才有飯吃囉

叫了一個午市$33豬頸肉金邊粉, 餐牌寫加$5可配指定飲品,但我就想飲咸檸七於是問職員加幾錢,佢話十蚊,咁我ok 啦。之後碗粉上到, 明明叫金邊粉上左做河粉,都算喇。食物味道和份量正常,湯底少許咸,豬頸肉可以。埋單的時候個職員收$48，我覺得奇... 佢話係計$33 + $5 + $10, 當我配正常飲品再加$10。我話咁樣好唔合理, 妳係就一開始直接講咸檸七加$15, 唔好咁misleading。職員繼續態度惡劣地死撐, 咁我都無辦法唯有如實post 上黎讓大家評理了。

今次係第二次嚟食, 第一次嚟時, 只得兩個人, 食唔到乜嘢, 只記得冬蔭功好好飲. 今次一行四人, 可以叫番夠本. 先嚟一個泰式生蝦, 我唔係幾食得辣, 試咗一點個醬汁, 辣到飛起, 但同行者食得辣, 食到唔停得口, 仲話生蝦新鮮.跟住再嚟一個拼盤, 有炸蝦餅, 炸魚餅, 春卷. 我欣賞佢唔會炸到乾身, 入面仲好juicy, 尤其魚餅, 好少食到覺得鮮味的, 這裡的很好. 來這裡目的係飲冬蔭功. 其實好騎呢, 因為我係唔食得辣的. 但又要一路飲一路叫辣, 我鍾意佢唔會一味只辣或一味只酸, 而且一客好大碗, 絕對夠4人分.呢個咸魚炒椰菜苗係阿姐介紹的, 佢話呢期好當造, 的確係好新鮮,好爽口.最經典的係個明爐烏頭, 大碟到呢, 個魚湯(汁)好好味, 條魚亦鮮甜, 唯一係太多其他雜不甩在碟上, 例如粉絲,磨菇等太多, 好難"撩"啲魚嚟食.全晚最唔掂係個椰青, 睇外表已經麻麻地, 啲肉仲有陣味, 應該係放咗好耐, 熟得滯果款.圖後綠色果碟係千層糕, 又係麻麻地.一行四人埋單共五百幾蚊, (其實仲有個菠蘿炒飯, 唔記得咗影)抵食!

天后這一區愈來愈多食店，這天午飯時間路過，在泰味屋前停下腳步，看一看門外的餐牌，決定在這裡休息用膳。在陽光之下走路，感到有點悶熱，店裡的空調很舒服，收音機連續播放幾首Anita Mui的粵語流行歌，牆上有很多富泰國色彩的裝飾，例如大象圖案木畫。中午不愛吃飯，選擇吃四寶湯河，很多地方的河粉都是幼身，這裡吃到濶身的河粉，味道沒有分別。牛丸很細粒，切成花狀，有鮮肉味。白魚蛋很彈牙，味道不錯，在超市買到的急凍魚蛋都較為軟身及有味精。炸魚片的味道很普通，質地很軟。湯底味道不錯，有莞茜蔥的香味。

是夜路經大坑, 未食飯..又自己一人, 唔知食乜野好. 經過呢間泰國菜, 有位, 所以入左去試自己一個人又唔知係乜好.只好叫左一個冬陰功海鮮湯面. 講真, 湯底只係水加少少辣油, 完全冇冬陰功味海鮮都預左冇特別, 黎到又的確只得魚片, 魷魚, 蝦等~ 食食下叫多左碟菜...十分十分咸....冇食到其他野...但呢一餐確實係失望而回....

4月15日, 今晚嚟到大坑, 大街越來越多食肆, 有各樣中西亞洲菜, 又有平又有貴~ 經過一間泰菜館, 睇睇下個名咁熟, 原來係喺天后我地一直都想試嗰間, 後來執咗, 原來搬咗嚟呢度~ 價錢都幾大眾化, 擇日不如撞日, 就試一試~::: 泰式炒金邊粉 ::: $35富有泰式風味, 伴碟以花生碎、芽菜、青檸加辣椒碎, 俾我地自己撈~ 炒出嚟嘅金邊粉都算香嘅, 有少少酸味, 但係味道唔係好夠, 蛋同豆乾可以吊起d味, 蝦呢用上蝦仁但唔夠鮮, 彈牙感有但係味道偏淡… 唔知係咪平時食得味精多, 呢d淡淡地嘅炒金邊粉先係正宗?::: 串燒 (半打) ::: $48半打串燒有豬同雞, 配上橙橙黃黃嘅沙嗲汁, 似辣油多過沙嗲... d串燒無論顏色味道, 豬同雞都一樣, 只有燒烤味而冇肉質應有嘅味道, 應該係冷藏過耐所致… 除咗食落質地有唔同, 雞肉比豬肉嫩少少~ 點咗沙嗲汁都有番d沙嗲味, 比賣相好少少. 整體真係好普通…::: 泰式炒什菜 ::: $38泰式炒什菜都真係幾雜下… 有芥蘭、椰菜、番茄、洋蔥、豆角、蘑菇等. 大部份嘅菜都新鮮, 炒得爽脆~ 但味道比較家常, 無乜泰式風味, 而且勁多油…

點解個Topic會叫做"塞翁失馬 焉知非福"本應我同我女朋友，細佬 & 佢女朋友4個人山長水遠諗住係去民聲食肉餅山既點知.................無開!!後尾先知道原來係爆水渠關係，所以做唔到生意好彩附近都有好多唔同既餐廳最後黎左呢間!!「泰味屋」我地4個人叫左7樣野~因為樣樣野都好想食好好食~~超抵~都係$50左右但係點左佢個汁就勁辣但係真係好好食~超香~鬆脆~勁好食肉碎配上生菜真係好配，加埋本身肉碎既味道比較濃味配落個咁清既生菜上面真係超Match，就可惜係辣左少少呢個菜真係超好味可以話呢個我唔係話好鐘意食菜既都愛上了我地個個掙住黎食Tim呀有好香既青咖哩味~佢個汁配埋個蒜蓉包甚至配飯都可以胃口大增呢呢個海南雞飯D飯唔算太濃味但係佢D雞又係幾滑既佢仲配埋個湯~個湯好好味~好甜呢個就一般般喇，無我想像中咁好食個冬陰公等到食晒D野先黎香味都幾夠味道都算唔錯~但係唔辣所以比較似蕃茄湯呢度既野都算唔錯呀食左咁多野~叫埋野飲都係每人$100左右可以Encore架~

食左個東陰功湯金邊粉（$25）一點都唔東陰功，唔辣唔酸只有＂叔＂味，金邊粉是乾身個類質素煮成所以＂鞋鞋＂地，D 餸只有硬硬地的魚旦，兩粒蝦兩粒尤魚，難食到爆，仲要收加一total ($27.50），一次就夠

看過食評後也決定來試試!實在是價廉物美的泰國菜餐廳點菜時發覺餸菜的價錢很經濟.泰式生蝦,湯及飯也惹味,色香味俱全 ;環境佈置、色彩也滿泰國feel的,感覺店主很有心思.看見在場的食客也吃得津津樂道我們也是非常滿足的離開,好抵食!下次也決定再來!