一禪

Open Now

Now Closed

這家餐廳位於九龍城廣場之前經過見到不多人 係ᴏᴘᴇɴʀɪᴄᴇ睇咗ᴍᴇɴᴜ 有想試的衝動😈於是某個週二就同友人一齊去食ʟᴜɴᴄʜ😋 日系素食餐廳喔 1點左右到 人不多個塌塌米位置竟然無人坐！我哋問咗店員 可以坐 大發✌🏻✌🏻佢有ʟᴜɴᴄʜ sᴇᴛ (湯.主食.飲品) / 單點ᴍᴇɴᴜ ✨蘑菇湯: 有好多蘑菇碎粒 好香濃🍄 ✨日式烤野菜咖哩配椰菜花飯(sᴇᴛ) $108: 賣相好豐富巨好吃 烤野菜好入味 蓮藕都食到陣味 有蓮藕 翠玉瓜 蕃茄仔🥕 🍆 啲椰菜花用咗黃姜粉所以有金黃色嘅效果💛唯一我食唔慣嘅就係熟咗嘅蕃茄仔 味道有點怪 ✨黑松露素芝士藜麥飯 $85: 點了個假飯 也點了個真飯☺️🍚這個份量超多的 黑松露x芝士味太好吃了 用了素芝士 一樣的口感 少了點邪惡感😈 飲品就點了ᴄᴀᴘᴘᴜᴄᴄɪɴᴏ + ᴘɪᴄᴄᴏʟᴏ ☕️同友人都覺得不錯喔 人均$100頭對比起而家愈開愈多的ᴄᴀғᴇ收費這個性價比好高了下次會試佢個漢堡🍔😋⋯⋯⋯⋯⋯⋯⋯⋯⋯⋯

8點開店，早上飲咖啡好地方。咖啡拉花好細緻，讚👍👍👍好滑，好味道無花果配芒果toast 好岩味，Fresh~靚仔廚師好Nice😁可以hea 半日的好地方，會再去👍😊

位於九龍城廣場的一禪，以素食咖啡店作招徠，推出多款素食食品和甜品。以店舖名命名的「一．碗」是集大成的素食沙律，賣相精緻，選用多種不同色彩的蔬菜，部分更以不同方法處理，如炸蓮藕片和烤南瓜，令這碗沙律口感更多元，既有飽足感，亦能滿足身心健康。

呢間素食Cafe係九龍城廣場入面,環境幾有格調既西餐素食近門處有個假窗 吧檯位 小巧但裝修上都幾用心設計玻璃櫃有蛋糕、朱古力卷、鬆餅和撻等等要留意並非全部係純素，不過都有一半都係Vegan夏天咁熱,食返個涼麵消下暑先!涼拌青瓜麵伴野菌細絲炒金菇以青瓜代麵,每條都長身而清新爽口 另附醬汁,覺得味淡可自行調味炒野菌細絲金菇 用豉油炒過,夠香口 野菜咖哩椰菜花飯 日式湯咖哩做法中間放椰菜花飯,配以煎茄子,瓜片,薯仔粒,番茄仔等食材味道有咖哩汁提味,口感有脆又嫩既 好接近日本咖哩專門店既味道濃香而帶甘甜蔬菜味,個咖哩汁好出色!凍咖啡  以自家炒豆製作,飲落順口濃香消費$300九龍城賈炳達道128號九龍城廣場UG樓UG18號舖

終於黎左呢間素食cafe試下！！！雖然餐廳位置唔近地鐵站，不過整體而言食物素質好高，可以話係試過最好食的日式（？）素食！無論平時有無食開素食都可以一試，絕對唔會失望。餐廳裝潢很日系，很適合打卡📷日式烤野菜咖哩配椰菜花飯 $78 （送餐湯）椰菜花飯加左薑黃粉，加埋濃淡合宜的咖哩，好好味😋蔬菜總類好多，有番茄、矮瓜、薯仔、蓮藕、菇同埋脆肉瓜，賣相滿分之外，營養價值都好高，最緊要係全部都好好味😋鹽酥菇 $30主菜之外仲嗌左個小食，鹽酥菇即叫即炸，脆得黎超級juicy，推薦！！Iced Americano $35 Americano偏nutty，不太酸，本人很喜歡，喜歡nutty風味的可以一試☺️伯爵茶黑莓蛋糕 $50 🌟🌟很有驚喜的蛋糕🌟🌟一定要試，素食蛋糕的cream一般都比較firm，伯爵茶不過$50的蛋糕來說，也不能難吃吧哈哈😆

今日lunch想食得light啲，行到黎九龍城廣場見到呢間一禪，裝修得非常日本風，係我好鍾意既木系muji裝修風格，仲要係食素菜，岩晒我今日既要求，所以就決定試吓啦～今日叫左set lunch， 大啡菇漢堡配蕃薯條，另外仲叫左杯凍既americano。 大啡菇漢堡有兩片厚厚既大啡菇黎做麵包皮，中間既餡料有准山蓉同埋蕃茄，仲有啲生菜咁。准山蓉都幾特別，好少食到，都可以一試，配既汁係照燒汁，味道都夾。 蕃薯條用焗既方法，但上到菜時已經淋晒，口感一般。 Americano 好細杯， 單叫唔抵飲， 跟遠就可以。味道正常跟餐的青豆湯我一般般，唔太鍾意個味道同口感。

🍰純素抹茶撻♡ ᴠᴇɢᴀɴ ᴍᴀᴛᴄʜᴀ ᴛᴀʀᴛ $58抹茶撻抹茶味好濃好岀！撻面擠上一粒粒雪白嘅忌廉波波，幾有造型感😙。忌廉雖然係素食忌廉，但都好幼滑🥰。另外，面頭有鋪上黃豆粉/木糠粉增添風味。撻入面嘅抹茶餡幾濕潤，好濃郁🤩，似軟身曲奇嘅口感。而撻皮撻底幾硬，但係我就係鍾意呢種好crunchy 嘅口感😛😋。完全唔覺得自己食緊素食🤣👍🏻，真係好正好好食👅！我一定會encore呢一個撻！(⁎⁍̴̛ᴗ⁍̴̛⁎)

早排為左準備打針💉一直維持飲食清淡，打針夢帶娘親去左九龍城廣場一間網紅素食cafe☕️食lunch，無諗過娘親食完之後就念念不忘，所以隔左一星期我地就二訪呢間高質素食cafe，估計好快又會有第三訪😆.Cafe店內既檯凳🪑同天花以木系為主，黃色燈泡💡營造出柔和同舒適既氣氛，而店內深處更設有塌塌米座位，令人仿如置身於日本🇯🇵至於cafe名「一禪」原來除左充滿禪意🎋亦係佢地既理念，「一」既解作為「一份來自自然的豐盛」之外，同時令客人「透過一份素食、一杯咖啡靜觀當下，與天地萬物為一」；「禪」則希望「以一杯咖啡帶領大家專注當下，調和身心」🙂.呢度平日會有個精選午餐menu有四款選擇，價錢同單點一樣但就包左是日餐湯🥣同35蚊內既飲品☕️；而周末同假日就只有單點，相對就無咁抵食🙉另外都想講返呢度只限兩人一檯👯‍♀️，如果3-4人同行就要分檯坐/等候門口個張4人吧檯，座位上既安排未必會太理想，希望café之後可以容許4人一檯啦👩‍👩‍👧‍👧.最後要讚揚既係呢度既服務💁🏻‍♀️，兩次到訪係入座同離座時店員們都表現出友善既一面，會打招呼同講bye bye，加上cafe既食物質素令我地好感受到佢地對製作食物既認真，

今日係九龍城上完堂就搵餐廳點知無意地搵左間素食餐廳ALL DAY BREAKFAST $88大大份早餐，有顧慮，有牛油果，蕃茄仔，麵包，雞蛋等等，食落去都唔錯，清清淡淡，好健康嘅感覺，環境都好清靜，最值得讚賞嘅，員工好有善，會主動推介餐廳最多人點既食物俾我地👍🏻👍🏻👍🏻點餐後大概十分鐘就到達面前👍🏻真係好有效率，而且價錢都係中等，值得一試👍🏻👍🏻👍🏻🌟🌟🌟

第一次搭屯馬線到九龍城走走但真的低估人潮 hahahhaha 二訪九龍城商場內的日式素食店下午3時多仍然要排隊 ☕️ 𝕃𝕒𝕥𝕥𝕖 $𝟜𝟚🍫 ℂ𝕙𝕠𝕔𝕠𝕝𝕒𝕥𝕖 $𝟜𝟘美哭的拉花 上枱時有被驚豔到👍🏼🥒 野菜天婦羅 $𝟞𝟝🥦日式烤野菜咖哩配椰菜花飯 $𝟟𝟠野菜天婦羅滿足到我想食炸物的心今次點了別的 椰菜花飯無咩調味 主要靠咖哩汁 充滿纖維又飽肚的選擇 但沒有上次的青瓜意粉出色🍈 純素蜜瓜忌廉蛋糕 $𝟠𝟝好食的純素蛋糕不多 但這家出品真的值得一試很足料的蜜瓜

媽媽同我都鍾意食素，而我就特別鍾意去d新式d既素食餐廳🍴一禪就係其中一間我bookmark左既餐廳喇💛 有個星期六就帶左媽媽一齊去試下😌 星期六既一禪好旺場啊，我地等左大概半個鐘～講下食左咩啦💁🏽‍♀️➿ 日式烤野菜咖喱配椰菜花飯 ($78)烤野菜有我鍾意既蓮藕😍 仲有車厘茄、翠玉瓜、茄子🍆、薯仔🥔 咖喱汁微辛，撈埋金黃色既椰菜花飯食，不錯吃喔！➿ 照燒汁淮山扒大啡菇堡 配蕃薯條 ($80)呢個so-called burger🍔既機構係由兩舊大啡菇上下包底咁組成～ 天真的mum👩🏻仲用手拎起食，當然唔ok啦，因為大啡菇本身就咁juicy，何況兩舊呢？💦 淮山喺漢堡入面出現實在幾創新，睇個名以為夾住一塊塊淮山，原來唔係，係夾住d淮山蓉，所以口感都幾豐富～ 而厚切既蕃薯條用左烤焗既方法處理，健康d，但係冇脆既效果～/ 近年鍾意左食撻或者整撻🤭 但又驚肥～ 見呢個撻係純素既，雖然定價貴少少，但係抹茶控又點可以錯過呢個撻呢，所以決定要試啊☺️➿ 抹茶撻 ($58)撻皮都幾硬下，食個陣要用少少陰力去整開～ 但係好脆呢，係我鍾意既質感☺️ 抹茶餡味道濃郁，加埋豆腐味cream同木糠碎，成件事好match

屯馬開通真的很興奮🤣令到九龍城既人潮多左唔少😨 想搵既靜靜既角落停低嘆杯茶🍵一禪覺得係一個好選擇🔲 雖然係商場裡面 但店如其名 瀰漫一種禪既意識🌀 木系既裝潢🪵同埋主打Vegan 既料理 營造左一個好Peaceful 既氣氛👍🏻 值得一讚既係食物唔會因為Vegan做法而Compromise 左味道😋⭐️ 伯爵茶黑莓蛋糕 🍰蛋糕底本身比較Dense 但Cream既輕盈平衡得剛剛好😚 完全唔會有某D Vegan 蛋糕食完一口油的感覺😅 伯爵茶味道好突出☕️ 甚至有點搶味 如果黑莓甜度多D中和返就更完美🫐⭐️ 海鹽朱古力曲奇 🍪 Soft Bake既美式曲奇 煙煙韌韌無得輸😜 朱古力有點半融Gooey的感覺🍫 比起美式更勝一籌既係調味唔會過甜🇺🇸 試得出佢嘅心機⭐️ 豆腐焙茶 🤎本身唔係好鍾意飲焙茶😅 但係豆腐加添左一份Creamy既口感😚 加上泡沫既滑令口感更加豐富🥰

今天去了一禪，最初比佢個all day breakfast 別引咗。所以我去到都叫咗份，再加多件素蛋糕（伯雀茶蛋糕），飲品就叫咗杯豆腐綠茶飲。全日早餐方面就不過不失，好健康，食得岀材料好用心，揀得好好，蛋都好滑。最有驚喜就係蛋糕，佢冇平時個啲咁甜，而且有好濃既茶味，忌廉都好輕，一啲都唔肥。豆腐綠茶飲都好正，有好濃既豆腐味，野飲唔苦，而且有綠茶味，好推介。環境好好，好多人當cafe。不過記得18:00前黎，因為18:00要就收啦。

九龍城閒遊，想嘆杯咖啡，剛好看到一禪，就決定坐下嘆返杯。《凍鮮奶咖啡》老公點了最愛的凍Latte ，小店選擇的咖啡豆是偏向微酸味的，飲得出咖啡豆跟連鎖咖啡店的稍有不同。《Golden Milk》我點了黃金牛奶，燕麥奶底配搭不同的香料，造成黃金牛奶，由於加了黑胡椒帶微微的辣香，另外，亦有少少薑香及肉桂，當中亦有夾雜不同香料，每種香料都不會過濃也不會太搶，很有特色《海鹽朱古力曲奇-純素》嘆咖啡下午茶當然要配少少甜食，云云當中點了海鹽朱古力曲奇。不是太甜，是可想像的味道，配襯咖啡剛好。

🍰伯爵茶黑莓蛋糕 (Earl Grey Blackberry Cake) 💰50蛋糕伯爵味濃郁，亦有回甘味，純伯爵cream和伯爵慕絲的部份比較苦澀，黑莓的酸甜則平衡了整體的味道！.素食忌廉一樣幼滑🥰海棉蛋糕亦富有彈性！質感基本上和市面上嘅有蛋奶蛋糕沒什麼分別🤩 厲害👍🏻 其實我還點了抹茶撻的，我下一次再介紹吧(⁎⁍̴̛ᴗ⁍̴̛⁎)