Video
Read full review
2011-07-09
167 views
4月15日, 今晚嚟到大坑, 大街越來越多食肆, 有各樣中西亞洲菜, 又有平又有貴~ 經過一間泰菜館, 睇睇下個名咁熟, 原來係喺天后我地一直都想試嗰間, 後來執咗, 原來搬咗嚟呢度~ 價錢都幾大眾化, 擇日不如撞日, 就試一試~::: 泰式炒金邊粉 ::: $35富有泰式風味, 伴碟以花生碎、芽菜、青檸加辣椒碎, 俾我地自己撈~ 炒出嚟嘅金邊粉都算香嘅, 有少少酸味, 但係味道唔係好夠, 蛋同豆乾可以吊起d味, 蝦呢用上蝦仁但唔夠鮮, 彈牙感有但係味道偏淡… 唔知係咪平時食得味精多, 呢d淡淡地嘅炒金邊粉先係正宗?::: 串燒 (半打) ::: $48半打串燒有豬同雞, 配上橙橙黃黃嘅沙嗲汁, 似辣油多過沙嗲... d串燒無論顏色味道, 豬同雞都一樣, 只有燒烤味而冇肉質應有嘅味道, 應該係冷藏過耐所致… 除咗食落質地有唔同, 雞肉比豬肉嫩少少~ 點咗沙嗲汁都有番d沙嗲味, 比賣相好少少. 整體真係好普通…::: 泰式炒什菜 ::: $38泰式炒什菜都真係幾雜下… 有芥蘭、椰菜、番茄、洋蔥、豆角、蘑菇等. 大部份嘅菜都新鮮, 炒得爽脆~ 但味道比較家常, 無乜泰式風味, 而且勁多油…
::: 泰式炒金邊粉 ::: $35
富有泰式風味, 伴碟以花生碎、芽菜、青檸加辣椒碎, 俾我地自己撈~ 炒出嚟嘅金邊粉都算香嘅, 有少少酸味, 但係味道唔係好夠, 蛋同豆乾可以吊起d味, 蝦呢用上蝦仁但唔夠鮮, 彈牙感有但係味道偏淡… 唔知係咪平時食得味精多, 呢d淡淡地嘅炒金邊粉先係正宗?
::: 串燒 (半打) ::: $48
半打串燒有豬同雞, 配上橙橙黃黃嘅沙嗲汁, 似辣油多過沙嗲... d串燒無論顏色味道, 豬同雞都一樣, 只有燒烤味而冇肉質應有嘅味道, 應該係冷藏過耐所致… 除咗食落質地有唔同, 雞肉比豬肉嫩少少~ 點咗沙嗲汁都有番d沙嗲味, 比賣相好少少. 整體真係好普通…
::: 泰式炒什菜 ::: $38
泰式炒什菜都真係幾雜下… 有芥蘭、椰菜、番茄、洋蔥、豆角、蘑菇等. 大部份嘅菜都新鮮, 炒得爽脆~ 但味道比較家常, 無乜泰式風味, 而且勁多油… 作為一個蔬菜類真係太油太唔健康喇!
::: 青檸梳打 ::: $12
青檸梳打係唯一真係好讚, 就係佢嘅梳打唔係只用梳打水, 係用有少少似七喜酸酸地嘅有氣檸汁~ 其他地方多數用淡而冇味嘅梳打水, 只靠一片青檸根本唔會帶出任何味道~ 所以呢度青檸梳打啱口味, 就算似青檸七都係咁話~
可能佢地嘅泰菜都係屬於正宗, 味道唔太啱我地口味, 試完一次都有d失望… 可幸地方都算企理, 服務態度都ok~ 但係如果再揀, 隔離仲有間平價泰菜好味d~
Post
